華園餃子館 (Moved) New Location

好耐之前唔記得係咪電視有介紹過,就有少少熟面口喇。所以我同朋友就揀左依度。反正唔係太肚餓,我就叫朋友叫幾樣樣野黎食下,分別係醉豬仔筋, 麻辣肚絲, 十三么餃子。醉豬仔筋: 落單個陣時伙計話今天好鬼多人叫依個, 所以可能唔夠一碟咁比我地, 就叫我地加多另一款小食! 豬仔筋算係個到小食最貴既, $58一碟, 咁拼埋其他收$58就算喇,因為我相信佢個豬仔筋都唔會太差既, 之後就黎一碟又有豬仔筋又有鴨舌既小食喇。講番個賣相先, 睇落真係唔錯嫁,不過食落又另一回事,雖然個名有個醉字,但食落酒味真係唔夠, 而成味小食都係啖左少少,唔係太岩我自己口味,反而朋友有幾鍾意。之後朋友就叫左個麻辣肚絲,話叫D重口味野食岩我喎,有D麻辣味, 但唔夠麻香, 不過都係有同樣既問題, 我都係覺得味道太淡,不過加埋D青瓜絲一齊食, 又幾清新嫁喎, 我覺得都係好岩我朋友食。再叫左個十三么餃子, 介紹就話可以食到十三種唔同既味道,都似頭個幾味野食淡淡地唔岩我自己, D餡都做得唔錯, 有無話十三種味咁多我又覺得好難食得出。

當日三個人一齊食lunch,第一次去. 正當我地睇緊menu,聽到隔離檯叫個系老闆娘寫野,點知條友望一望,唔睬班客,繼續睇電視,等到賣廣告先行埋去落單...落完隔離檯張單條友走過黎迫我地落單,個樣串到不得了,好似得罪佢全家咁!!!  我地三個人叫左兩個麵一個小食,仲有一個同事未諗到食乜,於是就同條友 講"落住呢啲先啦唔該",點知佢大大聲話"你地三個人叫左兩個麵咋喎"!!跟住仲指住我同事好惡死咁話"你冇叫麵喎"!!! 我見同事面有難色於是就好聲好氣同條友講"佢未諗到,你落住呢啲先,佢一陣諗到會再落單𠺢啦"......點知呢個囂張到爆嘅呀嬸話"一陣我未必同你落單𠺢喎,陣間人多我唔會比你加單, 我仲有大把客!!" 痴線!!!   於是我同同事一齊拍檯走!!!大佬呀!!!我黎呢度系食飯加比錢你賺, 我唔系黎乞野食....唔明點解要受你氣...臭串加囂張無比不知所謂嘅惡劣服務態度!! 我發誓呢一世加下一世我都唔會再幫襯呢間野!!!    食,都要食得有骨氣!!!

講真句, 呢間食店唔係個朋友成日話個麻醬麵好得, 我真係唔會比錢佢賺.之前LUNCH(12:40左右) 試過想外賣, 一入門口個姐就同我講依家落單要30mins.下! 你咁講同"呢度唔做你生意"無分別, 咁做生意點得呀! 剛好這一晚就是跟這位強力推介此店的朋友在這附近, 而且又有位, 所以就看看有什麼令你做生意做得如此囂張! 這裡座位唔多, 所以食完就要閃, 服務更欠奉, 可能阿姐長期都欠咭數吧! 真係芝麻糊咁樣! 落單時只會答你單字 "唔" "呀"... 真係見到佢落單個樣, 自己不禁笑左出黎, 笑自己明知都入黎! 朋友叫了幾個平時佢食開認為掂的: 麻醬味道好, 再淋上炸好的茄子, 味道好配好, 好食! 但吃的時侯小心燙口這麻醬麵確實不錯, 醬跟麵份量剛好1:1, 唔好太多醬亦唔會唔夠醬! 但整體麵份量就少點! 因為七款餃是由佢地從十幾款裡定邊七款, 所以根本有些都食不出那些味道, 索性單點韮菜餃, 反而知自己食咩!可以一試, 但始終覺得山東餃子做得較出色!唔講服務座位價錢, 整體食物質素都不錯! 但我真係要食餃子就外賣或轉食其它了!

