華小料理屋

Open Now

Now Closed

早排係青衣睇完戲，唸住求其搵d野食～見到有間新開嘅日本餐，係門口見到餐牌個小碗蓋飯賣相好吸引🤩就決定試試～晚市8點幾嚟到都等咗一陣先有得食～1人前🍱有8款可以揀，我就揀咗🔹和牛照燒蓋飯🔹鴨肝和牛海膽炒飯🔹赤蝦蟹味噌蓋飯碗碗都好精緻，3款入面最鐘意和牛海膽炒飯✨煎菜肉餃子🥟炸到脆卜卜，皮夠簿！黑毛和牛壽喜燒🍲 前菜有炸雞/刺身揀壽喜燒湯底甜度適中，牛肉好嫩🐮 入面嘅蔬菜吸收咗湯汁的精華，Oishii💯加埋日本米🍚同味噌湯，好滿足😋

經理垃圾，服務差勁🤬。不如以後只做二人生意。🤬🤬🤬🤬🤬🤬🤬本身三個人去食，等左半個鐘都未有位，而這半個鐘二人枱一直都有人入。當直到有4人枱出現，竟然經理沒有叫我們去坐，反而再叫兩枱兩位入去，究竟點解會咁樣安排座位。垃圾餐廳。

呢間今年新開張時見幾多人食，開左無半年近排見無乜人就同朋友去食。一入去都唔會有日本餐廳嗰種有禮貌歡迎，坐低要我主動叫先比個餐牌黎。到㨂好哂叫職員埋黎點餐，個侍應好唔想做咁黑口黑落完單就走。一路見我地枱面都無餐具諗佢轉頭會比，點知野食都黎埋都無人理，又係要係咁舉手好耐先有個人攞黎。咁我地坐最入面嗰張枱，佢個執碗碟既車放係隔離，全部啲侍應心情唔靚咁，每次執左啲碗碟就大力掉落去好大聲，好多次仲有啲餐具大力咁飛落地唔止一次。野食方面就一般唔差，但唔日式。成程似去左服務差既茶餐廳食野咁，後生同資深既服務員都係一樣咁差，無下次。

青衣城的新Hana華小料理屋，經濟實惠，和牛壽喜燒由$88起，有唔同級數的牛肉或豚肉揀，套餐還包括味噌湯、溫泉蛋及日本米白飯，另外還有刺身或炸雞作前菜。另外亦推出～日本九洲和牛祭期間限定，4款御膳都有半價！ 當中的九州黑毛和牛壽喜燒，和牛份量好多，脂肪比例剛好，湯底濃而不重，蔬菜吸收湯汁，配胡瓜山葯、九州若雞、味噌湯、溫泉蛋及日本米白飯華•小碗蓋飯御膳以九格精緻擺盤呈現多款蓋飯，如機煮鮑魚蓋飯、赤蝦蟹味噌蓋飯、鴨肝和牛海膽炒飯、明太子蓉吉列蠔蓋飯等，適合打卡，份量剛好，令人回味無窮。華·串燒拼盤拼盤豐富多樣，有白鱔、牛舌、荔枝豚肉等，一共6串，都只需$78！甜品有好耐無食過嘅榴槤班戟，入口香濃軟滑！芒果百香果冰沙華之水果茶

喺呢間餐廳食咗三次，三次都係因為嘢食好味先返嚟再食，但係三次都覺得服務態度好差。第一次係我坐喺附近等緊叫號，等咗45分鐘終於輪到我，佢嗌我個號碼嘅時候嗌咗一次，大概3秒就嗌下一個，我行到埋去都只係用咗5秒鐘，佢叫我等吓一個，想俾人哋入去先，我真係勁嬲，覺得佢哋做嘢好唔合理，明明嗰張指示牌話會叫兩次，佢先至好唔情願咁樣話限時60分鐘，叫我入去。第二次食嘢就係啲嘢食本身已經唔係上得特別快，嗌埋甜品，差唔多食完用咗大概50分鐘，佢即刻出張單出嚟，同我講話仲有10分鐘，成個感覺係趕你走嘅意思，我勸大家嚟依度食嘢就唔好諗住食埋甜品啦，因為真係未必夠時間。第三次嚟食嘢，我今次只係食咗30分鐘啫，差唔多食完，佢同出面個客指住我張枱講話嗰張枱就嚟食完㗎啦，嗌咗杯嘢飲，又指住我杯嘢飲比個客睇杯嘢飲係咁㗎，你嗌唔嗌啊？拎住張單去買單，佢都係唔會行埋嚟幫你埋單先，施施然抹埋張枱先。我相信嗰位大叔應該係呢間餐廳有份嘅芒果沙冰幾好飲，幾解渴。朋友話嗰幾碗細飯幾好食，而且有八種口味可以選擇，蒸蛋就真係冇乜味。雞泡魚乾幾脆壽喜燒係最好食嘅，叫咗日本和牛，肉質幾滑，飯係日本迷嚟嘅，呢個set都只係98。我覺得牛扒就唔

