藤津日本料理

Open Now

Now Closed

用心煮唔一定好，不過唔比心機煮就一定唔好。呢間龍津日本料理其實新開咗都好一段時間，但係每一次經過門口都係人頭湧湧好多人排隊。 終於等到今日見到入面只係得兩個人，「機會嚟喇飛雲！」食日本嘢梗係食壽司刺身魚生飯，唔通食炒雞蛋飯咩？坐得耐就即刻9秒9叫咗個~京蔥拖羅 三文魚生飯。舖頭細細 只係得十張八張櫈，廚房就有三個人加一個收銀樓面。喺收銀機隔離見到佢貼住叫大家耐心等候。我都預咗佢會等一段時間㗎啦。點知我個魚生飯就足足等咗我48分鐘。仲要其貌不揚睇落好似一pat免治牛肉咁。同我嘅期望有啲距離，唔該下次喺個menu上面加多個「免治」魚生飯，或者menu上面加張相。其實都唔係好難嘅啫？喺等我個魚生飯嘅期間，我睇到老闆其實都好亂。嚟食飯的人不多，但都有漏單的情況出現。大概係一個鐘頭入面等咗48分鐘在家我食咗五分鐘，老闆大概只係出得 13個餐。仲要係晚飯時間，出面有唔少人排隊等位，等外賣。原來人多排隊不是因為好味多人食，而真係好慢。

今日同屋企人一行4個，試下呢間新開小店，食物我覺得ok,價錢都可以接受，但係店舖安排就超離譜。19：57已入坐，20：05已落哂柯打，兩個蛋包飯，一個拉面，一個土佐豆腐，一客刺身，三客壽司，等到20：30壽司先至到，其他野等到20：45先到齊，仲要我落單先，相同既食品，竟然俾左遲我15分鐘落單既客，叫外賣既人客都一樣要等好耐，人地叫兩個飯，要等成20分鐘。我明即制要等，花都其他兩間日式堂食店既熱食都係即制，但唔會要等40分鐘先到齊野食，明知外賣要等最分20分鐘先俾到人，但唔會通知人一聲，安排勁差

路過看見新店開張去試試，叫了一個岩燒牛仔骨飯和滑蛋豬扒飯外賣。先說牛仔骨，生得有點過火，大慨只有2-3成，大部分也撕不開。汁的味道還可。牛仔骨的話還是7至8成較好，至少肉味會較突出，亦可以撕開。豬扒則有點鞋口，不夠鬆化，飯汁調較得不好，味醂太多。總括而言還是有很大的改善空間..麵豉湯亦是普通，不過不失。個人都明白小店價錢便宜不能要求太多，但亦需要注意食物的質素。花都也有其他不俗的食肆，希望她能努力改善吧，否則很容易被淘汰了