今天和太太跟小兒(坐BB車中)中午約一點在附近逛傢俬店後經過這兒, 看到店外的相片有些小食頗吸引, 便提議進內用膳..因為有BB車, 我特意推到最入的座位, 怕阻礙到其它人(其時店內只有兩桌人)..先說說食物:1)酒醉雞腳筋(原來是被'酒醉豬手'吸引進來的,可下單時說沒有,唯有轉這個), $38蚊!! 只有十二件小小的雞腳筋, 很爽脆, 但酒味不太濃, 卻很鹹...2)擔擔麵, 味道很像附近一間叫'山東餃子店'的, 惹味帶點辣, 但湯實在太多了, 麵很少, 配料只有兩片東菇和十數粒炸菜, $24有點不值..3)酸辣湯水餃. 這個真的最不值.. 水餃一片糊糊的感覺, 沒肉感(根本不知在吃什麼); 酸辣湯可能加了太多豬皮(以前吃上海店的都沒有豬皮), 'SO味"太濃, 只分了小半碗吃便感吃不消...口味可能是個人感覺, 最氣忿的是當我很快的吃完了那小小份量的擔擔麵, 太太還在吃酸辣湯時, 那個應該是老版娘的人走過來對我說:"先生, 你食完就推架BB車出去, 我出面好多客人等緊位!!"她的語氣是一點禮貌也沒有, 其實我坐進來由食物上桌到吃完也沒有十分鐘, 但可能小兒在此, 我竟然很ON居的抹

昨天下午四時多路經此店，店外貼滿食物圖片作招徠，尚算吸引，那便一試。叫了兩碗麵，老闆娘(相信是)說即造，要等大約十分鐘，著我逛一圈才回來。看看店內客人一二，椅桌閒著，於是我說不用了，我坐下等等便是。詎料老闆娘義正詞嚴告知我外賣者均無權坐下！明道理的人都知人家小店椅桌有限，若客多時也不好意思佔座等候；可是當店內侍多於客也不能讓人坐下稍等，這是待客之道嗎? 何等傲慢的老闆；何具氣燄的小店。食物不錯也徒然，氣粗待客定成讖。

晚上客戶的見面時間改在9:30，只有一個人開餐。再次來到這間館子，上次因為朋友的介紹而來對這裡的餃子印象良好。門口貼著「所有食品，即叫即做，製作須時約10分鐘」，聽起來有點山東漢子的英雄氣概，對於出品有要求有信心。晚上8:00左右來到，同一位自攜啤酒的男士搭檯不用等位，點菜時我叫了一個「麻醬拌茄子」老板娘爽直的告訴我一個人就不要叫這茄子，因為是油炸的比較膩怕我吃不完，好。問起啤酒，老板娘熱心的介紹我去門外轉右相隔五個鋪的士多購買。喝著啤酒等菜上，聽著老板娘與熟客閒話家常氣氛也很融洽。不到十分鐘我點的冷菜陸續都來了。「麻辣豬肚」、「涼拌三絲」賣相及口感很好，但是這一類的小吃如果味道能濃一點的話必會更加討好。後加的「羊肉酥餅」及「韭菜鮮肉水餃」不一下子也到了，「羊肉酥餅」生菜包夾著酥餅及夾著羊肉碎，真的好吃可以再來一個，假如不是已經叫了個水餃。「韭菜鮮肉水餃」相比之下就給比了下去，餡肉欠了點鮮味沒有湯汁。整體上感覺良好會再來，來試：「小籠包」、「麻辣涼麵」、「麻辣鬆花蛋」及「甜心軟波波」。

