至尊雲吞麵雞煲

Open Now

Now Closed

今日約咗朋友仔去天水圍玩玩之前梗係要食返個早餐醫下肚先啦原來朋友仔住嗰度地下有一間都唔錯嘅茶餐廳睇唔出佢原本係食雞煲 都有做埋早餐時段由於想食得清淡少少，所以叫咗個蕃茄牛肉米粉一上枱已經聞到陣陣嘅蕃茄香味顏色紅卜卜 用料十足蕃茄湯超級濃 滿足晒我呢個蕃茄迷呀米粉吸埋晒啲蕃茄湯汁牛肉煮得好鮮嫩 真係特別好味☺️早餐仲配有幾款配料我就揀咗火腿同埋煎蛋火腿有稍為煎香左加埋脆邊嘅太陽蛋 呢個早餐 好豐富呀再配上一杯好濃滑嘅熱奶茶又係一個Good morning ☺️

今日成早流流、山長水遠長征睇吓環境、實地考察吓呢區😋早餐未食，經過呢間餐廳就入嚟試試個港式嘅All Day Breakfast🤣歐式特色早餐，有太陽蛋同炒蛋🍳、脆卜卜炸雞翼🍖薯餅同烘底牛油多士😋夏日熱辣辣當然要飲埋肥仔水先夠喉🥤環境唔錯但交通真係大問題😚$4x呢區來講算係唔算選擇！不過呢間餐廳出名食雞煲，下次來搵朋友間都會再試下🐥

同🐷先生係濕地e邊行下，去到wetland 見到平時要出去食既至尊雞煲在天水圍都開左鋪。個場好full下, 好在有訂枱。一貫風格，劃紙仔叫火鍋配料，侍應姐姐爽朗勤快，上菜快，而且無錯無漏單。在自助調料吧，有雞煲醬汁，唔夠味可以再加。打邊爐的 蘸醬豉油也是自己調較。佢雞煲未嚟嘅時候嗌住啲小食先，叫咗炸饅頭，配煉奶真係世一呀👍🏻煲底有10款，點左至尊惹味雞煲，勝在無限增加雞件，雞件多汁滑嫩，裡頭有芹菜芫荽洋蔥，十分惹味。辣度有得揀，叫左bb辣，甜甜地幾好味。配料種類多，有50多款。建議加湯前，可以用雞煲醬 炒拌肥牛及豬肉片，十分美味。打邊爐必備的 豬潤鵝腸豬紅，水魷魚牛柏葉雞子應有盡有。各式丸類、蔬菜有粟米萵筍蓮藕冬菇等。推薦鮮蝦雲吞，爽口彈牙好味。芝士竹輪超好味。同時，炸饅頭配煉奶，也不容錯過。外皮酥脆而不油膩飲品：任飲最岩我，有自家製菊花茶, 豆漿, 咖啡, 奶茶, 檸茶及各式汽水。

有一排冇食雞煲,呢日入咗呢間餐廳食雞煲,啲雞好惹味呀啲雞啖啖肉,調味都好濃味～淨係食完呢煲雞都有啲飽喇見到呢度有炸饅頭都叫咗😋😋呢度嘅炸饅頭好好食呀，炸得夠脆，煉奶都俾得夠多。仲可以加湯同叫其他野食，例如肥牛片、墨魚丸、魚皮餃、貢丸、水餃、玉子豆腐、鮮牛肉、娃娃菜、生菜、豆卜、鮮冬菇、蓮藕片、粟米、芝士腸、午餐肉等等…..我叫咗娃娃菜同牛柏葉，份量超級多！啲娃娃菜成個膠盆咁上🤣只係寫咗1都有咁多🤣所以大家叫個陣都就住嚟叫喇◉‿◉

2點鐘入到去冇人帶位自己搵位坐，叫人揮咗好耐手叫唔該都幾次先至有人過嚟佢仲諗住落單，但其實我哋連坐都未坐得低想叫佢執枱先，張枱就咁拎走晒上手食完啲餐具但係就冇抹枱。真係到叫人落單都係叫咗幾次先至有人嚟。嘢食就不過不失，普通茶餐廳都有嘅常餐，40幾50有碗麵另外兩個餸，有包，有飲品。如果想平平哋食一餐晏晝或者下午茶嘅話都可以嘅接受嘅，不過好明顯呢間舖頭真係唔夠夥計，難怪隔籬舖頭排晒長龍呢間唔使排隊。

