超人燒鵝山西刀削麵

Open Now

Now Closed

真係未見過有啲咁嘅員工可以差到一個點！落完單可以要人等成半個鐘都算！重點遲落單可以先嚟野食！重要話自己員工脾氣好嗰下好野。。你咁嘅服務態度等執啦⋯⋯上水唔係得你一間有野食呀！清醒下先啦⋯⋯垃圾重要死撐話人哋落單先？真係好好笑！我睇住嗰個員工落完我張枱單先去人哋落單！跟著先至同我哋請叫嗰樣嘢啱啱得半份話叫我哋改半份其他野！如果人哋落單點解唔係問人哋先而嚟同我哋講先呀⋯⋯完全當啲食客白痴！咁唔鍾意做咪執咗佢囉！

同屋企人夜晚去食飯佢地叫左兩個燒味米粉 我叫左個刀削麵等左差唔多半個鐘屋企人都食完 我碗野都仲未到催單可以係唔覆既 再問先話等下有其他遲嚟過我既枱啲野都可以上左 但我都係冇之後廚房個個仲可以話個客唔明佢難處我都唔明你做生意 我要明你咩難處？同佢哋講唔食走 話佢哋有問題 之後叫人收聲唔好嘈唔想俾錢買難受就唔好食佢喇自己錯仲可以鬧個食客有病第一次見Btw 衛生都唔見得好好 啲燒味上面可以有堆頭髮都俾個客既 大家自己諗啦

上水開始多燒味店選擇，但有6寶飯的店，可能要出去九龍區，見報道(上水有六寶飯)，當然要試下。店鋪坐位不算多，我抱住BB，唯有叫外賣，過了食飯時間，問師傅有無6寶飯，現得5寶飯，叫我試下，師傅話足料斬燒味俾我。打開~~嘩(好多件燒味),燒鹅，燒肉，义燒，油雞，鹹蛋，菜燒味每款最少有4件，份量足料。雖然外賣，焗住一段時間)，回家~燒肉皮依然脆义燒(瘦义燒~啱我)燒鵝4件都大件皮燒得香脆油雞~雖然细件，但肉質鮮嫩最愛~燒味的薑蔥(師傅俾左好多我)整體~個5寶飯~(份量足，味道不錯)會再外賣(因座位不多)服務方面~斬燒味師傅(友善)，有食評話態度差，今次未遇到，臨走~師傅仲同我BB笑

諗住食乳豬。咁就打電話問吓。聽日幾點出爐？打咗兩次，冇人聽我打第三次打去之後問佢，佢話唔知個喎不定時跟住我就問咁，如果我聽日諗住過嚟之前早一個鐘頭問定有冇可能有呢？佢就答我可能一個鐘頭前有一個鐘頭後都唔會有我真係答你唔到個喎，可能聽日冇，但係又可能有今時今日咁嘅服務態度我理得你食完你啲乳豬曉飛真係唔好幫襯佢啦，咁臭串咁嘅服務態度，我仲要係好有禮貌咁樣問如果我落訂都可以連問佢幾錢一份，佢都話唔知㗎，可能100可能白衫可能一百幾你以為你賣緊海鮮、海鮮價錢？不如唔好做啦

更换一個老頭刀手后，斬到燒味賣相一點都不像人吃的，早上至中午更加不能買，全部都是昨晚的燒味再用加熱槍返燒，在這樣下去你叫超人坐喺度都沒有用，質素非常下降，已經沒有人排隊買飯。