豊之丼 (Closed)

一個人於中環，正值午飯高峰時候，四處都是揾食的上班族，食肆外都堆滿了等位的人潮....路過這間像是賣海鮮丼的小店。天熱口淡淡的，濃味的東西似乎不太合口味。此時吞一碗相對口味不濃重，"清爽"一點的日式海鮮丼，看來是一個不錯的選擇....一個人，要找位置的難度自是不高。選了一個近門口的位，方便一食完就"鬆人"....點了一碗北海道帆立貝三色丼，說是店長推介來的，而且價位定在一百六十八大洋。收得如此貴，心自是有所期待的....怎知睇睇坐於桌旁的那兩位OL點的丼，份量竟是如斯的袖珍....心裡馬上就打了個突....好了....我的丼上桌了....整體來講無論在用料以至味道皆只屬一般 ---- 海膽帶點苦澀鮮味不濃。此時登時讓我懷緬前陣子在築地市場嚐到令人魂牽夢縈的UNI五色丼，簡直沒得比；帆立貝好一點，厚身而有糯甜；IKURA鮮度尚可但可以再好一點；TORO蓉是幼滑的但只得一小撮那就未免太吝嗇了吧；至於那片凍冰冰而又偏硬實的蛋塊，真是現在回想起來也火滾....至於其他的"支節"，包括紫菜不脆，以及醋飯偏濕，那就同樣不消提了....試問這一碗袖珍海鮮丼，又怎可以如此厚顏地收您接近一百七十大洋 ?

今日中午黎到豊之丼食，今次第三次喇。Lunch time次次都要排一陣，因為位置唔算多，大概等十五分鐘左右，大家唔好排錯豚x條隊呀。佢menu其實唔算多combination, 多數係魚生丼，好少熟食，好似得鰻魚，所以唔好魚生嘅就無咩選擇喇。講下個味噌湯，有幾隻蜆肉，唔係個d supermarket買番黎開水個d, 唔會得個死咸。至於個main course, 魚生丼，碗仔細細，其實都夠飽，今次叫左有海膽嘅丼，嘩，好鮮甜。海膽無苦味，有淡淡海水味，帆立貝夠厚肉，入口好有滿足感，食左三次，材料依舊好新鮮，而且好足料，好正，要俾個thumb up佢👍🏻可惜佢無lunch set, 我覺得如果有set, 感覺會仲抵。不過以百幾蚊黎講，又無加一，食到咁似日本嘅魚生，真係不容易。

香港嘅夏天真係熱到溶，全日戶外活動除咗口渴，想不斷買飲品，已經無乜胃口進食。 喺中環玩左半日，入夜後總算涼快少少，去咗呢間刺身飯店。呢度主打海膽丼同松葉蟹丼，但因為日間買飲品已經駛咗唔少，決定叫低價少少嘅丼。隨刺身飯附送沙律賣相都幾好，亦好新鮮呢款有甘蝦、三文魚籽、時魚刺身味道幾好另一款揀咗油甘魚丼，配牛油果粒同三文魚籽$148/人， 全日不設加一，份量啱啱好又夠新鮮，加上設喺中環呢d 地段，CP 值都幾高

如果你都係海膽控😛千祈唔好錯過呢碗海膽丼❗️海膽鋪到就黎滿瀉😳真係激烈過「激烈的海膽」呀！🙈 鮮北海道帆立貝海膽丼 🍱 ($238)海膽同帶子份量絕不欺場👍🏻淨係睇相已經流哂口水喇👻朕忍唔住喇！🏃🏻🏃🏻🏃🏻 特別選用韓國紫海膽🍣海膽色澤光亮呈淺黃色😍肥美甘甜。鮮嫩香濃☺️口感creamy到慢慢喺口中融化👄好幸福的感覺呀！💗 三文魚籽粒粒晶瑩剔透🌟一咬就爆發海水鮮甜味🌊帶子好足料非常厚身！👏🏻口感鮮甜得黎又爽彈☺️連埋海膽食滋味無窮呀！😍

呢間魚生飯都開左一段時間，個logo勁似爆丼屋，本身仲以為係咪分店有幾款都係落魚茸，感覺好cheap... 會即刻諗係切剩嘅頭頭尾尾剁出嚟...沙律正常，落個芝麻醬，不過不失。叫左角切油甘魚丼同特盛三文魚丼，魚生都算新鮮，但成碗都係同一樣嘅食材感覺太膩太滯，唔係特別好食，冇咩好形容，亦都冇乜翻頭再嚟嘅衝動。講返價錢又真係唔貴嘅，就算嗌個豊之盛丼樣樣有啲，$168又唔加一，中環嚟講都係個好有競爭力嘅價錢。喺中環食魚生飯，百幾蚊到三百幾蚊都食過，性價比最高都依然係嘉咸街嘅森壽司😎

