藤津日本料理

Open Now

Now Closed

藤津日本料理粉嶺花都廣場店，廚師以及侍應，態度惡劣，在餐廳沒有任何客人的情況下，（餐廳完全是沒有人坐）的情況下，用惡劣的語氣以及態度，呼喝客人要求客人坐在餐廳的最角落頭最逼夾的位置，當時我和我的朋友在餐廳中坐在一個三人的位置內，店內一位戴眼鏡的女士立刻說：你介唔介意坐喺後邊的角落頭位，因為你哋咁樣會阻住我哋外賣嗰啲人行出行入。並呼喝我們說道，語氣非常串，以及非常不友善，態度簡直非常非常非常惡劣😨😭，俾錢買難受同埋受氣，以後都不會再幫襯這間垃圾劣質豬潲店另外，餐廳環境非常擠迫，並且有一浸怪味徘徊在空氣中，非常極度影響食慾

由開張開始幫襯，想食日本野🐟就會去食，勝左價錢親民，足料有人情味。講真要超高水準、靚環境、賓至如歸既服務就無架喇，但要以上既野又唔係呢個價錢囉。宜家小店越嚟越少，仲要係CP值高既唔多，耐唔時都會幫襯支持下。今次叫左大盤魚生，拎番公司同同事share，好食好新鮮，三文魚同帶子都好甜，不過今次就無食到油甘魚，比同事搶曬。不過同事都話好食既，諗住聖誕party再叫。預先打左電話去叫，就唔洗等咁耐，平時都係打電話叫定就落去攞。

態度極差 唔休做 個炒烏冬淋到浸水咁 啲肉又無味 祝佢快啲汁粒 問佢拎芥辣係咁問我點解要拎 你啲野好難食咪要點芥辣囉 驚死人地食哂你啲芥辣咁 同埋我地點左壽司手卷要芥辣係咪正常呀 正垃圾餐廳

（長文）話說同朋友喺粉嶺聚舊，大家都想幫襯啲小店，咁行過見到呢間好有讀書嗰啲平價小食店，就入去回憶下。入到去揀咗熱食，因為我個人比較容易肚屙所以揀咗吉列豬扒拉麵。黎到第一啖係試一下湯底，但湯底有水喉水味，要加五味粉遮一遮。到食拉麵，預咗係啲有彈性嘅港式拉麵，所以都ok，但食到第三啖個陣，見到有條橡筋連埋啲麵一齊，所以就叫咗兩位老闆黎睇睇。本身男老闆見到話想幫我換咗佢，但當時見到條橡筋就無咗想食落去嘅心情，所以我話「唔洗，我唔食㗎啦」，之後個老闆娘走黎望兩望講咗句：「哦橡筋，我哋煮個陣唔知㗎，應該係個供應商撈埋咗一齊，我同佢哋講，我哋真係煮嘅唔會知。」然後走咗去。呢一刻我同朋友真係已經食唔落去，因為佢嘅態度真係非常差，所以埋單走，但佢就無收我個拉麵錢。不過，當時我哋好唔理解佢哋嘅不負責任態度，所以朋友直接問老闆娘：「但點解你一句唔好意思都無嘅？」然後老闆娘就發惡話：「所以我咪唔收你錢囉！我已經無收你錢啦！」最後找完錢就不歡而散。其實如果當時我無望住啲麵或者見唔到，其實分分鐘真係會食到條橡筋，但佢哋一句唔好意思都無，就咁講啲推卸責任嘅說話就走開。呢間小店真係幫唔落，亦都唔會再回頭。

近排花都多左唔同款式野食，所以去望下原來MISS左呢間日本野好耐，今日就試下平時二人份量都係叫大約價錢諗住岩岩好點知，只係火龍卷都比平時既大卷軟殻蟹手卷食到最底都有料仲有冷烏冬、三文魚刺身、帶子刺身、赤貝刺身、壽司 最後竟然係食唔晒真係抵食夾大件，下次都會再去食過因為今次經過先行入去即叫即做，所以等左咁耐下次可以打電話去ORDER，去到就拎得

