葵涌百得阿姨

Open Now

Now Closed

今日中午去咗葵廣依間食車仔麵。其實已經食過幾次，覺得味道都ok過得去。間店都幾大下，有好多位。但裝修都係好一般，店入面掛咗好多車仔麵餸菜嘅名同圖片，令人睇到間店有咩食，同啲配菜係咩樣。車仔麵配菜選擇真係好多。點咗河粉少辣（$9），冬菇（$9）丶雞中翼（$9）丶同豬耳絲（$9），總共36蚊。首先。啲河粉好入味，而且唔會容易斷。啲冬菇都好入味，煮得好軟淋淋，入晒啲辣辣地嘅牛腩濃湯汁。而雞中翼有2隻，都係煮得好軟，而佢嘅滷水汁味好濃郁。而豬耳絲好脆口，不過佢整得唔太乾淨，因為豬耳絲有幾條都有好多毛毛。

係葵芳行街行到肚餓又差唔多要食晚飯，😆所以就係葵廣搵左呢間車仔麵。葵廣自從裝修完，🙁佢d掃街就已經冇咁平，唔可以掃街當晚飯🙈。呢一間車仔麵除電梯對住嘅鋪位外，佢轉入去都有一個鋪位，個到就會坐得舒服d，少人d。👍🏼要係枱面填左張點餐紙先，之後就俾錢落單。🌟佢呢到個湯底就麻麻🙈，但係勝在佢d餸比起出面個d份量較多👍🏼。菜就差d，比較老同好似俾頭俾尾咁。🙈咁佢價位都係合理嘅。👌🏻

今日收工，9:40pm到達百得阿姨舖頭。我地坐左全面。比個姨姨叫我坐出面，甘無問題啦，坐出面咪坐出面囉。一拎起張寫野食紙，已經比另一個阿姨吹我地快d落單。其實趕收工，你同我講聲。我吾係度食真係無問題架⋯朋友話算。甘我地又快d落單，兩個人，叫左一碗薯粉三餸$52叫左一碗車仔麵加多罐可樂。兩碗野，其實都係一般般可樂吾凍。。最離譜係食到一半碗薯粉。阿姐係度洗爐。。污水彈哂我地張枱。。。我碗野未食完架！🤬吾好意思都無講。完全無胃口。即刻走。望下隻錶。10:01分！20分鐘可以發生甘多野，以後都吾會再幫襯。番去煮個公仔麵食都吾洗甘嬲！

晏就要食自己唔知食咩好，就去左葵廣睇下。雖然葵廣有好多好好食既小食，但因為我太攰想坐下，慢慢食，所以決定搵間餐廳。上一層轉個彎就見到...我本身都幾鍾意食薯粉同酸野，又見到有啲人食下，應該唔差既，就入左去坐低。同其他車仔麵個啲一樣，係要自己寫紙既。坐低先發現原來有低消，我仲諗住食廿幾蚊就算，點知至少都要32蚊。我叫左圓條薯粉唔辣加大腸，咁就34蚊了。配料黎講都算多，麵既份量都okay既，唔算太少，唔會食一兩啖就冇。因為係酸辣湯底，雖然我走辣，但都有微酸既。對於食得好酸既我黎講，個酸真係好微好微。如果酸菜可以再酸啲，薯粉可以再煙韌啲就好啦。其實如果你要食薯粉，你一定要加個9蚊餸或者野飲或者兩個6蚊餸，最平係25蚊淨薯粉加配菜加8蚊飲品，低消變左係33蚊，但冇餸嫁喎，加埋餸已經40蚊左右。我覺得貴左少少。

行開葵芳，又遇正午飯時間，間間餐廳都好多人，於是去了葵涌廣埸一樓幫襯一間食車仔麵的舖頭叫百得阿姨。叫了小辣味的三餸一麵，包括辣魚蛋、猪皮和猪大腸，再加一杯凍咖啡，盛惠$41。湯底小小辣又熱辣辣，正！辣魚蛋夠彈牙，但不夠辣。猪皮爽口，没有猪毛，整得好干净。猪大腸鹵水味夠濃，小小甜味，味道一流。而杯凍咖啡就一般，唔夠咖啡味。總結，快靚正，唔駛等位，大約7-8分鐘就有得食，$41係超值，下次去開葵芳都會再幫襯。

