裕記牛什粉麵

Open Now

Now Closed

講到旺角啲地道粉麵，裕記真係要畀個like！匿喺亞皆老街個地舖，門面唔起眼，但個陣牛腩香一飄出嚟，就知有料到～招牌牛全寶河粉，簡直係牛嘅盛宴！牛腩焐到軟糯糯，筷子一挑就散；牛筋滑捋捋，咬落仲會彈下彈下；牛肚同牛柏葉爽脆夠味，吸晒濃湯，仲有肥牛新鮮到反光，撈埋幼滑河粉，一口落去成個人都醒神晒！崩沙牛腩河粉都好驚喜，崩沙爽，吸咗湯之後鹹香夠晒，配埋淋到透光嘅牛腩，真係冇得頂～ 食到最後連湯都飲埋先舍得走，下次經過旺角一定再黎！

琴日見到有個男仔 手拎住包紙巾 摸住個肚攣哂腰面都青埋咁入黎好有禮貌問可唔可以借個廁所，兩個樓面好似玩人地咁，收銀就叫個男仔問廚房，廚房個個就同人講無外借。見到個男仔忍唔住嗌左杯凍檸茶，飲都無飲擺企廿蚊就走左。 每個人都試過人有三急，都想有人幫。假設如果有個病人暈低左係你舖頭門口，你係咪又要佢先俾錢你先可以俾杯水佢飲呢？ 香港人唔好咁無人情味啦就係呢個行為，唔會再幫襯。

### **🐮 牛雜湯河｜濃郁到犯規！** 一上枱，個湯底嘅香氣已經攻陷全場！🍲 湯頭熬到奶白色，飲落超濃郁，仲有淡淡牛肉香，完全唔會腥～牛雜份量多到嚇親人，有牛肚、牛肺、牛腸，每款都炆到超淋超入味！👅 最正係個**牛肚**，又厚又爽口，索晒湯汁精華；**牛腸**清理得好乾淨，帶少少脂肪香，咬落去爆汁㗎！😱 河粉滑溜溜咁，掛湯能力一流，仲有啲韭菜同炸蒜提味，每一啖都係幸福嘅味道～💕 #旺角美食 #港式茶記 #牛雜控 #少女食評 #地道風味

經過見到好多人食裕記牛什粉麵，價錢合理，種類算多，旅是就入去試下。一人一碗麵加油菜和淨餸👍🏻招牌牛全寶河粉 $62有牛肚，肥牛、牛筋、牛腩和牛柏葉。一碗可以食五款不同牛的部位，很滿足。牛筋口感彈牙又滑，牛腩煮得淋，肥牛普普通通。蔥花是分開放在湯匙上。河粉煮得軟硬適中，不會煮得過淋。腩汁夠味。招牌崩沙牛腩粉麵$52天氣熱唔想食湯麵可以另加$8轉撈麵，蠔油放在一旁可選擇拌與否。小編將蠔油和辣油一起拌麵，味道不會很咸，剛好！崩沙牛腩份量算多，帶少少筋之餘又夠淋，又入味。爽滑墨魚鬚 $68配咖喱汁，但小編略嫌味道有點淡，如果濃味少少會更皆。油茶 $12跟餐凍熱飲品加 $8凍檸檬利賓納和凍檸茶

😌間中想食得輕便啲, 會揀港式粉麵店🥢裕記牛什粉麵 📍鄰近旺角東站🚇環境整潔, 門口櫥窗位掛滿牛雜🐮🔸招牌牛全寶河粉🐮 $58 7/10牛腩｜牛筋｜牛肚｜牛柏葉｜肥牛每款餸各約2-3件🐮全部都係牛, 大件足料🙌🏻牛筋嫩滑Q彈, 充滿膠質😚牛肚冇腥味, 煮得入味👍🏻🔸崩沙牛腩米粉🐮 $52 7/10+$8 雙併 - 魚片🐄崩沙腩 = 牛的橫膈膜🤏🏻筋膜位連住腩肉, 肥瘦剛好🙂‍↕️肉味香濃, 質地軟腍😋🔸腐乳通菜🥬 $12🔸凍檸茶 $8🔸熱檸水 $8

