Video
6-min walk from Exit C2, HKU MTR Station
continue reading
Payment Methods
Other Info
Phone Reservation
Above information is for reference only. Please check details with the restaurant.
呢間糖水舖成日經過，不過就未食過難得一班朋友聚埋一齊就試一試佢佢選擇都幾多，而且價錢好親民見到佢嘅綿綿冰好似幾出名就試吓本身想試豆腐味不過冇晒配料方面有啲爆珠同埋椰果綠茶味唔算好濃郁，加咗好多水芒果味就不過不失另外朋友仲試咗佢嘅椰汁西米露聽佢講就話好食整體一般
continue reading
叫左個合桃露，一bug就心知不妙，一pat pat完全唔起沙，唔滑，食落好似嘔吐物咁，極似平時果d一盒開粉既即食糖水🤮🤮我懷疑呢間糖水舖所有糖水都唔係自己整！佢個廚房細過劏房，而且另外叫左個雪糕多士，問佢咩個餡係咩雪糕，佢竟然話「唔知」！真係大開眼界，自己賣既野自己竟然唔知！？就算你係買出面d貨，你自己都應該試食過先下麻？咁樣做生意，有冇良心架？離哂大譜，black list!大家黎西環記住呢間，千其唔好中伏😕😕😕
continue reading
合桃露，食唔過 ，無合桃味， 似開粉！食到一嚿嚿粉囉！ 收得呢個價錢，開粉！如果唔係開粉，就真係手工好差，或趕住收工 。唔理咩藉口，做得中式糖水，呢啲只係基本款式，大家都有嘅基本期望！加咗疍白，但疍白係咸嘅，糖水裡面嘅疍白點可以係咸嘅呢？真係唔明！食落口感怪怪地添。可能我見識少 荷蘭係咁食嘅。紅豆沙係好嘅 ，湯丸有3粒 ，都係抵嘅。但由於合桃露太令人失望，整體係唔值呢個價，根本唔應該幫襯。
continue reading
琴晚同朋友仔食完飯, 去咗荷蘭糖水食甜品 因為時間比較早, 所以甜品舖裏面嘅客人唔係好多, 唔使排隊就可以直接入去<熱椰王>因為天氣比較凍, 大食妹就揀咗個熱椰王, 滋潤又暖胃 因為係熱嘅所以甜味比較出, 椰水有啲甜, 刮埋佢嘅椰肉黎食, 真係超級飽 但40幾蚊食一個椰皇, 大食妹就覺得有啲偏貴<榴槤西米露清心丸>榴槤西米露嘅性價比就高返少少, 有成舊完整嘅榴槤 雖然西米同清心丸份量唔係好多, 但性價比係合格嘅甜品舖喺大概10點幾我哋走嘅時候, 客人就開始多啦, 建議係九點幾嘅時候就嚟
continue reading
今日係元宵佳節，梗係要同大少食湯圓啦。響堅尼地城食完飯，一路慢慢散步路去荷蘭街食荷蘭糖水。我要大少一定要食湯圓，所以大少叫咗合桃露湯圓，而我就叫咗椰王湯圓加清心丸。個合桃露應該真係自己磨，唔似係開粉，但係就真係甜咗啲。我個燉椰王，除咗有新鮮椰肉，仲有海底椰，仲加埋清心丸同埋湯圓，真係好豐富。我個燉椰王都好甜，清心丸就好煙韌，個海底椰都燉到林晒。其實佢啲食品都算真材實料，只不過真係甜咗啲，如果個糖份調減少少，就會更加好。
continue reading