豬仔糖水 (Closed)

晚飯後到到豬仔糖水食一個至愛糖水是必定節目吧!和朋友到土瓜灣獵食後, 到此店吃甜品從來沒有令我和朋友失望; 今次試了新上場的栗子拿破崙,漾子可愛, 甜味適中,還可以自選雪糕味道一款,粟子蓉入口香滑,拿破崙餅酥脆可口, 這個配垥很匹配。最激氣和失望的是甜品一到來忘記影相, 所以今次未能提供相片。

重新裝修後，很長時間沒來了，可能還早的關係，人很少，坐得舒服！以黃綠為主調，乾淨光猛！牆上的甜品極盡誘惑之能事!未食先興奮！拿破倫芒果乳酪，還配上荔枝雪糕，賣相已叫人食指大動！咬下去卜卜脆，沾點芒果汁，吉士醬，真心停不了口哦！法國栗子蓉窩夫，配曲奇雪糕！窩夫不夠脆，也不夠熱，蛋香欠奉，栗子蓉太甜，雪糕沒有驚天動地的感覺，很平凡的一份甜品！價錢不貴，可以來試試！

中學時代已經常跟同學到豬仔糖水食甜品，畢業後都會間中到土瓜灣吃甜品。酷愛綠茶紅豆和豆腐花的我，最愛佐治糰子。這個甜品包括綠茶雪糕、紅豆、小丸子、豆腐花和茶凍，每一種都是我的最愛，簡直是絕配。至於友人點了綠茶窩夫，是近一年新添的甜品。連窩夫也是綠茶味，還有綠茶汁淋面，相當討好。

之前有個fd試過,係咁大讚,叫我有機會一定要去食,因為前排有野做,一直都未有時間去,今日終於搵左個中同fd去試下。第一眼望落個menu, 嘩左一聲! 好似好大份咁樣wo, 個個都好吸引咁,最後我地一人叫左一個, 分別係朱古力窩芙塔同拿破崙果莓乳酪。等左一陣, 終於有得食, 實物真係幾大份,好重料, 份量十足!! 對於我地一向大食既, 要食哂當然係無問題啦。拿破崙果莓乳酪外皮脆卜卜,加埋上面既果醬, 配搭一流。乳酪夠哂凍,好滑,好香。我地一人食一條。食完個拿破崙果莓乳酪有少少飽, 但都要試埋個朱古力窩芙塔。 d窩芙夠脆,朱古力味濃,唔會太甜, 食埋兩個朱古力同曲奇雪糕真係覺得好滿足!!最後，價錢係合理既, 唔同其他舖, 比三十幾四十蚊,食完好似無食過野咁, 呢間真係物有所值, 值得再黎試埋其他。

夏日炎炎, 今曰又係三十幾度既日子, 就算己經入夜了, 依然令人汗流浹背。於是我就同女朋友食完飯後, 就一齊找啲糖水食, 順便消一消暑行行下行到豬仔糖水, 見到佢個門面都幾光猛, 感覺好似都幾唔錯, 可能我地早左泥, 未到食糖水既時間, 所以唔洗等位, 於是我地就入去一試一入到去坐底, 見到佢個MENU都幾五花百門, 好多款式都有由於我地岩岩先食完飯, 所以只係叫左一個''格格脆雪山''SHARE泥食( 叫兩個又驚食唔哂, 所以少少地試下先, 下次好食再泥)入未食首先比相機食先XD, 佢呢個甜品本身附有2個雪糕( 朱古力同埋曲奇雪糕) , 加上一啲朱古力漿係上面, 個樣睇落唔錯。到人食既時候, 唔知係唔係我地影相影得太耐, 所以有少少唔係好夠熱了 食落果陣都好彩仲係脆的, 但係如果再脆少少就更加好了( 我女朋友就話咁樣己經岩岩好XD), 呢個係個人口味泥既姐XD。總括來說, 呢一個甜品係我地兩個既角度泥睇都可以比佢7.5分( 因為我想再脆啲, 睇下下次可唔可以同店員講聲先XD) , 見佢仲有好多唔同味道既窩夫, 下次如果有肚既話, 再去試下先

