良美飯堂

Open Now

Now Closed

喺工廈搵到呢間唔顯眼嘅餐廳，沿指示而進，估唔到入面咁涼爽，原來天花板裝咗幾把大風扇，令到空氣流動唔會淨係焗住啲冷氣，灰綠嘅牆身，配合埋一系列有趣嘅掛圖，個presentiation真係唔多似一間茶記噃。環境舒適加咗兩分印象分，當然，食物質素先至係關鍵，叫了公司三文治，凍檸茶。公司三文治份量足，雞扒有肉汁唔乾柴，蕃茄青瓜都新鮮，對我嚟講最緊係麵包，多士夠脆夠熱而且烘得好均勻，至於凍檸茶呢，茶底夠濃唔澀口，好滿意👍🏻。躲開堆積如山嘅工作，吃著明明係「港式」嘅公司治，卻彷彿去咗間Cafe好Chill咁品嘗緊一份好decent嘅sandwich，肚子和心靈都立時滿足到。Indeed, man should not live for work, it’s time to treat yourself better.

【觀塘區】【良美飯堂】我人生第一份工係喺返九龍灣，辭職之後都比較少去九龍灣工商業區。難得自己一個去做嘢，我作為一個 foodie，就梗係要食埋嘢。喺九龍灣工業中心地下有間工廈食堂叫「良美飯堂」，淨係食堂個名喺度玩食字已經夠晒好笑，見佢咁有誠意，就入去食啦。餐牌啲名都相當親民，例如我食常餐，呢個 $50 嘅常餐係叫「爆數常餐」，加 $3 食「沙嗲牛肉」，配米通，好味喎。配菜「厚多士」同「黑松露炒滑蛋」都係誠意之作，唔係一般工廈食堂求其兜出嚟嘅嘢。餐飲「熱奶茶」都幾好，成件事係有質素嘅。忍唔住同店員讚吓佢哋啲嘢幾好食，叫多份「食完先減西多士」裡面嘅「良美西多」，即係朱古力爆醬西多，$42 嘅價錢玩到爆晒汁咁，過癮，仲有杯餐飲跟。餐飲我揀咗「熱杏霜」，不過不失嘅正常之作。估唔到會食到 $95，咁食飯亦都真係唔貴嘅。。。（地址：九龍灣宏開道15號九龍灣工業中心地下3號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tas

上星期與朋友到這間工廠區中新開幕的茶餐廳, 聽說他們食物質素唔差，食物大件又抵食。我在下午茶時間到達，並叫了一 set 紅豆西多士加杯凍檸茶，試一試佢。原來以為紅豆加西多士一般般，睇落去似搞噱頭野，但一嚟到發現西多士大大件，切落唔似出面快餐店咁眼掘掘成塊嘢咁，得啲糖漿好味。切落去時好爽脆，夠熱，而有驚喜係紅豆係密鋪曬成個西多士，紅豆好好味好爽口好似食緊北海道十勝紅豆咁，紅豆同西多士竟然夾得冇違和感。而且侍應好好人，叫我試咗原味先，之後留返少少再加糖漿再試下感覺如何。服務不俗，地方舒適又夠光猛，價錢平民化，食物又大大件算係咁啦，值得 share。

大家都知九龍灣茶記多，近嚟同事仔介紹左間新開左一段時間既新食堂，見未試過即管try try la! 環境座位都Ok喇，舒服既，餐牌選擇都叫應有盡有，我地叫左個焗豬，蔥油豬扒煎蛋飯，焗豬唔錯唔錯，蔥油豬扒個面煎得幾香口，最緊要配果隻煎蛋同蔥油，撈飯食nice😏，個人覺得份量夠既，加埋杯凍檸T，爽😊 呢度凍飲唔駛加$$㗎！食完果lunch再細閱下佢果餐牌…佢既下午茶有幾款都吸引我，炸髀喇，公司治，仲有紅豆冰，已經同同事仔講定下次嚟試下午茶！