成間鋪全部人都好似債仔咁，啲態度差到無人有。上次嗌餐，原本話有湯跟。咁我食晒嗰飯，發覺嗰湯都仲未有，就問佢喺咪會有湯跟，佢竟然話倒晒，仲問我做咩唔早啲出聲。嘩，佢哋應該喺好唔休做，所以大家無咩事都唔好去受氣。

🚷🚷🚷個日打過去叫外賣，聽到把聲已經感覺到店員說話消極😠。我地好好聲氣繼續落單，落完單問佢大概幾錢，佢話打完單再打番比我地。收到電話聽番價錢，覺得有少少Over budget，已經即刻好唔好意思道歉問番可唔可以cut少少。店員無得再西咁覆:「下，已經整緊啦喎。」（先前仲同我地講今日做節好忙，下一秒已經整緊我地張單?🤨）我地回覆話:「唔緊要，但都唔該你幫我地hold住張單先，整好左既我地照要。」泊好車5mins去到鋪頭，鋪頭內外人影都唔多見到個，得一張枱有一個客人，淨係見到有個店員企係到望住出面發吽哣😡。我地見佢咁得閒先落過張新單，就聽到另一個店員講:「你鐘意可以就咁買呢兩條拎走架！（軟殼蟹卷）其他都未整，就咁食個兩條都得啦。」依間鋪頭已經唔想做人生意。過節買壽司送成肚火，抵！👏👏

除左店員態度極差之外，壽司仲好難食，唔新鮮。諗住幫襯下小店，原來仲要比錢受氣。首先要求佢加多啲醬，店員話你唔一早講？我心諗我點知你啲醬少到我見唔到.. 咁我要求比多啲醬都合理啊，佢仲要加多句做好左點比醬，我話另上少少醬比我就ok，然後店員反左白眼。食完比錢埋單，店員坐係到，叫佢地收錢，但無人唔理！間鋪有3個人，3個人都唔理人，真係呆左。未試過食飯食到咁嬲，完完全全明白點解有人之前評論店員態度惡劣！如果粉嶺人想食飯都要受氣，可以挑戰下呢間野！全個花都廣場餐廳態度差，呢間真係第一名黎。價錢又唔係特別平，永遠都唔會再食呢間野，中伏。

下午茶時份想落街食d野，行過見到有間貌似新開既日式街坊小店，一於入去支持下🤪野食黎到個陣就連埋個麵豉湯一齊上，應該係叫主菜會跟個湯🤔湯味道就冇乜特別既，配料都算十足，豆卜蔥花豆腐，都幾暖胃既到左主食部份，一上枱個下係驚訝佢既份量，真係幾大個，豬扒成個碗外圍咁大塊（個碗係幾寬既，可能睇相唔似）配上上面既蔥花同黑色既紫菜碎點綴，視覺首先滿足左先🙊不過望多兩眼就知道出事啦，滑蛋連埋豬扒一齊煮，變相吉列豬扒不再吉列，食落豬扒的確係淋哂唔脆口，對於吉列豬扒而言確係敗北點🤭再者，話就話滑蛋，蛋既份量似乎就有d吝嗇，可能佢覺得加多隻蛋會搶左塊豬扒既焦點，但其實個人認為兩者同為重要，如果可既話加蛋隻蛋，滑蛋同豬扒既部份分開放，成件事應該會更好😛另外值得一提既係滑蛋加左少量金菇，個人覺得都幾夾，同埋食落都健康d，值得一讚👍🏻總括黎講份量係非常足夠，呢個價錢都可以接受，但食物水準確係有待改善呀🙊🙊

員工既態度好差原本order左個牛肉蛋包飯，等左好耐之後嚟錯左 佢就問我要5要轉翻。我話要 跟住另一個人下一秒就話冇牛肉。我落單嗰時佢仲幅左一次單話牛肉。會5會咁耐先知自己冇牛肉呀? 仲要態度差到死 一句5好意思都冇!本身間野已經5好食 仲要態度差到咁! 價錢仲要5算好親民仲有食完佢間野之後就柯左4日!嗰日未食野，係食完呢間就開始就5舒服!仲要嗰幾日有考試，真係多得間野5少呀!................

