萬發海鮮菜館

Open Now

Now Closed

個人好鐘意食大排檔，呢間係個個食完都講一定要嚟試，又平又好食咁，今次就慕名而來👏🏻-🐾黑椒薯仔牛柳粒講起萬發一定要食呢道菜🤣果然冇令人失望！色香味俱全，薯仔炸到金黃色，個粒都掛住蜜汁，入口係蜜汁甜，咬開香脆嘅外層係薯仔甜😋牛柳粒既有黑椒又有牛香，加上一啲都唔韌👏🏻-🐾椒鹽鮮魷份量都幾多，炸粉薄，唔油膩😌但係鮮魷有某幾件韌扣左分，整體都還可以👏🏻-🐾乳香浸通菜炒都好靚，通菜一直都keep 住翠綠色😮腐乳味唔算太濃蓋過菜甜，非常惹味🤤

以前細個住深水埗 小茶皇， 萬發， 愛民生 都是常去既大排檔 平民大排檔道不要講什麼高質環境 但放左工同老公兩個人去啤一啤是人生一大樂事 價錢親民 味道又地道有火喉唔需要顧及任何餐桌禮儀開懷大吃大喝小炒皇 夠火喉 夠鑊氣 很多韭菜 但略嫌炒得唔夠乾身「斯堪」鮮甜 肉肥 但略嫌細隻咗少少椒鹽九肚魚非常好味外脆內軟 風沙雞肉質嫩滑多汁脆皮

深水埗出晒名多大排檔！但呢一間嘅黑椒薯仔牛柳粒真係分量十足🤩勁大碟薯仔🥔口感外脆內軟糯 食落充滿甜甜地嘅蜜糖味🍯仲有辣辣地嘅黑椒味🌶牛柳粒口感好軟淋 唔會好銀 炒得好香口 好食😋

受人推介去食，我哋6個人去，個人覺得幾好食，味道出乎意料之外，香港茶餐廳黎講少見，啱大班人一齊食，而且可圍埋隨心傾計，冇咩特別時間限制，同場有歡樂氣氛，幾推介的，價錢尚算合理，服務態度尚可，衛生尚可，唯一不好可能是聲量太特別？不過我個人也無任歡迎的。總評極佳，感謝！

第一次寫食評，因為實在差差差以為九江街有幾間萬發，加上網上食評不錯，便抱有希望去吃一頓大排檔風味的晚飯，結果吃下不是鑊氣，而是一肚氣及垃圾。諗住嚟吃大排檔風味，预左佢環境不會乾淨，但估唔到佢D服務，拍得住佐敦澳洲牛奶××及倫敦的旺記，一個講唔純正廣東話的侍應阿姐，全程黑面待客，有問一係唔答，一答便呼喝，唔知係咪俾老闆待薄，發洩係D客身上再講食物, 除左薯仔牛柳粒入得吓口之外，風沙雞好諧好老; 西蘭花斑腩成$160碟，但成碟嘢油淋淋，D so call 斑腩應該係雪藏嘢，無乜味; 椒絲腐乳通菜得個<咸>字; 椒鹽鮮魷D魷<硬掘掘>, 無鑊氣，成餐飯唔知食左乜？!

琴日同朋友食萬發，話說好多年前佢問我幾時同佢食大排檔，輾轉咁多年都冇同佢食過，直到最近我地聯絡返，於是就一齊食我地6點左右去到，已經開始多人，好在兩個人唔駛等就有位我地去之前一晚已經諗好食咩，去到唔駛諗就叫得下面簡單評價下各樣餸菜乳鴿：萬發燒乳鴿出名，皮脆肉嫩，但今日我略嫌鴿騷味多左少少沙拉骨：好多千島醬，每舊骨都包哂醬，肉尚唔硬，咬到嘅，味正常，ok的豉油王吊桶：原來想叫花螺，但冇，諗左陣再叫呢樣，炒到好香，吊桶都鮮味，要趁熱食，凍左會少少腥薯仔牛柳粒：萬發皇牌菜，其他大排檔都冇佢整得好食，薯仔外脆內軟，蜜糖味又夠牛柳粒只係配角，好稔，肉味都夠，我地兩個人食薯仔好快飽，所以食唔哂我叫左兩支可樂，朋友話佢氣管唔好，但經我游說最後都飲左少少埋單$466，大排檔就唔會平得去邊，都要賺錢架，但萬發係有質素嘅大排檔，值得去下嘅

風沙雞 (7.75/10)：鋪上椒鹽的炸子雞，皮脆肉嫩。啫啫桶蠔煲(8/10)：火候恰好，外層微脆，但仍保持了蠔肉大小和肉汁。焗魚腸(4.5/10)：蛋焗得不錯，但魚腸已用薑辟味，但仍微腥 👎🏼———————————————————————————⭕️總評：有風味的大排檔，環境略差，但整體食物水準不錯（註：要點對的菜式），可以翻食 ✅ 💵Budget: $200 pp📍 萬發海鮮飯店 (深水埗)深水埗九江街150-152號地下

疫情緩和番，屋企人即刻話想去大排檔，深水埗九江街大排檔一向出晒名，我哋8點去到已經成條街開晒枱坐滿人，人氣好旺！先上一碟薑蔥炒蟹，呢兩隻膏蟹真係不得了，大大隻😍超級無敵爆膏，蟹膏口感結實，蟹膏多到跌晒落隻碟度，不過價錢唔平，唔記得咗$600定$700咁上下🤔另外叫咗燒鵝、胡椒豬肚湯，豉椒炒蜆，前兩樣就一般，但豉椒炒蜆炒得夠惹味香濃，份量多，蜆肉唔會太細粒，好食😋加埋坐喺街邊食特別有地道風味！

