贊和豆品

Open Now

Now Closed

有一日喺太子道西行過去旺角 無意中經過呢間豆腐花店又有啲肚餓咁豆腐花係好低卡嘅下午茶嚟㗎嘛啱晒我減肥嘅人士啦又比我食到一個好滿足嘅豆腐花喎呢間豆腐花嘅種類係多過其餘兩間好出名嘅豆腐花我比較鍾意食紅豆沙豆腐花一於試吓一食落去嗰陣陳皮味飄出嚟佢唔係好濃嗰種淡淡地好正仲要有蓮子喺入面好足料豆腐花當然係好滑啦紅豆大大粒我鍾意佢紅豆沙唔係太甜哥哥仔冇比糖落去我就自己加咗少少桂花冰糖我想講個桂花冰糖真係冇得輸！！！嗰陣桂花味真係好香好香好正因為本人好鍾意食桂花覺得陣味好清甜我下次一定要食埋桂花冰糖豆腐花整體來講哥哥仔好有禮貌食物堅好味環境就一般啦$7一碗豆腐花仲想點我以後經開弼街都一定會嚟食！！！支持下佢先

早排的豆花鬧平大戰真好，得益係顧客啊，呢間贊和我就比較鍾意一啲，除咗食開嘅荃灣外，原來旺角仲有分店喔，店舖主打豆腐花配不同湯水及味道，最多人叫一定係芝麻胡味，但今日想食白果薏米，豆腐花份量都多，夠哂熱辣辣，豆腐味都好仲好滑添啊，而白果薏味都不錯，白果有幾粒，好香好腍身，薏米就好多好大粒，煮到好腍身，甜味恰到好處，夾埋豆腐花一齊食真係好正，完全唔需要再加糖水落去食，呢到另外仲有腐乳賣，爸爸好鍾意呢間，可買埋～

今個月寫過另一篇關於贊和豆品的食評當日評的是荃灣店適逢年三十晚 恰好又要通宵工作芝麻糊控又想吃糖水到處都收爐的情況下又不想花二三十塊吃個芝麻糊想起弼街贊和豆品 新年期間加收$3可以接受香滑淨芝麻糊 外賣($17)自己加了三粒寧波湯圓🤪幾小時後微波加熱 滿濃稠明顯有芝麻碎 有礙口感而且太甜了！吃了一半就很膩！當時還沒吃湯圓 不存在被湯圓影響甜度太過了😭OK是因為價錢性價比可以小編寫過好幾篇芝麻糊芝麻湯圓食評計劃來個芝麻糊巡邏在不同區嚐盡不同糖四舖🤣🤣

呢間店係荃灣食過好多次，行過花園街見到有分店價錢貴高荃灣雙併豆腐花 $7 可選擇薏米白果豆腐花、紅豆沙豆腐花、綠豆沙豆腐花、花奶豆腐花同芝麻糊豆腐花今次我哋就要咗啲芝麻糊豆腐花雖然只係七蚊但係芝麻糊嘅份量算多而且同荃灣比 芝麻糊更濃厚更足料但芝麻糊較甜，搶咗豆腐花香，但豆腐花算滑😄絕對 對得起個價錢芝麻糊 $8芝麻糊濃厚，芝麻香重， 甜度適中，8蚊黎講極抵！另外，仲有3 款糖水可添落豆腐花冰糖、桂花冰糖同鮮薑汁環境裝修簡單，可以企旁邊食

放工行過，非常口渴的情況下就吃了一碗凍黑芝麻豆腐花。豆腐花味道不錯，可能是因為配搭了黑芝麻的關係，豆味並沒有很強。但都非常不錯。質地方面，雖然是凍豆腐花，但口感細滑，有少許硬硬的口感。配上黑芝麻，整體感覺非常清爽，食完有一陣透心涼的感覺。7蚊一碗，好抵！

今日去新世紀廣場買戲飛聽日同朋友睇， 買完就返屋企食飯， 途經見到一間買豆花店排滿人， 見到外賣豆花都係8 元一碗所以就揀咗三碗唔同味嘅返屋企同家人分享。買咗佢住打嘅芝麻糊豆腐花，薏米豆腐花同埋媽咪鍾意食嘅桂花糖豆腐花。 個size都頗為細，但係食完飯食分量剛剛好。芝麻糊 味道好救命烈而且芝麻嘅香， 應該係自己冇嘅芝麻糊唔係用粉沖嘅， 係咪有一粒粒洋薏米煙煙韌韌好有口感, 媽咪話佢嗰個桂花糖唔係好足夠，桂花味唔出，似普通黃糖咁，有啲失望。 講咗咁耐完全未講過佢嘅豆腐花， 是的， 排隊排咁長隆係有原因的因為佢嘅豆腐花係畫到冇朋友我哋一路食一路爭雖然佢好細碗但係我哋都齒頰留香，慢慢，慢慢咁樣食， 唔係好捨得吞落去， daddy就覺得豆味好香 ，真心推介畀大家下次大家行過都買碗嚟試下啦。

