豐記煲煲皇 (Closed)

今晚突然好想食煲仔飯， 專登去深水埗尋找一下。 鋪頭係生隆餅家向前行， 轉灣就見到。 見到鋪面乾淨企理， 所以就決定試下。 結果真心覺得有驚起小店， 招呼好， 食物好用心。 窩蛋牛肉煲仔飯～好夠乾身， 好味五味鵝～招牌菜， 鵝好入味， 同時食到淡淡香料味。椒鹽吊筒～師傅話係今朝買， 所以好新鮮， 同埋炸得好夠乾身菜乾豬骨湯～好似屋企煲既老火湯， 超足料呀！頭說讚還有服務， 店家會問下食物好唔好， 見到我地食唔晒， 會主動攞盒比我地外賣。 重點係店家連廚師都好好笑容。推薦大家經過時要試下呀！呢餐好滿足！

朋友帶我去既一間台山小餐館，門面唔多起眼，但估唔到食物竟然有驚喜。餸菜一黎到已經好香，睇得出係用心制作，味道每一樣都好好味，價錢唔貴，食香味俱全！我地叫左黃鱔飯(好香既果皮味，仲有飯焦)台山五味鵝(好入味，鵝肉好嫩滑）燒台山蠔小炒皇 (好多不同材料，有圖有真相）啫啫田雞煲 (好野味)胡椒豬肚雞長尾螺 (好香，送酒一流)椒鹽蝦 (炸得好香口，連殻都食埋）最後仲有土茯苓糕做甜品，里個天氣清熱氣，arm晒，仲買埋茶果外賣。朋友們個個都讚口不絕，好難得而家仲有甘人情味的小店，下次一定再去支持！

隱藏在深水埗的小菜煲仔飯餐廳，鋪頭好不起眼，但听同事話味道不錯，所以同朋友一起來幇襯吓。呢間餐廳可以自來料加工，朋友係旁邊魚檔買咗斑腩交俾老闆蒸，火候同時間都掌握的啱啱好，好味老闆係臺山人，所以招牌菜是“臺山黃鱔煲仔飯”，睇相已經覺得好好食，但朋友唔食黃鱔，冇辦法，只好叫第二樣。老闆介紹我哋食“油鴨髀煲仔飯”，果然冇介紹錯，米飯粒粒分明，帶著油鴨的香味，嚼起來Q彈，最鍾意煲底飯焦，脆啵啵！下次一定要揾同好一起來食招牌黃鱔煲仔飯