越蘆越南牛肉粉 (Closed)

今日同朋友喺呢間餐廳食午餐，平心而論野食唔太差，食得飽。可惜姓(黃/王)男員工態度太惡劣！我係一名孕婦，唔飲得凍飲。如果情況許可的話，有得凍飲走冰的話，我係會走冰再攤凍。而今次喺呢間餐廳落order嘅時候係有得嗌走冰，間餐廳嘅電腦單都顯示到「走冰」。但飲品到枱嘅時候，有好多冰。於是同(黃/王)男員工表示我哋落單時係走冰，點知得到嘅回應係「凍飲無得走冰㗎喎」、「大肚就唔好叫凍飲」、「凍飲無冰咁樣違反商品說明條例」其實回應客人講一句:「唔好意思，我地做唔到」就得，點解態度可以差成咁。臨走再同收銀嘅員工反映呢件事，得到嘅回應竟然係:「咁你哋想點？」我想講嘅係…作為服務行業應該要有基本禮貌同尊重。

天氣熱 正常人都想凍飲因朋友係孕婦 所以落單嗰陣已經問可唔可以凍飲走冰 當時嘅侍應話可以 我地先會講凍青檸紅茶一杯走冰結果野飲上枱時見到杯野咁多冰 咁好自然都會問個侍應：「我嗌左走冰，你張單都有寫喎，我朋友大肚飲唔到太多冰」貴公司嘅Wong姓男侍應竟然可以當面同我地講「無走冰喎，凍飲邊有走冰」「俾3蚊嗌凍飲就緊係有冰」「大肚婆唔飲得凍野就食熱野吖嘛」唔知貴公司嘅員工係咪都覺得咁講野係無問題？一句道歉或唔好意思都無句？你張單識得印「走冰」兩隻字嘅，無得走冰咪講囉，係咪好困難？食物質素幾好都無用 服務態度極差無禮貌 不尊重客人 睇番張單原來仲要收服務費是次用餐經驗十分失望，永遠都唔會再光顧。

越南菜之中最受大眾歡迎相信 pho 會佔一席位，這種河粉佐以生芽菜、香葉，並配上切片牛肉或雞絲食用，口感嫩滑且味道鮮美。今次經過就試下呢間越菜餐廳，午餐時間已坐滿食客。點餐十分鐘終於上台。生牛肉牛丸湯河隨手擠些少青檸汁，撒點指天椒，湯頭鮮甜濃郁，滿滿的牛骨香氣，河粉細白如絲，輕輕一啜就滑入喉頭，好味😋保寧雞絲扎肉湯河雞絲嫩滑無肥，扎肉混入豬耳胡椒粒，爽口惹味！有一種吃不膩的清爽味。👍🏻跟餐香茅鮮橙茶及越南老薑蜜，推介老薑蜜，去斑、抗衰老仲有美肌一流😃

#breakfastforlunch, #teafordinner, #fortresshill, #Northpointafternoon early off and find something to fill the spot waiting for a pick up... search around the area and wauted to go to thr popular local restaurants nearby. of course it got a long queue and we did not hv patience for the line, so we jumped into this, without any expectation. we love it

呢條街出名多嘢食，呢間舖頭位於轉角位嘅當眼處，六點半嚟到唔使排隊就可以入去！炸豬扒雞湯河粉炸粉係經過處理，食落去脆卜卜之餘仲甜甜地，豬扒好鬆脆同埋好多肉汁，但係質素唔係好穩定，同行有人嘅豬扒係大塊啲同埋豬扒嘅口感鬆脆啲，所以都好睇運氣雞湯頭一啖覺得好濃味，之後食得耐就覺得鹹，最後差唔多半碗食唔晒因為太鹹同行朋友叫咗個炸豬扒撈檬，豬扒明顯大塊啲同埋多汁啲越南雞翼係甜甜地㗎，嗰個炸粉有少少似炸豬扒嗰個，不過味道再甜啲，但係食完碗炸豬扒雞湯河粉覺得所有嘢都差唔多味道

