芒果王 (Moved) New Location

今日黎到長洲，當然要食返個長洲最正宗既芒果糯米糍。芒果王應該係長洲最出名嘅芒果糯米糍之一多人到有時需要先留定幾個鐘頭後返嚟攞。好好彩今日唔算太多人現場都可以食到叫咗個芒果糯米糍一大塊嘅芒果呈現喺自己眼前😍😍😍芒果肉好飽滿，糯米皮好薄，薄薄嘅糯米皮透出橙黃色嘅芒果，呢啲就係皮薄餡靚食落薄薄既粉皮包住多汁鮮甜嘅芒果肉。令人一試難忘！😋😋😋👍🏻另外叫咗個士多啤梨芒果冰芒果肉同芒果糯米糍嘅芒果相同👏🏻👏🏻不過呢個上邊淋有芒果醬，雖然份量冇咁多不過食味依然士多啤梨沙冰甜度適中熱辣辣食碗沙冰的確令人透心涼☺️👍🏻

天氣咁好梗係去離島行下雖然旺角都有長洲芒果糯米滋買但點都係去番本店食好啲呢長洲都有好幾間食芒果糯米滋男朋友話依間好味啲佢真係無講錯個糯米滋掌心咁大皮唔算好厚咬開好大舊芒果係入面好香好甜，好好味

今日又同男友去長洲，之前睇過yahoo d食評，話芒果王既芒果糯米滋係最好食。咁我地今日就去試食下拉，結果……真係幾好食，實至名歸!外形方面，好大粒。仲要係糯米滋既皮係好薄，芒果就勁大粒，勁抵食! 味道方面，芒果幾甜，吾酸，不過好似太熟，但都幾好食既，值得一試! 價錢方面，10蚊一粒，吾算太貴，芒果咁大粒，都值得拉^_^另外我地都叫左芒果沙冰，呢個就一般拉，沙冰無咩芒果味，但拎來解渴都ok既，仲要上面有勁大舊芒果，幾甜，都ok la 。整體來講，呢間店d芒果糯米滋真係好好食，值得一試!

1點去到諗住有得食,咁佢用d好串架態度同我講4點先有! 到我4點黎到竟然冇人排隊,一問下就話冇曬俾人訂曬唔會有!咁點解我1點問個陣唔講有得訂呢?不過1點個陣都食左個芒果大茶糕,芒果就比較酸左D喇!整體真係失望!

星期天專程嚟到店舖，見師傅出晒汗好努力咁整糯米糍，諗住實會有啦，點知老闆娘話冇得賣，全日都冇。。。好失望，我諗佢一定係有大量訂單囉。。。於是叫咗個芒果布丁同芒果沙冰。芒果沙冰好有驚喜，彌補咗我失落嘅心情，芒果好甜好多肉好好味！用料十足！布丁好似自己屋企整果啲，而且多芒果肉，必定好味過一般酒樓。最後仲叫咗個蜜桃冰，始終生果冰中還是菠蘿冰比較夾。

本來等左好耐等到燥底..但係排排下見到師傅好仔細咁整每一粒糯米糍，氣都消晒！佢真係一個個糯米糍包再一個個咁掃粉..誠意十足..雖然等到傻 ><原來店鋪每轉都會優先處理訂單..旱知打個電話訂家再返轉頭啦-_____-""

2點幾搵到間舖 以為好偏僻 因為冇乜人寫食評 點知原來個位上次去過😂 唔算偏僻！用openrice個地圖 就搵到！ 一直冇發現原來有間禁正既店！ 去到不外如是 佢話6點有 於是訂左一打 跟手食埋個芒果布甸 好多芒果呢！ 不過個底有d類似魚膠粉既野🙈主角係糯米糍！ 攞完上船食！ 實在好滿足！ 因為平時果d有可能食食下會爛或者漏 不過呢個唔會 唯一可以話既就係個皮好黏 不過情有可原 因為皮薄 如果唔黏就會有好多麵粉 大陣麵粉味就唔好食啦！芒果酸同埋甜都唔可以控制既！ 我食果d幾甜！ 就算酸都唔會真係接受唔到！ 呢d都係運數姐！ 一定會再買😍

不外如是！2點去到話冇哂吾接外賣要訂，咁上網啲人講到咁巴閉有幾好食咁試下訂左半打，要6點先有。好酸個芒果，又吾係話好大舊，個皮薄到爛左又包吾哂個芒果。我淨係覺得好似食緊一舊好酸既芒果。以為自己吾好彩食到酸，點知買左半打全部都係酸，一係苦。我吾會再買

長洲 芒果王 $10☺😁😊😁 有手掌咁大既芒果肉不怕蝕本 任你食 排隊就預左既小小酸既芒果 多甜 長洲芒果糯米糍係必食既 皮真係薄到透亮 見到黃澄澄既芒果肉 一啖咬都好多汁評分:8.5/10#長洲#芒果王#芒果糯米糍#多汁#皮薄

上次跟豬大人到訪長洲,終於搜尋到人氣店''芒果王''的所在地~然而當時已接近打道回府之時,所以只一直放在腦內的waiting list ^^難得新年假期跟媽媽殺入長洲放肆地食,當然要順道看看''芒果王''啟市了沒有啦~下午一時許, 玻璃窗位置下了閘,但另一門口則開了~ 青蛙擔粗粗的去問店內的人, 原來是日啟市喔!!!於是訂了半打, 下午二時半就可以去取 一夠鐘即時去取糯米糍 ^^而且急不及待要就地試食喔~~嘩!!! 果然沒有起錯名, 好大的一顆糯米糍 芒果大大塊 (差不多半個芒果)的夾在超薄的糯米皮內,芒果十分十分清甜!!!然而糯米皮則太黏口, 每吃一口都總有點漿住口的不暢快.....如果有所改善會更完美呢~

與男友在長洲半天遊芒果糯米糍在長洲的大街小巷很常見 在天后宮附近的芒果王 有開放式的廚房 可以看見整個製作過程 食之餘又可以睇落單就即時製作 一份用半個芒果製成皮薄之餘又滑 咬落去啖啖芒果肉 正大部份客人買半打至一打 我最後都買半打回家吃值得一試😋😋