這間良美飯堂很特別 入口隱閉 剛好昨天有個友善姨姨企喺門口 否則就行過左餐廳裝修簡潔舒適 以綠色為主 用疑似姆明公仔作裝飾 很可愛💚 我和老公來這裏吃午餐 竟然在九龍灣工廈茶餐廳的餐牌有英文 中文麻麻的老公大為高興 而且餐牌上選擇非常多 餐名也非常趣怪 如"咖喱"變"加你"人工 ... 😆 我們嗌了三個餐:1. 咖喱配炸雞脾和薯菜 2. 咖喱配炸巨型朱扒和淨菜 3.是日午餐的香草魚柳焗意粉.我最愛那塊巨型豬扒 超大塊 大如我的手掌 驚喜地不油膩 非常鬆脆 那咖哩汁更是絕配 濃沃可口大雞脾也不錯 都不油膩 但我本人覺得可少炸一點 但老公覺得炸得非常恰當 非常enjoy！本人喜歡吃菜 剛好配菜的份量非常 generous 而且配菜中有小紅蘿蔔仔 so nice香草魚柳出奇地好吃 一上枱已經聞到濃鬱的香草味 魚柳一啲都唔鹹 因為通常茶餐廳食到的魚柳也只有鹹味 但這個魚柳味道調教得非常好 good job臨走前 隔離枱嗌了蔥油豬扒蛋飯 買相非常吸引！超想食 但係真係太飽 下次一定要返來試試😋

呢間餐廳之前見佢排晒長龍，所以就冇諗住等。最近見佢少咗人，所以入去試吓。佢個裝修幾靚仔，有D畫作，睇落又唔似茶記，但係餐牌八九成嘅嘢都係茶記野食。今日唔想食太飽，所以就叫咗個常餐。求其揀咗個唔使加錢嘅配雜菜湯意粉，但加$3可以轉奶油豬。我叫左煎蛋腸仔。見到佢可以加錢轉菠蘿包，不過就賣晒。嘢飲就凍檸茶，竟然唔需要加錢？！少有。雜菜湯喺成份餐最有驚喜嘅，好多菜，蕃茄味濃，但係食完冇口渴，應該都冇乜味精掛。意粉冇淋pat pat。個奶油豬有烘過出嚟，脆口，奶油重手，要加$3都算有誠意。煎蛋同腸仔就一般。佢個常餐都比正常既正常，都有啲信心再試吓其他嘢。

呢間良美飯堂喺九龍灣工業區，但係裝修好似走年輕路線，見到佢淺綠色又有隻水䐁公仔，都吸晴。餐牌上面都係大路茶餐廳嘅食物，但估唔到佢午餐有酸菜魚，所以就入去試咗。上枱嘅時候見到佢碗酸菜魚另外大家碗上，份量好足夠，我一個女仔有啲後悔叫咗飯，真係好多！😂早知叫米線。佢唔太辣，個酸菜味道幾好，魚都好滑。比預期中好喎。佢嗰日仲有其他嘢揀都係啲焗飯啊炒意粉咁，仲有湯飯，都有好多選擇。綠色餐牌啲名都改得幾搞笑。加你人工，焗住上😅職員上菜都快，幾有禮貌，舒服嘅。如果以一間新嘅餐廳嚟計係唔錯。可以再黎。👍🏻👍🏻

之前午餐時段經過呢間餐廳幾次，見到餐牌價錢都唔太貴，今日終於就把心一橫衝入去試下，一入門口就有員工帶位，服務到位細心，啱晒我地呢啲怕羞仔怕羞女，驚自己一個要搵位食野既人，不過最抵讚既真係個青咖哩豬頸肉炒意粉 ，真心好好好味，係有驚喜既～ 除左口感唔膩，豬頸肉好爽，意粉入面仲有種好fresh 既陣陣香草味，再加埋鑊氣真係難以形容果種正😋😋， 有興趣真係不妨一試！一定喜出望外，優勝之處在於性價比高，只係$68 包埋野飲！凍飲唔駛加錢！之後可以繼續日日係度食，唔駛煩周圍諗來諗去要食乜😊 真心推，讚讚讚👍🏻👍🏻

