華韻廚房

Open Now

Now Closed

呢間新開嘅中菜餐廳成日都好多人訂枱食飯，原來佢嘅出品好有誠意。料靚量多又唔貴，好啱一大班人聚會！✨新鮮菠蘿炒飯 $128飯粒分明而且有陣陣蔥香。用嘅係新鮮菠蘿，連菠蘿殼都係新鮮（目測勁多汁😆）！有唔少蔬菜同埋蝦肉、魷魚之類嘅海鮮，啖啖都有餸好滿足。✨粉絲蒜蓉開邊蝦 $108蝦肉好鮮甜，開得好乾淨啱晒懶人。蝦肉同粉絲都吸收晒蒜香，特別啱餸飯！✨咖哩牛腩煲 （新鮮坑腩）$88經典嘅港式咖喱，好香但係唔辣。坑腩肥瘦有緻，大大件但係肉質夠腍又有適量油香。✨蜜椒雞翼 $98雞翼同薯仔都係油爆過，香到不得了。雞翼皮脆多汁，而且充滿蜜糖甜味。✨凍國際冠軍奶茶 $20✨凍檸檬茶 $20冇睇餐牌叫咗一杯凍檸茶、一杯凍奶茶，估唔到奶茶竟然係國際冠軍！茶底香而且奶味重，好啱👩🏻口味。

相信唔少人都係屋企嘅大廚，拿手小菜隨便都整到兩三碟。但係屋企嘅爐頭比出面食，總係少咗啲鑊氣；加上人總有懶惰時，又要買又要整又要洗，有時真係出街食好過。今晚就跟住灣仔嘅街坊嚟到華韻廚房，小菜選擇非常多。炸乳鴿燒味係華韻廚房嘅招牌，皮脆肉嫩、充滿肉汁，係每枱嘅必叫之選。金銀蛋時蔬時蔬係菜心，新鮮嫩綠，而金銀蛋除咗鹹蛋，餐廳玩玩新意思，加埋炒滑蛋，增添香滑感，味道都相當合拍。新鮮菠蘿咕嚕肉皮脆肉嫩嘅咕嚕肉，一咬開脆嫩外皮，肉汁隨即爆出。加上新鮮嘅菠蘿同酸酸甜甜嘅汁醬，令人食慾大增之餘，仲減低油脂感。椒鹽豆腐粒粒都炸到金黃色嘅椒鹽豆腐，火候啱啱好，入口鬆化。豉油王魚片蒸豆腐魚片肉質爽彈，豆腐嫩滑，用上自家調製嘅豉油嚟調味令到鮮味更加突出。

發現咗灣仔開咗新嘅中菜廳，華韻廚房，入邊除咗有茶餐廳嘅嘢食，特色小菜仲有海南椰子雞。真係好多選擇。我哋叫咗以下嘅菜式。粉絲蒜蓉蒸開邊蝦（$108）：蒸嘅時間啱啱好，蝦肉保持Juicy。蒜蓉味惹味。粉絲係精粹，成碟清晒。清湯牛坑腩（$148）：估唔到佢個牛坑腩咁好食。牛味濃郁，而且肉質非常彈牙。仲好食過平時專食牛坑腩麵嗰啲舖頭。啫啫福花煲（$78）：用咗大量蒜頭同乾蔥頭去整呢個福花煲，想唔好食都幾難。上枱嘅時候咋咋聲，好吸引。冬菜蒸黃花魚（$78）：本身對呢個冇乜期望。但估唔到冬菜帶起黃花魚嘅鮮味，而且黃花魚本身嘅肉質都幾嫩。臘味煲仔飯（$98）：必食！！飯焦脆脆哋，唔會好黑好燶。臘腸同臘肉嘅油香落晒啲飯度，香到呢～ 連我平時好少食飯，都忍唔住食咗好多。是日例湯：今日係紅蘿蔔雞腳煲豬骨，好多料，味道唔錯。凍檸茶（跟晚飯套餐加$8@）：食咗咁多嘢，飲番杯檸茶解下膩先。

