許祥昌食店

Open Now

Now Closed

元朗區都好多車仔麵，要數到最平就係呢間老牌車仔麵，價廉物美。今日同街坊朋友行咗過嚟巴士總站旁，食車仔麵。如果你有選擇困難，可以食細雜麵或者大雜麵，樣樣餸都有，唔使諗😂今次我自選五餸，豬紅，豬腸，冬菇，雲吞，鳳爪，油麵，咖喱汁，BB辣。點知佢比錯咗，將鳳爪改咗魚肉😐，魚肉好粉，唔係我鍾意食嘅質感，雲吞有一粒，豬紅，豬腸，味道合格，$30絕對係經濟之選。加咗$15杯凍檸茶大大杯，茶色清晰，檸檬茶唔會澀。

哇哇哇今日落大雨 諗唔到食咩。所以就走到黎巴士站附近既一間老店食麵喇，因為方便食七就返工，入到去人流大不如前。唔知係咪因為落雨喇。 得一兩張枱有人 。咁我就叫左個大雜麵食喇，姐姐都好快手幫手抹枱，寫餐， 老店黎講都唔好諗住好靚既裝修喇。正正常常，衛生都還好喇， 要求好高就唔好黎了。 坐左一陣個麵到喇。 我碗麵都有十個八個送。都幾抵食既。三十幾蚊。味道都正正常常。 都好夠飽。我最欣賞係杯豆漿。係部機裝出黎 都夠哂懷舊。

元朗老字號車仔麵，起碼有30年歷史，湯底濃郁卻偏鹹，配料樣樣有，例如：雞翼尖、豆卜、雲吞，冬菇、鳳爪，仲有豬紅。豬紅有點兒韌，車仔麵都OK,但是，店舖細，人流多，較為擠迫，繁忙時間要搭枱。性價比都有嘅，幾十蚊有三色冰又有車仔麵食，可以大家嚟到元朗一試！

這間車仔面是我兒時回憶的車仔面、小學五、六拿級時媽媽已帶我去、到了今天仍然屹立不倒，相信一定也有它成功之處☺️車仔面有細、大、加大碗、什至全餐的選擇，可自選菜或任老板安排菜（這樣餸菜類會多一點），每次吃我都覺得很美味，它的咖哩辣度適中，配菜也是很爽口，我最愛點豬紅豬皮豬腸蘿白魚旦米，每次吃完都真的大滿足！ 這間車仔店本身很有歷史，在巴士站旁，所以裝潢也是比較土炮地道，所以大家都是快食快走！如果想試試地道元朗車仔面，這真的是一個不錯的選擇！

以前的車仔麵店十分便宜，幾元便可以有一個菜了，但現在的車仔麵店動不動便10元一個菜😂只是一條普通的香腸已經要10元了，而豬扒，雞扒那些更要13,14元，點一個三餸麵便已經需要50,60多塊了，那不如吃碟頭飯更飽肚，現在真的搵食艱難了🥲但今次位於元朗這間麵店仍然能夠維持幾元一個餸，這樣的食店豈可不支持呢😋他有雲吞，枝竹，紅膠，香腸，雞翼尖，魚肉，豆卜，豬紅，豬皮等基本的車仔麵餸份量可點加大，大及小，而麵底就可選擇油麵，幼麵，米粉，河粉那些基本的味道不是很特出，但又不會不好吃，便宜又方便，懷舊一下也不錯😋許祥昌食店元朗擊壤路17號順發大廈地下B號舖

每次去到元朗廣場嘅天橋都會聞到好香嘅車仔麵味道，我今次就忍唔住買左來食，車仔麵好抵食，分左大中細碗，可以自己揀5個餸🤗不過D餸通常係蔬菜菇類等等，我揀左小辣，咖喱汁，車仔麵好夠味，正😄