依間之前食過松葉蟹丼，D蟹腳同腳膏令人一直想返尋味於是今日lunch一到就衝左過去，可惜佢唔夠人手無開上層，等左大約15分鐘。新屎坑既我試左北海道凡立貝三色丼（$168），未食見到咁靚仔已經令人食指大動凡立貝好fresh好味，海膽無壓味，雖然唔夠日本食咁濃味，但係香港都算係少有咁新鮮。重有一少撮拖羅？佢重加左芝麻係個飯道，好開胃呀⋯⋯真心好鐘意❤️唔覺唔覺食晒成個飯，哈同事就食左依個魚生丼，依個價錢重平d只係$108，同事話好好味會再食，我下次就試依個啦

日本丼在香港依然㷫烚烚，各式各樣的，越高越大碟越好。 在中環，已發現了這間「豐之丼」一段時間，它那個有餐廳名字的玉子燒 餐廳格局整潔，也坐得舒服。餐廳門口有電視播放影片，又有不少明星光顧的合照，我每次來都看見都不用排隊。 前天路過順便入嚟食個午餐，直入。 我在選擇食物途中，侍應已經放低了蔬菜沙律，應該是不論點什麼都會送的。 沙律賣相有些求其，有柚子汁做 dressing，味道還不錯。 挑了店長推介的「鮮北海道帆立貝海膽丼」$238，它本身已經有三文魚籽，看相片份量很少咪咪，那我就加了 $38 top up 一份三文魚籽： 送上來的時候沒有 "wow" 的效果，比想像中平實。此丼有三小排海膽、三文魚籽、兩隻厚帶子、一件燒玉子，另外有些青瓜紫菜酸薑等等。 嚴格來講，我又唔可以話佢難食。海膽算新鮮的，沒有出水或者腥味，但一吃就覺得鮮甜不足。隨便問一下侍應，原來他們的海膽是用韓國貨，屬我意料中事，淡的，幸好沒有叫他們的全海膽丼。 順帶一提這裏的海膽有三種食法，第一是配飯吃，第二是用附上的紫菜包來吃，第三是塗在青瓜上吃，隨你歡喜。 三文魚籽味道正常，來貨都是差不多味道。值得

終於都考完試，完sem當然要食好嘢。聯同幾個港女朋友，就揀左係中環既豊之丼。5點半考完試，過到中環都只係6點左右，大家都未餓。周圍行下，行到肚餓就過左去食嚕。前一晚已經一路溫書，一路係openrice睇定食咩好去到既時候都無多諗就嗌左.4。因為食得太多海膽既關係，今次無試佢個海膽丼。我就嗌左特盛三文魚丼($108)，有好多款唔同既三文魚，無乜雪味得黎幾鮮甜。味道雖然稱唔上為之驚歎，但係咁既價錢、地方、份量，對於一個學生黎講，性價比幾高。朋友嗌左原條特上鰻魚丼($148)，再加左海膽($58)。鰻魚都幾吸晴，啱晒為影相既港女。另外，仲試左朋友嗌既豊之盛丼($168)同帆立貝三色丼($168)。依間鋪應該見太多港女客人，店員好專業咁幫我地擺好啲食物，方便我地影相

中環返工食晏都有唔少日本野選擇，不過食得多都會悶，聽人講話附近開左間新丼飯，一於就去試下啦！大概12點30分黎到都唔算等好耐，15分鐘内就有位，門口睇定食咩先入到去最後揀左鮮北海道帆立貝海膽丼同埋北海道松葉蟹丼，一叫完無幾耐就上左個沙律，不過丼飯等候時間比想象中耐...北海道帆立貝海膽丼       $238有三排海膽，味道都幾新鮮，兩片帆立貝厚身但係可以再甜D，北海道松葉蟹丼       $148有4隻松葉蟹鉗，估唔到幾鮮味，飯唔同北海道帆立貝海膽丼，係蟹肉撈飯而唔係白飯蟹蓋本來以為係蟹肉釀蟹蓋，點知入面原來係蟹膏焗飯，好味！整體來講都ok，不過北海道帆立貝海膽丼同樣價錢中環都有唔少選擇，應該唔會encore，但係北海道松葉蟹丼有驚喜，賣$148黎講性價比算高，值得推薦！