今天，天陰落雨，整個上午灰灰沉沉的實在令人煩悶，可能受心情影響沒什麼胃口。朋友推介炮台山附近的越南餐廳，門口電子取票機取票後等了10分鐘左右。朋友貼心地為我選了個雞絲扎肉湯河，他自己就選個蕃茄牛腩湯河。普寧雞絲扎肉湯河，扎肉夠爽口，雞絲嫩滑有雞味，湯底清而不淡，再配上洋葱和金不換，的確令人醒胃！朋友點的越式蕃茄牛腩粉，湯底蕃茄味夠濃厚，牛肉鮮嫩可口，加上越式配菜，可說是味覺的大満促。越南菜，有濃味也有清淡啲，各有千秋。

中午放飯時份，餐廳坐得滿滿。侍應生特地替我找個不當風嘅位置坐，很細心。點了香茅豬扒湯粉，跟餐可免費點一款熱餐飲，點了咸檸檬柑桔水。先上飲品，很豐富嘅咸檸桔味道，杯底還有一些沉底嘅檸桔碎，味道清新。香茅豬扒份量很多，可惜吃不出香茅味道，只是普通一道炸豬扒。但肉質尚算軟熟可口，有一小角青檸提供，記得唧上青檸汁與豬扒同吃。河粉浸在雞湯中，河粉幼滑可口，跟香葉伴食更一流。侍應生來回巡視客人需要，工作效率勤快。

呢期多咗買外賣，先發現呢區有好多餐廳我都未食過，要一一發掘下👀 今次輪到食越南野喇！餐廳環境闊落，但我喺門口睇食咩時，唔知點解勁多蚊嬲住個餐牌🥶下午茶時間好特別，14:05-17:55，第一次見到個時間咁伶仃😂 選擇有粉有檬有飯，價錢由$42-$52不等，包熱飲一杯，分量係正餐分量，啱哂遲食午餐/早食晚餐人士。另外可以以優惠價追加小食一款！❤️ 生牛肉牛丸湯粉 $46攞到返去個湯仲好夠熱，細心位係外賣會淥熟啲牛肉先，好多餐廳外賣都係照放生牛肉，但攞番去啲湯唔夠熱整熟佢。可惜肉都幾鞋幾乾，牛味都唔重😕 牛丸有三粒，正常彈牙，都係牛味未夠重。粉就正正常常啦。不過價錢上真係好抵，午餐價錢係$66，下午茶足足平咗$20！好食度：⭐️⭐️✨ (2.5/5)❤️ 酸辣鳳爪 $28 (追加小食)鳳爪同酸辣汁係分離嘅，所以啲鳳爪都幾白，唔可以即刻食，要浸一陣汁先🤫 佢分量都幾多，有5-6隻凰爪，浸完汁後嘅鳳爪都好夠味，咬落爽口。好食度：⭐️⭐️⭐️ (3/5)餐廳推薦度：⭐️⭐️✨ (2.5/5)另外，我叫咗少冰檸檬茶但有半杯都係冰😶啲食物不過不失，咁啱喺附近又諗唔到食咩可以考慮吓。

有日行過炮台山附近見餓餓地，突然想吃D粉麵，見到間越南餐廳就入去試試。裝修顏色配搭唔錯，採光度就夠高。下午茶餐D粉麵款式豐富送熱飲。我叫咗個香茅豬扒金邊粉，原本係河粉要改粉麵落單時同侍應講就得，可加錢加大粉麵個份量。個粉一上檯，我習慣先試個原湯底，個湯底鮮甜夠晒濃，之後再加埋D青檸同辣椒湯底又係另一個層次。香茅猪扒炸得啱啱好，香脆，肉厚味濃好好吃美中不足係D金邊粉比較散同唔夠彈牙，要扣D分(野飲一般般無咩特別～大家行開個不防去試一下

