臺樓 (Closed)

還咗車落雨，唯有係商場裏面搵食。入咗呢間屋邨茶餐廳，有小菜有火鍋，做完運動好肚餓，就叫咗個二人餐。茶餐廳環境一般，我坐嗰張凳上面有好多堂。二人餐都幾多嘢食，啲餸比較偏油同多醬汁....花雕醉雞翼 - 皮同肉都好爽口好香花雕味，都唔錯。粟米魚肚羹 - 三個人食每人都分到一碗，而且味道唔錯，同埋魚肚嘅份量都唔少，幾好。沙拉焗豬扒 - 唔覺係焗豬扒，沙律醬係用千島醬。舊豬扒醃得幾好食，不過唔知係咪用太多梳打粉，有啲過分地淋，成舊豬扒都係醬，好漏。西蘭花炒鮮油，份量都幾多，d油偏多....我都知出街食飯好難避免嘅....食食吓個西蘭花，「櫈」到條菜蟲出嚟。仲有紅豆沙送，冇起沙但味道還可以.....

同男朋友3點幾有d餓，又唔想食太多，於是入去食下午茶。叫左個迷你熱狗配沙律。其實佢個熱狗唔算迷你😂都幾大個。熱狗入面有蕃茄、青瓜、生菜同沙律醬。其實味道上是不錯。再配上一個雜果沙律，沙律中有菠蘿、水密桃、椰果等，味道不錯。另外我加10元叫了一杯珍珠奶茶，奶茶味不錯，不過個人認為他的味道不夠濃，珍珠的顏色亦有點奇怪😥。所以下次不會再叫。男朋友則叫了一碗擔擔麵。味道奇怪，麵的質地亦很奇怪，像浸了很耐水的麵.. 下次不會再食擔擔麵。

優閒的星期六，又係尋找沙嗲牛肉麵的時候，好多茶記都必有沙嗲牛麵，但有好多都味道一般甚至難食...而好食的太多人去要排隊（雖然明白食好野要付出)，但呢一刻我只想優閒hea下食個麵咋.....途經太和，見到呢間茶記，有常餐沙嗲牛，即入去試下了。 普通茶記格局，燈光較暗，有電視睇呀。 臺樓常餐，$43，有腿奄列伴牛油方包、沙嗲牛肉麵、咖啡/茶。 熱咖啡，茶記咖啡，正常水準。 火腿奄列伴牛油方包，有好多火腿。 沙嗲牛肉麵，沙嗲湯底尚算濃郁，牛肉份量適中，口感夠腍，都不俗呀。 常餐價格正常，尚算幾好的沙嗲牛肉麵呀。

食物質素越嚟越差，只因為領展商場冇乜選擇所以先焗住要食。早餐嘅沙爹牛肉麵油膩到不行，成層油喺上面，夾件牛肉上嚟，件牛肉令立立令到反光 ，我經常因為太溜而食唔曬碗麵。 其實呢間餐廳煮嘅其他嘢都係好油膩，份餐肉炒蛋食完都仲有成寸厚嘅油喺碟上面。 佢哋好似買油唔使錢咁。 員工嘅服務態度 一半一半，有幾個幾好，但新請返嚟嗰啲相麻麻， 講曬唔該請佢過嚟落單都要黑我面，好似唔知得罪佢啲咩咁。 但反個收銀姐姐幾好人， 我有一次唔記得帶銀包畀錢， 我本來仲想用啲乜嘢嚟做抵押，佢話咩都唔洗，快啲去攞錢就得🤣其實抵食程度我係連一粒聲都唔想畀的。 

服務態度奇差， 食物十分油膩， 吃完之後會好渴，飲品還好（至少價錢合理），但不推薦去吃，外賣要等很久，場地還算乾淨 ，其實這間店鋪一開始還是可以的， 但現在服務態度每況越下， 以上種種讓我感到失望， 身為一個大埔人， 也不會去吃， 就算m記都比    這個好多， 至少服務態度， 價錢， 食物的味道都比較好或合理。                     

啲肉太多油炸，員工服務差差差，啲水蛋一個個洞又難入口，價錢又不便宜。這間是太和站最差的餐厅，鄰近有正記及銀龙餐方，味道及服務態度皆一流，價錢又公道，我是消費者，反正要比錢，更應小心選擇健康美食。