$200都唔使就可以Chicken Encore 🥳🥳🥳仲要連埋打邊爐, 呢個價錢都唔知可以喺邊度搵, 唔好睇佢價錢咁親民但係環境食材同服務都係一流👏🏻👏🏻👏🏻平時呢個價錢只能二選一但係今次食完雞煲放題又可以食打邊爐放題， 呢度除咗汽水任飲之外佢哋手調飲品都係任飲㗎🥳🥳🥳呢個價錢真係冇得投訴而且又坐得好舒服😌我最估唔到就係佢哋嘅炸饅頭真係好好食😋， 唔怪得知枱枱都有叫到🤪佢哋位置啱啱對症喺天水圍濕地公園輕鐵站咋所以都好方便😉呢個我都會返轉頭下次嗌多啲人一齊去更加開心🥳🥳🥳🥳🥳

奶油豬香港早餐店特色之一，豬仔包外皮好香脆，入面就鬆軟，搽上牛油同煉奶一齊食好邪惡但好滿足😍。吉列豬扒韓國芝士公仔麵估唔到有呢韓國野食🧐個公仔麵本身就幾好食，食落仲有香濃嘅芝士味，塊豬扒香口得嚟入面都唔會好乾🙌🏻五香肉丁公仔麵+ 鍋貼五香肉丁好惹味，令我回憶起細細個同屋企人落茶餐廳食早餐嘅感覺～鍋貼都好食😋煎到好脆口。凍奶茶紅茶香好濃郁，但冇乜苦澀味，有港式奶茶嘅特式，奶同茶調配得啱啱好。

至尊雲吞麵雞煲 • 天水圍前日帶朋友去天水圍玩，玩之前梗係要醫下肚，去左呢間餐廳食，簡簡單單又幾好食wor,介紹俾大家。我地入去光顧嘅時候，侍應無催我地落單，上菜又快，岩曬去附近玩又想搵餐廳醫肚嘅人😋😋..✅ 歐陸特色早餐 🍳 $43叫左呢個歐陸特色早餐，有煎蛋、雞扒、煙肉，材料豐富，雞扒同煙肉煎得幾香。$43個人感覺價錢算便宜，當然亦要睇有咩材料，呢份早餐咁嘅價錢但份量夠多，朋友仔來到可值得一試😙

今日天氣很好，與家人一齊去濕地公園行行，約了在輕鐵站等，見對面有間［至尊雲吞麵雞煲］，早上有早餐供應，於是食個早餐充充電。餐廳地方闊落，乾淨企理，早餐款式很多，我選擇了一個特別的:豬肉鍋貼米線配煙肉雙蛋豬肉鍋貼，底部煎至金黃酥脆，內餡飽滿，肉質鮮嫩惹味，不用沾醬也十分美味。煙肉煎得香脆，唔覺得油膩，太陽蛋煎得啱啱好，蛋黃仍然流心，與鹹香的煙肉非常匹配，加上一杯香濃幼滑的咖啡，令我精力充沛。火鍋時段雞煲嘅雞任加，火鍋配料種類很多，而且仼叫任食，價錢合理，有時間一定會再來試試。

作為專食雞煲嘅地方，可以話真係超級難食，d雞勁鞋，走過油先煮，面頭成層粉，食到一口都係粉，但d雞肉就完全唔入味，個汁死鹹，汁還汁，雞還雞，完全食唔到係咩雞煲。食過元朗同屯門分店，都幾好食，又幾抵食，天水圍呢間星期一至四$178，星期五六日$188，仲要收埋加一，即係閒日都要成$200一位，但係就食d咁嘅質素嘅雞煲，失望至極。真心求其搵間酒樓嘅雞煲都好食過佢，食咗兩三舊雞，已經頂唔順要加湯，寧願煮林d雞先再食。

