Video
5-min walk from Exit A2, Yau Ma Tei MTR Station
continue reading
Introduction
環境整潔，以車仔麵作主打，口味和價錢大眾化，很受客人歡迎。
continue reading
Opening Hours
Mon - Sun
10:30 - 23:30
Above information is for reference only. Please check details with the restaurant.
Signature Dishes
今晚旺角作客鏢賽，約埋班隊友係旺角那那聲食少少野就去比賽，路過見依間車仔麵唔洗等位，是但啦﹗依度地方都幾寬敞，感覺都幾乾淨，光光猛猛。發現全部職員都係操非純正廣東話喎，諗住主攻自由行生意同聲同氣有著數？隊友一個都未到，第 1 次黎幫襯視察下環境，順便睇正有咩好野食先。依間車仔麵無得劃飛仔啊，要親自出去排隊 order，眼見選擇都十分之多喎。煙鴨胸、豆腐卜、魚皮餃、腸仔、魚蛋、菜芯、豬紅、墨魚丸、芝士腸、牛腩、牛肚、蘿蔔、豬皮、豬腸、等等。豬紅蘿蔔牛腩鴛鴦走蔥多辣，有菜芯送噃，多謝。眼花撩亂選擇多，求其普通算喇啦。豬紅蘿蔔牛腩鴛鴦走蔥多辣，見到豬腸係深啡色喎，一心諗住係因為醃得好入味，點知又苦又澀又腍劈劈，劣﹗蘿蔔無味又硬又有渣，劣！牛腩肥多瘦少味道又濁，麻麻地。免費菜芯不甜，幸好夠爽又多水，合格。豬紅蘿蔔牛腩菜芯鴛鴦走蔥多辣，我叫粉麵鴛鴦，廚師阿姐烚到河粉碎溶左半，用筷子都夾唔到呀，又要用羹食！粉麵係要先後分開烚架，一齊烚一係河粉溶、一係麵太生，無 heart！湯底淡如水，就算加左辣汁都救唔翻。再問侍應叔叔比多一碗仔辣汁倒晒落去撈，只微辣不香，失望！搞到我突然好掛住掛住西貢松記呢！食開紅磡發記、紅磡民裕、大埔萬利都好食過佢何止百倍！
continue reading
路經旺角，看到這整潔的小舖，正好可以休息一下，入口是販賣区，先奌選食物，付款，坐下，即有店员送上熱騰騰的食物。車仔面的餸莱選擇多，様様都好吸引，叫了三餸面(菜心，冬菇，魚旦)才三十元，抵食，最難得佢D新鲜菜心又大条又翠绿，冬菇夠味，鱼旦弹牙，下次经过一定再encore。佢個清潔呀姐，身手敏捷，我一放下筷子，人到声到，收左碗，枱都抹干净……！
continue reading
師生球賽後，人既倦困之餘又飢腸轆轆。走在大街上，開始抱持着"不理好醜，但求就手"的態度，隨隨便便走進一間車仔麵小店內，快快趣食碗麵就嗱嗱臨乘車回家大覺睡....例牌要了我最愛的油麵，另加豬皮、豬腸、蘿白及牛腩作麵碼。沒有其他古靈精怪的配料或湯底，吃的正是一碗地地道道，你我從小就吃大的嗱喳麵....湯是意料之內的一大碗味精水，當然不喝為妙。但反而後加的一小匙辣醬卻是夠晒刺激，配上一眾麵碼來吃，甚是滋味....牛腩不算很淰，而且大部份是碎濕濕的；蘿白不很清甜但還算不硬實而且冇乜渣；豬皮厚身又爽口有咬頭，應成為主角份子；豬腸雖有點羶味但勝在腸內仍存不少白色脂膏，食起來仍帶有丁點豐腴之味....雖不是十分有水平，但嬴在既抵食也很飽肚....在此刻，仍能苛求甚麼 ?
continue reading
喜歡食車仔麵既原因好簡單,就算一個人都可以一次過叫好多款不同既餱菜一次過滿足自己既口福.今次叫左冬姑, 韭菜, 蘿蔔,豬腸, 雞翼尖配河粉.此店既食物都唔錯, 樣樣食物都醃得夠味又唔會過咸, 特別喜歡佢地既雞翼尖有陣陣既鹵水味道冬姑本身大隻又厚身加上炆得淋身同樣一流.反而最唔喜歡就係蘿蔔又有渣又唔甜, 豬腸就算一般不過最起碼夠乾淨已經算合格.
continue reading
行完旺角剛好經過, 好在有位坐o者.即刻叫左個車仔麵, 幼麵加尤魚,魚蛋, 同可樂.一杯冰凍既可樂最o岩降溫呀!!!個麵真係幾好食, 最好食係串尤魚, d魚蛋都幾彈牙, 好味道!
continue reading