蓮香棧 (Closed)

鼎鼎大名既蓮香，專程去品嚐一系列懷舊點心，以及感受老式茶樓情懷。店內燈光光明，感覺環境頗乾淨。裝飾擺設都幾特別，仲有好多雀籠。點心款式都好多選擇，有些款式更係坊間少見！剛好係下午茶時段，所以揀左個套餐同埋幾款傳統點心試～（可惜呢個時段門外手推車既點心已經賣得七七八八，本來想感受下點心車叫賣既風情蓮蓉西米布丁：印象中第一次係茶樓食！整體無論口感定係味道都好似微甜既奶黃西米糕，食唔岀蓮蓉味但家人好喜歡食，話係舊陣時熟悉既味道豬潤燒賣：上碟時已經明顯見到有片豬潤跌岀碟外豬潤味道甘香，厚度適中令到口感爽脆粉嫩！另外豬肉燒賣半肥瘦，充滿香味。整體好食！馬拉糕：頗為巨型，口感鬆軟。外層沒有因為蒸氣而過濕，不過味道微甜偏淡，整體普通。其他點心都不過不失，下次食要試下用茶盅泡茶+點心手推車～感受舊香港滋味

經過見到有下午茶特價點心，買了兩款熱哄哄蒸籠點心。雞頭大包睇落發得唔錯，材料有雞肉，冬菇，奄春蛋，蝦仔，OK足料。古法馬拉糕咬落幾鬆軟之餘夠綿密，味道幾濃。星期日算係幾抵食。

難得老爺賞面出街食飯...當然要搵D佢鍾意食既野喇...老爺鍾意食傳統野..今次就揀左蓮香棧喇~其實有幾樣味係一心想黎試...但奈何老爺就話驚食唔晒...叫我地唔好嗌太多野而放棄左...今次叫左金錢雞,燒鵝,大馬站煲,海鮮雜菜煲同杏汁豬肺湯...金錢雞原來唔係雞...只係用左一片肝臟同一片叉燒夾住一片肥膏...小妹我就真係唔多識欣賞...我已經揀左4件之中最薄果件黎試...入口...好香肝味...之後幾乎都係油脂味!好勁既罪孽心...燒鵝皮脆肉嫩~唔錯~仲要有下庄!大馬站煲其實就係蝦醬豆腐九菜火腩煲~好惹味!海鮮雜菜煲就同平時一般食到既差唔多~杏汁豬肺湯...我個人本身就唔太好杏汁野既...點知...當晚...得飲左3碗...可能細個時俾阿媽迫飲杏霜果D全部都係甜野...今次轉左做湯完全係2件事...身為湯怪既我...係咁encore...豬肺又洗得好乾淨冇異味...仲要落左好多雞腳同意米煲~正!

茶樓仿照舊時茶居從雙層圓枱、黑色吊扇、紅底白字的手寫餐牌蓮花圖案的茶壺都一應俱全伙計間唔中會推住點心車 仲有即叫即蒸懷舊點心🍤 蓮香蝦餃皇 皮薄餡多 鮮蝦大大粒🥬 鮮蝦菜苗餃 味道鮮甜🦪 蠔皇鮮竹卷 蠔汁唔夠 比較乾身🥓 黑椒金錢肚 有啲韌 唔夠入味🥚 鵪鶉蛋燒賣 蝦+豬肉超足料 啖啖肉🍞 蜜汁叉燒包 如果餡料再多啲就好 味道一般🦴 豉汁蒸鳳爪 蒸得好淋 但都係唔夠入味🫓 爽滑拉布腸粉 👧🏽 對齋腸真係一般🫔 春卷 點心車推左一輪 已經凍哂🍮 西米布丁 西米焦糖好香 中間仲有蓮蓉醬口感厚實 暖暖地 呢個甜品有驚喜😍#蓮香棧懷舊茶樓 設計風格 好吸引但冷氣通風系統都一樣咁舊 愈入既位置愈焗同熱職員唔算多 都幾懶懶閒😅-整體 𝟻💓滿分味道 ❤️🧡💛價錢 ❤️🧡💛服務 ❤️🧡💛環境 ❤️🧡💛

噚日 (26-2-2022 Sat)晏晝,老公自己落荃灣行,又順便喺喥買個餸返嚟,係$20.00嘅豬手.咩豬手?佢話係滷水豬手,拎到返嚟,因為保鮮紙包唔實,所以啲汁流咗出嚟,先偷食吓,滷水味好夠但都幾鹹,口感夠腍嘅.但由於比較凍,所以都係蒸返熱至食好.到食飯時間,食蒸返熱嘅版本,依然係咁鹹,送飯都救唔到,但粘粘嘅骨膠原好豐富.上次食評係2022年2月24日刊登嘅呢篇: https://www.openrice.com/zh/hongkong/review/%E7%AC%AC3383%E7%AF%87%E9%A3%9F%E8%A9%95-%E5%A4%A7%E4%BB%B6%E5%A4%BE%E6%8A%B5%E9%A3%9F-e4331312

