豬仔糖水 (Closed)

佐治糰子：有綠茶雪糕，有揶汁，有豆腐花，還有些紅豆等等，太有層次了。不太甜，不太涷。賣相不錯。外賣回家也咁好食，堂食一定更美妙。此外，芒果特濃淡忌廉西米撈也很好，一下子食完。

放工同同事去食宵夜本來係想行去去九龍城食泰國菜但經過呢間甜品 肚又餓 所以就食左呢間先!見到d價錢真係嘩左聲唔係貴! 係太平啦~~~~諗都唔洗諗就叫左杯朱古力沙冰同埋格格脆雪山!朱古力沙冰 我唔記得幾錢啦 around $20-$25味道岩岩好 唔會太甜 大家可以試下格格脆雪山 $27雪糕好大 曲奇同朱古力味配埋朱古力醬好match!不足係d窩夫就少左d..同埋窩夫有少少淋淋地 可以做得更好! 

還記得第1次去豬仔糖水味道出奇比想像中好食, 叫了個楊枝甘露, 不錯不錯...之後間唔中都會去食...可惜服務及味道每況越下對上1次去, 約1星期前叫了楊枝甘露, 勁酸!!! 尋晚再去完, 應該是最後1次了。叫了個雜果紫米露同淡忌廉豆腐花紫米露, 雜果紫米露酸酸地, 奇奇怪怪咁, 淡忌廉個個冇黎黎左個唔知咩布甸, 我話我地冇叫, 佢再睇我地張單話係, 我話我冇叫過!! 根本就係落錯單, 當時同我地落單個阿姐好醒咁, 咩都唔寫低, 就落左單...咁之後比返個岩我地, 己經冇咩mood食到埋單, 雜果紫米露(23) , 淡忌廉豆腐花紫米露(19), 佢收我44!!??? 我問雜果紫米露唔係23咩 (個刻佢電腦show 25), 佢話menu未改, 爭係電腦改左, 喂電腦係比你自己睇, 唔係比客睇....menu 唔update 又唔改....咁既質素, 以後唔會再去了.

咁大個女第一次可以食到冇味既涼粉，真係要比個「勁」字佢，我買左2碗2碗都冇味，叫左多花奶，但可以食落同飲水冇分別羅「勁」，如果唔係見佢平時咁多人都唔會試，話明粒粒涼粉黎，涼粉粒粒大到，切到9唔搭8大細粒得好勁，大粒可以做到細粒5-6粒「勁」，E間咁既糖水店連最基本既糖水都做唔好...問心我媽一個c奶都整得好味過佢，我老公話慘過食龜苓膏，

呢間第二次來吃了, 因上一次去印象還不錯土瓜灣北帝街31號地下$32 乳酪冰河 雪花冰益力多味, 上"木台"塌塌的......隔離木台個雪花冰高我們一倍賣相好hea又醜.......只加了點綿花糖同西瓜又淋了些芒果汁在旁邊西瓜同益力多味道又唔合襯.. 失敗第一件上這件野, 嚇了一跳 $ 25用日式的木碗盛, 比雪花冰好好多面上一球綠茶雪糕,底下是豆腐花再加有少許紅豆, 糯米小丸子及綠茶jelly但豆腐花是没加糖水 (是忘了還是刻意??)淡如水, 只有紅豆是加了糖水煮有甜味綠茶jelly又太苦......吃下似艾草多過綠茶直接放入口中吃時苦到想吐要等雪糕溶了才有點甜味在豆腐花中但弄到綠綠的好樣衰$ 27 格格脆雪山orea及朱古力味 雪糕 ^ ^ yummpy再加waffle, 上次也有食,今次是encore!!!!但waffle不再鬆化......好想哭, 豬豬變了 T0T再來士瓜灣會光顧另一間甜品舖

納悶的星期日下午，唸住食個甜品氹下自己開心。平時夜晚經過豬仔都見好多人等位，難得見今日四點幾無咩人，於是就唸住入去試試。環境尚算坐得舒服，枱的舖排比對面海記好，坐得闊落啲。不過以咁細的舖位，燈略嫌太多，唔係好環保。見佢餐牌都好多種類揀，都一時花多眼亂。結果我地叫左一個黃金海岸同一個佐治糰子。唔知係咪我要求過高，我覺得落單的姐姐莫講話一點不歡容，甚至有點黑面…還好野食好快就到。賣相還可以，但味道令人好失望。佐治糰子的糰子一陣好重的糖精味，好假好難食！我寧願佢係無加料的糯米味。抹茶雪糕雖然未至於過甜，但抺茶味淡又無甘味，而且雪糕質地多冰少奶，唔夠細滑。底部的豆腐花豆味欠奉，水汪汪，淡戊戊，令整個甜品的配搭變得更奇怪。黃金海岸我只試了一口，但係芒果汁好重糖水味，而且雜果（瓜）連睇都睇得出係淡而無味。Sorry to say, 只此一次。never again

