蕃滿門 (Closed)

🍅蕃滿門 Tomato Club 是以蕃茄為主題的香港自家品牌餐廳，嚴選多種蕃茄，研製獨一無二的蕃茄濃湯。.原來蕃滿門仲提供多元派對到會服務，親朋好友聚會到會、公司 / 團體活動到會、學校謝師宴到會等。.食依間野嘅感覺就係平靚正！-1️⃣蕃茄濃湯$47+(肥牛+金菇 $6)⭐️⭐️⭐️⭐️蕃茄湯底: 濃郁之餘有粒粒蕃茄肉, 酸甜開胃又易入口，如果鍾意食辣仲可以叫蕃茄麻辣，或者小/中/大辣，另外，可以挑選不同的配料，我加左2個餸先$6，幾抵！而且全店都選用日本雞蛋，加上香濃牛乳，做出口感又綿又滑既炒蛋，正😍/2️⃣雞翼4隻$38⭐️⭐️⭐️⭐️雞翼上邊除咗鋪滿蕃茄之外仲有拉絲嘅芝士，感覺好似食緊蕃茄焗豬扒飯嘅感覺😂只不過係雞翼不同。/3️⃣迷你春卷$184️⃣七味花枝丸$18-環境：8/10服務：8/10好味指數：8/10回頭率：8/10

難得來Emax睇展覽，睇完都有點餓，所以在Emax內看看有什麼可以吃!還記得以前來的時候，是一個美食沙漠，但是現在食肆林立，對於在這裡搞展覽或是在這裡上班的人十分方便。看見這間餐廳是吃蕃茄的專門店，好像不錯，所以便決定試試看。這裡點餐後會給予一個取餐機，震動時自行到取餐處領取食物。跟朋友點了一款湯粉、一款焗飯，還有豬手試試。泡菜餃子蕃茄濃湯螺絲粉，湯底選了小辣，湯底是好香濃的蕃茄湯底，酸酸甜甜，加上辣味感覺很match!螺絲粉還配有炒蛋，炒蛋用上日本雞蛋加入牛奶，口感嫩滑!而泡菜餃子是炸餃子，本身都有點辣，幾惹味!鮮茄蓉芝士豬扒焗薑飯，很少焗豬扒飯的飯底會用上薑飯，很香薑味，好健康的感覺!茄蓉是新鮮蕃茄製成，酸酸甜甜，加上芝士咸咸香香，特別有口感。豬扒鬆軟，唔會好硬!脆皮咸豬手，冇諗過咁大隻，豬手皮燒得脆卜卜，口感黏黏的，好有骨膠原的感覺!而且還配有蜜糖芥末醬，感覺沒有那麼肥膩!估唔到這次在Emax都能夠食到好食的蕃茄濃湯，有機會會再黎試試。

相信不少女士有蕃茄情意結早幾日約咗靚媽朋友食lunch, 去左E-Max 蕃滿門全店以番茄為主題，招牌蕃茄濃湯有三款可以揀 (1⃣原味 2⃣雙重芝士 3⃣川味麻辣) 我地叫左1. 脆皮咸豬手 配滑蛋蕃茄濃湯螺絲粉豬手三大件，件件肉又厚又腍，咸咸香香好惹味. 剛剛炸好外脆內軟，點少少蜜糖芥末醬，完全唔覺得肥膩～ 配埋微辣蕃茄濃湯酸酸辣辣好開胃～ 加埋用日本蛋+牛奶既香滑炒蛋好滿足2. 香酥雞扒 配雙重芝士蕃茄濃湯螺絲粉～好有份量！雞排炸得好脆，雞肉嫩滑, 唔厚粉唔油膩，點泰式辣醬酸酸甜甜幾好味～ 不得不提雙重芝士蕃茄湯上既芝士都好足料，仲有芝士拉絲眼闊肚窄既我哋仲叫左3. 蕃滿門雞中翼開心share雞翼煎完之後唔會乾晒，仍然好juicy加埋少少秘製茄醬好開胃

以前讀大學果陣最鍾意去大埔果間，今日黎九龍灣分店懷念下-蕃茄濃湯粉併牛乳滑蛋(小辣)+肥牛(奉送飲品一杯) $45蕃滿門既蕃茄濃湯比起坊間既優點係個湯係真係有蕃茄粒，同埋個番茄味係比較出，加上可以選擇辣度，岩晒一眾嗜辣人士。小辣對於食得辣絕對係勁輕微，建議中意食辣既朋友可以選擇中辣或以上。飲品叫左凍檸茶少甜，果然認真少甜，檸檬汁預先擠定所以較酸，建議中意酸既朋友可以揀檸茶。-蕃茄濃湯粉併香煎雞扒(微辣) (奉送飲品一杯) $65雞扒另外上，保持香脆，有兩塊，配蕃茄湯粉一流👍🏻-蕃滿門雞翼(38@4)呢個可以話係十分驚喜，雞翼上面既微辣及酸味，仲有半溶芝士，係幫成碟野加了不少分!