雖然睇落係茶記餐牌，但餐廳環境坐得舒服，食物選擇豐富，有火鍋 燒味 小菜 快餐 等等等，岩哂人多 / 咩都想食既你! 我地叫左一隻椰子雞火鍋配蝦滑❤椰子湯底清甜，椰肉都食到! 之後，店員見湯底滾起再落成隻三黃雞同蝦滑，煮佢5分鐘。一開蓋，濃濃既椰子香味湧出黎，先食蝦滑，係人手打出黎真係食到有啖啖蝦肉，爽口彈牙唔會有粉既口感。再之後食佢地既三黃雞，一隻2個人share岩岩好! 雞肉質鮮美嫩滑，皮唔算好薄，但脆口! 油份充足，所以一滾起，店員會幫我地"不"起D雞油，叫我地飲一碗湯先，真係好鮮甜~ 記得唔好煮太耐，雞肉就會嚡口，如果食得慢既，會建議隻雞分2次煮。配埋佢地自家製既豉油，預先溝埋青檸汁，咸甜酸都有齊，再另外自己落埋沙薑，撈埋一齊，仲惹味!!冬菜蒸黃花魚❤鲜 嫩 滑 黃花魚有魚鮮味，肉質肥厚較焾，冬菜唔會好鹹，送飯仲好味!燒味例牌雙拼❤燒鵝拼燒腩仔 燒鵝皮脆有光澤，肉汁多冇腥味。而燒腩仔皮脆，肥瘦岩岩好。再叫多2個清炒時蔬 ，分別係薑汁炒菜心❤同 蒜蓉炒福花❤，食咁多肉，要食返D蔬菜平衡返! 我自己最中意菜心，因為食起黎真係好香好甜，唔會好油膩。特飲 金梅柚子七喜❤咸咸甜甜，開胃

呢間有得打邊爐又有得食小菜嘅餐廳，同老細傾計原來老細話開業唔夠兩個月，但已經好多人幫襯。餐廳環境幾大，價錢幾抵食，小菜同打邊爐料都多選擇揀椒鹽豆腐 $56炸得好香口嘅豆腐，豆腐滑外皮炸得好脆身。椒鹽味道幾好，勁岩飲酒吹水食新鮮菠蘿咕嚕肉 $98新鮮嘅菠蘿燒過，切粒直接連埋菠蘿皮上，好型。咕嚕肉都幾多，鑊氣唔錯，個汁嘅味道偏甜左少少，不過連埋新鮮菠蘿一齊食少少酸又幾平衡椰子雞火鍋火鍋個湯底用4個椰子水加半隻文昌雞，無加任何調味同味精，純粹可以食返椰子水嘅甜味同雞香味。雞件沾D豉油加南薑粒黎食，肉質幾爽彈幾嫩滑。另外佢地有個蝦丸用左勁多隻蝦整成，食落勁多蝦粒。之後食完D雞件同飲埋D椰子水就加左D雞湯打邊爐食火鍋料，烚下烚下同fd傾住計D時間就過

華韻廚房🌟整體: 新開茶餐廳 但係結合經典大排檔味道 同冰室嘅環境乾淨☆║．．．．．．．．．．．．．║☆‼️ 廚師推介 豉椒炒蜆 $98✅ 豉椒+ 蒜頭 + 蜆= 黃金組合 大排檔風味 鑊氣十足✅ 基本野 冇沙 $98大大碟 係幾開心‼️ 荷葉蒸白鱔 $ 108✅ 另一個是日廚師推介 白鱔極度彈牙 不過我欣賞係佢個飯底 D鱔汁落哂個炒飯底 比平時食多幾碗‼️ 椒鹽豆腐 $ 50✅ 麻甩系小食 每一次去大排檔都會食 一口size 炸皮薄‼️ 蘿蔔牛腩煲 $88✅ 平日D茶記嘅蘿蔔牛腩煲 用罐頭牛腩 都收70、80蚊 呢度用新鮮坑腩都係$88 重點係新鮮坑腩 牛味最濃，肥瘦相間，肉質腍中帶爽 絕對係比平日普通茶餐廳超班✅ 蘿蔔炆到好稔 又入味 味甜冇渣‼️ 福花煲 $78✅ 福花外形似椰菜花，味道較爽口，冇椰菜花咁腍身 配合啫啫調味‼️ 凍朱古力 $20✅ 朱古力味濃同奶 溝比例好好 又係比一般茶餐廳好飲得多📍灣仔灣仔道218-220B號利昌大廈地下D號舖⏰ 星期一至日 0730-22:00☎️ 電話號碼 📷 Fujifilm XE4 + 23mm F2📩喜歡我的文章，可以關注我及

