華記麵家

Open Now

Now Closed

呢間舖頭由細食到大，就算大個咗喺九龍住，時不時都會過嚟幫襯。一半係食味道，一半係食回憶。今朝過開嚟筲箕灣，就嚟呢度買個牛筋腩米外賣，分湯，諗住返屋企下晝叮返嚟食。點知返到屋企先發現得清湯、齋米，一嚿筋腩都冇，又冇腩汁，又冇理由過返港島換，變咗食齋米。😔不過佢個牛筋腩同炸醬真係出色，可能係兒時回憶啦，所以我都係會繼續幫襯。希望老闆睇到，下次pack外賣就注意一下啦！

呢條街好多食店，見呢間都幾多街坊幫襯就入嚟試下，睇店面，估唔到佢冷氣都幾勁👍🏼我叫左牛筋腩雲吞墨丸米😍😍啲牛筋腩又腍又入味😋😋雲吞都唔錯，墨丸一般朋友俾左塊魚片我食…唔太好食，唔爽口，味道淡左啲，不過朋友大讚牛雜好出色👍🏼👍🏼

揀錯店入去食嘢。 牛雜麵$30，肺大大嚿 有三舊，牛肚一片，腸兩少件，湯係甜嘅……唉！！！ 粉腸雲吞米 雙拼價 $38， 個湯冇味，清水加淡豉油， 粉腸腥清潔得唔乾淨， 雲吞就似附近成記麵食， 雲吞入面有一隻蝦 ，有1細點豬肉， 米粉又粗又硬。 兩樣都食唔落去。到附近出名: (低調高手)買個夾餅，食完個人先至有番啲生氣🤪

呢間粉麵食店在東大街不算起眼，我也是無意中才發現，於是入去試試，感覺到店員們的友善。明顯是區內老店，儲落一批街坊食客，老顧客未坐低，店員就能說得出「今日係咪雲吞麵走蔥，啲麵淋啲？」、「今日咁晏嘅？」、「嘩，好耐無見你嚟咯」，熟識的對話，這份就是香港老店獨有的人情味雲吞麵 $26 - 有4粒雲吞，每粒至少有2隻鮮蝦，特別彈牙，乒乓波左右的大小，幼麵亦很彈牙牛腩麵 - 牛腩入味、夠腍，想吃炸魚皮，也可選擇雙拼 $34，一人份量剛剛好，少吃多滋味