興城潮州粥 (Cheung Chau)

趁住週末，帶咗一家大細去長洲宿營，順便睇下有咩隱世美食放低行李後我們便四周逛逛，啱啱轉入咗興隆正街就比一個街招吸引住，上面寫住龍躉魚粥，而且我發覺佢仲有得拼海鮮，於是我就同屋企人講今晚就喺度食海鮮粥一行8人步入，環顧四周估計佢應該係家庭式小店，地方尚算清潔乾淨，然後我哋睇吓餐牌，發覺選擇並唔係太多，但係既然都坐入嚟，咁就唔理咁多嗌咗個蟹粥先，然後嗌咗個龍躉魚蝦粥，潮州腩肉，炸饅頭，菜脯蛋同埋雲耳拼海帶。。。。蟹粥一窩先上，料都唔錯，足一隻水蟹不過較細隻，驚喜在原來佢係潮州粥底，仲要加咗冬菜芹菜，真係幾正宗嘅潮州口味又鮮甜，食食吓個魚蟹粥就上場，唔食尤自可，一食就比落去，嗰種鮮甜蟹粥係追唔到，龍躉魚仲要起咗片去骨，加埋鮮蝦真係甜到痺，食完佢再食返個蟹粥，個蟹粥係冇味嘅，呢個龍躉魚蝦粥勁正，必食!然後其他菜色陸續上枱，腩肉夠香但偏鹹，用嚟送粥一流。。雲耳拼海帶用上麻辣醬調味，少少辣唔搶喉，食咗開胃醒神。。我本身不太好菜脯煎蛋，但媽咪一食就兩眼發光，佢話老闆用嘅菜脯係潮州菜脯，蛋亦都很香，佢食落去搵到當年我婆婆煮畀佢食嘅味道，

Read full review

趁住週末，帶咗一家大細去長洲宿營，順便睇下有咩隱世美食

放低行李後我們便四周逛逛，啱啱轉入咗興隆正街就比一個街招吸引住，上面寫住龍躉魚粥，而且我發覺佢仲有得拼海鮮，於是我就同屋企人講今晚就喺度食海鮮粥

一行8人步入，環顧四周估計佢應該係家庭式小店，地方尚算清潔乾淨，然後我哋睇吓餐牌，發覺選擇並唔係太多，但係既然都坐入嚟，咁就唔理咁多嗌咗個蟹粥先，然後嗌咗個龍躉魚蝦粥，潮州腩肉，炸饅頭，菜脯蛋同埋雲耳拼海帶。。。。

蟹粥一窩先上，料都唔錯，足一隻水蟹不過較細隻，驚喜在原來佢係潮州粥底，仲要加咗冬菜芹菜，真係幾正宗嘅潮州口味又鮮甜，食食吓個魚蟹粥就上場，唔食尤自可，一食就比落去，嗰種鮮甜蟹粥係追唔到，龍躉魚仲要起咗片去骨，加埋鮮蝦真係甜到痺，食完佢再食返個蟹粥，個蟹粥係冇味嘅，呢個龍躉魚蝦粥勁正，必食!

然後其他菜色陸續上枱，腩肉夠香但偏鹹，用嚟送粥一流。。
雲耳拼海帶用上麻辣醬調味，少少辣唔搶喉，食咗開胃醒神。。
我本身不太好菜脯煎蛋，但媽咪一食就兩眼發光，佢話老闆用嘅菜脯係潮州菜脯，蛋亦都很香，佢食落去搵到當年我婆婆煮畀佢食嘅味道，佢好感動亦都好開心，成個菜脯煎蛋五秒ko，奈何我們之前已吃了很多東西，佢實在食唔落第二碟菜脯煎蛋，所以佢只好問阿老闆啲菜脯係邊度買，一開口就發個老闆原來係潮州人，然後佢哋兩個用咗啲外星語言交談，老闆話畀佢聽啲菜脯係佢係潮州帶落嚟，自己曬嘅出面冇得買，我媽咪聽咗之後勁失望，咁我同佢講下次再幫襯過囉

就係咁我哋食咗一個充滿回憶嘅晚餐，成餐晚飯好有家嘅感覺，仲要係五百幾蚊埋單，抵到爛!

到咗第二朝我哋去咗踩單車，到下午三點幾先至搭船出返市區，臨上船之前我媽咪都要去返間舖頭度買兩個菜脯煎蛋走，可見佢對呢個菜脯煎蛋係幾咁讚賞，見到佢咁開心，我都覺得好安慰