車仔麵皇 (Closed)

一心諗住買海味過年， 路經此地， 眼見有車仔麵鋪， 喺外面睇都坐滿晒人， 一於入去試一試！真心覺得幾好食喎！今次叫咗油麵， 生菜，牛腩， 蘿蔔同魚蛋！仲有小食炸雞翼！特別推介炸雞翼同蘿蔔！試過出面食嘅蘿蔔係冇味㗎！佢D 蘿蔔整得好入味！牛腩又夠淋同瘦， 啱晒我口味！魚蛋又好彈牙！再加少少辣。。。嘩。。。 辣汁真係好夠辣！唔食得辣真係唔好試！而炸雞翼炸得外脆內嫩剛剛好！Menu有60 幾款餸揀， 款式都算多， 同埋有好多小食揀， 下次會再試！值得一提， 碗麵都幾大碗，抵食！

好唔理解點解咁難食。一碗簡單嘅車仔麵，唔夠滑，食物種類唔夠。咖喱唔夠甜，魚蛋又太硬。最主要係裏邊比較嘈吵。很難同朋友傾計。仍然有好多進步空間。幸好的是奶茶好飲,有茶味道。鄰近地鐵站。也算方便。下次都會去。

我是西營盤街坊，睇住呢間舖開業。前後幫趁了3~4次，祇可說一次比一次差。頭2次點三餸米線中辣，餸尚可但米線浸到糊咁已無咬口，中辣辣到噴火！所以已有半年沒進去。今年想食車仔麵又不想上高街咁斜，便再幫趁多次，點了米粉(無咁易成糊狀)2份豬腸/豬紅/生根，小辣，凍奶茶共$55。米粉正常，拌勻湯/粉後飲半更湯，祇覺喉嚨像火燒一樣，淨辣得來全無其它香料味，豬紅鹹得來像是鹽醃製品，豬腸有陣異味，生根祗有三件！雖然啊姐幫我加湯減辣，但整體質素太差吃了半碗便放棄。相信唔會再光顧了！提一下，啊姐嘅服務態度尚算好。

收工趕住workout食唔切野番到屋企掙扎食唔食野都係屈伏左落樓下搵食首先見到好光既7-11然後見到buy back既點心同呢間車仔麵其實如果外地旅客黎香港要食特色野，除左三哥、點心、吉魚蛋、大排檔、熟食中心之外、都應該要食埋車仔麵。西營盤有味道好唔錯既車仔麵-高街麵霸、但開太晏山太早同係長命斜上面好難食到；鵝頸橋街市又係排到傻；好多d好多人話yum但真係唔幾食得出邊一part yum :永年、車仔麵之家。咁講番呢間車仔麵、山12點、近海味街、平、亂咁叫3送另小食有埋野飲先$55、員工夠多、服務態度好、肉眼見廚房都乾淨無積、咁味道呢⋯⋯但可以每樣配料都無味（由魚、老水蛋）、豬腸酸既、小食雞翼咸到呢⋯⋯但街坊唔自煮、唔貴唔想buy back 都ok gei