最近去九展睇戲🎬，順便喺嗰度食埋lunch，就去左呢間蕃滿門🍅.聽個餐廳名就知主要係食蕃茄架啦🍅，叫咗蕃點組合，可以揀一款餸，再配以番茄湯粉同埋飲品，我就揀咗黑椒牛扒🥩，番茄湯粉就揀咗螺絲粉，呢度嘅蕃茄湯底仲有得揀辣度㗎🌶，出邊都真係比較少有，而我就揀咗微辣，新鮮濃郁嘅蕃茄湯配以小小辣味，有幾特別喎，另外番茄湯粉上邊嘅滑蛋🥚係用牛乳炒架🥛，食落特別香滑😋.另外仲叫咗個鮮茄芝士豬扒焗薑飯🍛，豬扒煮得好淋呀，仲有濃濃嘅蕃茄🍅同埋芝士🧀蓋頂，好味又抵食👍🏻

蕃滿門 (九龍灣).以前讀書近大埔，女朋友在大學站讀書，好自然大埔會成為我們兩個經常聚腳地方，現在畢業了就好想念以前成日吃的蕃滿門已濃郁的蕃茄湯底著稱，他的蕃茄牛乳炒蛋螺絲粉簡直令人念念不忘！.脆皮鹹豬手蕃茄湯螺絲粉.脆皮鹹豬手是這裏數一數二的招牌菜，配上蜜糖芥茉醬，而且豬手分量非常多，招牌濃郁番茄湯除了可挑選螺絲粉，還可以選擇意粉🍝米線甚至公仔麵🍜任君選擇，自由度極大！.鴛鴦焗薑飯.比較少機會在這裏吃飯類，鴛鴦焗薑飯除了有招牌蕃茄飯，另外有咖喱飯，兩樣入口都是有淡淡的薑味，與喜歡吃薑的應該會非常喜歡！.香煎雞扒番茄湯螺絲粉.雞扒煎得香脆，不太油膩，而且肉質嫩滑，配上甜酸醬，絕對不會令你失望！從來都比較少餐廳會有螺絲粉選擇，所以蕃滿門真的是獨一無二無可取替—————————————————————-.📍 蕃滿門 (九龍灣)九龍灣展貿徑1號E-Max 國際展貿中心2樓12號鋪.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#美食#打卡好去處#

蕃滿門 (九龍灣).以前番學都間中會食大埔的蕃滿門，九龍灣呢一間就從未食過，今日帶屋企人一齊食(⁎⁍̴̛ᴗ⁍̴̛⁎).⚜️脆皮鹹豬手蕃茄湯螺絲粉⚜️ .其實一直覺得呢度嘅蕃茄湯冇得輸，再配埋香滑嘅日本🇯🇵牛乳炒蛋，混合埋一齊，另外佢嘅脆皮炸豬手都係一流，基本上我每一次食蕃滿門都係食呢樣！佢嘅豬手非常之脆而且有咬口，每咬一啖都覺得係骨膠原(˶‾᷄ ⁻̫ ‾᷅˵)係女人嘅恩物，最緊要佢係有配埋蜜糖芥茉醬，令到豬手嘅味道更加昇華！.⚜️鴛鴦焗薑飯⚜️ .比較少喺呢度會食飯，但偏偏屋企人鍾意食飯多啲，有淡淡的薑味再配上咖喱，而另外一半呢就係蕃茄薑飯，食到佢招牌嘅蕃茄之外又可以食到咖喱！.⚜️脆皮鹹豬手番茄湯飯⚜️.未試過食蕃茄湯飯，因為我每一次去食都會食螺絲粉加炒蛋，估唔到番茄湯飯都幾好食喎(⁎⁍̴̛ᴗ⁍̴̛⁎)唔知係咪因為佢嘅蕃茄湯濃郁之餘又有小小酸，仲有粒粒蕃茄肉，總之就係好食啦！—————————————————————-.📍 蕃滿門 (九龍灣)九龍灣展貿徑1號E-Max 國際展貿中心2樓12號鋪.—————————————————————-#hkig#hkigfood#hkfoodie#foodie#food#food