今晚同男朋友係附近睇完狗仔🐕, 見到咁多人食豆腐花, 又忍唔住去整番碗試下🙈 我地叫左凍嘅普通豆腐花堂食, 鋪頭側邊有一d枱, 放有桂花糖漿同黃糖可以自己落, 我地兩樣都加左d☺️ 豆腐花嘅豆味幾重, 好滑而且`厚實', 食起上嚟有質感, 唔會一🥄就散🤔😊👍🏻 桂花糖漿嘅桂花味比較淡, 如果加埋黃糖食嘅話就唔算太出味, 但就咁食嘅話, 細心d咀嚼, 係會食得出的😊, $7一碗豆腐花小妹覺得真係幾高質嘅😊😊👍🏻👍🏻

花園街開左贊和豆花 ，特式豆腐花一律$7 ，有綠豆、紅豆、芝麻、花奶。各式其式，任你喜歡的配搭都是$7，見有幾人排隊買，應該不錯，我買豆腐花 ，很香滑，很有豆味，非常好👍吃。

話說同友人去旺角食飯, 回程遇中見到呢間豆花店, 之前都想幫襯喇~~~  但一般係飽到嘔咁濟, 難得尋日個肚仲有少少位, 咁就同男友GOGOGO啦!!!  男友叫左碗意仁石花, 超抵$7蚊雞, 我就叫左碗香草綠豆$13, 見到個樣, 其實覺得唔引好一般般同埋她係就咁係個雪櫃度(畢)出黎~~見有3個玻璃碗裝住3款野, 應該係芝麻糊, 紅豆及綠豆!!!  見到果陣已經有啲懷疑......乾唔乾淨架, 又無蓋, 就咁放入雪櫃!!!!碗綠豆講真樣子真係唔多吸引, 但味道又幾好味喎!!!!!  我全碗清晒, 至於男友碗豆腐花,佢就有啲白果係面幾好, 味道都唔錯~~~但估唔到係我地回家, 返到屯門....大家都肚仔痛, 輪住排毒!!!!!

今晚食完了一餐頗失望的晚餐，為了填補我心靈上的空虛，我決定去食過甜品補番數，最近係旺角弼街新開了一間荳腐花店，舖位開在巷旁邊 ，面積很少，故此不設堂座，不過舖面向巷位置設有一張長檯，客人可在此立食。原本想排隧買幾碗荳腐花返屋企，但輪到我時，店員居然問我試食了嗎? 下....試食 ! ? 唔係早幾日已經送完了嗎?  由於新舖開將，所以商戶實行荳腐花免費試食大優惠，原來推廣期延長了幾日。今晚我真係好彩，仲可以趕到尾班車享用到此優惠。除傳統的黃糖外，長檯上還放了三支調味品: 桂花 ( 很清香, 十分有桂花味 )、薑汁 ( 非常濃稠勁重薑汁味 )、冰糖 ( 清清地可帶出荳腐花原味) ，客人可因應自己的口味調配想食的味道。主角荳腐花很香滑，真係想食多幾碗，不過人地做生意要成本，冇謂再白吃，所以最終我都係自掏腰包買了三碗荳腐花外買供家人享用。執筆之時，優惠應該經已完結，不過 一碗荳腐花係旺角只售 $7 ，其實已經算抵食。依家仲可以唔使入到荃灣，就可以係工作地點附近食到，真係好開心呀

今晚和朋友因太早食完飯，朋友口痕想食一點點品，她知道這裡近排開了一間食豆腐花店，想去試下，但我晚餐食得太飽，本來我都拒絕了她的，但行了一段路又覺得應該可以食到，因為其實自己也很喜歡食豆腐花，行到店前，見到寫住七元一碗，還諗著試什麼味的時候，突然老闆娘遞來一碗豆腐花給我，還說＂免費＂的，我這刻好驚訝，點解會免費，後來聽朋友說應該是新開張，免費給顧客試食，如果在堂食就可以免費，如果外賣才需要付錢。我很開心的拿過碗豆腐花，這裡沒有坐位，只可企在旁邊食，跟著見到有三支糖水，一支是普通糖水，一支是桂花糖水，一汁是薑汁糖食，原來這裡是給客人可以任意調配味道，豆腐花很滑溜，好有豆香味，我三支都分別試了唔同味道，桂花糖水真的好有桂花香味，薑汁糖水帶有少少薑的辛辣味，但薑味好出，三款味道都很夾碗豆腐花的豆香味，一次過滿足晒我三個願望，真的是人生一大快事呢！後來朋友還買了兩碗外賣返屋企給家人享用添！這個價錢，這樣質素，真係沒有邊度可以做得到！

行經花園街見贊和有分店，馬上惠顧，豆腐花$7很香滑，有豆味，有薑汁糖水、桂花糖水、冰糖水和黃沙糖，自助添加，吃完豆花再叫多一碗芝麻糊$8真抵食，香滑濃。下次再經必再試其他食品。