食到成肚氣，冇下次4個人去食，2個長輩冇得食 之前2個人去食，就食一個鍋。今日4個人去食，職員話4個人只可以食一個鍋，又沒有鴛鴦鍋提供選擇。但長輩係完全不能食辣，所以要求分兩個鍋，職員態度極差話：「如果要兩個鍋，請你哋分開坐」仲要係分到勁遠。完全唔理解呢間餐廳係咩概念，兩個人可以去食一個鍋，但係如果你係四個人而又認識就冇得要求食兩個鍋。有諗過，究竟會唔會係驚你用晒佢啲Gas？無從探究。最後兩位長輩走咗冇食

係雞煲火鍋店食下午茶係咩玩法😂一間日頭食茶餐，夜晚食雞煲既餐廳🤣去到天水圍人生地不熟咁，都係是但揀就揀左佢🙈中午時間有茶餐，選擇都算多，價錢正常。我見晚市既火鍋任食，性價比都幾好，食料選擇都好多。可惜做完野就走，唔係可以食埋～叫左個蕃茄鮑片火腿湯意粉、菠蘿包、炒滑蛋，都好耐冇正正經經食個晏，平時lunch time唔係訓教就杯麵😂今日去到咁遠做野就冇時間補眠，反而有時間食個lunch ～菠蘿包唔錯，夠鬆軟，個菠蘿皮又夠酥脆👍🏻湯意粉既料都夠多，蕃茄湯酸酸地夠開胃🌟滑蛋係幾夠滑既👍🏻

至尊雲吞麵雞煲 (天水圍)今日放工同朋友仔去咗天水圍一間惹味嘅雞煲店🐥🐥🐥位於喺天水圍濕地公園旁邊🧡小店新淨 職員服務良好😆▪$178 雞煲任食+打邊爐！😚😚😚店員首先會準備一煲非常惹味嘅雞煲 可以根據自己食辣嘅程度去選擇😄🌸雞肉嫩滑🤭食完雞煲之後可以再叫職員安排加湯 轉為打邊爐 🍲真係好豐富又抵食✌🏼😋有成30款食物可以選擇！仲有係必叫嘅炸饅頭 非常之好味🥰另外飲品亦都係任叫任飲🥰包括有可樂檸檬茶汽水忌廉等等🤣🤣食物：🌕🌕🌕🌗🌑價錢： 🌕🌕🌕🌗🌑回頭指數 ：🌕🌕🌕🌗🌑📍天水圍濕地公園路1號Wetland Seasons Bay地下8B號舖

嗰日去完濕地公園喺附近搵嘢食估唔到呢間又平又抵食環境乾淨企理 服務員有禮 $46食到雞扒面仲有凍檸茶認真唔錯韓國芝士麵湯底，超級濃郁d麵唔會太淋 雞扒嫩滑 個皮煎得香脆 個餐仲可免費有3隻鍋貼鍋貼個皮唔算厚 還ok我一個人差啲食唔晒😝整體評分:味道: 4.5/5環境: 5/5服務: 5/5抵食: 4/5至尊雲吞麵雞煲. (wetland Seasons Bay)新界天水南濕地公園路1號Wetland Seasons Bay地 下8B號舖

夏日有什麼比吃個雞煲放題爽屋企樓下最近開咗至尊雲吞麵雞煲，一到夜晚長期爆滿，今日又去試下佢，餐廳環境闊落，座位間唔會太迫，湯底選擇多有至尊惹味雞煲、酸菜魚煲、椰子雞煲、藥膳雞湯煲、濃汁蘿蔔牛腩煲等等 ，不過大部份都係叫雞煲設有自助調料吧，而且乾淨企理，有齊豉油、蔥、辣椒粒、蒜蓉、乾蒜和幾款醬料，價錢非常相宜，星期一至四$178位/2小時，星期五至日$188位/2小時🤭雞煲偏乾身，麻香味重，足足叫咗兩三轉，食夠雞煲就可以劃紙仔打邊爐，都幾多選擇鮮牛肉、鮮蝦雲吞、韭菜餃、芝士竹輪都唔錯選擇～估唔到仲有炸饅頭食😋📍至尊雲吞麵雞煲天水圍濕地公園路1號Wetland Seasons Bay地下8B號舖