係香港食湯麵既選擇真係好多，但千篇一律既麵鋪真係好悶。終於有間突破食麵框框既麵鋪出現喇 蕃茄湯底既變化原來可以咁多 濃郁既蕃茄湯底加埋粒粒蕃茄肉，酸甜又開胃，嫌番茄湯太悶 😏仲有埋加辣or加麻辣我最愛係有選擇 可以根據個人喜好選擇不同的配料, 再配上意粉/通粉/螺絲粉/米線/公仔麵/飯 "自由既可貴"今次就叫左蕃茄湯加辣，湯底夠濃就唔在講，辣度order左少辣，自覺就啱啱好喇，味道夾之餘仲相當開胃😋濃湯配埋螺絲粉，簡直係一流 👏螺絲粉容易鎖湯 硬度適中，配埋牛乳炒滑蛋，口感更豐富🥳講到配料 :鹹豬手係我心入面呢餐既MVP，皮脆骨肉均稱，啖啖骨膠原⭐️，點上橙黃色酸酸甜甜的蜜糖芥末醬，欲罷不能！真係好抵食 睇圖都見到3件大大份仲有香酥雞扒，尤如其名香酥肉滑，炸得鬆軟唔油膩，熱辣辣食就最好喇👍🏼係值得再食☺️呀

#餓豬去九龍灣作為蕃茄控時不時都去食蕃茄湯或者就咁食蕃茄添🍅今次去左間以蕃茄為主題的香港自家品牌餐廳，用多種蕃茄製作唔同蕃茄菜式，抵食又可以食健康啲☺️========================脆皮鹹豬手 配番茄螺絲粉及飲品 $65最出色一定係佢個滑蛋蕃茄螺絲粉，見到店員推介螺絲粉又點可以唔試吓呢😉最欣賞嘅一定係佢個番茄湯底🍅作為鍾意蕃茄嘅擁躉平時都係唔少餐廳食番茄湯，好多時都會feel到蕃茄湯底係用茄膏加水溝稀造成嘅，但今日依個番茄湯底真係出乎意料咁鮮甜，可以食得出係真係用咗唔少蕃茄熬製，仲可以見到湯上面有唔少粒粒蕃茄蓉添🤤好特別地湯底番茄湯底仲可以有六種辣度可以選擇，由微辣至大辣都可以揀今次就揀咗微辣，辣味又唔會搶咗蕃茄嘅茄香，將上面滑嘟嘟嘅炒蛋同湯底混合變成蕃茄炒蛋又係另一種好正嘅食法🍳螺絲粉就正正常常🍜另一個主角咸豬手有成三嚿咁多，認真用呢個價位來講非常足料，咸咸香香嘅豬手外皮香脆但肉質又唔會過鞋，點埋佢嘅甜甜酸酸嘅黃芥末仲可以令本身肥膩嘅豬手油膩感減低😋不愧見到台台都有人嗌咁滯啦========================香酥雞扒 $23香酥雞扒同鹹豬手一樣都炸得鬆脆

今次阿張指定話佢要打食評，話難得帶阿梁出去威喎！平時都好少出九龍灣，難得去開就搵場戲黎睇，結果去左九展星影匯睇Joker，劇情就留返比大家自己睇啦，劇透？不了！睇完肚餓就緊係要食嘢，九展2樓成層都係類似foodcourt咁嘅樣，最後揀左食蕃滿門，因為阿梁話好耐無食過，但其實我食都未食過～🤣之前都有聽人講過蕃滿門出名番茄濃湯，結果未行到入去，望住個menu都已經吞哂口水！張梁點餐👦🏻🧒🏻1）$65 脆皮咸豬手縲絲粉(微辣)+熱檸茶評分（10分滿分）：8⃣食評💬：個番茄濃湯真係好正！🍅有原個蕃茄係入面夠曬營養😍微辣岩岩好，個辣味仲會令到個湯愈飲愈想繼續飲！縲絲粉都唔錯，夠彈牙，唔會淋。而豬手係配芥末蜜糖醬，食落酸酸妹妹好開胃！2）$63 鮮茄芝士豬扒焗薑飯+$18轉沙律餐+$3凍泡沫檸檬茶評分（10分滿分）：8⃣食評💬：雖然個芝士豬扒焗薑飯係冇薑嘅🤣我都唔知點解會有個薑字哈哈哈🤣不過都幾好食，芝士味好濃，我仲落左好多芝士粉🤪豬扒唔係厚切，但有好重嘅茄味！好好食！另外沙律勁足料，個麻醬超開胃🤤仲要好大兜，兩個人先食得曬。飲品方面，泡沫檸檬茶係無檸檬片嘅，不過都幾好飲！泡沫比人一種高級嘅感覺，而且

