Video
Above information is for reference only. Please check details with the restaurant.
天水圍街坊介紹呢間格仔餅好好食，咁就即管試試。因為坐低食，除左格仔餅仲叫左碗腐竹糖水。嗱，個格仔餅係真係世一，佢係鬆脆路線唔係煙韌路線，輕力已咬開，多花生醬好滿足，暫時未食過其他格仔餅有相同嘅質感。天水圍咁遠真係都唔知幾時再有機會可以食到。但碗糖水就真係麻麻，你見根本就係糖水加腐竹，腐竹都無煮溶，完全無腐竹味，都真係好吃力先食得晒成碗。間舖衛生亦都麻麻，席間見有小昆蟲，怕嘅外賣會比較好。好評只係俾格仔餅。
continue reading
每次去親天水圍都一定會叫呢間甜品舖嘅格仔餅不過近排加咗少少價$20/1份喺出邊從來都唔食格仔餅但呢間你唔叫會覺得蝕咗🤣其實佢仲有好多綿綿冰系列新式甜品同埋傳統糖水系列亦都有其他熟食小食佢嘅格仔餅做到外脆內軟而且真材實料如果住附近唔使擔心佢買到返屋企都仲係脆卜卜而且會漏油😋😋排緊隊嘅時候隔籬左右都係叫緊格仔餅不過佢得壹個爐係整格仔餅如果你要食就要等等我仲試過佢嘅榴槤特色糖水上邊嘅雪糕球係額外分開獨立包裝返到去再擺上去都未遲仲有佢嘅特級魚肉燒賣比起出邊嘅係有啲貴$12/6不過大大粒魚肉味亦重好味
continue reading
🌹12 December 2021去開新北江又即刻會唸起呢間小店所以晚市時去叫左幾樣野食小店不大 入面有三張枱幾次黎 都係得一個人負責落單 整野食 同收錢辛苦你了🙏呢段時間 錢都不易賺講番叫左咩先叫左一份腸粉（4條）$12一份燒賣 （6粒）$10一份格仔餅 $181） 腸粉+燒賣 $22想講 份量都唔少呢同埋呢間好既地方係佢落既醬都好多令到口感更豐富🌹腸粉黎到係熱騰騰的喔食落口係滑的唔會好似其他小店咁 食落係粉的😹😹證明佢地都係好fresh岩岩整起😜燒賣方面食落無肥肉味😜2）格仔餅 $18呢間食格仔餅 唔算平因為旺角食過 12-14$一份都有交易但我覺得呢間係貴得有道理首先佢係即叫即整的黎到係脆卜卜嫁 唔會好似出面咁整到好淋😹中意食脆口野既人一定要黎試除左脆卜卜外佢中間落既醬都好多令到成個餅既味道再提升呢之後再行開新北江 都會黎幫襯🌹
continue reading
夜晚無聊聊落街行下行下，行咗去新北江商場，平時都係上一樓食其他餐廳，原來樓下有一間開咗好耐嘅糖水舖-芯記甜品…我平時比較鍾意食中式糖水，咁啱佢呢度有薑湯湯圓，咁就買咗幾碗返屋企同屋企人食😜薑湯糖水（$25）好夠味，微辣，飲落去暖粒粒，我鍾意一飲落去個心即刻暖哂嘅感覺，而湯圓一碗有六粒，全部都係芝麻湯圓，一咬落去個皮好煙韌，而且入邊芝麻餡有流心嘅效果，好好食，細細粒一啖一粒。下次有機會都試吓其他先…
continue reading
之前已經覺得唔好食，唔會再有衝動去買，今晚屋企人心血來潮想食糖水，買埋返屋企，諗住有人買返唔好嫌三嫌四揀邊間糖水舖，點知返到泥，又係失望收場我家老細話以後唔駛旨意再去，咖哩蘿蔔豬皮、黑椒雞翼尖同榴連河粉，咖哩無味連鹽都嘥返、蘿蔔無味之餘仲要有澀味、榴連河粉入面兩舊蚊形榴連係爽嘅，甜味欠奉，河粉係淡嘅無甜味，淡奶俾啲水溝稀晒難食到一個點係唔寫食評唔得最正常反而係黑椒雞翼尖，睇過其他食評，話好食嘅多數係格仔餅，今次似乎係太天真，以為間舖頭叫芯記糖水，叫錯食物品種
continue reading