這家車仔麵光顧了好幾年，坦的講，食物的水準只算中規中矩，但最令人難忘的是阿姨的牛腩。如果去食，即使不叫牛腩，都記得要加腩汁，因為實在好好味，每次食都覺得邪惡。當您多去幾次，阿姨便會認得您，而且會記得您上次食過什麼。這種食店，最能食出地道人情味。

位於葵涌廣場一樓小店，我們12:30食lunch，陸續多人，店員應接不暇......我們三人落單後五分鐘上了一碗，隨後十分鐘左右另外兩碗就到，第一碗指示過關，其後兩碗，小辣加楠汁的變成清湯，表示要再接再厲🤦🏻‍♀️都不太敢再提出新指示...不過勝在便宜，整體份量不算多，菜的份量算多，餸就一般車仔麵的份量，湯味精有點重，食完未夠飽，大食嘅人可以叫兩個麵。食到中途姐姐上前結帳叫我們比錢，就黎食到入口嘅粗麵要放下，先處理付錢，有點混亂和匆忙。明白人多，此時更重要員工清楚自己工作，睇清指示，若然有貼紙寫上先埋單的字樣更令客人有所預備，不會尷尬地等和節省時間。

就到糧尾，想頹頹地食個lunch省錢，唔洗講一定係去葵廣。行下行下，見到一樓轉角有間車仔麵，又唔太多人唔洗等位，就一於走過去試試佢。座低睇睇點送紙，所有車仔麵基本野都全部都有齊，價錢都算合理。由於糧尾關係，我只係選左兩個送，亦無加到底。五香肉丁加午餐肉可以話係阿叔每次既指定。望到個麵一上，可以話係返到中學時代咁。夾起注麵食左一啖，完全搵返以前中學小食部個種風味。個麵半熟，入口有d淋又有d硬，餐肉刀工好，夠簿身，肉丁罐頭份量就剛剛好，夠掉味。

大大碗嘅車仔麵，滿滿嘅餸菜，亦算幾抵死。如果係女士，應該可以一碗share兩位食。味道都唔錯，豬腸和豬腩肉都好入味😋飮品方面，提下各位此店只提供凍飲，無熱飮。

個人其實非常好粉類呀面類既食物，係葵廣見到呢間有紅薯粉既車仔面，無理由唔試既！車仔面有好多種玩法，有d要自己排隊，叫餸，即時比錢; 有d呢就坐低叫食先比，呢間呢係坐低寫紙，自己揀餸食，比紙姐姐，姐姐送碗粉黎果時就會收埋錢既。我叫左紅薯粉小辣，入面已經有肉醬，花生，酸菜，再加牛丸腩肉，加凍檸茶，差不多50蚊。紅薯粉黎到無辣味，而且食落好酸。係幼身既薯粉，牛丸唔彈牙，好淋，腩肉，都幾肥，唔係我諗果種薄切。唯一值得讚既，係佢既花生，炒得好香，同個湯都夾既，好難得地我會食曬d花生！

星期六晚上到了葵青劇院看了W劇社的告別作舞台劇[ 下一秒，我就憎你]， 由於時間有點趕， 先在葵青廣場那邊吃個 quick dinner。看到這裏有賣 酸菜紅薯粉 ，覺得很特別， 特地叫了一碗來試試。配菜則選了双牛。。。 牛柏葉 和 牛丸。 盛惠43元。紅薯粉選了扁粉，QQ的， 很彈牙。 配上酸酸 鹹鹹的湯、 肉燥、花生 和蔥粒 ; 甚有四川風味， 整體食味不錯。隨餐還附送凍檸水一大杯，抵 ! 只是忘了叫阿姐小甜， 有一點偏甜。以這個價錢配這樣的質素， 性價比甚高， 值得回頭再試。看完舞臺劇，下一秒， 我就要再來食你。。。

