荃興潮汕滷味專門店

Open Now

Now Closed

今日突然想食 見到食評 「差」字都照試放工時間去 巨翼 巨腳都賣晒叫左普通翼 普通腳 $32 8只再加墨魚 共$100收晒錢先話唔夠腳 及翼. 我問佢先講 咁你俾咩我. 佢話搭鴨下巴…唔問佢肯定就咁塞俾我我都唔食既…. 都問個客食唔食 你就俾人最後退左$32無下次

由開舖就開始幫襯, 食品質素越來越差, 滷水鵝啲肉又鞋又韌, 已冇再買, 轉買小食, 買4両鵝腸, 一隻鵝翼, 一個腎, 應為$106, 收$110, 問佢點解會$110 , 佢話鵝腸$68, 呢間嘢成日都唔願找尾數, 你秤多咗應該同個客講聲, 咁啱唔多唔小就係秤多4蚊? 唔係4蚊問題, 係你哋手法問題, 最嬲係啲鵝腸韌到……賢硬到……鵝翼又鞋又硬, 食唔返以前嘅質素, 其實啲質素差成咁, 每次行過都唔見有人再排隊, 拍烏蠅, 都檢討下啦, 唔會再幫襯。

今日老公第一次幫襯呢間，買時係咁說你買夠一佰蚊送$80coupon,終於買了$156。好了買到回來我照平時做法略蒸熱番佢兩分鐘然後上檯，老公仲準備了啤酒，點知一咬落去，係咬唔斷的，非常失望，是近年未食過這麼硬的鵝掌翼，平時第二間的鵝掌都能咬得斷，佢係極硬，鵝亦一樣硬，比我的命更硬，跟本就炆得未夠火喉，還可以生存了八年咁長，由於對此次冒險之旅亦是中伏之旅，對不起我已忍不住要上嚟批評一下你，我相信已冇下次，你已被DQ!

今日腍住買滷味加餸，到這店買左份自由戀愛組合，鴨四分一隻、豬腸、豬肚、豬俐。今日19號係感謝日，買滿100元送兩張20元現金券，下次買滿100元就可以用一張。由於組合價只是95元，我再加份10元酸菜，超過100元，攞埋40元現金券。打開盒就見到排得整齊的鴨肉，有骨的部份全放在鴨肉底，旁邊放有滷水蛋、紅腸。豬腸、豬肚、豬俐也一層一層放好。金部滷水的食材本身已有鹹味，不過很乾身，所以需蘸上附送的醬汁才好吃。醬汁分別有鼓油及酸汁，按自已喜愛的味道蘸著吃。酸菜卻不太好吃，很鹹又很酸，我覺得要放糖去中和一下那種過酸的味道，不宜直接食，用來煮餸較合適。

性價比非常高，份量足，滷水味道夠不會偏咸，個人喜好買咗一份鵝肉，4隻鵝掌，2隻鵝翼，掌及翼的size都非常大隻，相比鄰近的店鋪較大隻，潮洲人愛好者推介，值得外賣一試。