食物質素越嚟越差，只因為領展商場冇乜選擇所以先焗住要食。早餐嘅沙爹牛肉麵油膩到不行，成層油喺上面，夾件牛肉上嚟，件牛肉令立立令到反光 ，我經常因為太溜而食唔曬碗麵。 其實呢間餐廳煮嘅其他嘢都係好油膩，份餐肉炒蛋食完都仲有成寸厚嘅油喺碟上面。 佢哋好似買油唔使錢咁。 員工嘅服務態度 一半一半，有幾個幾好，但新請返嚟嗰啲相麻麻， 講曬唔該請佢過嚟落單都要黑我面，好似唔知得罪佢啲咩咁。 但反個收銀姐姐幾好人， 我有一次唔記得帶銀包畀錢， 我本來仲想用啲乜嘢嚟做抵押，佢話咩都唔洗，快啲去攞錢就得🤣其實抵食程度我係連一粒聲都唔想畀的。

現在的服務態度越來越差，由其是年資耐的員工，每次向她提出意見，如飯不熱，她的回應都很敷衍，只說你不喜歡，唯有再弄熱給你吧! 很離譜的是這間餐廳連外賣紙柸都要收一元....

一個人去食一個午餐$42 回鍋腩片飯。整個只有3塊肉走單 湯沒來 要三催四請對面那位婆婆等個肉餅飯等了差不多40分鐘(一直出去催單) 說什麽剛賣光要重新蒸2個字 垃圾。。。。。。

叫左杯珍珠奶茶，珍珠好大粒，但支飲管根本就太幼，每次飲都塞住d珍珠，每次都啜吾到，已經吾係一次半次，同職員講佢竟然話最粗係呢隻，有冇搞錯?我未試過飲珍珠奶茶飲管吾岩size,難道臺樓之前冇試過岩吾岩既咩?連這些基本小事也做不好，好極有限。

我唔會再去間咁既餐廳，由我第一年去到依家，貴左好多，服務態度又差，野食又細份左，去到門口都未行到入去就叫我地叫定野食，睇死你一定會入去咁，咁就比人拉左入去。上菜時間耐，野食又唔係特別好味，咁就收你$38(學生價)，唔係學生仲要$48，野飲另外收費，但係佢本身係$30，兩年升足$8。上錯餐，落錯單經常有，冇咩問題，但係佢地話冇聽錯先慘，我望住張單寫到明係麵，你比碟飯我，比埋你睇啦，你都話冇上錯，仲話冇所謂啦，都食得既，得曬。之後話取消張單，態度即刻唔同曬，又話幫你換過份又話可能睇錯左，想好聲好氣咁講係唔得既。

環境是半高級，門面是台灣菜格局，再睇餐牌卻是聯合國，中式、日本拉麵、台灣...乜都有d。老實講平時呢類餐牌，十居其九唔好食，樣樣有d會變成四不像，乜都做得唔好，估唔到又有驚喜喎。今次叫左豬扒炒公仔麵和豬扒肉燥飯，雖然大家都是豬扒，但是完全是兩種不同的豬扒，肉燥飯的豬扒是上海排骨（即我們叫開的豬扒），而炒公仔麵的是平時食開果種，肉燥一點都唔油膩，掂！炒公仔麵亦乾身，不太乾亦不油，正！但是個伴餐小食炸蝦手指，就差少少了，味道好淡。最驚喜是杯咖啡，奶味濃果種，呢間真係值得再去！

一人的下午茶，想放任自己，唔理爆瘡風險，就係想食想食煎炸野!見到個沙律餐竟然可轉法蘭西多士，就去馬吧。揀左生炸雞脾餐，拼西多士。好大份，兩樣野都炸得好靚。隻雞脾大大隻，好夠味，仲要個皮好脆，啲雞脾肉又好嫩。個西多士，中間夾左粗粒花生醬，好香口又好咬口，正! 曾經去某大型快餐店，個西多士係得一層，即係炸厚方包，仲要係一次炸定一大批，真係難食到呢!!! 所以食西多都係去返茶仔食好，有夾芯又即炸，係咪咁話先?$32大大份下午茶餐，足矣!

下午茶時段，我鍾意食呢度既鑊氣小炒可以加錢飲紅/綠茶、蘆薈或珍珠系列飲品。款款都好飲，但下午茶我一般會揀回魂啡呢度既係即磨咖啡，質素高，又香又好飲，睇下啲泡沫幾豐富：牛河係即炒，並唔係炒起一大鑊再保溫，鑊氣十足，一上枱就聞到好香，而且牛肉夠滑夠大舊，絕對足料

擔擔麵炸雞翼擔擔面材料幾足，賣相不俗，夠熱，好好味！豬肋骨是啡啡的，吃起來腴香夠味，外脆內軟，香味剛剛好，味道豐富。砵仔蒸雞質素不錯，看似肥膩， 吃下沒這肥膩的感覺， 整體而言水準之作！