輕鬆飲 (Closed)

之芾同朋友一起去買我買平時飲開的珍珠奶茶...今次的茶味好過之前了...有一段日子他的茶味有點淡了...這次回復正常我朋友買了咖啡冰沙少甜一試之下驚為天人咖啡味好濃......不過飲完之後舌頭就痺了............好冰.....

自從知道旺角有輕鬆飲之後每次黎呢mk都會飲番杯~今次試左"巧克力奶茶+波霸"少冰少甜,今次呢杯少甜正合我心意,而且味道好,只係少左奶茶香味,13蚊700cc真係好抵飲~大熱天時整番杯即刻降溫~唯一係要排隊等拎好耐,不過醒目o既我買左之後會周圍行下先去拎飲品~大家不妨試試就唔洗又熱又逼啦

今日掃街之前經過呢間輕鬆飲，立到招牌寫住一杯有700cc，大大杯兩個人飲岩岩好喎！門口又咁多人，未睇過食評，但估佢應該唔錯，決定轉頭返黎。味道：今日買左「招牌波霸奶茶」　　　買果時佢有問要唔要少冰少甜果d，但第一次飲，就冇要求。　　　飲落口好似甜左少少，不過唔緊要啦，下次先叫少甜。　　　珍珠好有咬口，好飲呀！環境：舖面好細，背景音樂係台灣ge流行曲！服務：好多人係門口排隊，落單個哥哥好快手，好快口。　　　但唔係木口木面，有笑容，所以買得好開心　　　等野飲就有d耐，但可以理解，太多人客了吧？衛生：唔算好污糟，可以接受。抵食：10蚊大大杯700cc珍珠奶茶抵唔抵？　　　仲有得儲印花夠十個換一杯20蚊以下飲品！一定有下次呀！

聽d friend 講好好飲.. 所以同女朋友仔去試點知一去到條龍鬼死咁長..咁但係又想試咁無計啦..排到了.. 兩個都叫左波霸..杯野真係好大杯..但味道我覺得真係唔係話好突出果隻.唔太worth 排咁耐..所以只去左一次就繼續去番檸檬仔飲烤珍珠~~

輕鬆飲,我由佢唔多人果陣已經幫襯...但唔知點解,家陣變左好多人,次次都要排長隊@@''可能一開始成日幫襯既問題,同你地所講既肥仔都有傾開兩句,不過幾陣多咁多人,想傾耐D都唔得.飲品方面,最大既改變係無左細杯裝,家陣既大杯裝,講真,我一個人飲唔晒...至於水準,其實我覺得幾唔穩定下,之前無乜人果陣仲好D,但我家陣次次飲親都好甜@@''(已經叫左少甜)珍珠,我比較鐘意細珠,呢個都仲可以保持水準新出無耐既奶酪,口感好滑,有少少似布丁既感覺,但味道方面,比較淡,通常比杯飲品既味道搶晒

今日去左呢間店到諗住飲杯野，離遠已經見到長長既人龍。排完隊買到仲要等叫number，可見呢野店係幾受歡迎。我要左一杯招牌珍珠奶茶，$10、700cc。以呢個價錢來講簡直超平，真係大大杯。味道上就一般，d珍珠細粒左少少，但都幾多，無乜偷工減料。服務來講，我遇到果果個肥肥地既員工，佢做野快手快腳，服務態度良好。整體都算不錯。

呢間野日日都大排長龍,可以話係呢排掘起得最快的飲品店。我都幫襯咗好耐,而家講下我既感覺。幫襯咗都差唔多半年,我發覺呢間野D水準好參差,粗略估計,我幫襯過不下於40次,D奶茶有時好有茶香,但有時又變咗水溝奶,不明何故。不過呢間野都幾有創意同誠意,耐唔耐有新款出,張集點卡又冇限期,幾時儲都得。不過D款有時太怪,不太敢試.....................衷心希望佢D品質能控制得緊一D個收銀通常係一個肥仔,落單落得又快又好,又會問你要唔要少甜少冰,服務態度值得一讚!!不過有時係一個長毛,呢個就差D,有時找錯錢,仲糊里糊塗,仲咩都唔知,年中可能蝕唔少..........

