茶半香初 (Closed)

我都係之前見社交平台有雜誌嘅網頁推薦過佢嘅芋頭鮮奶，而自己亦都係一個芋頭愛好者，所以就諗住去試吓🥰點知比想像中好飲！！！芋泥滿滿，明治牛奶同埋入面會加咗燕麥，甜度無得調整，不過就一啲都唔會過甜，只係會飲到淡淡嘅芋頭味。極度推薦各位喜愛芋頭嘅同伴去試試佢！包你唔會失望而回。

難得去荃灣，就專搵又特別又值得花時間行去嘅舖頭黎試下。鱟地坊呢邊真係無咩點去過，但風聞呢間茶半香初非常值得一試，所以點都行過黎睇吓試吓。首先見到價錢絕對唔貴，雖然茶類選擇都唔話好多，但都幾特別，純茶如白桃烏龍、荔枝紅茶、台農綠茶，仲有天香四季春茶… 亦有奶茶、奶蓋同特飲。一睇就知有heart，有想法嘅良心小店。今日試咗話梅黃金檸茶，唔駛等太耐，非常非常足料，好鐘意，好飲!

不能錯過嘅良心小店！遲左去落左半閘，但都照試下問仲有冇得買野飲，點知靚仔老細好好二話不說，親自落場炮製特別加料！真係快靚正！值得一提嘅有義買鎖匙扣同香港貼紙支持同路人

依家經濟甘差，真係要出街消費支持小店依間排哂長龍，唔執輸都排埋一份本身想叫白桃烏龍，可惜前面已經講左無哂，唯有轉買新產品，桂花烏龍因為係新產品，所以佢寫明係自己定價，想比幾多就幾多真係第一次見到會甘做生意，絕對要多d 幫趁我叫左細杯，到拎個陣佢話整左大杯照比我想唔幫趁多幾次都唔得叫左少冰走甜，好少桂花可以做到走甜，因為通常出面都係用桂花糖漿但佢真係做到走甜！！！！烏龍茶夾住淡淡桂花香，真係好好飲，可惜得少冰揀，冰溶左有少少沖淡左個茶味但一定一定一定支持！！

一日一黃店 荃灣掃街一日遊繼續荃灣黃店試食報導.呢間我認為係模範黃店 值得分享學習店面有連儂牆 貼滿文宣 抗爭指南而且有義賣 捐錢寫明幫助文宣組（可睇圖）d鎖匙扣真係幾靚 是日見到都籌集到 數千元某社交平台都有 罷工 同優惠 同捐錢.呢間 真心做到 #黃色經濟圈 可以寫入教科書.飲品出品方面ok啦👍🏻可以見到滿杯水果茶都好足料是日飲左⭐️台農仙草奶綠$26（大）但都唔係綠色既 呃我！飲落味道ok可以再濃d 🤔同埋仙草口感有d碎.荃灣人真係好團結 加油.#茶半香初 (荃灣) 地址：荃灣鱟地坊80-84號華成樓B座地下B2號舖

老闆、員工夠親切。當天鋪頭落閘，原因係因為老闆想係秋天推新產品，所以不設買賣，只供試飲。總共輪流試左5款產品，玫瑰、桂花都好香，朱古力奶茶帶淡淡茶味，唔死甜，但最愛都係香芋!!之後再到場支持，繼續支持香芋奶茶，又試左奶蓋，奶蓋真係好正，女女話好似食緊雪糕咁，仲要求添食

行開荃灣 荃灣有好多台式飲品店 比較吸晶既都係依間 個名好詩意 連間店都貼滿Memo紙 絕對唔會認錯 今次叫左芝士奶蓋白桃烏龍。等左唔耐好快就有 係等緊既時候 你可以拎啲Memo紙貼係「連儂牆」 或者睇下「連儂牆」 。我覺得比較特別既係 店面會擺左TG既遺骸 俾顧客睇同認知講番杯飲品 今次點左大杯size 味道黎講 芝士奶蓋味比較淡 似普通奶蓋味 不過白桃烏龍就好香同好好飲 仲有啲粒粒（應該係白桃粒？）係度 可以過下口癮 淨係講依間係黃店都值得一試

路過見到新開茶店，見都有人等緊外賣，位置太唔當眼，不過都想試試，店舖細細得一個店員，見佢好努力一杯一杯咁沖，所以等待既時間會長左，不過見佢咁努力都唔會黑佢面既白桃烏龍 $23不過不失~下次再經過，我會想試下奶蓋系列

💛💛💛#良心黃店 💛💛💛原因 連儂舖面+派飲品.🍶芝士奶蓋白桃烏龍700ml $36 特濃芝士+$4🍶老闆話特濃芝士同普通芝士配方唔同係加入更多creamcheese部分😌見佢即場打發剛好份量嘅芝士 保證新鮮覺得呢款係忌廉味重啲嘅芝士奶蓋🙊白桃烏龍茶幾合我口味🍑🍑茶香帶桃嘅極微甜 少甜唔澀 好清香👍.🍂炭焙烏龍烤奶700ml $31+芝士奶蓋$6🍂偷飲一啖 似台式奶茶幾特別 偏甜少少 (下次叫少甜先🙈).仲有好多款飲品 價錢好貼地會再黎😎😎