華南冰室 (Closed)

I love Hong Kong's version of club sandwiches. They are generally a few pieces of toasted white bread with fried luncheon meat or ham, omelette, a slice of tomatoes, a slice of processed cheese, and maybe piece of lettuce. Not the healthiest sandwich of all...maybe that's why I love it.The one I found in Sham Shui Po's Wah Nam Cafe is different.In between those slices of perfectly toasted white bread, I found not only luncheon meat (spam) or ham, but all these goodnesses:- Fried luncheon meat (s

有時,當你想搵一樣o野時,點努力都搵唔到;但當你抱住隨緣心態時,佢卻會突然o係你眼前出現...今日放工後如常途經深水步,熟悉o既路線,不一樣o既發現!搵o左幾個區,搵o左個幾月都搵唔到o既懷舊炸蛋球,竟然今日俾我無意中o係兩處地方發現!!!華南冰室,係其中一間!o岩o岩o係第二間包包店買到兩個炸蛋球已經好歡喜,行前幾步竟然俾我發現呢度都有!決定用三蚊雞買多個,今晚送哂俾我個朋友!外型上,華南出品明顯俾o岩o岩o係包包點買o既遜色,又細又輕又凍砂糖又少!但同樣賣三蚊雞一個!不過當晚朋友試味後竟然話華南出品好d,因為冇咁甜,味道o岩o岩好!佢見到三個蛋球感到好驚喜,即刻笑到成個陳四萬咁樣!好攪笑!!!見佢咁喜歡,1/6/10行經華南時買多兩個,今次個樣靚d,味道依然不變~Good!

又到食晏時間lu，我又尋尋覓覓，在桂林街見到間懷舊冰室，入內…人頭湧湧，全是叔叔伯伯，在打牙較或看馬報，俾件後生都無（除了我），wow…wow好舊未吃過咁抵，16元就可以食到晏就飯，仲要大大碟，鮮茄牛肉飯，呵呵…好飽我見好多人都叫奶茶，但我唔愛喝，我唔識欣賞。我在餐牌見到雪糕之王，想試下，但唔見有價錢，可能無了，可惜！

知道深水步一向有不少值得一試的茶餐廳，是日專程而來但有卻帶點失望而回。要了一份常餐，男友要一份黑椒雞扒飯，凍熱奶茶各一。沙爹牛肉通，味道正常不見特別；ham&egg omelette，又是普通之作，相信自己也會做到；雞扒飯的雞扒反而令人喜愛，是明顯即叫即做的；凍熱奶茶都很好，茶味足之餘奶味亦夠，相信會令我再次翻炒。整體，小店其實誠意十足，伙計雖然年紀不輕但經驗搭夠，而且那份味道是現今新世代茶餐廳不能代替的，希望下次重臨得夠有所改善吧!***笑面主比奶茶!

由細到大都向度長大 , 亞爺日日都會同我黎食下菠蘿包.長大左就少左食 , 一來環境唔多舒服 , 二來多數都番工.不過我特別推介係佢地既 , 公司燴意粉 , 係好多料 同埋好好味架.其他野就一般般.黎呢d 港式餐廳 你應該最想得到唔係味道, 係氣氛

某天路過深水埗，被其懷舊FEEL吸引，雖然已吃過午餐但仍忍不住進去要個下午茶。凍奶茶，無茶無奶味，僅能以甜字形容。友人叫的熱奶茶，得出結論相同，相信不是失手了。還叫了鮮油多。。。不提也罷。附註： 伙記態度惡劣。

既然小店一直名不經傳, 其出品質素多少心裡有數. 偏偏對所舊式茶餐廳懷有強烈的情意結, 但凡店面夠殘, 水吧師傅夠老者都不能錯過. 熱奶茶, 奶和茶的味道都淡出鳥來, 且餘味帶點苦澀, 算肥佬. 菠蘿油的包是街坊餅店質素, 腍過中式包點. 牛油也是植物牛油, 只是一塊冰凍的夾心, 沒有味道. 友人的蛋撻是彷似牛油皮的酥皮, 捏了一小口試食, 不酥不脆. 蛋漿也是甜得過份. 唯有價錢認真平到無朋友, 熱奶茶加餅食才十二三元, 撞正賽馬日叔父們一人一茶一餅打座半天歎冷氣刨馬仔, 小店仍是無任歡迎. 作為街坊的休息站, 合格了.PS: 細看餐牌, 大部份飯類意粉僅十八二十元, 果然是街坊食堂.

一個餐 $18 (凍飲加$2)叉燒通粉, 牛油麵包, 炒蛋火腿, 凍奶茶.叉燒得好少, 份量又細.牛油麵包得一片, 又唔多好味.炒蛋炒得麻麻.奶茶叫ok啦.午市嚟到, 可能平, 盅飯都係$16, 好多人.幾迫, 坐得唔舒服.雖然係懷舊冰室, 但裝修睇落又唔係好舊.亦唔覺古老...

