英記中泰美食

Open Now

Now Closed

🍴馬拉盞通菜 $65炒得好香口，都幾爽口，唔會太辣🍴串燒沙嗲（半打）（豬/牛/雞） $85睇落去幾好食，食落去鹼水味太重，啲肉好乸口，比較偏乾！🍴燒魷魚 $85好似半生不熟嘅狀態，食落去有啲韌！🍴青咖哩 $68青咖喱好多豆茄子，牛肉得少少，食落去都幾香，不過比較偏鹹！🍴泰式芋頭炒飯 $65炒完個炒飯再加咗啲汁上去，食落去比較鹹香少少OK嘅，不過就比較偏素食，冇肉！🍴泰式乾炒河 $62炒得幾香口，唔會太油膩，不過啲牛肉都係好差，完全勁揦口，食唔到！🍴芒果沙冰 $32只係落咗真芒果去打嘅沙冰唔會太甜OK的！推薦指數： 0/10唔會推薦俾大家，由於新年期間好多舖頭都冇開，所以就去咗食呢一間，冇OpenRice講得咁好食，嘢食一般比較偏鹹牛肉非常揦口唔好叫，炒粉其實係正常嘅，不過都比唔上好多泰國菜！

蝦餅唔會死實實，佢軟得黎彈，又大大舊又多，個醬都唔係普通泰式雞醬，個蝦餅有d似我地在布吉食過好喜歡食的蝦餅，食過布吉那種鬆軟得黎彈的炸蝦餅之後，我就不喜歡香港好多泰式餐廳的說彈牙但好實的蝦餅。蝦醬炒飯，仲有搭配沙爹牛肉同好地道的脆邊煎蛋，這些泰式飯配的蛋一定要脆邊，好多餐廳都唔係既，仲要這個蛋不用加錢配。九龍城某店要加五蚊。我們這餐飯覺得整體感覺比在九龍城食的更好。炒飯入面仲有一些很惹味的迷你蝦，好像櫻花蝦但很紅的。通菜不過不失，不太咸。

平時食開晚上既打冷 同海鮮加工～😋😋😋😋😋😋😋😋😋😋😋😋今日下午茶時段再來大埔街市呢個熟食中心，出名嗰啲小菜午餐好多人又貴 🤭🤭🤭🤭🤭唯有揀個平啲嘅泰式 又由正宗泰國人主理 茶餐廳——————————————————————2個size超大碟 味道正常茶餐廳啦 不過性價比高服務態度仲幾好添 ，真係有啲意想不到，不過原來呢度好快就裝修 裝修完唔知會唔會加價呢🤔🤔🤔🤔🤔🤔———————————————

有次經過大埔熟食中心，就上咗去食嘢，見到間泰國菜有泰國人打理，價錢實惠，就去咗試吓啦。啲侍應都好有禮貌，一坐低就招呼我哋咁我哋就帶咗馬拉盞炒通菜，菠蘿炒飯，辣椒膏炒青口，蒜蓉包，半打串燒首先講吓個炒通菜先啦，通菜入味，炒得夠火喉，好味！菠蘿炒飯呢就十分足料，上邊有少少海鮮，再加果仁，下邊就係炒飯。成隻菠蘿送上嚟，感到驚喜，但係食落去呢就味道一般，想過吓口癮都可以食下嘅之後就到辣椒膏炒青口，記憶中價錢只不過係$80左右，但係啲青口都幾大隻，又夠味可惜蒜蓉包就有啲失色，雖然幾脆但係冇咩蒜蓉嘅香味，但係份量依然都幾多下最後講埋半打串燒，牛羊雞每樣兩串，雞就幾好食嘅，肉質夠幼，唔會燒到好老。但係牛呢，就好多牛筋，唔係好適合用嚟作串燒。而豬呢就燒得太耐，太乾身同埋有啲鞋最後埋單都只不過係290幾蚊，3個人食到好飽！我覺得以咁嘅價錢來講泰國菜，已經算係十分不錯㗎啦～