九龍灣Office朋友帶路, 由地鐵站搭每15分鐘開出嘅免費shuttle就黎到九展, 原來有咁多餐廳仲有超市, 都係俾人氣最勁嘅蕃茄🍅濃湯吸引左. >以蕃茄🍅濃湯為”膽”嘅menu, “拖”多款配料選擇, 雞扒, 牛扒, 豬扒, 鴨胸, 餃子🥟... 就連咸豬手都有, 包餐飲只係60幾蚊真心抵食. 蕃茄🍅濃湯底更有原味, 雙重芝士, 唔同辣度嘅川味麻辣揀. >脆皮咸豬手 (HKD65)好靚嘅咸豬手🤤, 件件都大件厚肉, 啖啖肉一咬就離骨勁腍咸香十足, 整過豬手都知起碼事前炆返幾個鐘啲肉先會咁腍. 原本怕肥唸住食一兩口豬皮過下癮, 點一點碟邊蜜糖芥末醬, 只食到豐富骨膠原嘅零肥膩感, 炸到外脆皮腍嘅豬皮...都幾難忍得口🤫碟已清.>香煎雞扒 (HKD65)雞扒實在大件, 煎到勁脆皮帶點黑椒香, 雞肉好易咬非常嫩滑, 仲好juicy呢.>雙重芝士蕃茄濃湯螺絲粉估唔到芝士多到竟有拉絲嘅效果🧀! 同蕃茄濃湯好夾, 仲有鋪天蓋地嘅蕃茄粒同洋蔥條, 螺絲粉份量多到幾乎食唔哂.>川味麻辣辣蕃茄濃湯螺絲粉*中辣* 人地川味麻辣通常配米線但我都係揀螺絲粉😂. 湯

晏晝又來到蕃滿門食飯點了番茄泡菜餃子原味螺絲粉，已經好一排冇過嚟食午飯了，粟米蓉原來已經變返做滑蛋，都係滑蛋最好味以後又可以多啲過嚟食午飯啦，豬扒肉質偏淋，味道正常，泡菜餃子係炸嘅，幾好味～蕃茄湯底依然幾濃郁，有好多茄肉，湯上面再灑上香草，不過味精都係有啲重，食完有點口乾，要飲多啲水螺絲粉方面，因為我點了扣底，所以網絡份量有啲小，其實正常份量會多啲，男仔食嘅話都好夠飽午餐還包一杯飲品，我點了熱檸水

呢一日，又走咗去九展食晏！今次終於試呢間蕃茄嘢。。。左睇右睇，ok！都揀到食咩。女友要蕃茄野菌蟹柳棒米線，辣嘅，我要飯！ 個焗飯好特別，係有薑，正喎，我鐘意薑㗎！😋😋買完回位，我個焗豬扒薑飯好快就到，嘩！燶咗少少，即試先，都幾好味，飯加咗薑，正😋👍🏼，因本人鐘意薑😁 60蚊有埋飲品，ok嘅！到女友嘅米線到，樣子都得，仲有蛋添！ 但原來辣都只係放點辣醬係面。。。但女友話都夾嘅，好可惜⋯⋯食食吓⋯⋯唉！有條小像根！😑😑😑😑😑😑當然要同佢講啦，激死！終於換過碗，當唔洗佢原碗換！因為都食咗唔少先發現😑😑😑😑😑😑 條橡根相都費事 post 喇！ 本身食物都ok 好味，但咁嘅經歷，短時間都唔會再去食！ .😑😑😑

[📍香港篇🇭🇰] 鴛鴦焗飯、番茄濃湯螺絲粉配香煎豬扒[📍Hong Kong🇭🇰] Baked Ginger Rice with Curry Beef Brisket + Tomato Pork Chop; Fusilli with Tomato Soup + Pan-fried Pork Chop爆多番茄既蕃滿門🍅🍅咁啱去開九展睇戲經過當然要試試👻👻番茄多就一定啦！最緊要係唔會太酸同要有真蕃茄😆鴛鴦焗飯就真心正正子，瘋狂拉芝拉芝，不過因為咖哩同番茄🍅真係兩樣都勁濃味，所以食到尾都已經無乜感覺😂飯係整個飯既精髓，用左薑飯底，係有驚喜的🤗而番茄濃湯螺絲粉配香煎豬扒都係有真番茄肉🍅，但就無乜驚喜，都係千篇一律🙊豬扒份量唔算少，不過就好淋，唔似平時新鮮豬扒👍🏻

原來展貿都好多餐廳，見到有間以紅色主題嘅餐廳，原來係蕃茄湯專門店，呢度午餐都幾抵食，我叫咗蕃茄湯螺絲粉，香酥雞排併蔗蝦，個蕃茄湯底飲落去勁濃郁嘅蕃茄味，螺絲粉吸收晒蕃茄湯嘅味，好正，個粉上面仲有半熟炒蛋，好滑好好食。而香酥雞排炸得好脆，雞肉都好嫩滑，蔗蝦嘅蝦膠好彈牙，再配埋佢地嘅鮮檸茶，一個完美嘅午餐。