話說之前都講過好多賣車仔麵既店鋪都賣得貴過個飯，但而家係元朗真係搵到間平價車仔麵麵仲要大大碗，今日就黎試下個質素如何啦。小店主打都係車仔麵，另外仲有雲吞麵價錢一樣，分細，大，同加大3個size，每個size都只係差$2，飲品$5就有杯豆漿，一枝都係$8，其他飲品就$15。先要左杯豆漿，唔會好甜有豆味，5蚊杯而家真係無乜地方搵到，抵飲。由於上次係另一間名店食過碗車仔麵唔夠飽，今次我試下加大碗，都係$32，自選5款餸，麵底要油麵，餸分別要左豬紅，豬皮，豬腸，紅腸同蘿蔔。由於落單果陣唔記得主動講話要咩汁同咩辣，自動俾左個好似咖哩但超微辣既汁底俾我地，未食過既朋友如果想加辣就記得落單時講埋啦。首先黎到個都賣相當然就係非常嗱喳啦，好傳統既嗱喳麵，麵既份量幾多，5款餸其實都唔少，係紅腸得1塊，豬紅大約都有4-5粒唔會一夾就散，豬皮比較細塊都有咬口，豬腸都有大約4件，煮得好腍無乜異味，蘿蔔都有4-5小粒，食落都甜係有少少渣，麵底都煮得幾爽口，係個湯比較油食完成口油同埋無乜味，但$32可以食到咁多款餸而又食得飽既嗱喳麵我諗係第2度都幾難搵到。同場朋友叫左碗大既，就$30，俾大家睇下size既分別。整體

話說早排入左去元朗搵食搵搵下ig發現有間平靚正既車仔麵🤤$28已經有8樣餸😱真係超平！！因為我唔食豬紅🥺所以無揀細雜🥺但細雜真心抵食，鍾意食豬紅既朋友仔唔好錯過😂我揀左魚肉、雞翼尖、魚蛋、豆卜同豬皮配滷水汁粗麵🤓飲品就叫左珍珠奶茶🫢係大大杯好足料！整體都唔錯，但唔會話好好食，志在搵返舊式車仔麵既味道🤣但份量好多！不過個汁叫錯左，可能叫咖哩汁會好好多😭下次會再黎食同試其他飲品😤

最能代表香港平民飲食文化，我想應該是車仔麵！這是一間舊式車仔麵店，麵條五花八門，有粗麵、幼麵、河粉、米粉、米線等。車仔麵的靈魂在於配料，不外乎是魚蛋、豬皮、蘿蔔、豬腸、豬紅、雞翼尖、紅腸、香腸、魚蛋、冬菇、魚肉、豆卜、雲吞等，不過車仔麵最多只可點五個配料。除了配料多多外，價格還相當抵吃。麵店除了提供車仔麵外，還提供多款懷舊特式飲料。魚蛋、紅腸、香腸、豬腸、雲吞幼麵 (加大)香腸、豬腸、雲吞幼麵 (大)豬紅、豬腸、豆卜河粉 (小)

星期五晚八點幾去到, 店內大約七成滿, 剛好見到有人走, 所以就走入去幫襯.對上一次已經係幾年前的事了門口有QR CODE可以掃碼, 亦有填紙仔, 一入去有個男人負責收錢, 但唔會叫人掃碼或填紙仔, 店內有卡位, 有圓枱, 但全部沒有隔板, 三唔識七的人面對面一齊坐, 防疫零分.份量分大中小分別係32/30/28, 應該只係麵底多少,  車仔餸隨店家俾8-10款, (或可以自選五樣)我點了個大的 (32蚊),  油麵底.油麵偏硬, 從來無食過甘硬的油麵, 一樣來貨差, 二來都唔知有無煮的, (反正食完之後成晚頂住個胃)有豬皮/豬紅/豬腸/雲吞/鳳爪/雞尖/魚蛋等八九樣, 其中豬紅/豬腸比較好食, 其他的就普通過普通.豬皮有毛, 雲吞凍的, 連魚蛋都係凍的個湯底就係味精水加了港式咖哩汁, 店內的飲品要15蚊一杯, 結果我寧願食完出去便利店買好過.

