Video
5-min walk from Exit A4, Tsuen Wan MTR Station
continue reading
Opening Hours
Mon - Sun
07:30 - 23:00
Above information is for reference only. Please check details with the restaurant.
適逢農曆新年長假期，香港大部分食肆照常營業，是日又來到茶記吃下午茶，最主要是想喝港式奶茶，每星期一杯奶茶都不是太過份吧～到處的食肆都因新年帶旺人流，有營業的餐廳門外大多都大排長龍，當天去到茶記竟然不乏食客等位，幸好我們倆剛好有位呢！我點了豬扒包配雜果沙律（＄３０）。豬扒包賣相不俗，裡面夾有薄切豬扒、蕃茄、生菜及沙律醬。麵包皮看似脆軟，可惜咬感略韌且不夠熱，豬扒煎得不過不失，整體正常水準。原以為雜果沙律是平時吃到那種，但這裡用上火龍果粒及蜜瓜粒，配酸酸甜甜的沙律醬，造型有點詭異，份量偏少，味道麻麻。baka點了黑椒牛扒腸仔配白飯（＄４８）。飯量正常，跟餐還配有是日蕃茄薯仔湯。飲品方面是凍奶茶，少冰少甜，但凍奶茶還是偏稀，有點像奶茶水，不合格。淺嚐baka的沒有走甜凍奶茶，對比下他的猶如糖水。今次點的食物味道普通，奶茶大失所望，不過環境方面舒適，價錢合理，依然是同區茶餐廳中的選擇之一。
continue reading
因想到 SPAO 逛逛, 先到附近吃午餐 !J先生坐車時發現 - 茶記常餐 B $45住家湯淡而無味蘿蔔粟米湯瑞士汁炒牛河凍的瑞士汁炒河; 燒汁炒牛肉; 味道怪怪香茅炸雞凍冰冰的常餐 A $40鮮茄濃湯香茅雞扒螺絲粉改出前一丁另加 $4出前一丁預先浸淋了, 之後再煮, 超難食的公仔麵奶醬厚多士多士一般麵包, 不可以稱為厚多士火腿炒蛋 無蛋味而又是凍冰冰的 凍奶茶凍檸檬茶茶記 總結: 可以不試!
continue reading
由地鐵走向愉景新城，途中南丰的餐廳早餐時段都很多人，想起呢个位置，人流少d，試試無彷。選一般茶餐廳没有的三文魚炒蛋，加个蕃茄通粉。沒有驚喜，但早餐來說，仍是可以的選擇。
continue reading
呢晚和中學同學聚會，選址茶記，知道之後不禁滴汗，因為呢間餐廳係我公司附近，旱幾年係西餐廳，水準都ok，久不久都會去食lunch，後來改賣東南亞菜式，味道差咗但都算尚可，不過行遠少少就可以平啲食到同款食品，所以都好少去食。兩年前左右改做茶記，茶餐廳食品但西餐廳裝修，價錢比一般茶餐廳貴一至兩成，如果好味道的話都唔計較，但食過一兩次之後就無去，因為味道都係茶餐廳水準，咁做咩要畀貴啲呢？見朋友選咗呢間餐廳，曾經諗過提議改地點，但後來諗深一層，意見多多既話會好難為個搞手，小妹曾受此苦，所以唔想咁對人，決定畀多次機會茶記。我哋約7點，但我同另一個朋友好早去到，6點半已經攞位，坐咗半個鐘其他人先到齊，待應都無催我哋落單，呢點幾好。(不過呢日星期一無咩客，都無坐滿)小妹點咗個鴛鴦扒餐，即係雞扒加豬扒，跟個湯同飲品。我要咗中式湯，今晚係蕃茄薯仔湯，味道都算濃，合格。跟住個鐵板唻到，待應提議幫我哋倒咗汁先上枱，都好，唔使搞到成面油煙。但係我個雞扒好鹹，豬扒又太乾，雖然個鐵板餐只係賣$58，唔可以要求太高，但……係咪可以好食啲？我已經避開食成本價較高既牛扒架啦。講返轉頭，個餐跟飯、意粉或薯條，我諗住實食唔曬所以要咗薯菜，諗住畀同場既小妹妹，而我見朋友仔既意粉份量都唔算少，上面重有少少香草碎，這就是佢哋跟一般茶餐廳的分別嗎？！飲品方面，凍飲加$3，特飲加$5，我要咗最貴嗰款特飲-- 涼粉紅荳冰。涼粉同紅荳既味道都正常，份量亦合埋，有3茶匙紅荳左右，不過個奶就淡咗啲，基本上係無奶味。如果要再認真啲同佢計，紅荳應該要煲到起沙，冰要用碎冰而唔係冰粒，但……今時今日只有少量傳統冰室才會堅持這種做法吧！
continue reading
去街後想係荃灣食飯後轉車返家，路過這裡買六合彩後見到有間茶記餐廳就入咗去，睇餐牌後發現原來這裡係鴻星集團旗下餐廳品牌，跟著就Order咗鐵板牛扒餐跟餐可配青紅蔔白豬骨湯，中式湯味道煮得夠味，而牛扒就因為無帶藥係身所以要叫服務員包起返屋企才品嚐，品嚐後覺得雖然牛扒唔再係在鐡板上熱辣辣差咗少少但味道也算唔錯，而這裡裝修環境唔像茶餐廳算像餐廳形式感覺幾舒服，環境也清潔，服務員也有禮貌。
continue reading