豆漿大王

Open Now

Now Closed

一直好欣賞呢間小店，由新蒲崗食到淘大，但淘大店員的服務態度真每況愈下，我帶住個小朋友，問佢地有冇high chair，一拎出嚟污糟到不得了，但服務員放低就走，完全無諗過要清潔先俾個顧客，我原本都諗住抹，但實在太污糟，呢個時勢真係抹完都唔敢坐，最後都係放棄。食物質素都下降左，不了！

原本聖誕節約咗個friend交換禮物，但係因為佢要返工嘅關係，夜晚又禁堂食，所以一直未有交換禮物。一直拖到除夕，才成功約到佢，一齊食早餐，我哋喺屋企附近揀咗呢間豆漿大王食早餐。我叫咗一個炸雞扒麵配豆漿再加幾蚊可以有午餐肉以及煎蛋。我嘅朋友就叫咗個豬扒麵配豆漿油炸鬼。可以見到份量十分之大豆漿係好大碗，係一個咁凍嘅天氣飲一碗熱豆漿，即刻成個身暖和晒，豆漿本身係無糖嘅適合一啲健康嘅人士可以自己加糖。雞扒亦都好大塊不過過火了少少 食咗會好熱氣。我覺得炸豬扒好食過雞扒最後每個餐埋單都只係$37，相當之抵食.

 宜家搵買粢飯已經唔容易, 見到呢間上海野有粢飯 ,就決定買外賣返企, 粢飯: 超級好味同仲要 $15條實在大愛, 熱辣辣既糯米包住外油炸鬼炸菜同肉鬆好美味. 外面果層糯米飯不太厚不太薄，口感煙煙韌韌好有咬口唔會好淋, 客人仲可以自由加料添, 真系好正超讚.   銀絲卷:外面 好香脆, 裡面真系一絲絲, 仲有跟埋一小樽埋煉奶. 咸豆漿:第一次叫, 真系好多料, 有油炸鬼, 仲有 櫻花蝦, 豆漿香濃夾埋D餸真系好味道. 好快要再去食過. 真系要再買黎食

天氣涷，期待食一個熱+飽肚既早餐，order外賣左粢飯+熱薑汁豆漿。 粢飯好食，即叫即整，衣加好難食到新鮮嘅粢飯，呢度可以，豆漿夠熱呀，不過唔夠豆漿味， 有點美中不足的感覺😑

唔係病咗都冇機會食，硬係覺得呢啲少頹😂食落原來都唔差😆早餐宵夜食下粢飯飲下豆漿都幾過癮🙊.🥛餃子麵/豬扒飯/小籠包呢三樣嘢質素差唔多所以一次過講😂睇個樣就知係大份夾抵食，質素就唔好要求咁多喇，唔難食咪得囉🤣餃子要讚下，好大隻好多餡，調味都幾好！小籠包就太薄皮，似食緊肉丸，雖然大家都係追求皮薄多汁，但小編都係鍾意食厚皮啲🙊.🥛紫薯豆漿湯圓最好食最驚喜係呢個☺️以後可以去豆漿大王食甜品😆甜度適中，紫薯同豆味都配合得啱啱好，唔會搶咗大家風頭，湯圓份量都好多，兩個人share啱啱好🥳.🍽味道: 3/5🏙環境: 3/5‍👨🏼‍🍳服務: 4/5💧衛生: 2.8/5💰價錢: 3.5/5

這家店是無意間發現的，看到滋飯我就走不動了，還有鹹豆漿，記得上次已經好久遠了，這家糍飯裡的油條是脆的！第一次吃到如此美味，肉碎五香骨拌面也很好吃，味道不錯，骨頭入味，小籠包皮有點厚，一般，不過也是久違的味道

上次去Loving Hut食飯，見到對面既「豆漿大王」有素粢飯同粟米漿就已經bookmark左間野，咁啱朝早有野要過九龍灣做，就順便黎依度食個早餐。點左一個甜粢飯同埋一碗熱既粟米漿，坐低等左一陣就送到。平時食粢飯都係叫走肉鬆，但係甜粢飯本身就係得砂糖同油炸鬼做餡，唔洗走任何配料都已經係素食。粢飯熱辣辣，要攤一攤先拎到上手食。微鹹既油炸鬼唔足以抵消砂糖既甜，整體味道都偏甜，啫甜既人應該會幾鐘意食，但係我下次應該會叫返正常粢飯走肉鬆。粟米漿都幾大碗，濃稠得黎又唔會有好多渣。個甜味幾天然清新，相信冇乜落糖，感覺都算健康。淘大商場雖然只有Loving Hut一間素食餐廳，但有部分非素餐廳都幾vegan friendly，有待慢慢發掘。

員工禮貌好服務好 ，瓷飯好好食 ，會想再食多次 ！最鍾意個酸辣湯麵同瓷飯，價錢唔貴公道。排骨麵酸辣麵特別好食 一定要試一試！加上員工都會細心問你剪唔剪瓷飯好細心。下次會再試其他

