舊果香林豆腐花

Open Now

Now Closed

依間豆腐花 位於大埔墟街市附近長期都門口有人龍店員好多好快手 所以等候時間都好快推薦：桂花冰糖豆花&薑汁豆花勝在糖水 真系有桂花同濃郁薑汁味絕對唔系一味死甜豆腐花都好滑溜而且價錢都幾抵 $8一碗大家到大埔 不妨一試

🇭🇰#香港捐窿捐罅記 大埔另一家出名既豆腐花店 佢同前一個post果間相比 係比較新派既 會有一d比較特別既豆腐花🥛 例如 花奶豆腐花🥛 薑汁豆腐花🥨 杏仁豆腐花🤤等等 聽閒以前仲有一個花生豆腐花🥜都好正 不過我果日去就冇賣😗 睇下同傳統比有咩唔同😏-🌑芝麻糊豆腐花（$10）有少少失策 應該叫熱既😅凍既芝麻糊好杰☹️有少少起渣豆花都滑既 但就冇亞婆咁出色🥛豆味亦都冇咁出色😗不過都above Average 可以一試🥛花奶豆腐花（$10）花奶叫凍先係正確既😂微甜🤤 食落去同豆腐花好合配👍比啱啱個芝麻糊好🤤花奶令豆腐花入口更滑🙋🏻‍♂️總結一下 係食得過既 如果唔中意傳統豆腐花-🎈大埔大埔墟大明里22號龍騰閣地下-平均傷害：$10好味值：5.5/10

今日入黎大埔食完飯，好似仲爭d野咁🤨，之前幾次行過見到呢間豆腐花舖都見到好多人排隊，就試下啦😋望完個牌之後就揀左熱嘅薑汁豆腐花，都係$8，即刻坐埋一邊試下先，加左d黃糖，仍然食到好清香嘅薑味，豆腐花好滑，豆味都幾濃，好滿足，喜歡中式甜品嘅我下次都會再黎試埋其他味😌

大埔來講都幾多地方食豆腐花，除左好出名既呀婆豆腐花之外，我諗就不得不提到呢間豆腐花，其實鋪名就係豆腐花🤪🤪🤪。今日同女朋友（介紹大家識佢就係—公主菜👸🏿，一睇圖就知佢黑左😂😂，想知點解pm我）一齊做完gym，身水身汗，魔鬼👹上身，突然想食甜品，今日既運動量就冇晒了。身為大埔友我確確實實就經過左呢間鋪頭好多次，而今次就真係第一次食。人地賣豆腐花就得凍同熱或者甜同鹹，但呢度就有好多款，佢又桂花、紅豆、綠豆、芝麻、花奶⋯⋯好多款，我同👸🏿就一人叫左一碗，我地企係鋪頭門口一啖一啖就食左呢碗豆腐花，呢間鋪有堂食既，不過只係門口提供一啲膠櫈，比大家坐下甘，就冇枱冇冷氣甘坐底食既。今日掛住一號風球，突別大風，係街邊食住碗凍冰冰既豆腐花，真係爽，都幾有風味，這就是生活，就是態度，我是偽文青。😛😛😛我叫左綠豆豆腐花，公主菜就叫左花奶豆奶花，綠豆係煲到起沙，配合凍冰冰嘅豆腐花，又滑又沙，雙重質感，兩種享受；而另一碗係花奶豆奶花，我個人而言就係第一次聽，而公主菜好中意食花奶既，所以叫左呢碗比較創意既 - 花奶豆腐花，我都食左幾啖，又真係真係不錯，同埋超級滑，好就吞左落喉嚨，相信花奶應該調配過，有啲清甜，兩款

呢間啲豆腐花真係堅抵食，有好多種類，食過勁多次，佢有芝麻糊豆花，綠豆沙豆花，花奶豆花，合桃糊豆花，另外仲有豆漿。超平！ 只需要10蚊碗咋！我次次都食我最愛嘅花奶豆花，老公就試唔同味。花奶豆花因爲加左花奶，所以好滑，有花奶帶出個豆味，好香，唔落糖都唔覺得淡，有微甜，唔食太甜嘅朋友都唔洗加糖水。 佢有得揀冰糖水同薑糖水，仲可以自己加黃糖👍🏻好自助。另外佢有得揀堂食同外賣，外賣要加一蚊，堂食就比個碗你 坐係旁邊膠椅，食完比返個碗佢，夠哂地道。而加外面啲糖水好貴又細份，我覺得呢間真係良心小店👍🏻會繼續支持！

