許祥昌食店

Open Now

Now Closed

每次嚟食都會嗌加大的雜錦車仔麵，因為乜餸都有啲，乜都可以試下，好滿足。有雞翼尖，豬皮，魚蛋，豬紅，紅腸，自家製雲呑，鳳爪等等特別要介紹下冬菇，好入味，好林。而豬紅一啲醒味都無，正！自家製雲呑都算足料，不過不失。

舊式嘅車仔麵，係兒時嘅回憶。我由10幾蚊食到而家20幾蚊，佢嘅賣點係好多餸、大雜燴嘅感覺，豬腸好味，但今次個面好硬身，唔索湯，所以好麻麻。推介涼粉冰同紅豆奶茶都好飮！

元朗也是美食卧虎藏龍的地方，遍佈我的美食地圖中，這次行山前先來食碗我名單中地道的車仔麵。發現這裡車仔麵價錢非常抵食，分細，大，加大碗，適合唔同程度的胃口需要，很貼心。車仔麵配料夠哂地道，我點了大雜車仔麵，大部分配料已包括在內。比較喜歡的有豬腸，鹵過好入味，無腥味。白蘿蔔好清甜爽口。自家製雲吞皮薄餡多。這裡的豆卜好厚身，索埋沙爹汁非常入味。我們還點了奶茶紅豆冰，紅豆粒好大粒，配香滑鍊奶加香濃茶底，也不會太甜，特別之選。大雜麵好滿足，大碗裝份量都已好適合女士們食，今時今日咁抵食既地道車仔麵，入到去元朗不妨一試。

我地好少來,都5知點叫, 車仔麵仲係叫左2個送, 原來佢地有大雜麵, 即係咩都有, 早之跟人叫LA....叫左個豬紅+ 魚肉+ 幼麵, 我地無叫其他送,所以豬紅同魚肉份量會按比例俾多D, 麵餅好大, 夠哂飽。另外叫左個雲吞麵, 5係來貨的,係自己包, 2X 蚊有6粒, 抵WOR, 入面有芫蔉, 香好多, 蝦5多, 得1隻, 其他係肉, 但都5錯呀, 麵餅又係好大, 抵食。

呱呢日下午去左食許祥昌。好一排冇食了, 發現佢加左價, 之前係$26(小), $28(大), $30(加大),而家變左$28(小), $30(大),$32(加大)。我地2個人叫左2個大雜麵~ 其實真係好豐富, 會樣都有少少,岩晒我地呢D有選擇困難症, 又貪心嘅人。豬紅豬腸豬皮魚旦雲吞羅白鳳爪雞尖豆卜冬菇..食一碗係好滿足的另外想講下, 呢度枱面有甜醬供應, 個人係甜醬怪, 覺得甜醬配油麵好正!我地仲叫左杯菠蘿冰同涼粉紅豆冰,天時暑熱, $15杯冰冰解熱解渴幾抵飲!

係元朗長大既話一定有聽過許祥昌車仔麵，仲記得第一次食佢既時候我仲係一名初中學生，當時十幾蚊就有一大碗食到飽，係童年貧苦學生既恩物！十年又過去，最近同朋友突然想去回味返呢份小時候既味道，於是有日放假中午就走左過去食。好鐘意店內仲係KEEP住以前既裝修，未食感覺都己經返晒黎！車仔麵以3個SIZES（大、中、小）分，而店內價錢同樣親民，到而家3個SIZES都係30蚊內！真係抵到爛！食親車仔麵，都會好掙扎食幾多個餸好，食咩餸好呢。不過係呢到食就唔怕有呢個問題，因為呢到係任叫幾個多餸都得，ｄ姐姐會跟返住你叫既大細，再執返個份量比你，岩晒貪心既食貨！女仔既話一般食細都己經好夠，麵底叫左米粉，最鐘意佢個湯底杰杰地，索埋落個米粉到，夠晒味。餸就叫左豬紅、魚蛋、豬腸同腐竹，鐘意佢既魚蛋好彈牙，豬紅豬腸唔會有陣臭味，唔錯！許祥昌以呢個街坊價錢，呢個高水準既味道，就算面對元朗好多好食既車仔麵，仍然有班忠心既食客黎支持！

