裕發小廚

Open Now

Now Closed

夜晚六點四十五分，滿心歡喜去食飯，點知遇著垃圾服務店員，當你啲客係垃圾！掛住做火鍋，其他客好似要同佢乞咁。只係問有冇打冷，一句冇，乜你唔知咩？就走咗去。六點五十分，再落小菜，叫咗炸墨魚餅和椒鹽鮮魷。突然，六點五十五分，個廚房叫出來話，其中一樣冇，跟住就冇人跟。直到你問佢，先知賣哂冇貨賣。到你改order，價錢唔同，又唔同你改，要你出聲先改。食物來講，油膩，味超鹹，椒鹽鮮魷炸出來甩皮甩骨，炸粉上唔到魷魚，椒鹽係灑少少起角落，並唔係起鑊度跟魷魚一齊炒。第二樣金沙蝦球，出品正常，味道偏鹹。地方污糟，地下好跣，如果帶老人家去，一定要扶實佢。各位，如果想貼錢買難受，認住紫色衫扎馬尾，又收錢又落order又傳菜嘅阿姐。超寸！佢根本唔想你幫襯佢，見你得兩個人，唔係打邊爐，幫襯少，唔歡迎你。

工作關係經常都要在富安花園及大水坑村的食肆四處覓食， 食了那麼多斤茶餐廳都不少，裕發小廚的炒粉麵飯及小菜相信是最地道，暫時沒有其他可以媲美。此店星期一至日都有特定午餐，每天三款可以選擇，即炒粉麵飯 ，夠曬鑊氣。 今次午市叫了一個炒貴刁， 份量充足，賣相不錯，蝦仁及其他 配料也很豐富, 重點是入口絕不油膩， 比較乾身, 河粉彈牙爽口, 味道適中，咖哩粉適量， 啱香港人口味不會太辣。 不過價錢來講，一個午餐$52， 即炒來說都可以接受。曾經晚上也有好幾次光顧，回頭到高 ，誠意推介晚上蒸鯇魚套餐， 六十幾即叫即蒸 ，雖然花點時間，但新鮮度高， 當然還有其他的小菜 ，富安花園一帶即叫即炒小菜，這間可算首選。回頭性價味道 質素環境衛生服務性價值得一提店裏不知是老闆之一還是請返嚟的阿姐, 非常爛口,每句說話都是粗口，受不到的, 要考慮一下。

西貢嘅茅坪之行，睇睇藤皇、竹林隧道，約咗幾次，唔喺人腳問題，就喺天氣唔好，今回卒之順利搞得成，由西貢起步，輕輕鬆鬆連埋打卡3個鐘，終點喺馬鞍山大水坑嘅富安花園，所以，順道就晌呢處食晏。今團喺探路團，所以，幾位都喺麻甩佬，食晏地點就一致揀茶記啦。 富安花園有好多茶記，我哋都喺隨意點指兵兵咁，「裕發」見有位，咪「裕發」囉。入內，地方細細，茶記格局，有卡位，有圓格。室外喺吸煙位，就梗喺坐番晌室內啦。 茶記就乜都有，但呢個時間嚟，最快捷嘅就喺快餐，一個餐牌喺中式，另一個餐牌喺西式，同樣賣$46連餐飲。 生炒雞絲飯 $46雖然喺快餐咋，但都喺即叫即炒，所以，上枱時碟炒飯好夠「鑊氣」，而且，碟飯超大碟，堆到成座山，所以食得我好飽；亦有好多雞肉絲、生菜絲，食落飯粒爽身唔油，食到尾，更唔會見到碟底泛油，師傅炒得手勢好，有啲出乎預料。 熱奶茶夠穩陣嘅選擇，尤其呢啲舊舊哋嘅茶記，入口芳香，茶味醇厚，又富奶香，茶奶比例啱啱好，未至於絲咁滑，但都算高水準。 近來幾篇行完山嘅食評都無乜點擺啲風景相，因為試過幾次，啲相入咗間餐廳嘅相片庫，感覺確喺有少少怪怪，但今次嘅藤皇、竹林隧道喺幾特別，就擺兩張啦！食完散水，就

行完山出到富安花園，差不多時間吃晚餐，就在附近看看有什麼合心水的食店，看到這間頗多食客，有多款小菜及晚市套餐，就試試看。點了一個八珍豆腐煲$64，一個海鮮雜菜煲$64，加$6跟飯及餐湯。餐湯竟然是大大碗的中式例湯，我和老公都很愛喝湯，一看到實在非常興奮，而且是落足料的老火湯。八珍豆腐煲材料非常豐富，除了豆腐還有豬潤丶魷魚🦑丶蝦🍤丶瘦肉等，足料好味。海鮮雜菜煲也有多款時菜丶菇丶魷魚🦑及粉絲蝦米🦐，非常合乎我心意。這裏的菜色實在份量十足，雖然好味但我們家吃剩了，最後打包回家。

係某酒樓帶位激親無食嘢，我媽帶左我嚟e間小店，有驚喜wo😍lunch雖然同一般茶記一樣四十零蚊，但..佢係即叫即整架😍🤤🤤🤤是日星期三，叫左兩個餐同我媽share食，一個椒鹽豬扒飯開頭我有d驚，太炸太熱氣，我係會立即變啞的🙈唔理la😂個椒鹽豬扒真係外脆內軟又野味，個量仲好多😆👏🏼👏🏼👏🏼另一個肥牛伊麵都好好味，個量又係好多🤩唯一係，伙記們就急進左d，佢哋唔係催我哋走，係一入門坐低即問我叫乜食😅我想刨下張menu先囉😂😂😂可能做慣做熟d街坊生意啩😆

住左咁耐馬鞍山都未試過裕發茶記，因為工作關係，日日晏晝都要食茶記，所以夜晚食飯都係可免則免。今日老婆抽起條筯話好想食茶記，附近又得一間，無奈之下唯有一試，未食過的裕發！入到去，光猛，新裝，企理，算好新裝修。茶記最緊要係地板乾淨嘛！坐到卡位，我同老婆一人叫左一味餸。老婆叫左xo脆肉瓜炒豬頸肉。我就叫左黑椒牛仔骨。牛仔骨一上枱個煲仲"芝芝"聲，非常香，鍋氣十足。黑椒味濃，送飯一流。xo醬豬頸肉，xo醬係少左啲，但整體調味都好好，唔錯。黑椒牛仔骨$68，香！xo醬脆肉瓜炒豬頸肉，都好味算係大眾化價錢例湯一飲就覺無味精，好甜加9蚊凍飲，都算正常了埋單$168總括，味道唔錯，湯無味精最值得讚，可以列為飯堂