話說個日行經呢間糖水鋪，入面竟然有位(因為平時夜晚去都無位)，同女朋友就即刻入去試下。我地分別叫左格格脆雪山、佐治糰子。1.格格脆雪山 ~ 個兩個雪糕球都幾大個，又可以自己揀味道；格仔餅唔會凍、唔會硬到好似石頭，加上小小cream個味道都唔錯；2.佐治糰子 ~ 女朋友話綠茶味好香，唔會覺得苦，底仲有滑滑豆腐花，所以好好味。而價錢又唔貴，格格脆雪山$25、佐治糰子$23，呢D叫價錢合理。所以比個good

前陣子非常沉迷椰青做的甜品，有一家有賣椰皇滑滑冰的一直沒有吃到，打了將近兩個月的電話，每一次都說椰皇沒有貨，到現在已經冬天了，我也失去吃椰皇冰的衝動。可是鬆弛一直在替我找椰皇甜品，這次他竟然帶我到我家附近的一家甜品店吃!!之前我在大角咀看過這家店，不過名字跟裝修都不太吸引我，心想應該都是普通的甜品店，所以一直沒試，不過既然鬆弛說有好吃的椰皇甜品，就去試試看。店內以粉紅和白色為主，頗符合店名的「豬仔」特色。晚飯過後，人客不少，可是不用等太久就有座位了。為了多做點生意，所以店方使用白色圓櫈，坐得不太舒服而且有點擠。一張六人長檯，如果坐在裡面的客人要先離開，坐外面的就要站起來讓位。一心來吃椰皇，其他的也沒有多考慮，立刻點了兩款，包括：椰林燉奶和椰皇甜蜜湯圓。椰林燉奶。一打開椰蓋就湧出很香的椰皇水味，由於剛蒸好，所以非常熱，吃落味道很清甜，燉奶的部份很滑溜，亦有奶香，不錯。椰皇甜蜜湯圓。椰皇的口開得很小，要慢慢才能把裡面的湯丸拿出來。裡面有五粒湯丸，分別有黑色和白色，黑色裡面的餡是麻蓉，白色的是奶皇，口感煙靭軟糯，餡料也不算太甜。不過湯底方面就一般，明明說是椰皇，我當然以前湯底是椰皇水，而不只

吃過一碗不太對胃口的飯後甜品後，發現附近這家港式甜品店門外也有不少等位的人，便去看看。一看就被它的椰林炖奶圖片吸引了，於是也告知店員加入排隊之列。可能一位又不介意搭枱，很快便可以坐了。在看一次menu，還是保持原判，要椰林炖奶啦（$29）。等了約10分鐘，終於有得吃。炖奶很香椰味很滑，椰肉嫩，而且不太甜！我最怕吃些很甜的甜品。這個好食，滿意店內衛生算不錯，幾企理。服務態度也合格啦。

先講個logo隻豬仔真係好得意就係咁樣吸引左我入去食d甜品都算好多選擇都係偏向西式/ 日式少少可能佢盡量費事同對面果間海記撞啦我食左個兩舊雪糕加d格仔餅咁既野賣相都唔差, 幾靚咁啦個fd就食個乜乜北海道奶凍, 一杯咁既奶味好香, 不過我嫌佢細杯左少少呢度最唔好呢, 就係冷氣超凍架呢日我地入去食係岩岩淋左雨入去一入到去, 真係凍到不得了可能佢係想d客食甜品唔會咁快溶啦但係個冷氣真係開得太勁喇, 一路食都係震住咁食

土瓜灣終於開多間甜品啦!~大良8記接埋左之後~ 就黎左間豬仔甜品!入到去環境不錯!有電視睇tim!~我叫左個北海道奶滑真係好滑!加上mango汁~味道一流!上面有2片mango~酸酸地! 加埋又甜又滑既奶滑!真係刺激我既味覺呢!~