蛇王球

Open Now

Now Closed

作為香港人又點可以冇食過蛇羹，平日嘅生活範圍都唔會有，所以今日就特登過海食😛 (P.S. 原本想去嗰間蛇王海收咗爐🥲)因為唔太肚餓，所以只係嗌咗個細五蛇羹($52)，姨姨即刻喺門面個大鐵煲𢳂比我，望落真係好似碗仔翅🤣用料方面都幾足，除咗底下滿滿嘅蛇肉，啖啖都食到冬菇絲同木耳絲👍🏻飲落比碗仔翅杰身啲，而且有浸中藥材味，反而冇咩特別嘅蛇味🤔枱頭仲有薄脆提供，咬起嚟有啲似粟米片，同蛇羹可以話係絕配！因為第一次食所以無得同其他餐廳比較，但個人覺得味道上偏淡，要加啲醋先夠味

環境西環遊車河剛剛見到有間蛇舖，唔似一般蛇舖，同時有燒臘同蛇羹，間鋪頭細細地，得3張細枱左右，但係牆上個架上面就擺左好多個玻璃瓶，有龜板，老鼠酒，蛇酒等等。品種餐牌其實都有好幾款野食，蛇羹，蛇湯，龜湯，糯米飯等。HKD52 一碗細蛇羹價錢唔算貴，所以入左去試試。食物質素配料可以任落，溫度夠熱，入口似雞湯味，比較稀，瘦肉比較多，蛇肉比較少，味道都叫OK的～ 聽鋪頭個疑似老闆娘講，蛇係印尼買過黎，至於咩蛇，講我都唔知，鋪頭只係開半年～

同細個食到嘅味好相似！咁啱行過見到就試下，終於搵到一間好食我又鍾意。蛇肉都算多，雖然唔係話成碗都係蛇肉，總知嗰種味道係好吸引，唔識形容。我有食過其他鋪頭，好多都整到好似碗仔翅咁，落勁多野又重味精，有間米蓮蛇鋪又落當歸同其他藥材，重味到蓋過晒d蛇味。呢間蛇王球係我個人食過最接近細個(20年前)食過嘅味道。不過講返碗細蛇$52碗，份量唔太多，唔係成日食我覺得係值得嘅，會keep住食，希望呢間小店會長做有後生承傳落去，因為我見鋪頭好似得兩個老人家，唔想見到佢失傳，我仲想食多好多年。

下午4點，疫情之下，在堅尼地城的人並不多。剛剛行完山由山頂下來，突然間想吃蛇，記得堅尼地城有這一間，二話不說，整一碗蛇羹先。檸檬葉是新鮮切的。蛇羹不算太過 gamey. 一切都很有誠意。會再來的。

冬天食蛇最啱，見到呢間新開嘅蛇王球好似唔錯而且仲係前牌捉蛇嗰個蛇王開嘅試咗佢嘅蛇羹套餐，有埋蛇汁雞飯啲雞好嫩滑，好入味，仲有幾條菜雖然個碗好細但係超多飯佢嘅蛇羹份量適中，有埋薄脆同埋檸檬葉可以俾你任加蛇羹啲餸份量啱啱好，蛇肉唔會好韌味道方面不過不失整體幾好，最鍾意係佢個蛇汁雞飯食完超飽有機會試埋佢個糯米飯

正所謂秋風起三蛇肥，香港人最鍾意食蛇羹，我亦唔例外，一碗蛇羹一碗糯米飯已經足夠飽肚，冬天食完真係會暖笠笠。🥢大蛇羹+臘味糯味飯⭐️⭐️🥢細蛇羹+臘味糯味飯⭐️⭐️上年已試過”蛇王球”，今次翻兜唔係因為好味，係因為突然想食而佢又最近屋企，大蛇同細蛇價錢相差$46，蛇羮叫多料但蛇肉就一般，如果去開深水埗我就建議試試果邊蛇羮，人哋真係真材實料，價錢又差唔多，至於糯米飯，可以不試，糯米飯就只得糯米飯，蝦米、蔥、臘味粒都無，為飽肚唔好嘥而食晒。二人共消費：$178 (外賣平台自取）

秋風起又挑起食蛇條引！不嬲幫襯開西環嘅蛇王球，知道佢之前舊鋪閂咗，又唔知搬左去邊, 上個禮拜check open rice 仍然未見到…今日去堅尼地城嗰頭行吓，周圍搵野食之際，竟然比我見到open rice 有update…. 地址同地圖唔match… 打電話過去又冇人聽，都唔知係咪真…不過既然喺附近，就唔爭在去望下….點知真係比我搵到！認得老闆同老闆娘，即刻黎返個大蛇！仍然係同一個味道，勁足料！堅正！😋😋不過今日約咗人晚飯，要留肚，所以冇食糯米飯！隔離枱嗌左，見到同聞到都好香！下次一定要食！開心搵返原味道！

聞名已久，傳統舊舖足料蛇羹。星期日行過，無意中發現，喺舊舖搬咗過嚟卑路乍街。不過Openrice 地圖位置有錯，不過地址正確，好彩搵到。入秋就要進補。一於入去同蛇佬蛇婆打招呼。要食蛇羹，飲佢哋嘅蛇湯都唔錯，再配埋糯米飯，正。舖頭有張相，影低咗四師兄弟，一齊做學徒做蛇佬，其中有兩個都退咗休，各自喺香港嘅唔同地區度開舖頭，有一兩個好似成日上報紙雜誌好出名，佢哋整蛇羹都有五十幾年，真係敬業樂業。新嘅舖頭比之前大左好多，少咗好多雜物，同埋空間感好足夠，不過新開張，似乎以前嗰張大餐牌仲未貼喺牆上面。

聞名已久，傳統舊舖足料蛇羹。喺舊舖搬過嚟卑路乍街。Openrice 地圖位置有錯，不過地址正確，好彩搵到。入秋就要進補。唔食蛇羹都要飲佢哋嘅蛇湯，再配埋糯米飯，正。果然係蛇羹專家！