嚴寒天氣下，食飽飽再整個熱辣辣糖水就perfect啦!今次食黑白豆腐花，即係芝麻糊加豆腐花，豆腐花豆香，又夠滑，個人覺得好食過隔離街好出名個間，$10一碗，雖然芝麻糊唔多，但咁樣先食到豆腐花個香味架嘛

話說個日食完日式野。行開見到豆腐花店，口痕決定幫襯下呢間豆漿花同隔離間好出名個間唔同，款式多，冷熱都有，仲有豆漿其實呢間都好多年歷史，舊名叫做果香林，不過後來搬左先改左名。但味道依舊。咁多碗都係$8！黃糖自落，好好味超有豆味仲好滑！個人覺得好食過隔離街好出名個間，所以黎親我都會幫襯呢間現場即食仲要有雞公碗，好懷舊（後面有一堆人買緊，好受歡迎！）臨走買多支微糖豆漿，又大支又好飲！唔會好甜，豆味充足！

黎親大埔食飯，幾飽都好都一定要食返碗豆腐花先走。我必點凍杏仁糊豆腐花，家人就鍾意熱薏米銀杏豆腐花。豆花夠滑，杏仁糊甜甜地，撈埋食ichiban~$10一大碗，企喺街邊食仲有風味。

食完大埔附近不太滿意既燒味瀨粉... 肚子唔算飽，又有藉口食甜品啦！大埔地膽話婆婆果間太多人，其實呢間望落好普通 名字毫無特色既豆腐花都好穩定好抵食！後：熱豆花，雖然豆味唔重，但好滑嘟嘟，熱熱地食好正，最重要係咁大碗都唔洗10蚊，抵！前：薏米白果腐竹豆花，咁多野都係10蚊碗咋（定10蚊多DD咋），而且D豆花係好實在既一大碗，唔會好似出面D甜品店咁輕飄飄中間一大堆糖水。我叫左碗凍既，姐姐即時係雪櫃成碗攞出黎，原來D豆花係一碗碗雪好左！再因應我叫既款式加番D腐竹薏米既'topping'，哈哈又快又好味！總算令我呢晚既飲食劃上完整既句號！見到小店夜晚生意咁好，個個都買碗就咁企係街邊食，好有舊香港既風味～

2017.04.14 😊講起大埔的名物豆腐花大家想必都係會諗到呀婆吧但其實大埔的豆花就唔係淨係得呀婆一檔既比較起來我較為喜歡大明里既啲檔😃這裡沒有明星效應 沒有磚瓦遮風擋雨只有門口的幾張膠椅子卻吸引左唔少區內的搵食一族黎幫👨‍👩‍👧‍👦小店買的唔止有豆花 仲有豆漿 及腐乳小妹是個忠實的粉絲 當然係3樣都有試過啦薏米白果豆腐花 $10店舖堅持賣豆香濃 口感滑的豆花我已經幫襯左好幾年了😋而我大愛的口味就係薏米同花奶薏米白果 加上滑不溜口的豆腐花🍨有少少咬口 清清甜甜 食左好清涼P.S. 如果你唔怕大熱天食碗熱豆腐花你就會愛上佢 比起凍食更加滑口豆腐花 💌大埔墟大明里22號龍騰閣地下

今日食完一樂燒鵝就去埋街尾食碗豆腐花先走。呢度只有堂食，買完係街搵個位企係度食。豆花有冰糖、薑汁、鹹味、花奶、花生。我試過冰糖同薑汁，比較之下，冰糖果種清甜更合心意。冰糖豆腐花是淋上冰糖的糖水，替代平時的普通糖水。但之後還是可以加上黃糖粉之類。至於薑汁，會有少少薑的辛辣，但都很夾味，冬天在街邊吃都覺得好暖笠笠。豆腐花本身黃豆味唔濃，撈埋薑汁等等濃味糖水，更加係唔覺有豆香。但呢個豆腐花真係好滑，$8/碗好抵食

