虹橋酒樓 (Closed)

星期六長週返半日,下午就同太太回家和爸爸飲下午茶,去屋企附近的虹橋,這裡是爸爸的飯堂,可能近屋企同價錢平的關係,但質素就真係.........唉!坐底後爸爸就專供一張特價點心紙,點心價錢分別$5.8,$6.8和$8.8,還有一些特價炒粉麵和燒味湯粉等,我們叫了金沙千層糕$8.8,三盅魚翅灌湯包$6.8,山竹牛肉$5.8和魚香茄子炆伊麵$26價錢都算幾平!唔香唔軟熟,得個甜字.冇味,皮厚,料少,非常差.肉質淋,算係中規中矩嘅一樣.還有一碟魚香茄子炆伊麵,忘記影相.冇鑊氣,魚香味唔夠香.這間酒樓除了價錢平外,真係無一可取.

星期一同屋企人來了這裏食晚飯,因妹妹及妹夫話呢度好抵食又好味,所以難得出街食飯就嚟試下啦,差唔多8點但係都冇咩人的呀,好冷清!!見有一張紙係特價小菜,全部32及38元,好抵食喎,因家姐還未到所以就叫住一個餸食住先.叫左一個椒鹽九肚魚,一碗白飯跟媽媽一齊食住先,嘩,好快就嚟,熱唔熱架,賣相都ok,份量都好多添,但味道就好乾,好似魷魚乾咁,入面應該係好滑既九肚魚,但係乾到一點魚肉既鮮味都沒有呀,唔掂啦!! 白飯都ok等埋家姐就叫多兩個餸,一個生菜鯪魚球豆腐煲,一個粟米班塊,勁快就嚟,究竟有冇煮的呢??粟米班塊先到,係將d粟米汁加上d班塊面度的,味道都ok的,不過都係果句唔夠新鮮,好似整左好耐咁呀.粟米汁都好味的,用嚟送飯就一流.生菜鯪魚球豆腐煲等左一陣又嚟啦,呢個個賣相一d都唔吸引,面頭有一些生菜,跟住下面有幾件豆腐,係好大件的,沒有切開,鯪魚球變左鯪魚滑,個湯係好清的,好似白烚一樣的顏色,請問怎樣可以完全像沒有煮過似的,味道係冇咩味道的,全部都真的是白烚一樣呀!!像甚麼也沒有食過一樣,抵真係好抵,但係咁的質素實在.......很難接受,怪不得沒有甚麼人.我地見不停有人出去攞湯水,跟住媽媽

話說當晚要去超市買米掃貨，順便出街食飯。上次幫襯小菜 ok ，今次想試下個火鍋任飲任食，全包價成人$98，長者/小童 $48，限食 2.5小時。我地 7:30pm 入座，第一件事梗係醒目叫湯底先啦，叫咗個皮蛋芫茜湯底。然後再點咗十三、四碟火鍋料，至於飲品就自助式，自己出去雪櫃拿汔水或者自己去斟菊花蜜/洛神花茶/綠茶。我地去到放飲品的地方，見 d 花蜜/花茶無晒，唯有拿住汔水飲先啦，諗住一陣佢會添新的時候先去斟。返到埋位，等到 7:45pm 都未有湯底到，我地開始搵侍應問，跟住又話 check 單要等下，結果等到 8:00pm 先返黎同我地講，漏咗單喎，你地要咩湯底，重新幫我地落過，我地開始有少少火氣喇，要佢將我地入座時間改番，話晒要計時食架嘛，點知佢話入咗電腦無得改﹗離晒譜，入座就識入電腦，湯底就唔識入電腦﹗唔肯改時間﹗由佢，等到 8:15 pm 終於有湯底到，跟住大約有四碟火鍋料到咗，然後我地又等…等…等…終於都再無火鍋料到﹗我地又去追個侍應問 d 食物，佢照例又話要 check 單啦，返黎又照黎話無入電腦喎﹗我叫佢搵番我地手寫張單出黎對，無理由有部份入咗電腦，有部份無既﹗佢居然話咁

