興隆泰國美食

Open Now

Now Closed

我雖然好喜歡食泰菜,亦都會不停地食一間試一間,今次我搵到新感覺,搵到新對象喇第一次*之前經過這間興隆,都見到好多人,今次唔食住,下次我要試下先~第二次**我在等位既時候,由於本人太肚餓既關係,都係唔等,去左我間飯堂........!!第三次***我原來記錯店名,又唔想四圍搵,咁就試下興隆喇,今次唔洗等位~生蝦一碟大約有10隻,我食左8隻,生蝦算不上大隻,中等身型,配上生蒜連自家制醬汁,真係好好味,蝦肉鮮味,醬汁夠過癮~咖哩(豬肉)落單前要求咖哩唔辣.呀靚姐話:我地d咖哩全部都唔辣架~嘩~個賣相好得喎!!d咖哩雖然唔辣,但係內裹隱藏住一種好好好既味道,反而豬肉變了配角,咖哩汁好香帶甜,仲有一點剛剛炒熟既蛋醬,配飯沾蒜容包真係一絕~蒜容包一客有6件,勁香蒜容味,每一個角落都有蒜容和牛油既香味,一定要襯熱食!!當蒜容包遇上咖哩汁既時候.............!!還要大口大口送入咀裡爽爽爽海鮮炒飯個賣相好似清淡狙dd喎!!食完第一啖之後,我對眼係錯既,跟本就好夠味夠鑊氣之餘,粒粒飯都好香口,有蝦,青口,魷魚都幾新鮮!!沙爹豬/雞/雞亦(最少3串)講真雞亦跟本就唔重要,最重要係個沙爹汁,好香好

平時食開黃珍珍，有人介紹去呢間，主要係平！五個人點咗以下招牌菜：咖哩炒蟹（１３８包蒜蓉包）：唔錯，佢哋標榜啲蟹有膏，蒜蓉包好脆好香馬拉盞炒通菜：一般水準青木瓜沙律：味道可以但賣相麻麻炸蝦餅：超正！可以講係食過最好既蝦餅，真係食到蝦味同見到蝦肉泰式金邊粉：太甜，細碟，唔推薦。冬蔭功海鮮湯：有水準燒烏頭：個調料較得好正！埋單４００蚊但地方好細兼且好簡陋，要食環境既就無謂去。都係食完就走嗰隻。

星期日晚七點路經九龍城, 吾知食咩好, 在城南道附近望見這家小店, 門面好簡陋, 有啲排檔feel, 但見入面有位, 就試下啦. 坐低睇下餐牌, 好簡單, 都係傳統泰式食店嗰啲, 二人就點咗泰式炒通菜, 乾炒豬肉河, 炒蟶子同後加魚旦湯河.小店好細, 廚房幾乎係開放式, 望見啲油煙幾勁, 出菜好快, 話咁快就先黎碟炒通菜, 好香好夠鑊氣, 味道同係泰國食幾乎一樣.碟蟶子亦好快上桌, 份量吾少, 最重要係夠新鮮, 炒得剛好沒有過老, 本來係用辣椒膏炒, 但我吾食得辣, 走辣用咗香葉炒, 一樣惹味!碟炒河就油少少, 下次想試下佢啲炒飯. 最後覺得吾夠就加多個魚旦河, 清清地都吾錯.叫咗四樣野加埋都係百幾蚊, 都好經濟抵食.見其他食客點的明爐魚, 生菜包, 炒芥蘭, 咖喱同蒜蓉包等啲賣相都相當不俗, 最重要係樣樣即叫即整, 新鮮熱辣, 已經諗緊幾時會再黎.後記:　店內有個阿姐幾惡下，同佢講走辣即黑面，後加碗魚旦粉又黑面(因為佢一早計好晒我地張單, 無諗過我地會加多碗粉), 有個客無散紙又黑面, 不過我地旨在食野啫, 話之佢啦.

有一晚去到九龍城搵野食, 偶然行過呢間泰國菜館, 於是毅然入去試下.其實今次係第二次幫襯, 今次至黎寫食評, 但得出黎結果都係 “抵食又好食”由於兩個人點唔到好多野, 因為怕食唔哂~1.串燒. (因為我唔食牛, 所以點左雞同豬, 好入味, 個沙嗲汁好好味)2.乾炒泰式海鮮河 (一D 都唔油, 讚!)3.無骨鳯爪 (個亞姐好好呀, 佢話怕辣D汁可以分開上, D鳯爪好新鮮)4.椰菜苗 (正!!!好爽口,上次用豆醬今次蒜蓉一樣好食!)雖然係一間無乜裝修0既小舖, 但服務同食物都好, 所以覺得有誠意, 要支持下~點完菜後見到隔離枱叫左個炸蝦餅, 個樣炸得好靚同厚身,(就係樓上個位朋友影果張相) 下次一定要試下.

好驚訝同開心寫到第一個食評~同事話想食泰菜，夜晚十點幾去到見佢坐滿人，好正咁，一於入去試下~咖哩蟹：$128送蒜蓉包，抵，味道合格有突，i like生菜包：幾正，少少辣，同事最愛食左2客生蝦剌身：四十幾蚊11隻，幾多，ok 啦炸蝦餅：外脆內軟，彈牙，夠厚，必試燒鰂魚：香、滑，唔錯馬拉盞抄通菜：標準口味，食得過炒蜆：好大隻，食得出新鮮貨，但五十蚊唔算勁抵，味道辣啲好食啲總括而言，呢門餐廳俾我地一行四人怒吃咁多嘢，先收四百五蚊，真係幾抵，招呼嗰位阿鈴姐仲俾咗張卡片我，話下次想試啲咩特別泰菜，可事先order，over menu，服務態度抵讚，下次必試芒果炸魚