踩單車入到大埔墟，當然要食碗豆腐花啦。由大埔區既朋友帶路，表示最出名既xx豆腐花其實唔算係最好味，帶左我地過黎大明里呢邊。一個小舖位，無枱，得幾張櫈，但都有幾多人排隊，同幾多人拎住碗豆花就咁係街食。豆腐花有好多選擇，基本上溝大部分既中式糖水都有，我就選擇左最原始既桂花冰糖豆腐花。豆腐花滑溜，豆味香濃。黃糖、薑糖等等都係自己加既，中意幾多就落幾多。不過唔知加完黃糖之後，桂花味就食唔係好到。熱豆花幾大碗，食完都好飽肚，好滿足。

本來想試「阿婆豆腐花」，但因為夜左所以關左鋪，甘又好想食豆腐花清下熱，稔起朋友講過呢間「豆腐花」亦唔錯，所以就行左過黎。黎到鋪頭，甘岩有幾個人排緊隊，甘就邊等邊睇下食邊隻豆腐花好。佢有差唔多十款豆腐花任君選擇，連咸醬油豆腐花都有，仲見到佢有腐乳賣添。豆腐花每碗8蚊，可以堂食，即係坐在店外面的露天雅座(無枱)，幾有風味。以8蚊呢個價錢，真係超級抵食。而呢晚我就外賣(加1蚊)9蚊。叫左個「(凍) 桂花冰糖豆腐花」外賣，老闆娘仲問要唔要紅糖，甘嗜甜的我當然請佢落埋。返到屋企d紅糖已經溶左甘仲好。好香桂花味，亦好有冰糖的清甜，仲有絲絲紅糖味。豆腐花口感係比較實在，唔係好軟滑果種，而豆味唔算好濃，而桂花香亦搶左少少豆味，而以10蚊都唔洗的價錢，整體仍然係令人滿意。

大埔有一間很好評的豆腐花店，今日經同事介紹，試了另一間，因為同事住在大埔的朋友都說這一間比較好，所以一試。 我滿是興奮，因為有很多選擇~~ 味道實在很多，我喜歡芝麻，但我又想試一下薏米...結果最後選了薏米。 薏米很有益，特別對女士很好，有利水消腫、健脾去濕、舒筋除痺、清熱排膿等功效，為常用的利水滲濕藥。 薏仁又是一種美容食品，常食可以保持人體皮膚光澤細膩，消除粉刺、斑雀、老年斑、妊娠斑、蝴蝶斑，對脫屑、痤瘡、皸裂、皮膚粗糙等都有良好療效。 買了返工司食，原來外賣加1蚊~~OH~~~~ 黃糖可以自己拿，不過吃的才拿就好，不要做成浪費。 打開後，感覺都不錯，由於我要冷的，所以沒有香味都是預計之內~~ 吃下去就有點失望，我覺得個豆腐花豆味不太重，而且豆腐花不滑，粗粗的感覺不好。可能是石膏粉下的太多吧~~~ 薏米的味道是可以的，還帶少少甜味~~不錯！ 單單這個薏米可以加分，但只是主體豆腐花就不算高分。 豆腐花店重點都做得不夠好，多選擇也是因為令客人多選擇~~嗯~~~OH~~~應該要在份量上下點功夫才行。

難得一天公眾假期，當然第一個節目就是要瞓到自然醒，瞓到下午一點多，簡直是非常難得，第二個節目就是要尋食啦！今日我們選擇到大埔去尋食。。。第二站 –豆腐花路邊小店，店外有幾張膠椅子，經過店舖，門外有不少客人分別站著或是坐著吃豆腐花，由於天氣炎熱以及有點累意，我們就在一碗桂花冰糖豆腐花降降溫吧！桂花冰糖豆腐花價格非常經濟，只需8元正冰凍的豆腐花，加入桂花冰糖，桂花冰糖非常清香，不會太甜個人建議不加黃糖，否則可能會破壞了桂花的味道豆腐花的質感都算軟滑，豆香不太濃，但整體不錯啊！