大埔熟食中心英記係大埔行完山,就上到大埔街市上面的熟食中心食下午茶。原本揀個間泰式餐廳話下午茶落場，叫我去佢親戚嗰間餐廳食，就係英記啦。點了雞肉喇沙湯麵。湯底無驚喜,好水,冇椰奶味,似係用湯包開水整的，但咁嘅價錢不會要求太多。唯一出奇係碗麵份量比想像中大,配料雞絲很多，亦都有蝦仁，冇霉味，幾ok。特價套餐$50仲包野飲,收貨。

大埔墟街市熟食中心地方大，食肆選擇多，粥、粉、麵、飯，通通都可以在這裡找得到，今日去的叫英記中泰美食，老實說，平時只會經過，不會認真看看有什麼好東西，但由於突然心血來潮，想食泰國菜，才註足看了看、試一試。如果沒有看錯，餐廳廚房裡面的應該是泰國人，不講道度都夠哂正宗，一行幾人最後點了海南雞飯、咸魚雞粒炒飯、泰式豬頸肉炒飯和泰式蝦醬炒飯，四個飯之中，比較喜歡咸魚雞粒炒飯和泰式豬頸肉炒飯。以街市大眾價錢吃，平均一個飯連飲品只不過四十五元，試問九龍城又可否做到呢個價位呢？

熱食中心臥虎藏龍系列之大埔行：早幾日見朋友Po相出黎就問距系邊度食既 距就發D資料比我，今日就特登系九龍灣搭巴士過去試下味,一落車見到有兩個啊蛇就行左埋去問下路,根據啊蛇既指示直行過紅綠燈轉灣就到 入左大埔街市就去交交水費先 之後再上兩層就系熱食中心(呢個熱食中心完全無指示,為有靠自己搵,行第一圈睇漏眼行返轉頭中間就見到間鋪)四周圍望 企左一陣個泰國籍服務員好有禮貌錦問幾位,我用手指示意一個後距就帶我去搭人地枱 一坐底望左望張餐牌：二選一「A冬陰公湯粉」/ B「喇沙雞絲湯粉」試下個喇沙湯粉先，有機會先再試個冬陰公湯粉本來想叫多碟泰式豬手(個哥仔話豬手未煮好未有)跟餐送埋野飲 照舊「凍檸茶少雪」,好快碗粉同杯野飲就同時間送黎見到浮滿紅油心唸金翅大鑊鳥吹開面果D紅油用匙羹完畢左D湯底試試：入口好溫和啖啖椰香中帶鮮甜,唔好比表面既景象嚇親呢種溫和既喇沙啱曬香港人食配料既蝦已經去腸爽口有蝦味，雞絲就比較有咬口金邊粉就比一般街外食既粗身不過都口感都幾爽口。今次特意過黎試味有驚喜下次有機會再試個冬陰公湯粉同泰式豬手我自己都幾食得呢碗野我可以覺得飽證明分量有返禁上下 食飽就行返落去搭巴士走人。返九

大埔墟街市真係好多好嘢食，見去開食嚟食去都係果幾間，就諗住試下新野，黎到呢間泰式小店午飯。佢地得一個舖位，佔嘅枱都唔多，不過拎起餐牌又好似幾吸引。首先叫咗個喇沙雞絲湯粉，其實用料都十足架，有蝦雞絲雞蛋生菜同冬菇等等。而湯底好夠椰汁味，唔辣既，不過味道就好單薄，亦唔濃稠；而個粉就似米線，煮得太稔易斷。另外呢個咖喱豬扒飯都好足料，用既係一大塊炸豬扒，同埋大量薯仔同蕃茄；可惜個汁真係太無咖哩味，同埋好似茶記咁打左茨，味道不討好。其實場中仲有另外一間泰國野，我覺得有比較好快就會汰弱留強，小店要急起直追。