荳花店

Open Now

Now Closed

荳花店已轉手（聽講已轉手一年半），而家好多款港式台式糖水賣，唔太甜，最平才$14，又平又好味，等於松記嘅一平價錢，仲好味過佢！我時不時專登兜路走去買返屋企食。佢嘅燒賣都好味，$1粒，抵！

天氣轉涼同乾燥，食完飯食番碗糖水清潤吓。呢度同樣都係要坐街，不過向住大路，好多人嚟買外賣。吸引之處係價錢平，只賣$6一碗，比一般嘅甜品店平一半而且種類唔少，有紅豆沙、綠豆沙、芝痲糊、蕃薯糖水、西米露、渣渣、麥米粥、豆腐花等。食咗豆腐花，豆腐好滑而且有質感，唔會食完好似無食過，又唔會“鞋”口，水準幾高。見到隔籬D糖水都幾正，D蕃薯好大舊，綠豆沙又起晒沙，下次要試埋其他糖水。

終於都有資料寫comment喇~距離公司勁近, 中午飯後有時會想食糖水, 呢度真係一個不錯既選擇.此店睇黎開業已有一段好長時間, 由兩夫婦經營, 店舖面積好細, 客人都8成都係外賣, 門口只有兩張摺枱. ,一到中午, 好多o係附近工作既人都黎買外賣, 一買就係 10, 20, 30 碗. 最受歡迎係咩? 梗係豆花啦~主打及推介豆花, $6 一碗, 喜歡熱的, 真....係...好....香.....好......滑...! 相信可以用飲管吮的! 太單調? 可以任配紅豆沙 , 綠豆沙, 渣咋, 芝麻糊., 西米露....兩溝全部都係 $6!!! 佢所有糖水都係自製, 連豆漿都係~食得出用 heart 做, 如此小店真係要讚~是日試了綠白, 綠豆沒有海帶, 但也起沙, 不錯. 個人而言, 糖水最buy渣咋, 勁足料!加左花奶仲滑, 當然與鵝記源記又差了一點, 但只要唸到 $6 有呢個水準, 已屬超班之作.p.s 最唔得係芝麻糊, 太多粉了...