一家人六大一細黎喱度做節，經過得多，但就第一次幫襯．好多枱都係度打邊爐，我地都係揀選左食小菜．豬骨雞腳湯：係縑佢淡左ｄ，如果唔係都幾好飲．芝士龍蝦（伊麵底）：焗到有ｄ燶味，龍蝦身好食，龍蝦蚶就好鹹．清蒸海斑：蒸得岩岩好熟，肉都幾滑但細條左ｄ囉，$168既價錢就真係貴左ｄ ｄ．清炒油麥菜：不過不失．咕嚕肉：無咩汁，其實味道係幾好，但ｄ配料完全無味囉．福建豆腐：只是將飯底改為豆腐而已，淡得黎又健康．海鮮卷：外脆內軟，味道同一般酒樓相若．送：西瓜一碟；糖水（紅豆沙，綠豆沙）任食：煮到好棉又唔會太甜；任食雪糕（芋頭，芒果）．

又一個炎熱晚上，一家四口決定出去解決晚餐問題。上星期去過大戶人家，今次去虹橋酒樓。本來阿爸話想食火鍋，不過知客話九點後每位平十五蚊，我地四個人，一共可以平六十，抵好多，問我地等唔等，我地當時去到係八點四十五分，但係阿爸話唔等，改食宵夜小菜。宵夜小菜每碟廿蚊，我地以為個價錢平咗，自然個份量相對會少d啦，所以就叫咗六碟。 木桶雞半隻($30)：係蒸雞黎既，煮耐咗，好靭同埋無味﹗ 門膳煲($30)： 成煲有五至六片門膳既，其他全部係紅、青椒同埋洋葱，味道都唔錯。 海哲拼薰腣($20)： 比想像中大碟，幾抵食﹗ 荔芋扣肉煲($20)： 一共有五份荔芋扣肉，墊底的全部是生菜，味道夠，芋頭唔算硬，以廿蚊既價錢，算好好啦﹗ 帶子小炒皇($20)： 一開始見廿蚊，都諗會俾到 d 咩帶子我地食呢？原來係俾小貝柱我地，都有好多粒既，應該超過十粒。西芹夠爽口，芝麻腰果就一般啦，煮淋咗既。 潮州脆豆腐($20)： 呢味麻麻地，豆腐唔脆，好似放耐咗咁，而且係無味既，我點菜既時候以為係椒鹽味，可能我自己少食潮州野唔知啦。最後埋單一共 209 蚊，包括茶位($8/位)，一碗白飯($8)，三支藍冰啤酒

新界地區只有7度,所以想起邊爐,一想邊爐就想起虹橋.因為任飲任食都係$98全包,免加一,茶介如果夠厚顏的話真係可以放低$98就走人,長者小童只收$48,5個送1個(特價優先)一家四口兩個長者,去了虹橋唔使自己洗,而且天氣凍菜價貴,出街打好過除了火鍋料,還有熟食供應,中段時間重會有片皮鴨,都不另收費生蝦任叫,重有瀨尿蝦,百事任飲,啤酒都任飲,好過自己買洗餐死

昨天早上十點幾同媽媽行完山嚟左呢度飲早茶,其實本來是打算去另外一間的,但因裝修,所以就嚟左呢度,呢間酒樓二十幾年歷史架啦,好大間酒樓,都幾多人喎,幾乎坐滿咁滯.嘩,d點心都幾抵喎,我地叫左:煎餃子-四隻,都唔細隻架喎,煎到金黃色,雖然唔係好熱,但都幾多料呀,幾好味喎珍寶糯米雞-都好大隻呀,但係就唔多料,只有一小條蠟腸,其它都係肉碎及好多糯米呀.雞球大包-個皮好厚,料都好多的,不過好似怪怪地咁,因為又有咸蛋又有肉,又有菜,唔知點咁咸魚肉片飯-幾大盅,我冇食,媽媽話好味呀價錢好抵食啦,但係食物只屬一般啦.