一直都好想試下之前位於銅鑼灣嘅Hana華小料理屋, 可惜未食到佢地嘅壽喜燒, 上個月就已經結左業, 原來最近係青衣城開左新店以壽喜燒／串燒／日式丼飯做主打, 價格相宜, 難怪過左8點依然人流不斷✨️壽喜燒鍋御膳壽喜燒有唔同lv嘅肉肉, 價格有平有貴, 豐儉由人, 最貴嘅佐賀黑毛和牛稀少部位+北海道白樺豚都只係講緊$128, 套餐更包左前菜（刺身或炸雞）、日本米白飯、味噌湯同溫泉蛋, 其cp值相當高! 一個鍋兩款肉, 湯汁甜度適中, 入面仲有唔同蔬菜超足量, 白飯一啖接一啖, 唔覺唔覺就已經清曬了!✨️華 ·小碗蓋飯御膳九格擺盤精美, 每一格都放左唔同嘅蓋飯: 和牛照燒蓋飯、三文魚魚籽蓋飯、鰻魚玉子蓋飯、赤蝦蟹味噌蓋飯、鴨肝和牛海膽炒飯、明太子蓉吉列蠔蓋飯、慢煮花膠豬軟骨蓋飯及機煮鮑魚蓋飯, 碗碗都好精緻, 打卡美美的! 而且御膳套餐仲包括左前菜, 更有一壺茶可以自由將喜歡嘅蓋飯製作成茶漬泡飯✨️華、 串燒拼盤✨️鳥之串燒拼盤 食完壽喜燒未夠喉都可以試下佢地嘅串燒拼盤, 有蔬菜有肉肉, 可以同朋友仔開心share！✨️芒果百香果冰沙✨️桃子百香果乳酸梳打✨️華之水果茶

𝕋𝕤𝕚𝕟𝕘 𝕐𝕚 • 華小料理屋📍 𝕊𝕙𝕠𝕡 𝔾𝟘𝟛𝔸, 𝔾/𝔽, 𝕄𝕒𝕣𝕚𝕥𝕚𝕞𝕖 𝕊𝕢𝕦𝕒𝕣𝕖 𝟙, 𝟛𝟙-𝟛𝟛 𝕋𝕤𝕚𝕟𝕘 𝕂𝕚𝕟𝕘 ℝ𝕠𝕒𝕕, 𝕋𝕤𝕚𝕟𝕘 𝕐𝕚::::::::::::::::::::::::::::::@thehanahk Great value for sukiyaki set dinner ranging from $78 to $128 only. We ordered JP Saga Wagyu Beef and Hoikkaido Free Range Pork in which the beef broth was sweet and well-seasoned. Sesame chicken wings was hot and crispy; good to pair with a giant bottle of fruit tea! 🍹

同朋友約咗喺青衣食飯，我哋揀咗呢間日式嘅新餐廳😍 仲要係超抵食👍🏻佐賀黑毛和牛稀少部位 （$128）＋北海道芝麻雞翼（2隻）（$22）壽喜燒個湯底做得好好，入邊仲有唔同嘅蔬菜朔晒啲汁嘅味道，牛肉嘅脂肪比例都唔錯❤️ 芝麻雞翼都唔可以錯過，外脆內軟熟多汁👍🏻8款小碗蓋飯御膳（2人前） （$228）呢個係打卡之選，入邊有八款唔同嘅小碗蓋飯，好似鰻魚蛋飯、鮑魚飯、甜蝦蟹膏刺身飯等等，啱晒心大心細同有選擇困難嘅你，兩個人食份量真係啱啱好🫶🏻煎菜肉餃子（6件）（$36）餃子粒粒都脹卜卜，個皮都算幾薄🥰華串燒拼盤（6串） （$78）鳥之串燒拼盤（6串）（$58）我哋仲嗌咗兩款唔同嘅串燒😍飲品🥤芒果百香果冰沙 （$56）水蜜桃百香果乳酸梳打 （$28）華之水果茶 （$28）