晚上同一班同事在北帝街食完一餐''火辣辣''既重口味之後,想食返少少糖水潤一潤喉, 本來我提議去九龍城食心太軟的,但由於有同事覺得路途遙遠, 所以都係近近地係返附近睇下有咩糖水食啦。行過幾個舖位, 同樣係北帝街經過一間''豬仔糖水''(翠華斜對面), 見門口既易拉架圖片介紹倘算吸引(因為我見到有心太軟食), 於是一行四人就入左去呢間甜品店, 讓我可以一嘗呢度既''心太軟師父功夫''如何。一去到就有位, 唔洗等位。本來一個四眼哥哥叫我地坐近門口既四人位,但由於天氣太熱加上岩岩先食完咁''火辣辣''既野後, 所以我地想調去坐入少少既6人枱, 個四眼哥哥見我地太汗搭細汗, 最後都唔忍心, 所以比我地坐左係入少少既枱涼下冷氣(雖然冷氣唔算好涼, 但總算令我可以係炎炎夏日降一降溫~)入正題了, 我基本上唔洗睇MENU就己經可以落得單(因為我己經提過我係一個心太軟愛好者XD)。 而我既同事就分別叫左芒果拿破崙, 西瓜西米露同埋一個芒果西米露。等左十分鐘左右, 熱辣辣既心太軟終於上枱了!首先講下佢既外觀, 都制作得算有心思, 最緊要係佢無爆到!!( 平時係其他糖水店食有時會爆左, 享受唔到切開佢啲朱

晚上同一班同事在北帝街食完一餐''火辣辣''既重口味之後,想食返少少糖水潤一潤喉, 本來我提議去九龍城食心太軟的,但由於有同事覺得路途遙遠, 所以都係近近地係返附近睇下有咩糖水食啦。行過幾個舖位, 同樣係北帝街經過一間''豬仔糖水''(翠華斜對面), 見門口既易拉架圖片介紹倘算吸引(因為我見到有心太軟食), 於是一行四人就入左去呢間甜品店, 讓我可以一嘗呢度既''心太軟師父功夫''如何。一去到就有位, 唔洗等位。本來一個四眼哥哥叫我地坐近門口既四人位,但由於天氣太熱加上岩岩先食完咁''火辣辣''既野後, 所以我地想調去坐入少少既6人枱, 個四眼哥哥見我地太汗搭細汗, 最後都唔忍心, 所以比我地坐左係入少少既枱涼下冷氣(雖然冷氣唔算好涼, 但總算令我可以係炎炎夏日降一降溫~)入正題了, 我基本上唔洗睇MENU就己經可以落得單(因為我己經提過我係一個心太軟愛好者XD)。 而我既同事就分別叫左芒果拿破崙, 西瓜西米露同埋一個芒果西米露。等左十分鐘左右, 熱辣辣既心太軟終於上枱了!首先講下佢既外觀, 都制作得算有心思, 最緊要係佢無爆到!!( 平時係其他糖水店食有時會爆左, 享受唔到切開佢啲朱

土瓜湾晚飯後，吃甜品是一個非常好的提議。去到要等位，但不算等得不久。Menu上選擇很多，有綿花冰，甜品拼盤等特別款式。椰皇好香好嫩，湯圓好煙韌。太空漫游配搭特別，脆片加朱古力布甸，曲奇雪糕加奶，食落好有口感。

甜品賣相幾吸引,但用料一般.Honey,賣相吸引,但味道一般,最特別只是個荔枝雪糕,香蕉味道唔足有D生,個士多啤梨醬好甜,唔好味!藍莓轉左做藍莓醬,個奶凍完全冇奶味,好實!重差過食jelly.紅豆特濃淡忌廉西米露,個名好利害,完全冇咩忌廉味,重話特濃.只是食到個紅豆味,其他咩味都冇.完全No Good!