屯門虹橋酒樓(井財街),打算享用下午茶,由一名親友搵位,於2時15分左右入座,於116號桌,約2時30分左右,其餘人等到達(共五名大人一名bb)當時一名自稱姓周的部長說,我們五人於2時15分入座,不能享用2時30分的特價下午茶時段我說,以住也曾試過於2時30分前入座,是也可以於2時30分享用特價下午茶時段,周說,更改了,是為了對排隊入座特價下午茶時段的人公平由於當時沒有其他食客排隊輪候,於是我問周部長能否更改,周說不能,由於兩者價格相差什大,無奈下只好結帳,33元茶錢!連座也沒座過一會,茶也沒渴過,真的很氣憤,大家都問搵位的人,有沒有看清楚問口的介紹海報,她說沒有表明特價下午茶時段須要入座計,我們一看,果然特價下午茶時段只有2時30分供應,而沒有須於該時段入座的說明,於是回去理論,更發現有部分如宵夜小菜特價,單張上都列明須要計入座時間,但下午茶的,根本沒有任何提示,門口紅衫知客,說不介意的,去投訴吧...但是他們卻竟在事後一小時許,在多張海報用筆加了入座計3字,証明他們也覺得有問題,但我再打電話找了一位杜經理,要求退回茶錢,他也是一樣!推卸了事!理論其間,他們更說我們早於2時15分入座

早兩日同班舊同學食飯，有人提議去虹橋打任食邊爐，我想話no的，因為之前去過食，都麻麻地，但一大班人又費事掃興，求其一餐算。不過呢次食又有d唔同左喎！火鍋料多左款式，多左生蠔、田雞、生既瀨尿蝦同生既蜆都有，d鮮蝦雲吞好大粒又幾好味，又啤酒又汽水又蜂蜜野飲，食到好鬼飽埋單$88位包哂。6個仲有一個免費，都食得過

今天放假見無約會咪同左丫媽去較low ga酒樓~~叫左六個點心.一個瀨粉xx燒包 第一次見用菜肉包ga皮做= =(丫爸都話玩野)煎薄餐 又唔熱又唔碎馬拉類 一個字無味牛肉球 幾好鴨腳扎 幾好蘿白糕 幾好雞瀨 點雞硬到最緊要係我丫媽見點心來晒..個瀨都未來咪叫下人吹下,點知個服務員完全無反應一點表示都無><下次都唔來..又唔係便宜又唔好食

成日都黎呢間酒樓飲茶~因為真係幾抵食同埋味道唔差架….星期一至六早茶時段至下午茶點心價錢都係同一收費~只係茶錢唔同~同埋唔同時段有唔同既優惠點心紙…兩點開始既下午茶於大排檔既點心大部份都做特價~所以好抵~今日我地兩個人一點幾鐘黎到~有午市特價紙~要了蝦餃皇+粉果拼盤-$10.8, 奶皇馬拉糕-$5.8, 煎蝦米腸-$8.8 (正價)兩點後要了三色豆糕-$6.8, 蕃薯芋頭糖水- $6.8蝦餃皇有3-4隻蝦~皮唔會太厚~粉果夠味~但呢個皮就厚左d~奶皇馬拉糕~呢個好抵食~而且唔會太甜~糕身又鬆軟…煎蝦米腸~我每次都會食呢個~因為佢地煎得好香口~但係我都會叫佢地煎耐d架, 同埋d麻醬甜醬唔會太稀~份量多…三色豆糕~唔記得影相比大家睇~好多豆~好味~係三角豆,紅腰豆同眉豆~有口感~蕃薯芋頭糖水~仲有雪耳添, 蕃薯芋頭都煲到好淋, 蕃薯都有兩款..而且可以要求多d蕃薯架~唯獨係糖水冇乜薑味~失色了..食到好飽喇~~午市5個點心,埋單$56整體呢度點心都做得唔差~平平地食得過~