今日24-2-2022(Thur)老公放工後喺呢喥用$50.00買兩個餸返嚟,一個係咖哩排骨,一個係咕嚕肉.份量係滿滿嘅,我食吓咖哩排骨,對我嚟講係中辣,咖哩有椰汁香,薯仔同排骨都夠腍,唔可以話好味,但又唔係唔好味.味道:3分而咕嚕肉呢?大大舊,大到一隻手指咁長,攪咩?甜酸度啱我口味,正;而口感都正常嘅.味道:4分睇返上次2021年4月11日刊登嘅食評https://www.openrice.com/zh/hongkong/review/%E5%B0%8F%E8%8F%9C%E5%94%94%E5%BE%97-e3984241,原來都食過.

全因為蓮香樓出名而想來試吓完全無諗過一間出名老字號，無論環境坐位，通風，食物，衛生程度，員工服務態度都可以如此惡劣，令我驚嚇甚至恐慌，對呢個品牌，對呢間店留下陰影，免費都一定唔會再來食！環境衛生星期日下午1pm 去到唔使等位，職員叫我地直入，行到酒樓中間未行到最入，已經發現行得愈入就愈焗，唔知係冷氣壞咗定什麼原因，通風非常差，我已經心知咁焗坐喺度食嘢會好辛苦，不過一場來到都諗住試一次。職員示意我地坐其中一張空枱，但當時張枱未抹，滿枱食物渣滓骨頭同餸汁，我見職員用條毛巾求求其其抹左3 至5 秒就叫我坐低，枱上仍看到餸汁啡色水積，我當時已經想離開，因為真係好污糟，普通茶餐廳都抹枱抹得比佢乾淨好多，我唯有自己舖張紙巾在枱上用餐，阻隔那些餸汁。食物味道 及服務態度恐怖我哋一行二人叫左4 碟點心，吃到驚嚇牛肉腸粉味道普通比一般酒樓差，而且唔夠熱，不知什麼原因是微溫，其實係7 -11 買個$10 腸粉都會熱，失望鳯爪 味道普通 一樣係比一般酒樓差燒賣 淡而無味，冇口感，咬落去口感似魚旦混合蝦滑，唔似食緊一粒正常酒樓既燒賣驚嚇重頭戲 雞球大包 味道不知道因為一咬落去，裡面既雞肉係「冰凍」佢個腸粉蒸得

今日早上經過了綠楊新邨商場，見到這閒以懷舊裝飾門面的酒樓，外貌有點似中環蓮香的格局，門外已見內裏有蒸籠和阿姐推住手推車叫買點心和印印仔，極具古色古香懷舊味道，於是入去試一下。酒樓的面積不大，在看吃什麼時剛巧姐姐推著手推車經過，先叫了一件馬拉糕試下， 馬拉糕大大件，兼且熱騰騰入口極鬆軟又不太甜，好味道。燒賣都算大粒，鮮蝦咬落夠彈牙，豬肉亦不覺有冰鮮味，有水準。山竹牛肉的混合比例恰當，咬落夠軟不會韌，仍算吃得出牛肉味。最後來一個黑椒牛肚，牛肚夠厚身、咬落亦夠爽，黑椒味也濃，但不會太辣，的確非常惹味。總的來說，今個早茶相當有舊feel，喚起兒時的回憶，下次亦會再來試其他的懷舊點心。

🫖蓮香棧 🫖-古法鴨腳包:鴨腳包係屬於古早燒味嘅一種，將原隻鴨掌釀入叉燒、鴨胸、芋頭，再用鵝腸層層卷起紮緊，再塗上蜜糖慢火烤制👈🏻上網搵的😂第一次試呢個佢烤到外層脆皮入邊有好豐富嘅餡料，食得出佢最出嚟嘅係潤😂因為佢同潤腸一樣味🤣鍾意懷舊嘅你哋不妨去試吓😋-各類點心:豬潤燒賣～粒燒賣大到連燒賣皮都冇😂咁鍾意食燒賣嘅我食一粒就夠😂超大！蝦餃王～反而呢個比較普通個皮偏厚😋灌湯餃～食到真正嘅灌湯餃唔容易依家大部份茶樓都變左做湯灌餃😂黑椒金錢肚～好入味好淋👍🏼黑椒唔會太辣北菇棉花雞～魚肚好食😂同普通茶樓差唔多🤣😋流心黑金包～流心奶黃包😚奶黃好香😋-椒鹽魷魚鬚:唔好意思呢個好食到我自己一個食咗大半碟😋佢個魷魚唔知點解係好軟綿綿，唔係爽口嗰種😂但係佢加埋個椒鹽同脆皮唔知點解好鬼夾😂😂所以如果佢哋食慢啲就會成碟都係我嘅😋-煎腸粉、煎釀三寶：佢中間有個檔仔(唔係好識點形容)你可以過去同佢講要啲咩佢就會俾你😋腸粉煎到焦脆🤤食落格外地香😋對於我呢啲重口味人士梗係要多醬！煎釀三寶我哋就淨係叫咗尖椒😋佢嘅尖椒冇搣到入邊嘅辣椒籽🤤所以食落都比較辣🥳正呀喂！—(非專業,完全跟據個人口味☺)食物:8/10環境:8/1

