蛋記

Open Now

Now Closed

越來越差!!d人係睇完蘇施黃既報導後令佢生意大增後,太安樓雞蛋仔,越來越差!本來一爐烘2餅雞蛋仔,加左2個用電爐雞蛋仔,心急自然出劣貨!以前平價.加價後連這優點也沒了順便一提,隔離檔的面仔檔D料越來越少,唉

聽到人話蘇施黃介紹,已經"唉"定一聲點知真係..!!唉~出名在邊度?一d都食唔出唔通香港人條利有問題既?仲要排15分鐘雞蛋仔,永遠個心冇可能係實嫁囉只有一d差既,就會做到一餅"蛋糕仔"好似太安樓咁有樣野抵讚既,可樂抵飲

其實之前係太安樓係有2檔的~但後來不知道咩原因而只剩下這間難食既...聽人講另一檔個老闆發左唔做...=.="不過明顯地d人係睇完蘇施黃既報導後令佢生意大增...講真...我試完覺得唔好食...點解?因為同北角既雞蛋仔一比,就差好遠了...而且本身唯一可取既就係佢既價錢較平...而家...一加就加到7蚊...好過去搶...但真唔明點解咁多人試完仲會再去...可能真係各人口味啦...-.-又或者真係傳媒既渲染太厲害啦...

幾脆！都抵食，但係似中同細個食個D爭得遠！

咬落好脆,但冇乜味,好似食粉咁,同出面既差唔多,唔值得專程黎試

我以前係太安樓番工...番工前normally都會去買雞蛋仔吃佢d雞蛋仔夠甜同埋超脆...咁既價$買到咁好吃既野.. 都好抵!!!由細到大, 吃得最正係呢一檔jar!!!!

　　在下蒲慣此區，呢度ｄ雞蛋仔係龍係蟲，早就心裡有數。朋友看了蘇施黃節目，說要來試，我告訴他，呢度ｄ雞蛋仔一向都不好吃，得個平字，點知而家仲加到七蚊。不過都幾蚊雞，咁朋友又不心息，咪試吓囉。一試，點知真係唔叫得做好食，甚至有小小難食。裡面ｄ粉一舊舊，時硬時林，唔脆又唔鬆唔軟，怪怪的。唔好食我就預咗，不過此事令我以後對真人蘇節目的食評開始半信伴疑。要吃好食雞蛋仔，始終是北角琴行街，佢冇令我失望過。

以前佢d格仔4蚊個加上可以落醬落到堆山咁係學校超無錢時代既恩物之後越黎越出名價錢4to6to7加上蛋漿又稀左建議大家唔好去la.係附近讀左好多年書食左好多件太安既心得>m<

又是因為蘇施黃的推介，山長水遠去到太安樓。試了雞蛋仔及格仔餅，真係...難吃。皮只有少少脆，裡面則儼如一團無味的粉。格仔餅...更不濟。不知是否現在的水準滑落?否則這樣的雞蛋仔怎可能會跟琴行街和灣仔那分店相比?雖然現場只有幾個人排隊，但仍感浪費時間，心深不忿。

嘩! 真的很有質感! 雖然不是脆口的那種, 但口感柔軟, 涼了也不差得遠^ w ^

亞蘇未介紹之前, 食過一次, 係咁先。我買時冇人排, 即整, 雞蛋仔"林" pat pat, 唔止冇蛋味, 又唔脆, 好似食緊pat 咁; 終於頂唔順, 咬三啖掉。前排見亞蘇介紹話好正, 嘩! 唔係化?從此對佢「好」介紹置若罔聞。近排經開成日都見有好多人排隊, 真係好笑。順帶一提, 佢介紹間車仔麵, 超難食。e + 佢搬去成安街附近, 叫做《超級無敵車仔麵》。反而機舖隔離檔小販車仔麵就真係正喇, $20/4 , 又多, 好抵食。

好耐冇食雞蛋仔記得對上一次食果陣佢仲賣緊$4現在賣$7了..雞蛋仔個個都是好飽滿的,都幾彈手外皮脆脆的, 入面都幾"煙un"而且唔甜, o岩我呢d減肥人士食p.s. 未食過北角的, 不能作出比較 但以前好似好食d...

太安樓雞蛋仔,可話係近月飲食界之其中一個奇景.經過蘇絲黃一推,推出一條長長的人龍.買底雞蛋仔,要排成個鐘,全世界只得香港獨有,這個彈丸之地,真是Impossible is nothing.下午四點也有幾個人排隊,不過等了兩三分鐘,一底即烘的雞蛋仔便到手.外層很脆,吃落太實,而且蛋味欠奉.吃到最後,怎也想不到這檔雞蛋仔,為何會令到人花上時間去排隊買?傳媒的威力,可以令人洗腦,連自己姓乜都唔知.

6.16 (sat) 半個晚餐每次經過太安樓都會停一停，向上望，但始終冇入去…今晚終於入左去，原來個商場咁多野食，果然真係「香港士林」。其實朋友唔suggest我食雞蛋仔，因為冇乜特別。但難得黎到，見冇人排隊（食飯時間）就一試無妨，反正想睇下係咪真係咁出名。個雞蛋仔好"lone"（但未"lone"到黑），咁"lone"就一定脆同香啦，唔係難食，又唔係超好食，一般唔係"林"o既雞蛋仔都有類似水準。享受一路行一路咬雞蛋仔。

有時也不得不承認，如果聽到有好吃的東西﹝當然「好」的程度，甚至比心目中認為市面上最好的還要好﹞，總會心思思想試的。已是第二次到來，頭一趟，人多到不能置信。是次來到，只得三人在排隊，當然又加入行列之中。幾底一起烘，3分鐘也不用，熱辣辣的雞蛋仔已到手。這裡的，皮脆，有餡，但卻是實實的。個人而言，不介意多餡或少餡，但雞蛋仔至緊要做得鬆軟，及蛋味夠香。吃到這麼「實淨」的雞蛋仔，心已涼了半截。吃落發現，蛋味欠奉，還有刺喉的食後感，明顯是粉下得太多了。7蚊一底，是比北角的掌門人便宜。但個人覺得，絕對不比掌門人好。沒有再來的必要，還是去另一邊「篤」牛什還好。