下午時間買了戲票看盜墓決定到附近的酒樓吃午飯見門外排滿人龍幸好是排下午茶的人龍吃午市的話可以即時入座先來了沙薑雞腳是否物價上升?雞腳的份量少了不過味道依然不錯沙薑味十足香甜三色糕豆有異味差!只吃了一口就掉了......希望經理可以注意一下!腰果酥一碟三小件很脆...不過所謂的腰果酥其實只是在一塊類似曲奇餅上加上幾粒腰果沒有什麼特別蕃薯糖水叫蕃薯糖水的目的不是為了飲糖水而是為了吃甜甜的蕃薯可惜蕃薯份量不多糖水卻盛得滿滿.....事與願違!香煎腐皮卷水準進步不過依然很多油腐皮煎得剛剛好沒有煎得過火內裡的料也十足不錯!吃了這麼多也只是$90頗抵吃~

好一陣子冇黎呢到飲茶今日難得星期日人齊一家三口黎呢到飲下茶冇見一排小食亭大縮水食物o既選擇少左好多唔知係咪因為午市開係d食物去得快，補得慢呢硬係覺得冇咩野好食點心紙o既食物又唔o岩食最後只要左四個點心豆腐花第一次o係到食豆腐花味道只屬一般冇咩驚喜豆腐唔夠滑香甜三色豆舊有水準我幾鐘意食呢個點心因為d豆有三種口感唔錯沙薑雞腳mama最愛雞腳size係細size唔似稻香o既巨型雞腳沙薑味夠哂酥炸雞全翼一碟有三隻炸得夠哂脆隻隻都炸至金黃色怕熱氣o既我只係食左一隻雞中翼埋單唔駛$80不過食得唔係咁飽始終冇飯落肚都幾難飽飽

最近轉左夜晚先出街食飯前幾日就黎左呢到落腳三人三碟小菜>瑤枉扒時蔬($48)由於心血來潮想食西蘭花於是同waiter講要指定西蘭花點知要加$5冇法啦加$5都要俾!瑤柱算多衰在汁太杰豆粉太多個口俾d汁漿住哂>檸檬蒸鳥頭($48)本來要桂花魚但因為冇貨被迫要鳥頭鳥頭大大條雖然肉質唔滑同斑仔差好遠但$48仲想點呢?檸檬味好勁成條魚都充滿檸檬o既味道好開胃三人食夠哂>咖哩牛筋腩($48)咖哩味道好濃郁牛筋份量多之餘都好有口感十分彈牙牛筋份哂味唔會太淋/太難咬所有野都just fit!飯後甜品任食唔嬲但雪糕比較唔掂可能係雪櫃唔夠凍雪糕溶哂.......見到已經唔想食....美中不足o既係呢到上菜好皺特別係蒸魚足足等左半個鐘先黎到其餘o個2碟送都已經食哂....條魚變左飯後小食....

差不多每次都是來飲茶是日轉轉時間到此處光顧晚飯三人三小菜首先，是金蒜翠瓜炒鮮魷出奇地鮮魷份量很多十分彈牙蒜味濃，很是惹味$55一大碟幾抵吃瑤柱海鮮什菜煲$48海鮮是數條魷魚鬚及幾粒蝦仔菜很少(小棠菜、西蘭花、菜心、菇)對視菜如命的我來說完全不夠吃.....瑤柱應該只有半粒....湯底多油這碟不太抵食薑蔥枝竹魚腩煲$48魚腩是鯇魚腩很多很大件枝竹份量也不少因為加了不少薑蔥的原因魚腩很入味不過頗油飯後甜品是自助形式胃容量夠大的話可全部吞進肚裡去