越蘆牛肉河🐂$72-唔知大家有無食過錦麗！呢個牛河我絕對可以話係8成似！湯底超級濃厚濃郁牛骨🦴味道，清但又好濃！牛方面有生牛肉片、肥瘦分明既牛腩片、超級彈牙🦷味道濃郁既牛丸、黑牛柏葉爽口彈牙😍配上香葉🍃推薦！鮮茄蟹膏蝦丸湯濛🦀️72-我見識少表示完全唔知道越南蟹膏原來食落係似豬肉碎🐷撈勻後蟹膏蟹肉🦀️完全消失得無影無蹤，食落完全無蟹味。欣賞湯底濃郁充滿新鮮蕃茄，配菜既洋蔥都好香口🧅，蝦丸無蝦味🦐，肉質較霉不彈牙🦷蜆港蝦餅🦐$76-8️⃣大粒炸到脆卜卜，只可惜原來同上面蝦丸肉質一樣，入面非常那個霉，食得出只係炸過同無炸分別。-椰汁三色冰🥥$28-椰汁🥥沙冰好輕飄飄唔會太過偏向沙冰，溫馨提示內有紅豆碎。

朋友介紹我到北角食呢間越南粉佢哋話食過好多次，好好味🌝去到咁岩趕得切下午茶😲$54食到個越南粉好抵👍👍叫左個combination 即係咩都有😋牛肉份量多，生牛肉有三至五塊牛丸有兩粒最搶眼嘅係牛柏葉，非常原始👍黑色冇漂過湯底牛味濃郁，係有少少油，可以接受嘅👌🏻仲叫咗個炭燒豬頸肉🐷燒到好香，每舊都好大塊再想追加嘅時候，已經過咗下午茶時間，價錢貴一倍，所以就冇叫啦😂😂所以下午茶時間真係好抵🤣👍

👩🏻‍💻難得入到嚟北角，點都要食埋個🍜晚餐先返去😋行咗陣，就入咗呢間越南菜到食，最近越南菜都食咗幾餐，可以堂食當然要慢慢嘆😋👍🏻堂食加1服務費🥘保寧雞絲札肉湯粉 HKD$62🌟大大碗🍜上檯陣陣雞湯香味撲鼻😋芽菜唔多，河粉掛湯，每一啖都好美味唔會太咸😋札肉有黑椒粒在當中，味道豐富👍🏻🍹鮮椰青 HKD$38🌟真係好鮮甜🤤椰水清甜滿滿😋細滑嘅椰肉都好易用湯匙🥄取下😋不知不覺食椰肉食飽咗🤤💕必點💯飲品👍🏻👍🏻

來到八月中，已經過了立秋但今日天氣還是有成34度，好熱啊！🥵🥵 理所當然到附近餐廳吃飯。見到越蘆的茶市餐牌幾抵食，餐廳又坐得鬆動，就入去試下。我叫了香芧牛肉撈檬配凍越南滴溜咖啡☕️，order大約5-10分鐘後，食物便來到。牛肉佈滿半個碗，上面有一些花生，增加口感，青瓜、生菜，加上汁一起混合後食，酸酸地夏天食非常適合，可惜太辣了，似乎不是我可以接受的辣度。滴溜咖啡加上煉奶，倒在冰上，好好飲。😃同行友人食生牛肉湯河，外觀上唔錯，味道亦幾好。 綜括而言，這間餐館是不錯的選擇👍🏻🤗

放工後搭車落去砲台山買些東西， 本想趁著右下午茶時間， 好好享受一頓越式下午茶。 但掛住行街街，不經不覺 已經過了六點鐘， 既沒有堂食又沒有下午茶。 只好order了正價晚餐。餐廳環境闊落裝修舒服， 不過 因為限制令 所以冇得堂食😂😂 我就最鍾意食都 東南亞菜式， 酸辣香口嘢食最惹味😋😋會安烤豬頸肉🔥豬頸肉烤得香氣十足， 肉質鬆軟有肉味， 肥瘦適中， 經過燒烤的豬頸肉非常美味， 配上特製醬汁再更加完美。順化香茅豬扒撈檬🥗🍖另外嗌咗啲澱粉質食物， 檬粉爽口， 再加埋青瓜絲、蘿蔔絲、薄荷葉、青檸， 再加上檬粉汁非常清爽。 香茅豬扒份量十足 ，醃得夠曬入味。

This is a typical Vietnamese soup noodle, raw beef slices. Since the beef is extremely thin and fresh, it is cooked by the soup easily. The lime juice makes the soup very delicious. And the portion is reasonable . The peice is about 55 dollars. I love chewing the lemon grass and eat them all. Yes, and I take a bite of grass while eating the noodle. Dont waste the ingredients!!! They are super good.