Video
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
酸辣米線我一向都喜歡，但一向食開x仔，x哥都有點悶，經過一間寫明食酸辣米線，就入去試下！自己入去自己坐底都冇人招呼過我，我吾係大爺要招呼，但見店員都吾忙，自己睇完嗌order先遲遲慢慢咁行嚟，嚟到又一句都冇講野，係問下我食咩個句都冇，我自己講豬潤酸辣少米線，同凍蜜茶。點知她黑口黑面咁話咁幾辣丫，態度咁都得，我都冇得罪你，最後我答左句少辣，她就走左！碗面問心吾及x仔同x哥好食，少辣真係冇點辣咁，面頭嘅炸菜花生好多，豬潤都幾爽，味道吾差，但咁嘅態度，到俾錢個個店員又係，只係講左句35蚊，收錢多謝都冇句，吾會再光顧！
continue reading
是日土瓜灣之旅,找到臻味豬扒酸辣米線,咁有緣就試一下至於臻呢個字,真係唔知點解,GOOGLE過後知道應該都係類似好正之類既意思個店名話你知,黎依度點都係叫豬扒米線穩陣湯底中等麻辣,不會太過份,即係有幾條友係舌頭跳舞既FEEL,但咸度好低,整體沒有肉香,好淡口.豬扒雖幾稔身,但係調味略為單調.整體味道無咩性格,而且湯頭真係過淡了.連豬腸都無味的.不過值得一讚是服務態度良好
continue reading
之前試過食中辣，完全冇料到。而且有啲淡。 今次食大辣，反而幾好味，不過其實都唔算太辣，係好麻囉，所以如果食得辣嘅建議食大辣。 不過個湯底依然係比較淡，出色嘅只係個豬扒同個麻辣汁。
continue reading
友人住這區，也是米線常客，十分推薦此店，今晚與幾個好友相聚，就特地來試試。一行五人，掛住傾，差Ｄ唔記得影相。所以只有影自己個份，近來有個習慣，都會問下鋪有乜有名菜式，o岩食就會試個樣。朋友推薦韭菜餃米線，因為我都嗜食，就點呢樣。老實說，呢間算做得唔錯，皮厚薄適中，最喜歡滿滿口感的韭菜，並非個種菜肉參半的餃子，沒有太多調味，但對於我這種嗜韭菜的人來說就最好不過。米線點了小辣，但酸味最後蓋過辣味，稍嫌未夠醒胃～友人口痕，追加了兩個小菜，蠔餅和麻香海哲雞絲。蠔餅並非傳統個種，裡面有其他海鮮，貪得意可以一試。兩道小菜而言，比較喜歡麻香海哲雞絲，雖然麻味再次稍嫌不足，但勝在酸菜夠醒胃。兩碟小菜都被我們徹底消滅。
continue reading