本身開開心心去食一餐飯，點知食到一肚氣😡等候時間越過半小時都已經預咗，入座安排混亂。上菜時間亦相對耐，可能每樣小小原因，排上碟有排排，，所以上菜時間比同類餐廳慢。侍應服務態度差及無禮貌，以為一班年長侍應有禮，點知唔係，你坐低都唔會主動俾餐牌同二維碼你，要求都仲要嫌你煩咁嘅語氣，我真係唔知我嚟食飯定睇你面色！ 食物真的好一般，個蒸蛋無味到有啲難食，和牛係咬唔開🤣唔知邊度岀品🤔我覺得連元氣都好食過佢。真係咁嘅服務態度，影響成餐飯嘅質素。唔會再幫襯😡

本身好鍾意食壽喜燒，晚飯時段見到好吸引就走入去試吓，我哋叫左：✨SUKIYAKI TEISHOKU銘柄牛壽喜燒鍋御膳我哋選擇咗 - 熊本縣產黑毛和牛上枱熱辣辣，壽喜燒鍋湯底好濃郁，加入大蔥、豆腐、蒟蒻絲、冬菇等，再配埋熊本縣產黑毛和牛真係一流✨牛肉油脂分布平均，就算煮到熟晒亦都唔會覺得韌😆熱辣辣嘅牛肉再沾上蛋漿配白飯，真係超級滿足✨華•小碗蓋飯御膳我哋叫咗2人前套餐有：8️⃣款小碗蓋飯🍚再加唐揚炸雞🍗+沙律🥗+神奈川湯鳥冬🍜+茶碗蒸小碗蓋飯分別有：鴨肝和牛海膽炒飯🐮、明太子蓉吉列蠔蓋飯🦪、慢煮花膠豬軟骨蓋飯🐽、磯煮鮑魚蓋飯、和牛照燒蓋飯、三文魚魚籽蓋飯🐟、鰻魚玉子蓋飯🥚同赤蝦蟹味噌蓋飯🦀✨唔好睇佢樣樣都細細碗咁樣，其實食落真係好滿足，仲可以試到唔同嘅口味，啱曬有選擇困難症嘅朋友，而且超豐富😂另外仲付上一壺清湯，店員話可以加落啲飯度，又或者就咁飲解膩都得㗎🤭我哋仲加配咗章魚小丸子🐙呢個簡直係小朋友嘅最愛，一份八粒都俾佢一個人食晒😂外面脆卜卜入邊軟腍腍，再配埋口感豐富嘅八爪魚，大人小朋友都愛啊😋鳥・串燒拼盤（6串）有雞翼串，雞頸肉串，雞肉棒，雞肉串，蔬菜串 ×2，個人覺得雞肉棒同雞翼都幾好食，

牛扒先生集團的日本餐廳，在青衣城開店，把前牛扒先生舖位分割一部份出來。原本以為新開張，想到此處試下食，點知换來一肚氣，唔使食都飽。門口的兩個人俾位亂哂，又不認錯。店舖用膳又要限時一小時，我哋等了一個半鐘都冇位，有一張四人枱又分開俾兩人入坐，佢哋明明放錯位又要死撐話人地先登記，我地都早過他們半個鐘頭到，但後來的人可先入位，數分鐘之後有兩人坐位丢空，詢問他們，話等八人枱走左後俾我們，但八個人慢慢食，超過一小時都唔走。店員反而態度惡劣向我們，不知所謂。冇機會食，不會再來。直情影響牛扒先生集團聲譽。

食物與餐牌圖片不符叫個和牛飯仲差過連鎖快餐店水準差劣 份量極少食其他餐廳更佳餐廳員工服務態度極差 趕收工 又夾硬張枱拆開坐多幾個 搞到坐到好逼拆完枱 餐具又要問先比 側邊枱都忍唔住話佢係咪要用手食問佢就話係因為後製所以餐牌圖片差咁遠但明明就係兩款唔同既肉 明呃人同佢講都話知問題係邊 但佢地又唔會改冷氣仲要係壞既 未食完已經成身汗坐落去張枱都冇清潔過咁滯呢間野比錢買難受 狗都唔食 食左當交智商稅本身間舖一開二做多一類餐廳 點知差成咁