見到好大人圍著咁就買杯試下啦買左杯珍珠奶茶 夠穩陣啦點知一飲....得個甜字...冇茶味D珍珠又麻麻喎不過...佢真係好平既........十幾蚊勁大杯不過我想要質素多D所以去呢間野唔會再有下次

飲左個波霸奶茶十蚊雞對佢冇乜特別期望唯一就希望個奶茶個味道真係似返奶茶果日好口渴,都走去排隊買排排下隊俾隔離鋪個阿姐嘈...等左一陣飲品到手飲第一啖,我自己都唔知自己飲緊乜糖水加奶加色=奶茶?珍珠,同其他店冇分別特別稔滑軟熟?真係完全唔覺

一直都不明白點解咁多人排隊!終於有一日放平日又出開旺角...當然唔放過o黎試o下啦!要試...當然試佢最普通o既o野奶茶!(不過!因為我成日都食唔晒o的珍珠...所有就冇加)我最欣賞佢可以揀冰分量,甜度等等!最後我就要o左小冰,冇減甜!雖然我已經係平日下晝o黎...都等o左15分鐘!等到有o的發呆終於都拎到我杯奶荼!$10分量好大!不過!我個人覺得茶味唔算太濃...而且茶底亦唔算特別好...不過亦唔係差,但係對我o黎講奶味又過重!所以整體o黎講冇咩驚喜!亦冇意欲會再買!特別要排咁長龍!你問我...如果有得揀小奶就好!我相信喜歡飲奶味重o既朋友會欣賞依度o既奶茶。

滿心期待的排隊買了杯草莓奶茶加波霸1見到d茶既顏色已經唔想飲 1睇就知無乜草莓味 勁粉紅色1飲 嘩 我飲水好過 飲1次就夠 元朗街邊似乎好飲d囉

我由佢無人排隊既時候已經開始幫襯佢. 令我開始襯佢既係我以前只係係台灣飲過一次既梅子沙冰. 呢款超酸and唔係咁大眾既野飲我係台灣飲左一次之後回味無窮, 但係係香港搵左好多間都無得飲. 終於比我係呢間野見到. 梅子沙冰加大珍珠係我既最愛. 為左佢, 而家每次飲都要at least 排20分鐘先有得飲.不過以前有大細杯之分. 而家得番大杯. 又貴左飲唔晒又浪費.

十幾蚊飲到一杯700cc既飲品其實真係好抵飲..相比起仙x岩,x留山個d真係慳好多錢..但最慘既係每次都會大排長龍..有次想去飲時竟有成30人排隊..排左好耐郁都唔郁..唯有放棄啦叫野飲記得小甜呀

第1次飲已經覺得唔似奶茶似飲煉奶水多D又甜又冇茶味以為係冇叫少甜少奶先係甘第2次再俾多次機會佢la...少甜少奶但發覺same as the first time !!!其實好多人都話叫少甜都一樣甘甜有冇諗過佢其實齋問冇做ga lei?!我對此深感疑惑加上珍珠欠缺咬口雖然價錢吸引但點平但唔好飲就駛係假!街頭奶茶還是由仙跡岩集團ge happy lemon好雖然貴D但都值!大家唔好再俾700 cc 蒙騙飲食係要重質多過重量ga!!

掃完肥姐小食店 沿住條街繼續掃埋Easy Drink又係排哂長龍呀!!買了一杯波霸珍珠奶茶波霸珍珠奶茶同普通珍珠奶茶的分別..波霸珍珠奶茶的珍珠較大粒 所以選擇左呢個貪有口感 =)的話好底飲 700cc一大杯 只不過係$10珍珠又夠多 有口感 茶味夠呢到款式又多 服務還可以叫好 因為那麼多人之下 亦沒有混亂DRINK的情況對於為食仔來說 他很愛這裡最愛就是飲咁大杯因為佢係DRINK怪 哈