疫情禁晚市堂食多個月，酒樓同大牌檔影響好大，咁大個地方淨係做外賣生意，真係租金人工燈油火蠟都回唔到本。呢間飯店晚市仲有三個廚，十分鐘煮好，賣相味道唔差，份量足料幾大盒，不過鑊氣重之餘，食落覺得油左少少。銀芽肉絲炒麵 $118 呢個推薦！正！玫瑰豉油雞 半隻$128 入味，大大件雞肉夠嫩滑涼瓜田雞 $98 少少油，田雞都算多麻辣炒豬頭肉 $88 好油，豬頭肉好肥，唔係好麻辣，感覺係油浸！馬拉盞炒通菜 $88 味道唔係好濃，正正常常

趕住係禁晚市堂食前，約左幾個朋友去食大排檔！😋我地幾個都叫到成枱都係餸，當中有必叫既黑椒薯仔牛柳粒，牛柳粒係煮得岩岩好唔會難咬，薯仔外脆配埋個醬汁，甜甜地，好好食😋我地叫椒鹽鮮魷、炸大腸、豉汁蒸白鱔、沙爹肥牛粉絲煲同埋豉椒炒蜆！！蒸白鱔好肥美，一上枱就即刻夾黎食，好嫩滑！沙爹肥牛粉絲煲好惹味，粉絲吸曬d汁要配番碗白飯食先得！！椒鹽鮮魷個皮係甜甜地，唔係好食得出椒鹽味炸大腸係外脆內煙靭，好好咬口🤣🤣

🤩 深水埗｜ 萬發海鮮菜館#丁丁香港探店地址：九江街150-152號地下- 薯仔牛柳粒  小炒皇  椒鹽豆腐 蠔餅  金銀蛋西洋菜  椒鹽鮮魷 ⬆️照著點就行😎上次去的新店（福荣街）这次来的老店大家認可這家比愛文生好吃

同朋友做手工做到夜一夜，仲開緊既食肆唔多，所以惟有揀間大排檔炒幾個小菜食下。相信大家都對萬發唔陌生，佢地既小菜真係唔錯架～✨三鮮牛骨髓其實好少地方有牛骨髓呢味餸，難得呢到有就緊係要試下啦！三鮮係指蝦、魷魚同蘑菇，三種食物都彈牙爽口。而牛骨髓口感嫩滑，咬咬下仲感覺幾creamy，牛骨髓本身就冇咩味既，但加埋啲蠔油醬汁，食落鮮美可口。✨黑椒牛仔骨黎到萬發成日都食薯仔牛柳粒，今次就叫黑椒牛仔骨試下。牛仔骨既份量都幾多，仲配左啲青椒、紅椒、洋蔥之類。洋蔥炒得唔係好耐，食落好辣。牛仔骨就比較韌，好難咬。但係加埋個黑椒汁，辣辣地都幾過癮。✨薑蔥魚雲煲超中意呢味餸！成個陶瓷煲咁上，慢慢食都係熱辣辣架！啲魚雲先走過油，所以外層仲脆脆地，有啲仲可以成舊骨食埋，而入面既魚肉仲好嫩滑。薑蔥味好夠，食落好香口，而且一啲都唔腥。最中意係食埋啲蔥，炒左除去左辣味之餘仲帶哂啲蔥香，送飯一流。

忙完一整日後放工想食D小炒飲番兩杯．Chill一Chill同事二話不說帶左我去萬發佢話呢度既薯仔牛柳粒世一好可惜我地去到店員話無哂薯仔🥲 。✿蜜椒牛柳粒炒西蘭花($108)🥦🧆一望就知個牛柳粒鑊氣好夠牛柳粒炒到有少少脆身有咬感唔會無哂彈性蜜糖🍯包裹住炒到外脆內嫩既牛柳粒甜度岩岩．好唔會死甜咁而西蘭花吸哂味．唔會煮到淋哂雖然呢個蜜椒牛柳粒都唔錯 但我想食黑椒薯仔牛柳粒 ✿沙嗲粉絲蝦煲($168)🥘蝦皮炸到脆身但蝦肉仲好彈牙一路拆殼一路舔手指而粉絲吸哂沙嗲汁係超級惹味但粉絲量太少🥴最後變左大家搶住黎食 ✿豉汁蒸白鱔($168)🍲不得不讚佢個豉汁好出色調味醬油加埋個豆豉成個醬汁好香好惹味白鱔肉質帶少少彈牙唔會蒸得過熟而且白鱔一D都唔腥白鱔既油脂感配個豉汁送飯一流🍚🤤 整體而言會想番黎試薯仔牛柳粒同埋叫粉絲煲唔要多餸要多粉絲🤤🤤😉

很久以前的一餐！！！全部都好好吃啊，環境是超級local不過吃得很開心🥳食物很新鮮很有鑊氣☺️強推薯仔牛仔粒，椒鹽魷魚，沙拉骨 🧡有大中小分量選擇，建議選擇少份量因為都頗大份，可以試多幾樣唔同嘅款式

一大班朋友食飯，最好就係打冷大排檔！叫小餸，咩都可以食下！發掘到呢間店，非常值得推介！炸雞係爽口，好好食，脆皮不得了！炸大腸，上場超受歡迎，一食爽口，乾脆利落，必點！個人鍾意食香口野，佢九肚魚炸完唔油膩，仲要少粉，好好食!!隻色賣相不錯，但稍為多粉，但脆口，都係好食過一般的大排檔多多聲！有人話獲氣夠必點，但我略嫌甜得滯，但係個炸薯仔又係無得輸的口感！賣相靚，超級入味！料多，性價比高的！很值得推介！熱上！而家疫情大夥人很久沒聚一枱食飯，感覺很熱鬧開心！