越式美食

Open Now

Now Closed

啟豐商場老店之一，抵食之選，舖頭有分商場內（有冷氣），商場外（室外可食煙），平時唔多人排隊，菜式選擇多，出餐時間都好快。香茅雞髀飯 $42雞髀一分為四，用叉/筷子好容易食到，外皮香脆，但食落唔多肉汁，可以配上跟餐嘅蔥油或者酸汁去食，惹味開胃

🍜生牛肉湯米線 🍀🍀🍀🍀🍀🍀🍀🍀🍀 個麵底可揀米線、檬粉、河粉、烏東、拉麵或者公仔麵，而頭大我就揀左檬粉🤪等候時間算快，牛肉同檬粉既份量都好多，但牛肉既口感好鞋好韌😐湯底就似落左少少鹽用清水烚緊，仲有食食下有2塊細片既紙係碗麵入面😵‍💫唔係好乾淨～🥤珍多冰🍀🍀🍀🍀🍀🍀🍀🍀🍀 平時飲個啲較重椰奶味，口感濃稠好多🥲依杯算有椰汁味🥥但較水狀口感，而綠色既啫喱口感好硬，連小朋友都話唔好食😵‍💫🍀🍀🍀🍀🍀🍀🍀🍀🍀☀️整體而言，本身到啟豐諗住食第間越南餐廳，但間餐廳無開之下就選擇呢一間😐食物質素真心麻麻，衛生情況欠佳😟希望間餐廳有改善～

屯門越南食店不少，但 啟豐商場裏面呢間 我每次想食越南檬粉 我都會嚟呢度 。佢冇好高端嘅裝修 冇好多服務員嘅招待， 但係如果坐戶外區 佢有好靚嘅180度海景。食物方面…如果你要食好靚嘅越式牛肉湯河。咁你唔好嚟呢度啦 … 但如果你想食一啲非連鎖店，而係一啲老裝修老店嘅風味 ，加上海景呢度啜得你嚟體驗。蒲頭油… 兩個公公同婆婆 ～開咗好啲十年㗎啦 一路都係默默地經營喺啟豐商場裏面都算係老點 佢哋冇好浮誇嘅食物 係全部都係好實在嘅…好似雞扒凍檬咁…涷檬系佢地招牌菜之一， 每坐客人都必點项目佢唔會話畀你聽仲好靚嘅料但係雞扒每次都係92嘅 …檬粉上面有花生碎 生菜是同埋半上一次越南嘅特色酸醬汁…層次分明…淨係呢個我應該得值90分啦！香茅豬扒飯都係多人食嘅 …其實係冇乜特別嘅 但係亦都係一啲老店嘅味道 好食但亦都唔會好好食… 都系果句 …支持一啲老店 不斷小店… 唔使畀曬大集團連鎖店 壟斷！第時想食都冇得食呀！！

一間好細間嘅越式餐廳，得兩位上左年紀嘅夫婦（估計）喺舖頭度做，佢哋得閒嘅時候會同啲食客傾下計，令我覺得好有住家飯嘅feel。呢度嘅嘢食唔錯，豬扒同雞翼都好味，而且價錢好平，廿幾三十蚊有交易，不妨一試。

第一次在啟豐商場地下搵食。平日多數去二樓的聯邦飲茶，但當天星期日人太多，所以就在地下覓食。本想到李錦基食燒牛肉飯，但沒有位子。看到這裏有位，是室外的位置。天氣也涼爽而且室外靠近海邊，也另有一番風味。叫了雞翼扎肉湯檬和豬扒扎肉河粉連野飲。味道不錯份量剛好。檸檬也夠多亦新鮮不苦澀。在假日，$39連熱飲這個假錢也不貴

越式美食位於屯門碼頭附近，晚上可以於室外 露天茶座位置，停放單車對於單車友來說十分方便。 先唔講食物老闆係一位應該年過60嘅阿伯， 算係幾熱情同埋好有禮貌。 聽到隔離枱用唔純正嘅廣東話點咗個面嘅時候竟然問可唔可以免費搭兩條菜個阿伯竟然話冇問題。 我哋入座嘅時候啊伯聽到我哋話風扇吹唔到我地，佢即刻搬開曬啲嘢咪咪把風扇吹過嚟。講番啲食物份量相當大份， 食咗一個家鄉炆豬手同 香茅豬扒雞翼凍檬， 個炆豬手味道都算係幾特別 但係 有一半係肥一半係瘦 好在啲肉係肥瘦分明。 個豬扒雞翼凍檬啲矇粉超多佢哋嗰個魚露汁比一般嘅淡味少少， 豬扒雞翼應該係唧唧都幾香口。 飲品都算係大杯食物連飲品平均大約50蚊一位消費。

聞說遲d會有一條連屯門-機場既公路 雖然公路未起好 屯門南呢d鬼地方樓價已經破左幾次頂今日我地勇闖屯門視察今次食呢間小店係商場一樓 行出幾步就係海邊 可惜夜晚超級大雨 我地打消左坐outdoor既念頭生熟牛肉河牛肉份量足夠 大大碗 但總括而言只屬作品腸仔雞翼飯對於呢類碟頭飯 唔會抱太大期望 但係試完真係有驚喜 有別於普通既燒汁 蒜汁 呢個source多左一份越南香料味 令人耳目一新我會俾人情味位 話說小店計埋老闆有3個人:老闆/大廚，老闆娘同一個老到可以做我亞婆既亞姐人多既時候大家都忙到踢哂腳 好多野出唔切有幫襯左好多年既食客亞姐幫手傳菜 而街坊食客亦都好體量只有小店先會出現既人情味 串，如果呢個情節出現係外面既餐廳 只會媽聲不斷總結雖然不是食過最好味既越南野，呢類型既小店好值得大家多多光顧將來公路起好 唔知大業主又要加幾多倍租呢