煲仔飯10分俾10.5分，飯焦香味十足。下單臘味煲仔飯，樓面的阿姨把其他客人的雞飯給我們了。牛肉炒菜心，菜心比牛肉更好味本來以為一般般的咕嚕肉酸酸甜甜十分惹味幾十塊錢居然有新鲜菠萝！菜仔也鮮甜，食肉獸的我也忍不住夾多幾次。為了煲仔飯會再來。

華韻廚房 地址: 灣仔灣仔道218-220B號利昌大廈地下D號舖=====================擁有一個食廣東菜同小炒大架胃，出街食都喜歡叫下小菜。送了無味精老火豬骨湯荷葉蒸白鱔 ，重重骨膠原，魚有點豆鼓香，個蛋炒飯反而好好食，有驚喜，必試豉椒炒蜆 ，加了蔥蔥蒜蒜惹味口水雞半隻 水準正常發揮，雞是嫩嫩的，不過好重辣下。啫啫雜菜煲，生菜有層油光呢，國際冠軍熱奶茶，茶底濃厚奶質滑，值得一試。中午食平實的常餐，碟頭飯同燒味飯，晚上就有廣東小炒，正呀

位於灣仔的華韻廚房，主打🥥🐥海南椰子雞煲火鍋和中式小菜，每日都用新鮮的椰子和雞，給顧客提供優質的食物😛⋄⋄====—====—====—====—✦ 雞 ✦🐥文昌雞文昌雞是一道傳統的中國菜，以其獨特的烹飪方式，嫩雞肉配以豐富的香料和調味料，如生薑、蔥、醬油和米酒等。烹飪過程中，雞肉經過特殊的處理，使其保持嫩滑多汁👍🏻文昌雞的獨特之處在於，雞隻飼養了150日，使雞肉更加入味雞肉色澤金黃，香氣四溢，味道鮮美🤩🤩⋄✦ 魚 ✦🐟煎封黃花魚以新鮮的黃花魚在煎魚前，將五柳草葉、蘿蔔葉、薑絲、蒜末等香料放在魚體內，然後再煎至金黃酥脆😙魚肉吸收了香料的味道，使其更加香濃🥰煎封五柳黃花魚的外皮酥脆，內裡肉質鮮嫩，口感豐富，滿滿獨特風味😛 ⋄✦ 蔬菜 ✦🥬金銀蛋時蔬經典的中式炒菜，以鮮嫩的時蔬搭配金銀蛋（即鹹蛋黃和蛋白）烹煮😍色澤鮮豔，口感爽脆，金銀蛋的鹹香與時蔬的清甜相互呼應😋營養豐富，美味可口😋====—====—====—====—.📌店名：華韻廚房‘📍地址：灣仔灣仔道218-220B號利昌大廈地下D號舖

華韻廚房是一家知名的中式餐廳，位於灣仔與銅鑼灣的市中心。我們最近造訪了這家餐廳，並且品嚐了他們的特色菜式。我們首先點了臘味煲仔飯，這是華韻廚房的招牌菜之一。煲仔飯以傳統的石鍋烹調，米飯入味，融合了各種臘味的香氣，包括香腸、腊肉和鴨腿。這道菜烹飪得恰到好處，米飯口感香糯，臘味的風味濃郁，讓人回味無窮。作為華韻廚房的招牌飲品，我們當然不能錯過他們的熊仔凍檸檬茶。這是一杯清涼解渴的飲品，檸檬的酸甜與茶的清香完美融合，再加上特別的熊仔造型冰塊，讓整個飲品更加可愛有趣。喝下這杯冰涼的凍檸檬茶，彷彿一下子就消暑了。接下來，我們點了華韻廚房的新鮮菠蘿咕嚕肉。這道菜以新鮮的菠蘿和嫩嫩的咕嚕肉為主要材料，搭配特製的醬汁烹調而成。菠蘿的鮮甜與咕嚕肉的酥脆相互襯托，口感豐富多樣。醬汁的甜中帶酸，增添了菜品的層次感，讓人食欲大開。最後，我們還點了一道小炒皇作為點綴。這道菜以蝦仁、鮮蔬和特調醬汁炒製而成，色彩鮮豔，口感鮮嫩。蝦仁的鮮甜和蔬菜的爽脆相得益彰，醬汁的香氣使整道菜更加美味。這道小炒皇不僅是一道美味的菜品，還展現了廚師的烹飪技巧和創意。總的來說，華韻廚房提供的菜品既有傳統的中式風味，又融合了一些創新的元