華香園

Open Now

Now Closed

華香園米線，真係由細食到大見證住佢轉手，但米線嘅味道依然非常好最鍾意食佢嘅三鮮米線配料非常多，肉片同香菇都俾得足，仲可以加芫荽，鍾意食芫荽嘅朋友一定鍾意米線湯底都好配合，唔會太濃，亦都唔會太淡，米線嘅面生唔會太淋，軟硬適中。價錢未必最化算，但味道真係好好，大家行開置樂想買外賣都可以試吓

意外咁搵到呢間有豆花撈米線嘅小店，見到仲有過橋米線食，感覺係正宗嘅雲南風味👍🏼另外都有飯食，照顧到唔同口味嘅需要，夠貼地👏🏼豆花撈米加左腩肉做餸，腩肉係大舊嘅鹵肉，幾入味👍🏼豆花令到米線嘅口感更加順滑，幾特別，豆花味道不甜不咸，感覺健康，不過米線有多啲鹵汁更好😝 配菜仲有韭菜同花生，都夠新鮮同脆口👍🏼男友叫嘅抄飯即叫即抄，好有鑊氣，夠填飽個肚又好味👏🏼已經諗好，下次過嚟要試吓佢嘅過橋米線，同埋炒米線🤔

這間米線是一位住在屯門區的朋友推介我吃的。整個店鋪雖然坐位不多，但可以看到不斷有客人進來光顧🤣🤣服務員的態度良好，亦非常有禮貌👍🏻這次我吃了一碗炸醬撈米線，配料非常豐富(詳細以餐牌為準)。之後我亦加了兩個餸和一杯華田，總共61蚊。

華香園真係值得一試嘅餐廳。D米線份量多，又好味，價錢仲平，學生仲有得減兩蚊，好抵食👍🏻個人覺得服務態度到尚算可以👍🏻如果坐裏面食的話環境都幾好，又安靜，冷氣又夠涼。絕對係學生們嘅抵食之選！👍🏻

華香園是一間米線店，位於屯門置樂區。 望落去跟普通茶餐廳沒有什麼分別，餐廳不大，有兩個雙連舖位，主舖有兩，三張餐桌。而後來老闆多開了一個舖位，早期在斜對面，現在已是一個跟鄰舖雙連的店餔。老闆很用心去製作每款食物，許多配料也是精心泡製，其中有兩三款小食是極力推介的😍1 麻辣豬肚絲$272 麻辣豬脷$273 涼拌皮蛋$18以上三款小食的麻辣汁只有少少辣味，但充滿香濃的麻香味，而且配了少許薄荷葉和芫荽，真材實料，不要錯過啊!👍👍👍店舖的豆花米線$33,涼拌米線$33,也不要錯過啊!米線上的配料真的十分出色，十分用心去製作， 有炸醬肉碎，肉燥， 葱，細粒好味的咸香花生，韭菜，芽菜，蘿蔔絲，芝麻等。最後亦不得不介绍這間店舖的滷水餸，他的滷水汁十分香濃，亦可以揀選不同的餸(有牛，五花腩，牛腩，豬腸...下次經過屯門置樂,不妨行過,路過,千其唔好錯過這間用心出色的米線店。

不過無論是阿姐定還是叔叔，見到我們帶同一名小嬰兒前往，都相當之細心為我們物色座位，先安排卡位，後尾發現原來隔離舖位都是他們的，他們亦都安排我們坐下，夠寬敞，也有電視觀看。哪些是學校課室的座位，也是挺舒適以及懷舊味道的。看看餐牌，有些下午茶和標準的套餐，下午茶生怕太少，如果不知道屯門還有什麼下午茶好吃，害怕會太肚餓，於是還是叫了個正餐，反而下午茶都不是便宜得太多。我覺得這兒的米線份量都不太多，它的辣味之中，反而好像甜味的元素較多，這個所謂的辣，都沒有什麼辣味味。可能還是要叫其他散叫的口水菜式才會有麻辣的口味吧。米線除了辣搵有點甜味，味道普普通通，不過撈米線，質地夠煙韌彈牙，也不算太差。

呢間位於屯門置樂的平民米線鋪價錢親民，今次再幫襯買咗一碗豆花撈米線和一碗酸辣米線。豆花撈米線米線上鋪上嫩滑豆花，加上滿滿炸醬、芫茜、花生、蔥、豆腐皮、芝麻和芽菜。食之前撈埋一齊，因有足夠的醬料而且米線有些少湯水份所以撈埋一齊唔會太乾。酸辣米線（小辣）雖然呢個是一碗無餸的米線，但配料充足，而且米線和湯放滿整個外賣盒，絕對無減料。特別欣賞米線湯底所用的肉碎是鮮豬肉，誠意滿滿。