在附近參加完活動，又到午飯時間，介紹來這啟豐商場，內裡是舊式屋村商場，未有領展味，反而可保留特色及平民價，十幾間餐廳選了這越式美食，越式酸味令人開胃，放棄了越式名店，簡單食個午餐，但很驚喜。店內得幾張塑膠枱椅，簡單到不能再簡單。姨姨見我們有小朋友，推介我們吃炸薯條餐，中午吃薯條餐，不是下午茶才推介嗎？我點了香茅雞脾飯，應該只有一隻雞脾，就點多一個雞脾薯條餐俾阿女，免得爭輸雞脾要食白飯。先來了滿到瀉的豬手牛腩辣湯檬，老公見咁大碗咁多料已主動叫我試下，豬手多肉，牛腩都好多肉好腍，一座山的肉叫人驚喜。香茅雞脾飯為你細心的切開了，附上大量的葱花及越式酸汁，真係錦上添花，又可以食多些口味，香茅雞脾當然又脆又好味，但加上蔥花又可變成蔥油雞脾飯，酸汁又可醒胃，滿足了不能叫撈檬又可以食酸汁的失望。飯很大碟，可能俾附近學生，$32的學生餐，(學生餐$32, 抵), 食量少可以叫少飯，但又有蔥油又酸汁，很易KO.阿女的炸薯條來了啦，很大的雞脾呀！很多的粗薯條呀！隨便的薯條餐已有大雞脾，同香茅脾當然兩種款式，食自己隻脾都飽，冇同阿女爭脾食，所以連隻脾都係食唔哂打包的。咁多薯條，阿女選著薯條，這條長，這條脆，

今日出完街，3點左右開始肚餓，而且之前未食午飯，返到碼頭即刻搵野食。這時候很少人食，我們二人坐了出面可以睇下海景，點了兩個餐一齊食。1. 咖哩豬扒蛋飯：個飯比較爛，個咖哩汁幾香，偏辣，汁算多，煎蛋有流心黃😋，豬扒幾香口，可惜份量太少。2. 香辣雞翼牛腩米：米粉好散好碎，牛腩好硬，不過最好食係雞翼，好有越式香茅味，個汁好正，我見好多人都點香辣汁，仲要加辣。3. 餐飲杯熱奶茶沒有茶味，淡淡淡。

去完海翠坊行街， 就順便過去啟豐搵下野食， 見到呢間野都幾多人下， 心諗應該ok啦， 點知就出事， 撈檬可以無味， 豬扒勁硬， 雞扒無味， 兩碗野加埋春卷， 兩杯野， 仲要有一個係餐黎既， 咁就$124埋單， 呢餐真係食得唔鋸， 比得唔爽呀， 絕對冇下次

本來去赤丸製麵所dinner ~但太夜去....已經開始收工....黎呢邊見呢間仲未收~試下啦 春卷湯檬,湯底比較淡,春卷熱辣辣脆卜卜,正!! 咖哩雞翼湯檬,咖哩汁另上,夠辣夠濃味,雞翼炸得唔會太乾,正!!所有野連埋兩杯檸茶都好大份,埋單$61 ,抵,下次唔知去邊食,可以再黎=v=

佢d野食呀真係不知所謂d豬扒叫佢做豬肉干就差唔多又黑又干d雞翼又係黑色地d野又貴~中午食飯時間,間間都冇位得佢有位你就知la飲乜野青檸茶先係+2蚊其他野食+5蚊~你自己睇下佢d相好明顯係佢自己影~d食物有冇咁靚呀~你去過你就知請我都唔去~我係屋企食公仔面算

30-6-2007 1719黎到屯門碼頭，雨還有少少，還未夠時辰食晚飯，先黎個下午茶，平時我一定食凍檬，不過今日轉轉口味，叫了碗生牛河，本來想叫凍啡，但因為係越式，要加5蚊，最後轉左凍奶茶，只需加2蚊。份量會比一般的大，先飲湯，冇乜特別，有點似我地去一般茶記潮式粉麵湯底，牛肉半生熟，合我口味，有少少牛味，不差，河粉有淋左少少，都接受得到，配料如半生洋絲及芽菜絲都不少，之後幫佢加左指天辣粒及青檸汁，咁就完美。如不是份量多，呢個笑臉真係好難俾到。

週日兩口子去逛屯門海翠坊，然而可逛性很低，場內亦久奉吸引我的食肆。離開商場去到海邊，驚覺碼頭一帶有不少小小食店，不但坐擁優美海景，而且十分抵食，即試!　當中選中這間吃越南菜的食店，二人分別點了香茅雞翼札肉湯河，以及漿爆牛丸凍檬。以上食物連同一杯(細)酸梅湯才每款$22；如轉飲青檸冰等才加$6，如此超值套餐且是全日供應!抵食得沒話說了。　而最緊要的，是味道也不錯：札肉十分可口，吃得我意猶未盡；湯河會較淡，若加添少許辣醬就滋味得多；漿爆牛丸口感與味道皆好；最欣賞凍檬，有大量生菜片、青瓜絲及花生粒，味道非常清新怡人!大大的兩碗河/檬，吃得兩人飽飽。　至於飲品的酸梅湯，清清的很解滯；又轉了青檸冰，大大杯飲到完全滿足。　還有，當日天氣很不錯的，只是小妹set錯場景，才令天氣顯得陰沉。沒緊要，我買了新DC了，以後的食評應該會有更美的插圖；反正小店如此好味抵食，下次再補一張靚相給你!