車仔麵食得多，最愛食油麵，但今日行開街，有D肚餓，見到紅薯粉車仔麵，好奇心驅使下，去試了一試，不過試了有點後悔，雖然賣相還可以，味道也不錯，但薯粉比想像中難食，有㘣和闊兩種，我點了闊的，以為會煙煙韌韌的，但卻好像未煮熟，有點硬。餸方便我點了蝦條和大腸，鄰座的小男孩也點了蝦條，他咬了一口就跟爸爸說不好吃，但我倒覺得沒有特別好吃或不好吃，靉於大腸則得入味。不過吃到一半，我知道湯應該有用雞煲的，因湯裡有一條我起初以為是魷魚的東西，後細看才發現是雞皮，感覺有點噁心。這個價錢的兩餸車仔麵來說，其實還有更多更好的選擇。

今日放假自己一個人無無聊聊咁走左去葵涌廣場行下街食下野，行行下開始好肚餓，於是乎就去揾野食醫肚喇，經過呢間百德阿姨車仔麵檔，突然聞到陣陣香味，於是我就決定坐低食野，由於超級肚餓的關係，我好快就叫侍應幫我落單！不到3分鐘，我叫個碗豬皮豬紅豬大腸幼麵(中辣)已放在我面前，一試……嘩！真是超级好食！首先講下個幼麵，好弹牙好有咬口，淥得啱啱好，D麵由於已經索晒D辣汁，簡直好食到停唔到口，至於豬皮亦都好好食，煮到入晒味，豬紅都唔錯，辣辣地好惹味，豬大腸亦都炆得好淋好好食，真是樣樣都好鬼正，最後飲埋杯凍菜蜜，簡直甜到入心

今日睇完戲有 d 想食車仔麵，兩個人，行過見到呢間野又話有薯粉，又話有車仔麵，諗住呢間野座落葵涌商場，價錢應該較大眾化。點知個薯粉咩餸都未揀就先收 $24, 都唔緊要，其中一個麵我剔左 3 樣餸，個服務態度其差嘅阿姐問我係咪要 2 樣餸，我指俾佢睇話 3 樣，佢唔應我，自己衰左唔出聲應我，一句唔好意思都冇。好，我忍你一陣。到 兩碗麵齊哂，第一句同我講要收錢先，ok, 無問題，我又俾錢先，不過唔該你舖頭寫明 d 付款程序。我相信好多客都覺得你對自己 d 麵都冇乜信心。驚人地食完話唔值，又唔好味。我碗粉叫 3 樣餸，點知搵匀成碗都係得兩樣，獨欠我比較想食嘅豬紅。同個阿姐講差一樣餸，要講幾次先聽到。仲晦氣話轉頭俾番我，呢 d 就係錢就收齊，野又唔做齊嘅最佳例子。如果大家遇到我呢 d 情況，相信已經冇乜心情食野，你碗野好食到曉飛都無用。唔係要求咩五星級服務，只係想大家 fair d , 語氣屋邨 feel 得黎都可以客客氣氣， 48 蚊一碗 3 餸紅薯粉貴唔貴大家見人見智，不過拎住 48 蚊去搵麵食類我相信有更好選擇。大家自己衡量，多謝觀看

和友人去葵涌廣場行吓睇吓，路經呢間車仔麵突然想試吓，咁啱又有位喎於是立即坐下，友人急不及待填纸揀咗一麵三餸，而我見到有自家制既餃子（菲菜或椰菜）8隻32元、12隻40元……仲使揀？當然12隻啦抵食D，另外見到加6元有飲品，於是一人一杯凍o茶，好快茶又沖好食物已送到，開餐，由於各自也對對方既食物有興趣，於是決定分享，先講車仔麵（幼麵、豬皮、大腸、魚旦，選擇了小辣汁）幼麵算爽，豬皮白色的但食落有口感有味，大腸難得有去除内裏的肥膏，魚旦细细粒味道也ok，辣汁須然係小辣但好夠味，至於餃子選擇了（菲菜及椰菜餃）各6隻，好大隻而味道唔錯……菲菜餃味比較重，椰菜餃清一D但各有特色，大家對食物質素滿意車仔麵32元加餃子40元加凍o茶2杯12元，原本以為84元，但原來車仔麵店都有下午茶時間（忘記了係2:00後還是2:30後）飲品免費所以找數只需72元幾抵食