家在深水埗，總常能接觸到不少"古舊"的食店，華南就是其中之一。對於富有香港飲食文化的餐廳，總是多了一份親切感，如身在白宮冰室時剛好遇著毛毛雨，坐在窗邊望著街景，便足夠讓我發呆上好一段時間了。有時候來到這些地方，食物的味道有機會比不上店內那份散發著的"味道"。但是，要是食物水準真的非常差勁，那當然會影響到整體的感覺.......今天早了起床，看時間許可之下便到了這裡來個早餐。要說這店是"麻甩場"也絕不為過，因為店內佔了90%都是中年男人，大多是打開著報紙來看，有的則跟在旁的街坊談生風生，好不熱鬧。餐牌上的早餐選擇不多，看其他客人都是一杯飲品一件蛋糕那樣的，但這樣卻不是自己"早上的那杯茶"，最後要了一份早餐另加一份鮮牛治。先說一下這裡的<<奶茶>>，茶味薄而奶不滑，看著黑白奶的厚身杯就在想為什麼這杯奶茶的味道可以這麼糟的﹖ 是師傅一時失手，還是一向都是如此呢﹖這裡的<<早餐>>是最基本的煎雙蛋現火腿通粉，這些食物沒甚問題，味道也沒甚麼特別之處，大眾化的食物一般就是如此。隨後的<<鮮牛治>>卻令人

2008年7月30日早上6:45 第一個”吓!” 坐滿曬?! 呢個時候要搭枱, 唔係吓?! 成間鋪最後生係我同沙牛男友. 第二個”吓” 只有一款早餐, 火腿通粉+包+飲 沙牛/义燒係午餐. 問下叔叔先…佢話兩個餐都有. 都好d1) 沙嗲牛面 – 唔好食, d牛”業”到溶曬, 有d爛霉feel2) 鮮牛多 – 幾得意, 不過麻麻地好食3) 奶茶 – 普通埋單 40 蚊

2008年7月30日早上6:45 第一個”吓!” 坐滿曬?! 呢個時候要搭枱, 唔係吓?! 成間鋪最後生係我同沙牛男友. 第二個”吓” 只有一款早餐, 火腿通粉+包+飲 沙牛/义燒係午餐. 問下叔叔先…佢話兩個餐都有. 都好d1) 沙嗲牛面 – 唔好食, d牛”業”到溶曬, 有d爛霉feel2) 鮮牛多 – 幾得意, 不過麻麻地好食3) 奶茶 – 普通埋單 40 蚊我見大部份人都叫一個菠蘿包+奶茶, 枱面寫明 “每人最低消費$9”無下次囉! 無咩特別

之前無意間睇個呢間餐廳食評, 覺得價錢平, 而且據聞奶茶不錯, 專登過來試試. 今日一條友走落深水埗, 就係要試試.叫了午餐, 沙嗲牛意, 煎蛋, 奶茶. 感覺與一般茶記口味無分別, 而且奶茶只屬一般貨仔. 但總算不過不失. 最抵讚係價錢真係好抵, 不過要特登過嚟食就無謂啦, 因為味道真係唔算突出果隻.

大熱天時,最好食冰.想不到只要十六元可以有紅豆冰和油多.紅豆"起沙",冰水有牛奶味,不太甜;油多是用牛油塗在鬆軟的麪包上.這兒的食物價錢都很便宜,豬扒飯賣十八元,火腿蛋飯賣十六元,熱飲九元,凍飲十一元.午餐是叉燒意粉加凍飲只是十六元.十分經濟實惠.

其實經過好多次但都唔發覺呢間鋪,可能係前面俾D檔口遮晒,中午去到好多人,D檯擺得好逼,好彩一個人,好容易攝到個位.人人都係食午餐,义燒或沙爹牛配意粉/通粉/米粉,火腿炒旦及多士連飲品都只係$18.嘩!咁平,唔怪得咁多人.先嚟奶茶,奶多茶味較淡,沙嗲牛意,沙嗲夠香,牛肉並無梳打味,正!火腿炒旦竟然有旦汁,出乎意外.最後見隔籬檯有個阿婆叫咗個合桃蛋糕,好似唔錯,我又要番個,味道都幾好.做人可以好易滿足,簡簡單單嘅一餐都可以稱心如意.

我平日係附近番工，久不久就會係華南冰室食午飯。而家四周圍都加價。華南係少數＄20以下可以食得飽的餐聽。唔使多講，成間舖都係坐滿咗五六十歳嘅阿伯。平日就講吓馬經，講吓新聞咁。都好鬼熱鬧。間舖嗰老闆同太子爺通常會坐樓面，好一間典型舊式荼餐聽，即係18樓c座嗰種。講番啲食物，通常啲人都會叫茶餐。煎蛋，沙爹牛肉麵都係一般貨式。如果正厨唔係度，水準可能會啲少變化（會較油）。不過杯奶茶就幾唔錯，絕對係高水準。有日放咗工，五六點鐘，想坐低飲杯茶。又走咗入華南，諗住應該冇乜人。點知成間舖都係阿叔阿伯。坐低飲杯茶，食嗰撻，就知道乜嘢係舊區文化。