華勝燒鵝 (Moved) New Location

The place was kind of a surprise hit for me as I just passed by. Staff was super friendly and although they have no English menu, they kindly explained everything to me.I ended up taking a mix of both duck and goose, both of which were delicious. The rice that came with the dish as well as the vegetables were fresh and tasty.The place itself is small with only few tables, but everything is neat and clean. I'll definitely come here again.

行過見到門口早餐的價錢好抵食，一於入去試一試。入到去舖面唔算大，不過乾淨企理。首先要特別讚一讚侍應哥哥，非常好客，有禮貌。叫左個早餐叉燒瀨粉，一心諗住$24都應該係普普通通，醫飽個肚就算，無乜特別。點知出乎意料之外好食，叉燒完全唔鞋口，唔係全瘦，亦帶有少少燶邊（我無特別要求要半肥瘦叉）。不過如果可以加多少少蜜汁會更好，不過以呢個價錢來說，已經係冇得再挑剔咖啦。叉燒份量多，瀨粉份量適中，唔算太多，亦唔太少（叫做多過市面餐廳好多的下午茶份量）整體來講，呢個早餐的性價比非常高！下次一定黎試埋其他嘢食。呢張圖係我食左2舊叉燒先記得影低的相。仲有好多小食選擇其他餐牌

突然之間想食燒味 依間又未試過行過就嗌咗個雙拼飯 叉燒加燒肉肉嘅份量都幾多 全部都大大嚿雖然叉燒唔係好肥但係都整到好冧燒肉整體不過不失 略嫌佢個皮有D唔脆依個飯價錢都幾實惠 下次會再幫襯過

【外賣精選】#華勝燒鵝打完🌀，本來想出去行吓，但星期日都比較多人，所以都係近近地買個飯盒返屋企食。其實區內有唔少燒味檔，個人就覺得依度既叉燒同燒鴨做得幾好食。當然燒鵝應該都唔錯但我嫌貴就冇試過🤣照舊叫 #叉燒燒鴨飯，只係$30😃 鍾意佢既叉燒夠淋滑，唔會好似其他鋪過晒火位變成「老乾瘦」🤢不過今次舊叉燒就有少少乾，比較實少少，但味道都係唔錯👍燒鴨就繼續高水準，同樣唔會柴口，亦唔會因為外賣平價飯就比得馬虎求其，值得一讚👍👍通常買返屋企之後，我都會自行加料，煎隻 #太陽蛋 係面，扮吓食神🤣😎@foodiehck2022 #港飲港食 #燒味 #叉燒 #燒鴨 #外賣 #西營盤美食 #抵食 #平靚正

Lunch 是但揀一間食吓飯，估唔到佢哋D燒臘咁好食！叉燒好軟淋淋，真係好正，油雞正正常常咁啦！飯軟硬適中！(所有食品也不會過咸，合味道適中）以$45送例如湯，都算係超值午餐！

疫情關係，晚市外賣既食市8點大部份都收工，經過見到重有燒味飯，最愛切雞燒腩，可惜呢個時間腩仔就買晒，切雞都照殺啦！之前晏晝經過，都好多人排隊買外賣。佢哋既飯汁唔係一般豉油喎，重有雞脾食哈哈真係lucky，估唔到新開張價錢平，無論單併雙併燒味一律$30，以為平野不抱太大期望，點知雞超滑，又唔會太咸，薑蔥蓉都好新鮮，絕不欺場，值得再食！雖然阻住佢地收工，但伙記都好友善，抵讚！下次有機會要再試食佢地既燒鵝燒腩仔加例湯先得！

聽講有間燒臘店新開張，晏晝走去試吓啲下午茶。走到門口，見到下午茶價錢牌都幾吸引，跟住走入去。叫咗一碗燒鵝瀨粉$33 ，一碗叉燒瀬粉$30。仲有例湯餸同埋有嘢飲。瀬粉爽口，燒鵝顏色較為黑，但味道唔錯。至於叉燒瀬粉，切得像日本叉燒，味道唔錯。嗰啲女店員都幾健談，原來燒味師傅係大酒樓師傅，走出嚟自己做老細，所以出品都有返咁上下。食完個下午茶，跟住亞姐重介紹啲燒排骨， $55一大盒。跟住仲買咗一盒燒腩仔$66同埋買咗$30叉燒返去啤一啤。又食又拎。燒排骨，燒腩仔同埋叉燒，都好好味，大師傅即係大師傅。