剛在968站下車，就在附近找快食。見到此車仔麵店便入內打算快閃食個麵。枱上並沒有餐牌😅，阿姐話睇住貼在玻璃上張紙叫就得。細碗、大碗和加大碗同樣可以點五款餸。叫了一碗魚蛋、冬菇、雲吞細米粉雲吞2粒好細，似細粒水餃多d😌冬菇切片不是整朵上，魚蛋ok彈。一碗蘿蔔、豬皮、腐竹、雲吞、魚蛋大碗麵整碗餸菜冇原材料味道😢

今日無無聊聊就入左元朗搵朋友食飯啦~  佢係元朗住左20幾年   話成日食呢間 好食!!  就推介我黎食!晨就1點黎到  真係好爆呀 大概等左6-8分鐘先有位   咁都算快~  呢到有個好好好好好好大的好處!! 就係任嗌送!!!!!!!!!!!  痴線架   跟size收費  絕對唔會貴! 可以叫 (size:大  ; 雜送: 咩都要;  揀麵款)   ((我朋友叫左9個都係收大size的價錢  ($28咋!!!!!!!) 咁當然我冇咁做啦 我又唔貪心既,,夠食就夠   030  然後叫左杯野飲   野飲就差d啦,,,算唔錯啦~~~  但又係任溝任叫!  咩溝咩都有!!哈哈  成件事好funny  而麵真心好食,,, 特別係豬大腸  唔臭  乾淨  軟身  容易咬  入味 !!!  (心心眼)   成豌麵都好好味呀!!! 呢個價錢  點可以唔回頭呀!!!  真係唔怪得我朋友成日食架!!!!!!!!!!     

#元朗 多好西食係人都知👅元朗人太幸福🥰呢間大大碗車仔麵🍜係元朗西巴士總站附近店舖環境舊 冇乜裝修過 經過左都唔知.#車仔麵 分加大$30 大$28 細$26咁係包幾多樣餸呢🤔 加送又係點樣計呢係呢個價錢已經包晒你想要嘅餸‼️你冇睇錯‼️‼️ $26可以叫到你想食嘅餸 佢係冇限制你叫幾多樣‼️啲餸係多到喺底仲有👹😍.大碗嘅車仔麵擺明個碗係大啲叫左 支竹 豬皮 蘿蔔 雞翼尖 同埋雲吞每樣餸嘅味道都好平均😛支竹好多 蘿蔔冇渣👍🏻 雲吞餡係有蝦既🥟大碗嘅車仔麵一定飽🐷🤭.細碗嘅車仔麵雖然個碗細啲但係啲餸都放到滿哂 就嚟瀉叫左 魚蛋 蘿蔔 魚肉☺️證明我其實唔貪心魚蛋都算彈牙嘅 超鐘意食魚肉 爽口😋.湯底係咖喱汁 有少少杰 但啲餸同啲麵索晒咖喱汁 我又覺得幾好食😋咁平咁大碗 真係超抵食🤑雖然啲配料好普通 但係勝在價錢取勝😼食哂你鍾意食嘅餸都得.#許祥昌食店元朗擊壤路17號順發大廈地下B舖

吃了這店有很多年了，已經有一種情意結，總會時不時來吃一個面。🤓🤓車仔面有的餸款它基本都有齊，如果選不定想吃什麼可以全部餸都要，只是每款只有一兩件。自己最喜歡豬紅蘿蔔魚蛋，豬紅味道跟外面吃的很不同，蘿蔔有煮過，所以很入味，魚蛋很有咬口，配上米粉，如選擇不辣湯底會較淡，辣的會是咖哩味道，可自己加上甜醬配來吃，不會太辣，很過癮！份量可選小中大加大，面的份量會不同！😋😊另外，飲品它有奶茶紅豆冰等等的選擇，加10多塊就有，可以一試！🤤

红豆冰的红豆大大粒又软糯，甜度刚刚好；车仔面要了个大碗，真的好大份量，28元太便宜了吧，有猪血、凤爪、翅尖、猪皮、大肠、萝卜…这些都很软烂了，很入味，萝卜都很甜，河粉的量也很多，很抵食