是咁的，這天跟朋友去工聯會上課，朋友只吃了面包有點餓，我們就來到近腳的北帝街找東西吃，來到門前被糖水兩字吸引，瞳孔放大發出閃光。是次朋友點了炸餃，賣相普通有點油，另外是黃金海岸，都算足料，滿滿一碗。蘆薈、明珠、新鮮什果、西米及芒果汁，算是正常。我點了桂花芋圓，另一碗仔是愛玉凍，糖水比較偏甜，滿滿桂花香味，芋圓都頗多，煮得軟口，有QQ感。

時間大約9點, 食完韓國餐廳唔夠喉, 順路經過呢間門面幾光猛, 最緊要唔洗等位就入左去~店員愛理不理掛住睇電視同吹水, 自己搵位坐低. 同場客人3枱食緊. 見menu既相影得幾好, 似係用心之作(雖然構圖麻麻), 就選擇左比較特別既甜品~法國栗子茸窩夫配曲奇雪糕: 窩夫微暖少少脆, 配雪糕或者旁邊小杯既吉士都好好味, 唯獨碟邊既紅豆太過甜, 直情over哂整個主角, 甜到嗆喉口乾想即刻飲水拿破崙朱古力香蕉配朱古力雪糕 : 拿破崙一切即碎開~超級脆~食既時候唔顧得儀態, 一邊食一邊跌d碎出黎 香蕉配朱古力雪糕天生一對~ 一大配角, 應該話佢都係主角之一? 因為個menu係寫 「配朱古力香蕉」, 其實就係講緊呢杯野碎左既香蕉粒+朱古力忌廉, 少少似糊仔咁.. 又係好甜... 但未至於over

食完大漠過左去隔離豬仔食糖水，點解8:00pm都已經咁多人架，我成日以為食糖水係越夜先多人點會晚飯時間咁多人。好彩等左陣就有位，其實同一條街都有好幾間糖水鋪，點解呢間咁多人，原來係因為平。味道都普普通通無話太驚喜啦！坐位唔算舒服，食完都係好快收檯要你走架啦！

這家糖水舖可算是我試過最差的糖水舖！光顧時已經是半夜，人潮大都散去。入到舖頭，找到張枱，但無椅。侍應卻在一旁閒着。算，我們自己找椅子。開始點甜品，每款都話無，又唔講有咩。算，最後都點了餐。點了個椰皇炖奶，芒果綿綿冰，味道一般，有點偏甜。未吃到一半，侍應已經開始趨住趕收舖。個冰還有三份一未吃完，就比個侍應拎起，問還要不要。我剛說未吃完，她就把用過的紙巾放在碟中，頭也不回直奔回廚房。當時舖內還在十多人在吃甜品。我實在不明白為何要這樣趕。最後含住一吐氣離開，以後無下次！

格脆雪山真的不錯....一個已經好飽..格脆唔硬岩岩好....佢話等15分中....但其實都好快黎到...不過地方比較熱-,-多人都唔開冷氣~~~好啦講完食評就講下我火既原因了話說我就打算叫個紫香湯圓佢張菜單有3隻味道選擇....我就要紫米芝麻同花生啦....佢就話紫米冇,個底已經係紫米....ok咁我咪要花生同芝麻囉...佢落單又係到問係係咪紫米湯圓我話你又話冇佢又話係冇呀...之後我谷鬼氣就叫第2個...其實呢間野我成日去食....因為佢d食品唔差....但次次d衰態度真係忍唔到...我今天忍唔到打上黎share比大家知...其實唔係我樓下得佢呢間好味...我都唔會再去食...比錢仲要受氣!!!

六個人係附近食完味濃的食物，諗住食個甜品清清味蕾...見到裡面坐滿人，又見有好多甜品款式，於是入去試下叫左芝麻糊、椰汁西米露、紫米露、桂花芋圓...芝麻糊先到，好"杰"，一試就知係用粉開出來的，好似"多多"咁既效果...我好訝異一間糖水舖會有咁既芝麻糊，又杰又冇heart...大家你眼望我眼，希望下一碗好D..紫米露一樣係好杰...中間既紫米黏在一起..一pat pat 咁...希望落在椰汁西米露上，應該好D掛...一個好普通而又好甜的西米露，椰汁味冇乜..甜得滯食唔晒...最後見係推介既桂花芋圓，應該冇事啦...芋圓個湯淡到不得了...桂花有D細既枝..有個好似啫喱的另上，試過加入個芋圓湯度，但係芋圓太淡...都係怪怪的...六碗，全部食唔晒！好耐未食過咁冇heart 的糖水店... 你主力賣雪糕、冰類咪賣淨係賣雪糕、冰lor.. 其他糖水你冇心機整就唔好加落餐牌俾人揀啦... 試一次就唔會再幫襯...我都好耐冇寫食評，今次都忍唔住要寫下...