外國朋友嚟左香港，話要食下啲街坊港式既食物。食完雞蛋仔之後，眼見哩個餐廳人流都幾多，部份客人似係街坊，睇嚟應該都係一間不錯嘅餐廳，再望吓佢門口個大鐵鍋炆住唔同牛嘅部位，朋友就話想試下啦。入到店大家不約而同都揀左招牌牛全寶，貪佢咩都有。入面有牛腩，牛肚，牛筋，牛柏葉，肥牛。而我就揀咗配麵，佢嘅面質彈牙，湯頭都清唔油膩，另外似加入咗腩汁嘅味道，所以湯味都濃。五寶入邊個人比較推介牛腩，入口軟嫩，又帶點脂肪嘅口感。牛筋都正，炆得好淋，感覺有滿滿嘅膠原🤣再加碟清菜，跟餐價叫杯凍飲都係加$8。最後試埋港式凍檸茶，同埋利賓納。

食粉麵真係又平又好食，今次旺角街頭依間麵舖都唔錯！選擇都多，叫左崩沙牛腩河粉($52)，崩沙腩係牛橫膈膜，筋膜連少少肉，咬落好軟熟！麵底份量都多，好夠飽仲試左鮮蝦韭菜餃麵($36)，好大隻餃，皮薄又滑，餡料都好足！蝦同韭菜食落都唔會霉。幼麵唔會有鹼水味，正！菜都係$12好抵食，叫左蠔油生菜同腐乳通菜，一人份量黎講都岩岩好，菜都算幾新鮮，配埋醬汁味道夠哂最後加$8叫埋凍飲，叫咗凍奶茶同凍檸茶，個茶底都幾濃幾好飲依間麵舖簡單又好食！

放假出旺角辦事，落車見到呢間專食牛什既粉麵就入嚟食個麵先😋✨招牌牛全寶 $62牛全寶有牛腩、牛筋、牛肚、牛柏葉、肥牛；全部都好鐘意，牛腩好軟腍，好香牛味，一次過試曬五款，滿足曬五寶既願望🥹✨爽滑墨魚鬚 $8見到有墨魚鬚都忍唔住加埋，口感彈牙，好彩有叫埋，好食！✨腐乳通菜 $12油菜加$12，有菜心、生菜、芥蘭、通菜；就揀左腐乳通菜，腐乳味唔會太咸，通菜好翠綠爽口😋✨凍檸檬茶 $18叫左少甜同少冰，味道調較得剛好🤤而且大大杯，岩曬依家熱辣辣天氣🥵

諗住簡簡單單食個 early dinner 路過呢間港式粉麵店咁就同朋友入咗去開餐🤣$36「鮮蝦雲吞粗麵」：雲吞咬開見到有鮮蝦同埋豬肉👍；粗麵食落比較有質感🤣$38「原汁牛腩麵」：「原汁牛腩」肥瘦適中好牛味😋；麵條係幼麵有啲啲彈牙🤣$12「蠔油菜心」：簡單幾好食😋$12「腐乳通菜」：都係簡單幾好食😋跟餐加 $8「熱檸水🍋」：「熱檸水🍋」幫助消化非常好👍跟餐加 $8「無糖可樂」：大熱天時飲凍冰冰嘅可樂就梗係好飲啦🤣

喺附近扮完靚隨心入咗餐廳好少港式店仲保持笑容招呼客人性價比高 簡簡單單已經食到碗牛腩麵😋✨招牌牛全寶幼麵 $62（牛腩、牛筋、牛柏葉、牛肚、肥牛）呢碗真係好足料滿足自己想食牛每個部位全部大大件 牛腩非常軟稔牛柏葉夠爽口 牛筋補充骨膠原❤️☕️菜蜜除咗普通檸檬茶、檸檬水外菜蜜都係個唔錯嘅選擇🥬菜心$12可以淥到咁稔嘅菜😍有時真係好想偷下師份量都唔少 加埋蠔油💯☕️菜蜜除咗普通檸檬茶、檸檬水外菜蜜都係個唔錯嘅選擇