記得以前中學食許祥昌，一碗細嘅只係$13，已經好夠食，仲話一日三餐都食都唔使$40，今時今日一碗細嘅已經要$26。見到佢十年如一日嘅裝修，以前嘅日子真係令人好懷念。呢度最特別係無限你叫幾多個餸，所以你鍾意食咩餸都可以瘋狂叫，只係叫得越多，份量會跟住少咗。朋友叫咗雲吞豬腸豬皮配河粉，湯底加咗咖喱汁，好香，伴隨有少少辣，唔夠辣可以再問佢拎一碗咖喱汁。豬皮切左條好易入口，無毛，非常乾淨，豬腸亦都算洗得好乾淨。如果唔係特別大食，細碗已經好夠㗎喇。👌🏻呢碗係豆卜魚蛋枝竹蘿蔔配米粉，一樣都係加咗辣。蘿蔔煮得好林，細細舊又唔苦非常好食。家鄉枝竹加咗南乳去煮，好入味。個人好鍾意食豆卜，因為可以索晒啲湯食！加d醋落碗麵黎食特別正架！！😆飲品方面好推薦紅豆冰，好多紅豆加上煮得好林，好足料又唔會太甜。今次淨係叫咗杯豆漿同凍奶茶，味道就一般。今時今日真係好少呢d小店，希望許祥昌可以繼續生存，想推介多d人食到呢種味道。👍🏼👍🏼

許祥昌食店地道風味食的是人情味許祥昌車仔麵由細細個已經開始食今次寶寶叫咗個大雜錦米粉🍜雜錦係岩哂啲乜都想食少少 又有選擇困難症嘅人叫😆究竟雜錦有咩呢？犀利喇！有冬菇、豬紅、豬腸、豬皮、魚蛋、魚肉、魚片、雞翼尖、蘿蔔、荳卜、鳳爪、自制雲吞一碗車仔麵上面有12個餸，堆到滿一滿，實在是喜出望外。餸入味不特止，吃麵時每一口都沾滿它特製的湯底，真的好滋味😋咖啡涼粉冰細個食許祥昌到呢家，它的特飲涼粉都是甜甜的😌溫馨忠告：尿酸膽固醇高人士不宜進食豬腸價格商宜的地道車仔麵細碗 $26大碗 $28加碗 $30

許祥昌食店 (元朗)元朗擊壤路17號順發大廈地下B舖呢間車仔麵算係陪住我成長由當年最平最細既$12定16開始食味道依然無變 店員都無變首先講下呢到叫法 有細 大 加大 配料方面單點最多5樣 或者可以叫雜 姐係樣樣都有d 今次叫左羅白 豬腸 豆卜 魚蛋 冬菇雖然賣相有d麻麻但味道黎講 性價比高羅白好滑 推薦 而豬腸好好咬另外冬菇好岀色 超越左我想像配左支豆漿$8 勁大支 又平呢類餐廳值得幫襯更多 因為食物既價值都升左咁多相信間野既租 食材都同樣咁上下以往好多小店都敵不過大集團

元朗友必定知，呢間可以話係我飯堂，如果係元朗諗唔到食咩，一定係走過黎食，佢無限制你嗌幾多餸，無限制車仔麵，食十幾款餸都係$26起就有交易！店內細細一間係轉角位既車仔麵店，食咩自己望出面，由小$26、大$28、加大$30，仲有唔同款既野飲。任選車仔麵　$30(加大)成間店有14樣餸，你點哂所有餸都得，即係「小雜錦」、「大雜錦」、「加大雜錦」，平時都係點雜錦，不過我今日已經食左少少野，所以就冇點雜錦，點左5樣餸，叫左魚蛋、豬紅、蘿蔔、紅腸、枝竹配油麵。湯底望落深色，不過今日可能就黎收舖之前黎食，味道比平時淡左啲，可能唔夠湯再加上就黎收舖，湯底似係加左水，比平時食稀，油麵唔係好掛到汁，但依然係我既最愛，首先，以$30黎講食咁多料，岀面點搵？仲有店內友善既嬸嬸，我食既唔單止係佢地既麵，仲有我既回憶，如果話男人既浪漫係「豆腐火腩飯」，我既浪漫係黎嘆返碗「許祥昌」。珍珠紅豆奶茶　$15我就唔係成日飲佢啲野飲，都係食麵為主，今日叫左杯「珍珠紅豆奶茶」試下，咁我都唔會偏幫佢，呢杯野飲就真係唔好飲，珍珠煲爛哂，奶茶沖得一般，不值一提，未試過既你，食麵就夠。如果你未食過，我會舉腳讚成你黎試下，當然，又唔好