細個我喺元朗住，媽咪成日帶我去呢一間車仔麵食晏晝。真係可以堪稱由細食到大嘅麵店！ 相信係好多元朗人嘅童年回憶😌通常我就唔會散叫，直接叫例牌，懶得揀呀嘛！😆😆例牌係樣樣都有，就好似我張相咁樣。佢嘅餸通常都有少少味嘅，另外個湯就可以揀辣唔辣。例牌有分大中細，我今日叫個細就ok，因為想飲埋杯涼粉紅豆冰❤️❤️❤️講起嘢飲，佢有好多選擇，紅豆，奶茶，涼粉，咖啡，鴛鴦😎以上嘅可以隨便配搭🤤另外仲有三色冰，涼粉冰，雜果冰，菠蘿冰等等，你想加涼粉咩？又得！老實講，你話佢係咪超好食呢又唔係嘅，不過平得來食得過係真既，而且對老店真係有個情意結喺度，所以間唔時返元朗都會幫襯下😎😎😎

一直聽講元朗有好幾間車仔麵好出名，今日咁啱經過呢間嗰陣又肚餓就入咗去試～禮拜日既下午點零鐘唔駛等位，我諗因為啲人食得快走得快～我叫咗個細雜米粉扣底走辣，$28有八樣餸～雞翼尖，豆卜，豬腸，魚蛋，豬皮，蘿蔔，豬紅，雲吞， 另外仲搭咗幾條生菜～湯底完全冇特色可言，食落重味精但係唔好味 ( 之後我上網search返先知叫咖哩汁會好食啲，但我係係店舖完全見唔到有咩湯底可以揀)米粉係比較粗身，算彈牙爽口，唔會太淋雞翼尖無食到，所以評唔到分～豆卜索汁，如果個湯底好食正常黎講豆卜都會好食～豬腸唔腥唔臭但比較韌，我咬左一啖就無再食～魚蛋無咩味兼完全唔彈牙👎豬皮蘿蔔都係無咩味，不過蘿蔔叫做煮得夠淋豬紅幾滑算係係呢堆餸裡面最出色雲吞係肉餡，皮算薄，水準正常生菜爽口既只能夠說呢個價錢可以食到咁多餸嘅車仔麵係好抵，但係前題係你要對味道無咩要求只係想平平地填飽個肚就ok🙈

30蚊一碗粉麵，無咩特別，無網上講甘誇張好食，只是上到黎賣相唔好，似豬食，味道正正常常，不過不失。環境好差，比較適合單身人士。二人卡位褙細背囊都坐唔到，怪5得再平都無中學生食。飲品另計，15一杯起跳。豆漿最平，似糖水開，糖水多過頭……講真，香港好多地方賣緊30頭一個餐，呢間可以試一次，下次唔會再黎。

呢間車仔麵開咗好多年價錢非常之平位置仲要喺巴士總站旁邊不過其實巴士總站附近都有好多好多嘅小食店茶餐廳呢間鋪頭材料款式多而且價錢好平$28就食到一碗有好多唔同餸菜嘅車仔麵咁嘅價錢真係唔知道去邊度搵呀我揀咗嘅面係粗面算有彈性一條一條嘅唔會黐埋一舊口感算唔錯另外餸菜方面有豬腸蘿蔔魚蛋仲有雞翼尖不過好似我次次食個餸菜都唔同㗎我記得之前係紅腸同埋雲吞豬腸同埋雞翼尖另外如果你想食自己鍾意食嘅嘢你都可以同佢淨係要你想要嘅食物

在我讀中學的時候，以前喜歡吃車仔麵，這間雜錦車仔麵，有好多餸，魚蛋，豬紅，豬皮，雞亦尖，豬腸.....啱哂喜歡吃好多餸的你🙂每樣餸少少，又可以試多啲餸，而且份量足！