新開業時曾經來過吃飯團，雖然慢點，還覺得不錯，今天再來吃個中午，叫完餐放下一碗您以為飲左一半既湯。然後我飲左一啖，終於都知咩事。呢個好明顯就係要客人一齊調味既湯！咸到一個點，旁邊擺放嘅熱水原來係要泥溝湯用嘅，早講嘛！算啦，我係泥食飯並不是來飲湯的！這只是個額外的，不要要求太多！我們來個主菜！wtf？我明白我叫的是飯。三文魚只是配菜，但這份量送飯也不夠，您竟然重要收我$45到底是那裡來的自信？我係咪應該叫4片三文魚刺身（$25）再加個白飯無咁嬲呢。呢間野真係無下次！

今日黎粉嶺探朋友，即興想食日本野，就搵左呢間小店，以為係一間隱世小店，可能會有好西食。朋友想食希靈魚，我想食吞拿魚，所以order左雜錦魚生飯，點知成品兩樣都冇（可能當日缺貨吧，變左其他野），老闆亦冇提前通知我地。。。雜錦魚生飯（$55）燒汁尤魚筒（$45）呢間小店價錢唔貴，但個人認為係粉嶺相同價錢可以有更好選擇。食完呢樣野，雖然我地都唔飽，但都唔敢再試其他野，所以走左去隔離商場買魯水雞脾同手抓餅食

幫親過兩次今日一次過寫食評，某日經過見到有呢間小店，咁就入去試下，叫左個油甘魚刺身都幾新鮮，叫左個吉列咖哩豬扒飯，我覺得好好食，咖啡分開上的，賣相一流，另外朋友就叫左個豬軟骨拉面，味道就一般般，我見佢有外賣送價錢唔算價就攞左張外賣紙下次叫。第二次就係叫外賣，滿$300可以送去花都以外既粉嶺區，我叫左個吉列豬扒奄列飯、三文魚炒飯、蟹子沙律、金龍卷等等。。。不過外賣就打去果時講明耐少少，我都預左佢差唔多要一個鐘，整得黎送埋黎都差唔多啦，佢就差唔多1個鐘零15分鐘送到，我都無乜叫生野因爲預左送外賣耐唔想食生野，最好食係三文魚炒飯，吉列豬扒奄列飯無上次個咖哩咁好食，但總括黎講都可以再食，因為我覺得價錢平味道可以！一個飯都係50幾蚊左右，又夠大份！最緊要賣相吸引！

今日我ㄧ時即興想食日本料理這間店款式很多,有選擇困難症的我就點了很多食物,肚仔飽晒~都很新鮮的ㄧ板海膽雜錦鱼生飯生蠔赤背原隻海膽鮮甜值得ㄧ贊生蠔ok我會再來這間店

已經唔係第一次幫襯哩間餐廳，鑑於之前嘅經歷，我唔想買個魚生飯外賣都係企係店門口食成個鐘頭風，所以今晚諗住打左電話去問下要等幾耐先再落街攞啦！點知餐廳個電話就忙線忙足15分鐘期間係不停咁打電話，我又唔信係我一收線個刻佢就接左其他人嘅電話。請問一間咁嘅餐廳，堂食又要等一個鐘，外賣又要等一個鐘，連電話都唔聽嘅，咁仲叫人點食？係咪要叫啲食客專登去店度買，再因為唔想係店門口日曬雨淋風吹雨打，所以就返屋企等一個鐘再落街攞返份野食？咁哩間野又唔值我咁做囉！