潮州粉麵專門店首先映入眼簾的是一鍋冒著熱氣的湯料，裡面盛滿了各式各樣的牛肉部位，燉淆出香氣四溢的牛腩汁。這家店的招牌菜為"牛全寶"，這道招牌麵展現了牛肉的多重魅力。鮮嫩的牛腩與彈牙的牛筋完美搭配，口感層次豐富。肥牛片入口即化，為湯頭增添濃郁油香。牛柏葉的獨特質地與牛肚的軟糯入味，更添加了趣味性。清澈的湯頭蘊含濃厚牛肉精華，香氣四溢。嫩滑的麵條吸收了湯汁的精華，每一口都充滿牛肉的鮮美。碗中點綴的新鮮青蔥為這道濃郁的麵品增添了一抹清新。緊接著我們看到了盛裝在碗中的成品 - 崩沙腩粗麵。金黃的湯底中浮現出大塊軟嫩的牛腩，肉質看起來相當鬆軟，似乎一咬就能入口即化，比起牛全寶的牛腩更出色更香更濃。12蚊一盤翠綠的蒜蓉腐乳通菜不僅可以解膩，還能平衡整體味道，抵到爛。整體而言，無論是招牌的崩沙腩粗麵，還是豐富多樣的牛全寶，都讓人食指大動。再配上爽口的腐乳通菜，相信每位食客都能在這裡找到令人滿意的美味。

在旺角收工跟同事一起到「裕記牛什粉麵」…因為之前經過門口見到啲牛雜不錯，環境乾淨企理😜😜$58嘅招牌牛全寶米…..（除咗一般嘅河粉幼麵粗麵也可以有米線揀）牛全寶有牛腩，牛筋，牛肚，肥牛和竟然有牛百葉🤭牛腩夠腍都好入味牛筋也不錯厚百葉夠爽口！金牌八寶丸可以一次過試晒魚蛋魚片，墨魚丸，牛丸片頭等！魚片同魚蛋口感不錯，夠彈！湯底都唔差！油菜可以生菜菜心芥蘭同通菜都係$12而且份量都唔少！飲品就另加$8茶底也不差！

🍽️ 香港搵食 🍽️｝ 裕記牛什粉麵位於旺角區，地鐵站D2出口行5分鐘就到啦，勁方便 😉😉 雖然去既時候唔係lunch time, 但係仍然係坐滿人！！鮮蝦雲吞粗麵 $36鮮蝦雲吞勁大粒，皮薄餡多，餡料以新鮮大蝦為主，鮮味多汁！ 粗麵口感比較爽口👍🏻 招牌牛全寶河粉 $58 + 紫菜 $5招牌牛全寶包括牛肚，肥牛，牛筋，牛腩同埋牛柏葉，超級豐富。牛腩又淋又多汁，肥牛比較嫩，牛筋彈牙有口感，牛柏葉勁爽口！！蔥花一大羹，放喺匙羹分開上的。湯底夠晒濃，連埋辣椒油一齊食，好惹味！！芥蘭 $12芥蘭可以配腩汁或者蠔油，新鮮爽口，我鍾意配埋蠔油，唔錯！凍檸茶 凍檸樂 $10夏天熱辣辣飲杯凍檸樂，有檸檬鮮味，而且非常解渴，正！！

我今日去旺角辦事，順道約同好友去位於旺角亞皆老街74號地舖的裕記牛什粉麵食午餐，傳統茶餐廳裝修，坐得舒服。我點左個招牌牛全寶（牛腩、牛筋、牛肚、牛柏葉、肥牛）河粉 $58；好友點左個 金牌八寶丸（魚蛋、魚片、魚片頭、牛丸、豬肉丸、墨魚丸、魚皮餃、鮮蝦雲吞）粗麵$52，油菜選左菜心一碟 $12（跟餐），餐飲係凍朱古力 $8（跟餐），凍檸檬利賓納$10（跟餐）。牛全寶的牛肉味濃，軟腍好食，尤其是牛腩、牛筋和牛肚；八寶丸好味彈牙；菜心青綠鮮甜；2杯凍餐飲好清爽好飲。

大熱天時真係會令人冇乜胃口，想食返啲輕便啲嘅野食，最近變咗四圍去食唔同嘅湯麵！諗起好耐都冇食過港式粉麵，今次就嚟到位於旺角嘅呢間裕記牛什粉麵食返碗港式粉麵先～招牌崩沙牛腩河💰HK$52牛腩有一種深郁濃厚嘅肉香，肉質嫩滑細膩，入口即化！湯底亦都好濃郁香醇！呢到嘅河粉係偏幼身果種，掛湯能力更高！果然係到店必食嘅招牌菜～鮮蝦雲吞幼麵💰HK$36鮮蝦雲吞大大粒，皮薄餡多，餡料以新鮮大蝦為主，味道鮮甜多汁！而幼麵麵質細滑Q彈，同雲吞餡料相得益彰～通菜💰HK$12配腐乳汁絕對係一個完美嘅配搭～凍 好立克💰跟餐+HK$8