外面見呢間新飯堂係新嘅，個名玩食字，但係又唔起眼又冇招牌，因為外面望到入邊都幾企理，就入去試咗個咖喱吉列豬扒飯。塊吉列豬扒認真大塊，賣相就真係幾唔錯嘅。切開放落口其實個吉列外皮幾鬆脆，豬扒都醃得味道唔錯，有肉汁唔乾，算係有驚喜。個咖喱本身係港式咖喱，唔太辣，個味道都比較大眾化，應該都啱好多人口味，唔怪得見到側邊有幾個人都有叫咖喱。仲可以咖喱牛腩或者其他肉類選擇。呢間飯堂都算係咁，冷飲冇加錢。而家走塑之後呢度D紙飲管都算唔錯 ，起碼飲凍飲冇浸一陣就軟哂。個人認為比預期好，我會再返轉頭試佢哋嘅蔥油系列同埋焗飯系列。

之前食過佢哋嘅下午茶，成日心思思掛住隻生炸雞脾🤤水準在線，無失望今次隻脾繼續外脆內juice，薯角好味。 西多士出奇鬆軟，唔油「立立」!朋友叫咗個蔥油豬扒飯，好味上枱嚇咗一跳，份量真係比一般嘅大。嗰餐湯係中到大湯碗size，好大塊同塊面有得揮嘅豬扒。個餐牌都好搞鬼😂下次要lunch試吓「焗住上」美中不足係要搵良美個隱世門口，如果唔係之前去過知道個位係邊，好大機會錯過。今次係街見唔到個招牌,好彩啱啱有客係入面出嚟，膽粗粗跟住閃入，正門換咗係工廈入面。

食個早餐個早餐裏面有菜有粟米，食燒味飯而家都未必有菜！啲碗碟又乾淨冇油！服務態度簡直係超乎想像！我小朋友而家七歲未試過去一間餐廳職員會主動話幫我小朋友洗餐具！雖然係一個簡單早餐！但係好味！鍾意食炸雞翼叫咗份炸雞翼！細心到係單骨炸雞翼！加油！感謝！

又去試伏新餐廳🤣🤣🤣茶餐廳本身唔會諗住有咩期望點知去到見到佢個menu，又ok wor唔係只係得常餐啲一般嘢轉改啲名都有食字嘅 都有會心一笑嘅不過就真係新餐廳，連份menu都係紙嘅最後嗌咗個鮮茄牛脷意粉汁ok, 意粉麻麻因為我個人偏好幼啲同硬啲嘅意粉牛脷有一半以上都唔得 太un正常牛脷應該唔會un?雖然第一次嘅經歷唔太好但凍飲都唔使加2蚊我會再比多次機會佢🤣🤣🤣可能係呢個差咁啲姐見到好多人食咖哩豬扒 葱油雞扒都好大份不過呢個價錢 應該糧尾食唔到🤣🤣🤣

價錢偏貴 比起同區其他茶記都貴上幾蚊份量細 我男仔已經算細食，但佢lunch 同下午茶都超小份量，我次次都食吾飽如果你係女仔應該都ok味道不錯好味既裝修正常 舒服員工都有禮貌

工作關係路過打算買個外賣下午茶返屋企，叫咗兩個炸髀薯條。坦白講，茶餐廳下午茶冇乜特別期望，只求飽肚唔難食。一返到屋企打開個外賣，嘩！有少少西餐廳外賣feel，我人生從來冇喺茶記炸雞髀上面見過有檸檬片😍😍😍另外，由外賣到手，到返到屋企開餐，大大話話都差唔多45分鐘，除咗美觀之外，個薯條同埋個雞髀皮都仲係脆㗎冇諗過30幾蚊，可以食到高汁下午茶，驚喜😆😆雖然冇堂食，但見到整體食堂非常乾淨企理，而且枱同枱之間有足夠嘅空間，唔會有一般茶記嘅迫困感，讚讚讚！

看似一間都是一般茶餐廳有的食物，但味道有驚喜，特別是芝士火腿扒多士外脆內軟，勁好味😋 炸雞髀脆得黎又保留到肉汁，塊雞皮仲唔會乾到一啖就扯晒成塊出黎！超讚呀👍🏼👍🏼👍🏼～～