嚟到九龍灣諗唔到食乜 又想唔係太貴嘅話就可以去試下豆漿大王入到去第一件事嗌左粢飯👍🏻👍🏻一定有質素保證 油炸鬼咬入口仲係脆另外仲叫左一個牛肉飯不過可能星期日人流多 個飯嘅賣相就差小小🙈不過味道絕對救得翻‼️‼️肉汁多仲要好夠味白飯配埋啲配菜可以食到好多碗🤤🤤不過個人都有試過新蒲崗分店 覺得更加好食所以如果大家近新浦崗 都可以試左先😍😍

一直想食鹹豆漿，但真係買少見少，好多豆漿舖都無做了。是日上網search一search，發現公司附近的豆漿大王居然有得食，襯lunch time跑過來一轉先。唔使使諗，即刻落單粢飯豆漿。店員火速送上鹹粢飯＆鹹豆漿，賣相幾好喎。鹹豆漿望落幾足料呀，應有盡有。少少鹹，好濃豆味，油條吸飽豆漿軟綿綿好正，仲有唔少蝦米同鹹菜，鹹鹹鮮鮮幾好。粢飯熱辣辣，無升級都幾多料，煙煙韌韌的糯米好味。食左幾間都食唔番懷念嘅味道，呢間叫唔錯。

叫咗一碗推介嘅上海排骨麵 D排骨認真唔得 完全無肉味 又薄又多粉 仲係翻炸過幾次 乾憎憎 得個脆字 另外個五香肉飯就好D 大大嚿有肉味又有汁 餸飯好味鮮炸醸豆腐就一般 太乾身 可能因為翻炸

豆漿大王📍有時唔想食得甘heavyE.L會搵啲輕食試下呢日就去左九龍灣試左一間早餐店.🍙粢飯（$15）粢飯熱辣辣 可惜油炸鬼放左一陣 變硬左👀如果唔係熱辣辣既糯米包住外脆內軟既油炸鬼同肉鬆會更美味EL早幾年食過新蒲崗本鋪 味道似乎比分鋪好好多呢～🧐.熱豆漿（$9）豆味濃郁 一啲都唔甜👌🏻.朋友仲叫左個🐷上海排骨麵（$34）同🐥滷水雞中翼（$25）排骨賣相一般炸皮同肉排分離 炸到甩皮甩骨甘😨味道正常 而雞翼都有味 但煮得耐肉質唔夠嫩 味道一般.總括而言 整體質素一般唔會再試第二次😂.人均消費：$46美味指數：😋😋😋😋😋😋 （6.5/10）抵食指數：💰💰💰💰💰💰💰 （7/10）打卡指數：📷📷📷📷📷📷（6/10）.店名：豆漿大王 (九龍灣)地址：九龍灣牛頭角道77號淘大商場2期地下G208-209號舖

有日去左買外賣，買左2個粢飯+牛肉鴨舌拼盤，拎外賣時已覺得拼盤勁細碗都算啦，點知返屋企打開，牛肉鞋，鴨舌得半隻手指尾咁細，仲要加埋得4隻咁多，個外賣碗已經超細(係街邊吉魚旦d碗仔)，舊粢飯都大過個碗， 佢地仲要加兩大舊鹵水豆腐墊底，豆腐已經佔左個碗大半，真係好搵笨，仲要收你46蚊，而粢飯味道正常可以接受，不過就唔係多料果d。未試過食到一肚氣，要走上openrice投訴的，無下次了。雖然唔係貴，總共食左$7x-$80。但真心唔值。

疫情開始，我都好耐冇出街食飯，最近疫情緩和，就去食豆漿大王，叫咗碗豬軟骨飯同炸饅頭（素食），豬軟骨非常入味，白飯軟硬適中，而且有加入雪菜，10分搭配，而另外嗰隻炸饅頭比較普通，下次再試其他小食。

今天下午和男友來到九龍灣逛街，由於男友想吃上海菜，所以我們便來到這間位於淘大商場內的豆漿大王吃午餐了而大家都對主菜沒有什麼興趣，所以我們點了一系列的小吃類的食物和飲品No.1【咸粢飯】$15我印象中的粢飯，大多數都是冷冰冰的，而且質感更相當黏稠和痴牙，這份是我第一次嚐到熱騰騰的粢飯之餘，更改變了我對粢飯的印象！粢飯飯粒粒粒分明之餘，質感亦不會太濕潤，口感煙煙韌韌的，每一口都相當有嚼勁，配上甘脆爽口的油條，以及咸香四溢的肉鬆，口感豐富得來，亦相當有層次，讓人口吞生香，回味無窮No.2【凍豆漿】$9雖然凍豆漿並不能自行選擇糖度，但是豆漿的味道一點也不甜膩之餘，濃濃的黃豆氣息更迴旋在口中，甜甜的，香香的，清甜可口，甜香四溢，美味得讓人久久縈繞！No.3【紫薯豆漿湯圓】$26除了傳統的甜/無糖豆漿外，餐廳更有一系列的特式豆漿，而這款紫薯豆漿湯圓便是其中之一豆漿和紫薯的比例控制得剛剛好，所以豆漿的味道非常香濃細滑之餘，口感亦柔順而細膩，同時每一口我更嚐到一絲絲的紫薯氣息，薯香四溢，甜而不膩美中不足的便是湯圓的口感相當黏稠，下次如果換成新式的水晶湯圓會更好No.4【咸豆漿】$18這款同樣是我貪新鮮