朋友介紹我哋去咗呢間位於中環既 豐之丼去食飯 又係一個四人組合去一齊食好西 店舖尚算易搵 門口大大隻字寫住好容易見到 顧名思義刺身丼 即係又貴又食唔飽嘅一個便當 就等我哋睇下佢有咩咁大吸引力店舖入邊位置唔算多 雖然坐得有少少不潔但係環境尚算乾淨同整潔 咁我哋四個就坐係近門口嘅位置我地嗌左個 海老丼 海胆丼 豐之丼 同埋角切油甘魚丼 四個一齊 share 食 淨係咁睇外表個賣相真係好吸引好想食 就等我哋試吓味道如何先所有海鮮材料都比較新鮮 而我就主要係食海老丼 咁多隻蝦啖啖肉 再加埋一碗飯佢食又真係幾爽嘅一件事 食材份量啱啱好 唔會太飽 仲可以留返少量肚 去食個糖水

香港人對「丼」絕對唔會陌生。想深入瞭解「丼」嘅滋味。黎《豊之丼》幫到你。有14款「丼」任你選擇怕肥嘅女仕們，唔食「丼」可以食刺身。刺身非常新鮮。order 咗1-14 號「丼」。店員會先送上前菜。前菜沒有什麼驚喜。說真的。我期待的是「丼」主角出場係13號「極上豐盛丼」有拖羅。帆立貝。玉子。海膽。三文魚子。青瓜片。紫菜。帆立貝肥厚。有光澤。好鮮甜。拖羅油脂滿瀉。入口即溶。海膽用紫菜包黎食。好滿足。三文魚子甜甜鹹鹹的。餸飯一流。好想試埋其他13個「丼」。

最近丼飯越來越紅，排得靚靚的外表，是相機食先一族呃like之選，這天在中環收工，一個人都要食餐好，慰勞一下這天的辛勞。一個人食丼，感覺也不突兀，反正就是一人一碗，獨食也夠滿足，而且也吃得快，不像西餐要慢慢逐個菜上，無人作伴就感覺怪怪。豊之丼店內環境很舒服，落地玻璃門視線開揚，其中一面牆有大鏡子和假草裝飾，來拍照環境也不失禮。這裡的飲品原來是罐裝的，這個柑桔檸蜜在韓國也喝過，味道不錯，幾自然的，只是甜度比較高。豊之雲丹丼$238（人氣）排列得整齊而豐盛的海膽丼，光看照片已教人口水直流，所用的韓國紫海膽，很新鮮，質素佳，原件放入口內，感到它在口裡融化，同時感受到其鮮甜甘香。雖說是海膽丼，也大方地送了一堆三文魚子，醃漬的鹹度剛好，一口咬破爆發鹹鮮甜味，與海膽同吃更是雙重鮮味，滋味無窮。吃一碗湯飯，我會留意飯的味道，這個飯有適度醋香，飯粒香甜，而且量夠，女生可能吃不完呢。第二種食法可將海膽放在青瓜上，清新爽口的青瓜片，原來可以帶出海膽的海洋味道呢。最後放在紫菜上，提供的紫菜夠脆身，可即席放上海膽和飯，捲起來做海膽手卷，又一美味之作。三種食法，三種不同感受，逗自己開心，就是這麼簡單！

中環呢條街一向都好多野食，今日黎到豊之丼覓食。首先，這裡會有一個前菜奉上，菜加上酸酸地的醬汁，開胃非常，還有些蕃茄仔點綴，豐富口感。鮮北海道帆立貝海膽丼 $238先試一試帶子，帶子厚身非常，有啖啖肉的感覺，微甜，口感爽而彈，很好吃，帶子請來多客！海膽顏色呈淺黃色，肥大肉厚，入口creamy,帶甘甜。三文魚籽，非常享受弄破魚子的美妙感覺。三文魚籽粒粒晶瑩剔透，顆顆飽滿，好滿足呀。

This is a new and lovely restaurant in Central, and I like it very much. Not only the choices are great, but the food offer are of very good quality, and not only good for mouth, but nice for eyes too. I have ordered the Uni Mixed Sushi Rice, while my queen ordered the Big Crab Meat Sushi Rice .... Initially, I thought mine is a better choice as you can see from the picture, the uni is so fresh and nice, although they are from Korea, not from Japan, but taste very good and fresh... Very very ric

夜晚去左中環食日本丼飯，店內環境設計新穎~深木色既台配上綠色既擺設，感覺好green好自然，我就叫左罐蜂蜜柑桔汁，so far係外面未飲過呢款味道！！入口感覺好天然純正蜜蜂味~唔會過份死甜！！加上柑桔既香~同蜜糖味好夾呀~~幾好飲！跟住叫左個豊之盛丼係人氣推介~甜蝦幾鮮甜，帆立貝size唔算厚但係質感綿密夠新鮮，海膽質感柔軟帶甘香！吞拿魚無筋無渣但未到入口即溶既感覺！！整體都係水準之上~飯既size都好足夠。