貴香園 (昌安大廈) (Closed)

星期六下午, 餓餓地行入去食碗米線。荃灣食米線, 出名而又真係好食既, 四坡坊同路德圍都有。係荃昌既呢間, 唔知得唔得呢?抱住呢個疑問入去食。小鍋米線: 腩豬、大腸、腐竹湯底味道對味! 米線軟硬度適中彈牙。腩肉好味。腐竹比路德圍需桂香好。但問題出現係大腸度! 仲有雪味@@希望有改善, 以後再來唔會再有呢個問題。另外, 樓面&老闆娘態度友善, 值得一讚! 加油!

行過有d 肚餓就叫左碗麻辣米線，呢度淨麵$23，餸每樣加$6/8。來到超大碗，男仔加餸食完一定飽女仔可能食唔哂tim紅紅既湯底好正，我叫中大辣，一開始食唔覺得好辣，但愈食真係愈麻辣哩，但okay 惹味值得一提呢度既女店員都好有禮貌好細心呢，問佢地攞水或者找錢都好好笑容語氣，仲問清楚我要茶定水，送上來仲提醒我小心熱。真係無expect 過茶餐廳waitress 會咁nice 所以一定要寫個食評贊下

紅薯粉，另一健康之選。有粗幼之分，粗比較像河粉類的款式，我自己比較喜歡幼，吃來彈牙有嚼勁，而且比較能­滲入湯汁。價錢優惠，而且份量非常足夠，我最初也懷疑它怎能在一眾紅薯粉店中突圍而出，但試過一次後，無疑­，這裡成為我最愛的紅薯粉店，彷彿上癮般的快感。當中有八款口味，川味紅薯粉酸麻辣雲南小鍋麻辣涼拌熱拌，全部都很吸引。我最愛酸麻辣，酸味跟麻味非常平均­，兩邊味道也很足夠。湯底味道夠濃，有香口肉碎爽口芽菜，非常飽肚。這碗美味的紅薯粉，當然有一列菜式可選­擇，這裡的豬潤咬下去口感豐富，不會太生硬。湯底辣味很足夠，但也有一點甜味，中和著辣度，剛剛好。難怪這­間店一直都客似雲來，而且選擇夠多，所以即使附近有眾多餐廳，這裡也能夠有立足之地。

有時放工唔知食咩, 就會去買碗米線, 荃灣區有好多間米線, 不過有d 連鎖店味道麻麻, 今次介紹d間, 又抵食, 又快, 有以下的選擇:佢地有5種粉麵: 四川酸辣紅薯粉, 酸辣紅薯粉, 小鍋酸辣米線, 麻辣小鍋米線, 熱伴紅薯粉(沒有湯)仲有沙爹米線同埋清湯米線, 通常我都係食麻辣米線同酸辣米線佢地的配料由4蚊至8蚊, 都幾好多選擇, 有三十多款... 今日我叫左一碗麻辣米線, 小辣, 加左4個餸, 炸醬, 腩肉, 腐皮, 木耳絲 (41蚊)湯底不會太濃味,太鹹, (小辣對於不太能食辣的我就可以過足食辣野的癮... )炸醬味道很特別, 有點麻辣, 加入湯入面就不會太濃味, 送米線食一流腩肉:有滷過, 不過唔夠散化!腐皮, 木耳絲: 正常...至於配料: 芽菜, 份量充足, 抵讚 下午荼時段加2蚊可以加一杯野飲添!作為一個平價的外賣晚餐唔錯...

(793)黃昏約了太座前往粉嶺，還未夠鐘，有點餓意，獨個兒來到這裡，要了一個下午茶米線。餸揀了腩肉及雞絲，腩肉比較嚡，雞絲就比較好，味道都ok。另外飲了凍奶茶，奶茶味道是一般的。旺角已經有一間貴香園，這裡應該就是分店了。