虹橋酒樓 (Closed)

今日要返1100黎呢到同mama飲個茶先返學最近鐘意左食珍珠雞於是叫左個「蛋黃珍珠雞」一籠兩隻~好大隻~一隻食飽你!!隻珍珠雞係黃色的~因為有蛋黃o既關係吧~料唔算多~飯多~食完之後已經好飽...不過今日黎呢到食o既好處就係呢到已經除去左新年o既貴價點心價錢!!回復原狀!感動~~~以後有機會可以再黎!

本來呢到星期一至五都有特價蝦餃$4.8有4隻...好抵食無奈今日黎到...呢個promote已經冇左失望至極呢間野已經冇哂原來的賣點:抵食蝦餃冇左...下午茶冇埋....想走高檔路線??地點唔方便食物質素唔係高而家價錢唔係平disadvantage>>>advantage如果唔係mama鐘意食沙薑雞腳..一定會選擇明星/稻香起碼o係市中心食完行街都方便o的!!

今日又凍又落雨唔食d野補充一下energy好容易凍死街頭o係poly返黎冒雨行過黎飲茶先黎一個咸菜豬肚醫肚再黎o既係沙薑雞腳...又係咸o既點心...食完之後好似食左幾啖鹽咁....於是叫左清淡o既蘿蔔糕同灼芥蘭清清味蕾...~蘿蔔糕食完好飽..原因唔駛講..梗係粘米粉太多...加上飲左成杯茶...o係胃部發脹...芥蘭略嫌太多油....叫左咁多野食左2個鐘埋單多謝$55ok吧....冬天都係飲下茶曖下身好d~食魚生飯太凍喇!

自從呢到冇左下午茶後都冇黎過呢到飲茶今日屋企人提起好耐冇黎過就一於黎呢到食lunch等位等左好耐差唔多半個鐘>瑤柱蘿蔔糕 唔敢對呢到o既蘿蔔糕有咩期望 不出所料...真係唔及美心的好 太多粘米粉...食落口唔夠清甜 仲要收$12一件...真係去美心食好過>沙薑鳳爪 唔係我杯茶..但係mama話唔錯wor...~>雷沙湯圓 都係$12..有4粒 味道ok o既~~價錢都合理~>蠔油芥蘭 對無菜不歡的我...o係呢到食菜真係一件頭痛o既事 明知要俾佢賺大錢都係硬住頭皮叫碟菜食 $15一碟灼芥蘭 如果o係街市買$15芥蘭..真係食死你都得!!! 冇辦法啦...= =>玉蘭鮮蝦粉果 呢個唔錯..料有蝦..菜粒..馬蹄粒 總之都係一d唔值錢o既素菜+一隻蝦仁 不過味道唔錯~始終都係唔習慣冇下午茶o既虹橋....唔知佢幾時會醒覺行返舊制度呢???

黎少幾日...變左制度...要2點入座先可以食下午茶..唔再好似以前咁坐到2點就可以飲埋下午茶今日黎食驚覺轉左制度...失望...睇黎以後會少d黎....再見了....事因下午茶價錢同正價差太遠....俾正價不如去市中心食好過啦..何必山長水遠行黎呢到食呢??

今日又黎飲茶見佢出左新野食叫其中兩樣試下...>腰果酥 好脆呀! 面頭有幾粒腰果 咬入口卜卜聲 幾好味!!>玉蘭蒸粉果 裡面有蝦、菜、馬蹄、豬肉 味道唔錯 有d似蝦餃同潮州粉果o既合體 中點價錢抵食!!

公眾假期例牌多人飲茶係得呢間等左一陣就有位~入到去例行動作:洗碗之但係今日真係離哂譜!首先水杯有油光浮面....最核突係個碗...見到就想嘔...個碗邊黏住一pea黃色o既野而且仲滑潺潺....真係未食先嘔....不過呢到o既點心無可否認係大件夾抵食所以有唔少人冒住「飯前作嘔」的風險都要黎呢到飲個茶....