去呢間野堂食 同個接電話的女人講張桌有汁 要清潔一下 個女人就掉條巾落張桌叫我自己清潔我同佢講一係換桌 就比個女人罵 要咁好服務去四季食啦期間仲聽到個女人接外賣單後 唔知係咪被人寸谷氣 好嬲咁叫廚房同佢好好招呼個張單既客以後都唔會去呢間野道食 服務態度極差

叫左個外賣自取，麻辣米線配豬大腸，豬大腸都大舊，又唔會話好少，份量ok，價錢都幾抵食。米線份量岩岩好。等外賣自取都好快，叫左外賣出去附近買埋野，返到黎已經有得拎架啦！

豆花撈米線，就咁聽個名好似點都唔關事。但一試難忘，豆花既滑，撈埋米線令啲米線更滑，肉燥味道岩岩好，不太咸。但食哂成碗都幾飽肚嫁。呢間小店沒有華麗的門面，什至連舖頭名我有時都會直接叫佢「豆花撈米線」，不過就係實實在在做好米線既一間親切小店！

置樂既一間地舖間鋪頭外觀有少少懷舊味道食嘅都係食中式嘢有米線飯之類最鍾意食就係佢個麻香肚絲飯肚絲係豬肚切成一條條再加啲芫荽再加埋佢個秘制麻香汁 人間美食淨係個汁都可以撈一大碗飯次次都嗌佢加飯

今次食下呢個 碗仔翅 燒賣 腸粉。呢間野大部分屋邨大嘅朋友應該都好親切。 我就冇提呢有狗仔粉食。 個個都講我唔講啦， 呢間出名加狗粉， 我就講佢碗仔翅同腸粉， 感覺懷舊仲保留著非常唔錯嘅屋邨味道。 集體回憶必試，燒買熱辣辣食埋滿足曬。 但提醒你要健康以上食物澱粉太多， 亦不宜太多醬料。 食個油菜食左先就更健康啦。 其餘仲有其他食物如粉果， 魚蛋， 腸仔之類， 任君選擇。 最後仲可以叫支玻璃樽汽水， 入型入格，回到屋村時。 祝聖誕快樂， 食極唔肥。😁

呢間雲南米線店隱藏係街市隔離，望落去同普通茶餐廳冇乜分別，睇個名都唸唔到係賣雲南米線既，我係雲南米線既fans，譚仔既常客，但如果唔係朋友介紹既話，可能我都唔會特登行入去食。餐廳唔大，有兩間房可以坐，如果廚房呢邊冇位可以沿著走廊行入少少，就可以見到仲有一間房，擺左幾張檯，不過寫嘢既時候就需要行過去叫伙計寫啦。強烈推薦佢既炸醬撈米線，炸醬、花生好足料，可以再額外加餸，我鍾意加枝竹、牛展、肥牛，有時都會加餐肉。如果可以食少少辣既，可以叫佢加麻辣，加左之後其實唔會好辣，但係更加濃味，好過癮。佢既凍檸茶都幾好味，檸檬片夠多夠新鮮。

返工外賣必食。只要滿100蚊便可以免費送外賣。米線好唔好食，其實湯底係重點。華香園的湯底比譚仔的咸D，食譚仔大辣的朋友都話華香園大辣唔太辣，但整體米線比得上譚仔，甚至我覺得更好食。原因係佢有不同的米線，有豆花撈米，炸醬撈米，又有湯米，款食選擇相對多。試過炸醬小辣撈米線，撈起黎，炸醬足夠，唔會太乾，重口咩，有街頭感，几好食。豆花撈未食過，但有同事好中意食，次次都叫理款。三鮮米線就清D，但三十蚊左右就有荀生菜冬菇同豬肉，所以好掋食，都唔洗再加餸。酸辣米線係平常必食的，有芽菜蔥花等，湯底味濃酸辣，唔錯唔錯～唔夠可以再加餸。另外仲有飯選擇，不過個人每次都好想食米線，無机會試飯。

之前有雜誌報道過在屯門的特色米線，但是華香園竟然榜上無名，我有點失望。其實華香園是在寂寂無名在做街坊生意，很多食客是附近的街坊或中學生，他們每天都幫襯這間小店。華香園嘅米線林林總總，有炒米線，有湯米線，有撈米線。而炒米線是我個人很喜歡的，因為會加入金華火腿去炒。而其中最出名的就是這個豆花撈米線。這個豆花撈米線十分清新，特別。有豆腐花嘅豆香，再加上炸醬嘅微辣，配合荽茜的清香，整體撈埋一齊，給味蕾多重的感覺。