又開飯..近日華園餃子已經成為我既首撰..完因為平..靚..正..涼拌青瓜非常新鮮..青甜爽口..炸豬扒估唔到的好食..唔知加了什麼調味呢..麻辣豬肚都幾辣下..不過就唔覺有麻辣味.豬肚爽口..小籠包好多肉汁..包皮相比之前的薄了很多..有明顯進步..椒鹽豆腐雖然只係簡單菜色..但非常有水準..正..白菜餃MIX津白餃白菜內有馬蹄..所以非常爽..肉味香濃..麻醬麵必食之撰..麵質好彈牙..麻醬好香口又唔會好流..担担麵湯底又濃郁過之前..味道更加突出..正..店內大部份食物都係即叩即做..質素有一定保證..麵條係老闆娘的用心製作..非食不可..兩個人狂點狂食..都只係 $ 160..相當低食..

本來打算去旺角食飯, 一直揀唔o岩, 行行下到左何文田, 就試下呢間啦!叫左以下食物:芹菜鮮肉餃: 一向愛食芹菜餃, 黎試新餐廳當然選my favourite, 鮮味十足, 沒有失望呢! 但比起大角咀的"匯麵坊", 呢度d餃真係好細隻... (要比味道, "匯麵坊"也較好)羊肉餃: 食左一粒, 好重羊肉膻味, o岩鍾意食呢陣羊肉味既人...擔擔麵: 唔係"詠藜園"果隻擔擔麵, 而係粗身上海麵, 上面冇肉碎ga, 得炸菜粒同幾片蘑菇片, 湯底都ok...麻辣蒜泥粉皮白肉: 好後悔點左呢樣, 簡直難食! 粉皮唔知咩質地, 入唔到味, 冇味ga! 又唔夠蒜泥香...另外, 間餃子店有好多菜式揀, 要比個讚! 有一款餃子叫"十三么", 取麻雀術語意思, 有14隻, 13款餃子每款一隻, 另加一隻重複款式餃子做眼, 有新意。P.S. 芹菜餃係我食開隻味, 加分!

有晚唔知食咩好..四圍去搵野食..搵下搵下見到依間餃子店好多人食..應該都唔錯..所以就試下..店內有好多相..所以都唔洗點睇餐牌..叫左個麻醬拌麪..汁醬好香口..超多青瓜絲..麵質好有口感..正..另一個担担麵都唔錯..不過就不及麻醬拌麪出色..

上次吃完「山東餃子館」，今次來到「華園餃子館」，真是差天共地。幸好只是剛巧上課經過，不是特地來吃，如果唔係就激死啦。西洋菜暗綠色，好老，帶苦味。不新鮮的肉，好實。餃子皮又厚又韌，上面有些格仔紋（？）。湯底和上海麵正常，麵的份量略少。一般。四季豆爽口，麻醬好稀，唔香。吃的途中，有個呀姐突然叫我調去後面坐，我都未出聲，佢已經拎走我的食物。服務態度極差，環境好迫，只是做街坊生意的小店吧。

之前食咗下午茶, 好快8:30pm左右便肚餓, 諗起成日搭車經過都蠢蠢欲動, 咁擇日不如撞日由深水埗行過去都係直路一條啫~惹人垂涎欲滴的紹興酒浸雞翼酒味香濃, 不過雞翼過熟, 非常嚡口皮薄多汁, 餃子館 賣餃子真是無叫錯小籠包皮厚肉白, d肉咁白睇嚟冷藏咗好耐看似異常吸引的北方紅燒肉拌麵, 首先啖肉淡嘅, 有色無味, 雖然煮得酥軟。 至於拌麵...汁都無, 齋白麵加條菜甜心軟波波一睇顏色就知係用新油, 讚 另外炸得酥脆皮薄, 內餡是濃凋的芋蓉, 讚見我食得好似好開懷, 但其實經過一段要乜無乜, 簡無可簡的經歴......嚟餃子館僅係想食特別的餃子: 茴香鮮肉餃, 無 蕃薯苗鮮肉餃, 無 南瓜鮮肉餃, 無 , 我聽到有客叫韮菜餃, 老闆娘話個個都叫韮菜餃, 食鬼晒d韮菜餃...(丈夫就同我講: 佢呢度乜都無, 僅係個個叫韮菜餃啦！)除咗餃子, 鋪頭menu寫有串燒($10/串, 最少要買2串), 咁自自然想叫串燒, 但阿姐話個爐壞咗, 等咗好耐d零件都未番, 又無得食不如食灼菜, 但係白菜, 無 ; 唐生菜, 無 ; 蕃薯苗都無, 得四季豆啫！ OMG! 敗給你啦~~