本人已是中年了，飲茶次數已過數佰次，從未試過1間出名的酒樓的馬拉糕，那麼差，非常之嚡口，又不夠爽滑，比一般好普通的屋邨酒樓差幾十倍，毫無水準，如做出來點心，成績不合格或未達水準，可除消供應此點心，寧缺莫濫，但可能基於搶錢社會，金錢世界，借懷舊名去發財，實在要不得，態度亦一般，價錢又貴，而且都太少懷舊點心供應，，因少人光顧，只是容易找到位子，不值得食客去光顧，大家請三思。

估唔到蓮香樓有分店 仲要係荃灣所以今日就同屋企人一齊嚟試吓佢平日上午時段嚟到 得幾枱人唔洗等位 可以直接入座一嚟就見到佢哋嘅裝修唔錯都幾有特色，有啲雀籠嘅裝飾，點心車同煎腸粉車 好懷念呢到係可以拎住點心紙自己岀去拎點心 拎咗 鵪鶉蛋燒賣, 蝦, 粉果,排骨,叉燒腸,煎腸粉, 煎蘿蔔糕, 鮮竹卷, 皮蛋瘦肉粥,柴魚花生粥,仲有 出面已經好少見嘅豬潤燒賣。食物方面非常唔錯，特別係皮蛋瘦肉粥，柴魚花生粥同埋豬潤燒賣。粥方面煮到好綿好好食。而豬潤燒賣，本身都怕伏，豬膶呢樣野如果蒸過龍就變好難食，但都整得啱啱好，唔錯啲姐姐都幾熱情，不停有幫手加水同埋推介佢哋嘅點心。

外賣員職懶理排長龍,任意讓人打尖買外賣,打尖的人不用排隊,直接走上前同職員下單便可,排隊的人表示不滿,打尖的人都願意跟隊等,但職員堅持處理他的呵打先,排隊者向部長投訴,外賣職員還要理直氣壯堅持自己無錯,大大聲聲反駁,佢話等得耐都冇辦法,你再早黎囉

懷舊，阿姐推住點心車，自己搵位。待應不夠，但好禮貌，客氣。地方擠迫四圍又好污蔑。食物呢……點心車嘅即煎腸粉好味，剛出爐嘅焗叉燒酥都好味，其他呢…………蝦餃皮厚，燒賣好油，叉燒包無味，馬拉糕唔鬆軟😆😆😆😆

多款懷舊點心菜式 手推車仔文化 多款好少見到嘅懷舊菜式可以打開蓋望下啲點心，揀啱邊籠就拎邊籠 畀張卡仔姐姐吸印仔做記錄古法馬拉糕啱啱出爐，熱辣辣仲出緊煙食落有蛋香味，口感鬆軟鵪鶉蛋燒賣 鵪鶉蛋包一層水餃皮蒸,味道幾特別,有蛋既濃味又食到燒賣既口感鮮肉蟹籽燒賣 鮮肉打餡,再加上蟹籽,肉多味鮮甜 仲食到脆卜卜口感香辣牛肚 放滿厚切牛肚,大件仲見到香辣惹味既醬汁浸住芋頭下面既芋頭吸了辣味與牛肚香味,好好食又夠綿,牛肚香辣惹味又夠爽口鮮竹卷 豆皮包肉餡再煎,唔油膩又大件整體嚟講，點心味道不錯荃灣蕙荃路22-66號綠楊坊L1樓P9-9A號舖消費$200

蓮香棧 係蓮香既副線 好多人都以為係抄佢或者係假 其實唔係,真係佢自己開既一樣保留手推車仔文化既舊式茶館文化今日就過黎試下佢點心好唔好食先!裝修跟返中環分店 以懷舊為主用吊扇 鋪門口有賣糕店坐低問你要咩茶 好少見茶盅啦~ 呢度除左推車仔夠懷舊之外 仲有好多點心食一個人大戰3碟點心鮮蝦餃 鳳爪 牛肉球 今日唔食飯就食得曬喇!個皮夠薄夠透,隱隱睇到蝦肉既鮮餡 咬開有蝦既鮮甜肉汁又食到爽口彈牙既蝦肉鳳爪蒸到好軟淋,一啜一吸,皮骨分離好易食另外仲有3球牛肉球 食到蔥同馬蹄碎,肉質幾彈牙之餘口感幾好 夠香口平均消費$110評分8/10地址：荃灣蕙荃路22-66號綠楊坊L1樓P9-9A號舖