萬發海鮮菜館

Open Now

Now Closed

同朋友做手工做到夜一夜，仲開緊既食肆唔多，所以惟有揀間大排檔炒幾個小菜食下。相信大家都對萬發唔陌生，佢地既小菜真係唔錯架～✨三鮮牛骨髓其實好少地方有牛骨髓呢味餸，難得呢到有就緊係要試下啦！三鮮係指蝦、魷魚同蘑菇，三種食物都彈牙爽口。而牛骨髓口感嫩滑，咬咬下仲感覺幾creamy，牛骨髓本身就冇咩味既，但加埋啲蠔油醬汁，食落鮮美可口。✨黑椒牛仔骨黎到萬發成日都食薯仔牛柳粒，今次就叫黑椒牛仔骨試下。牛仔骨既份量都幾多，仲配左啲青椒、紅椒、洋蔥之類。洋蔥炒得唔係好耐，食落好辣。牛仔骨就比較韌，好難咬。但係加埋個黑椒汁，辣辣地都幾過癮。✨薑蔥魚雲煲超中意呢味餸！成個陶瓷煲咁上，慢慢食都係熱辣辣架！啲魚雲先走過油，所以外層仲脆脆地，有啲仲可以成舊骨食埋，而入面既魚肉仲好嫩滑。薑蔥味好夠，食落好香口，而且一啲都唔腥。最中意係食埋啲蔥，炒左除去左辣味之餘仲帶哂啲蔥香，送飯一流。