朋友很喜歡這餃子店，堂食之餘，有時甚至會外賣些生餃子攞番屋企吃。不多不少受佢影響，是日的Lunch揀了來開餐。先來碗麻醬拌麵，上面放了不少清新爽脆的青瓜絲，起初還有點期望，可惜吃起來麻香味不足，未能滿足。另有酒醉雞翼，酒香稍遜，不過凍食的雞中翼，怎樣也不會太難吃的；紅油抄手，單睇紅油已知不妙，辣是有點辣，卻完全不是正宗四川口味。抄手的皮偏厚，餡料的肉亦未算吸引。這裡的出品有何好吃? 我真的不懂欣賞。

中午和女友見肚餓，當四周的食肆都冷冷清清時，見到呢個麪店全店滿座，便很自然的對她有信心起來，進去一試。叫了酸辣湯麪、小籠包、雞絲粉皮和豆漿。酸辣湯味道不錯，但料很少。不過那個麪真的很差，竟然是一團糊在一起的，中間部份更因糊在一起而煮唔熟，仍是麫團狀態。可能只是我唔好彩，但這店子自誇每天新鮮自製的拉麪，被那煮麪的給毀了。雞絲粉皮不過不失，粉很爽很滑。小籠包皮夠薄，湯汁也好味，不錯！豆漿是不加糖的那種，但很淡沒有豆味，可能是滲水滲太多了。寧可喝個可樂。但我不同意之前食家們對老闆娘的批評，雖然她語氣真的很街坊，粗聲粗氣同好似唔憂做咁。不過服務還是做到足的，她見我們兩個人叫一碗麪，立刻很醒的給我兩個細碗，我中途弄跌了筷子，還未開聲已經叫我唔使執，等佢陣間執。街坊生意，夠爽快實話實說，才夠親切夠人情味嘛。總括而言，味道是中上的，下次可以再來一試招牌的餃子。

琴日午市入到去, 問佢可唔可以叫素餃紅油抄手 (因佢有素餃, 又有紅油, 而且我係勝利道叫開)。個阿姐好惡咁話：「你唔好叫呢d野, 午市邊個得閒幫你整呀！」d語氣真係好惡, 好似阿媽鬧仔咁。唔得咪唔得囉, 使唔使咁惡咁串。但講真, 佢d野價錢okay又幾好食。不過叫我再去, 我都要再三考慮, 唔想無la la比人鬧。

果頭附近來來去去都係果幾間餐廳, 見到佢無咩人我又有bb車,咪入去搵食啦, 都未行入門口. 點知聲大夾惡女人係到話呢到要出入貨, bb車放係門口啦無人偷妳架 ok無問題我都打算放係門口,叫咗2個餃子 (素菜餃子$19/ 芹香豬肉餃子$19), 又無咩人等咗好鬼耐.2大碟每碟10隻餃子, 望落去好厚皮吓, 食落真係好厚皮.但係成隻食肉汁好多幾好味, 再來一隻咬開一半原來原來頂多油爆出來囉 ~芹香真係好味, 不過都係皮厚 ~ 無湯浸住餃子食到尾又凍又硬.成間鋪鋪面得一個女人, 仲要係到睇住馬經, 態度都唔好架啦,服務又差, 人客走咗都唔收拾張枱, 要有客入到來先去收拾,人客叫食物問多句都煩咁款, 環境清潔真係一般, 去一次都夠哂 ~