呢到要食點心除左可以tick點心紙外仲可以自己出去美食亭到拎點心呢個美食亭成日都排長龍勝在可以睇到個點心樣先決定食唔食>椒鹽雞全翼 12蚊有2隻 炸到金黃色食落口脆脆的!>田園雜菜 d汁太杰...而且d菜唔夠新鮮 價錢都比較貴唔抵食>三色糕 呢個唔錯..~另外仲叫左叉燒包、鳳爪、雷沙湯丸、叉燒腸、牛肉球埋單都係$160~幾抵食~~~不過...d碗碟經常性洗唔乾淨...就好似今日咁...我隻碗到痴住左上手留俾我o既蛋黃...嘔心....所以食野前請自行再洗多次碗碟!

去完工展會返到黎已經2點半諗住黎呢到飲下午茶點知變左食垃圾!!原來平時日子2點後呢到係唔再整新野用低價sell埋d送頭送尾賣相唔掂不在話下食物全部凍哂....唉...平又唔係平得好多...以後過左2點都唔黎食喇...廢事食垃圾!

考試last day~下晝先上戰場..見有時間行黎飲下茶~唔駛等位~叫左蒸蘿蔔糕..$8.8唔多掂...好粉..少蘿蔔...唔好食...食淨半舊...三豆糕..呢個唔錯~豆好多~甜味o岩o岩好!牛肉腸..~普通水準..冇驚喜冇失望~今次水準普通...~total 6碟野~$66~2個人食算數啦~

星期日黎呢到飲茶~所以比較多人~要排隊~等左半個鐘先有位~上到去坐正o係門口位~做守門大將軍~~~居然俾我見到唔應該見到o既野...話說有2位熟客上左黎同個侍應傾左幾句~個侍應就安排左o個2位熟客坐o係我隔離張(木台)而且o個2位仲話:真係好~唔駛等位!聽完之後...忽然有所領悟:出外靠朋友。

今日放1130~同母親大人黎呢到飲茶~唔知係咪平日關係~唔駛等位~先叫蝦餃($4.8)有4隻~大大粒~不過層皮好dry~之但係諗起$4.8~乜都抵返哂!!坐到2pm下午茶時間~帶子腸=$7.8!!!抵到乜咁!!白灼唐生菜=$5.8!!而且多多料~~真係好抵~~係一間好好o既飲茶地方!!讚呀!

呢到飲茶勝在價錢相宜多款式~d糕點唔錯~腸粉夠滑~蝦餃夠多料...不過層皮太厚~~~~食左8款食物~埋單$100~算叫抵食啦...~不過侍應d服務呢...= =算啦算啦...黎得呢到預左架喇~

今日2點先飲茶選擇左唔駛排隊o既呢間酒樓上到去2:15見到咸水角推著架車仔黎於是...「唔該咸水角」架車仔好似巴士飛站咁冇停落黎「咸水角呀~」「下?咩呀?」推車仔o既阿嬸居然俾個咁o既反應我!!原因係佢同第二位阿嬸o係到傾計!!「要乜?」「咸水角」跟住呢位阿嬸仲邊傾計邊拎碟咸水角出黎過份!d野抵食都冇用啦....咁o既服務搵鬼黎食咩!!!!

住左咁多年第一次黎呢度飲茶唔係好多人等左一陣就有位抵食抵食呀~~>帶子包其實同叉燒包差唔多不過用o既係帶子唔係叉燒~唔係好大舊~但係又食得飽你~味道都唔錯~~>田園炒雜菜夠大碟~有各款菜又唔係好油~味道有少少甜~幾好味!!!~~o岩哂我鐘意係菜o既人!!>湯圓細細粒o既湯圓仔~加埋甜甜地o既糖漿~食落口幾過癮!!~有咬口!~正~~~>沙薑雞腳d汁杰左d...~不過都算ok!>煎堆仔熱熱的~好新鮮~皮薄~脆~一個字:好!>咸菜豬肚多料!!!抵食~化算~以後一定會再黎呀!!!!